Die Speaker van die parlement het aangekondig dat ‘n ad hoc-komitee ingestel sal word om te handel met die verslag van die Openbare Beskermer oor Nkandla.
Die veelparty- ad hoc-komitee van 12 lede sal president Jacob Zuma se reaksie op die Openbare Beskermer se Nkandla-verslag bestudeer en voor die verkiesing terugvoer gee.
Thuli Madonsela, die OB, het onder meer bevind dat Zuma en sy familie onregmatig baatgevind het by die opgraderings van 246 miljoen rand by sy privaatwoning
Verskeie partye het na die bekendmaking van die OB se verslag vir ‘n openbate debat sowel as vir die instelling van ‘n ad hoc-komitee gevra
Die ad hoc-komitee sal sowel die antwoord van die president oor die Nkandla-verslag, asook die Proklamasie wat die Spesiale Ondersoekeenheid se ondersoek gemagtig het, nagaan.
Die Speaker, Max Sisulu het Woensdagaand in ‘n verklaring gesê hy het na raadpleging met die hoofsweep van die regerende party en die hoofswepe van ander partye in die parlement besluit om die komitee ingevolge die Parlementêre Reëls aan te stel.
Die komitee sal bestaan uit 7 ANC-lede, 2 DA lede, een lid van die IVP en een lid wat die ander partye verteenwoordig.
Die Parlement sê die komitee se sperdatum vir terugvoer is 30 April. Zuma het verlede week op die Openbare Beskermer, Thuli Madonsela se verslag gereageer.
Die parlement sal byeen geroep word om met die verslag te handel nadat dit ingehandig is, voor die verkiesing van 7 Mei 2014.
Opposisiepartye sê die ad hoc-komitee moet reg laat geskied aan die bepalings van die Grondwet, en toesien dat die parlement en wetgewende gesag hulle oorsigrol oor die president en die Uitvoerende Gesag na behore volvoer.
.
Ek is steeds van mening dat hierdie anderskleurige president van Suid-Afrika ‘n leuen vertel ten opsigte van die opgradering, ens. van Nkandlagate en dat hy en sy familie onregmatig baat gevind het met die opgraderings.
Of daar iets met Nguni gaan gebeur is ‘n ope vraag soos die aantal sake hangend en van die sake wat nie die binnekant van ‘n hof sal sien, val hierdie Super Kraal ook seker in daardie kategorie.
Nog ‘n kommitee wat gaan sit en geld kos waarvan die uiteinde gaan wees dat die hoofman geregtig is/was op hierdie dinge….
Dit is ‘n feit Rooikop – dit is hulle tradisie !