‘Alle tale behalwe Engels moet uitgefaseer word’

Patrick Fitzgerald
Patrick Fitzgerald

Die Pan-Suid-Afrikaanse Taalraad se uitvoerende hoof, Daniel Thokoane wil hê dat leerders tot op tersiêre vlak in hul moedertaal onderrig word.

Hy het tydens ‘n seminaar vir die bevordering van inheemse tale by die Universiteit van Venda gepraat. Hy het die Universiteit van Zoeloeland geloof omdat Zoeloe ‘n verpligtende vak vir alle eerstejaar-studente is.

Thokoane meen alle ander universiteite moet dié voorbeeld navolg.

Die voormalige administrateur van die Universiteit van Limpopo, Patrick Fitzgerald het in teenstelling hiermee gesê alle Afrika-tale by die universiteit moet uitgefaseer word omdat dit nie bemarkbaar is nie.

Fitzgerald was vir ‘n tydperk van aanhouding onder die voormalige regering, en in ballingskap as ‘n ondergrondse lid van die ANC. Hy beklee tans ‘n hoë posisie by die Universiteit van die Witwatersrand as vise-kanselier.

Hy het binne die ANC-strukture in Botswana, Zambië en elders die stryd teen Afrikaners gevoer. Gedurende hierdie tyd het die ANC hom na Liverpool Universiteit gestuur om sy meestersgraad te doen in Openbare Administrasie en Bestuur.

Fitzgerald is ‘n geswore Afrikanerhater en ‘n vertroueling van die Brits-gesinde Pallo Jordan asook Tokyo Sexwale. Hy spits homself toe op skakeling tussen die ANC en groot sakeondernemings.

24 thoughts on “‘Alle tale behalwe Engels moet uitgefaseer word’”

  1. Die vlak van analise by Beeld is besonder laag, maar die arme siel dink hy werk by “meningsvormende” koerante terwyl hy geen idee het waar die oorsprong van hierdie “rassisme” aanklag teen Afrikaners kom nie. Dan herhaal hy nog Suid-Afrika se Marxistiese vyande se slagspreuk van ‘n “klassestryd” omdat die onnosele joernaliste by Beeld ras probeer miskyk. Met sulke dom mense aan die stuur het ons nie vyande nodig nie. Hy wil die debat “stroop van die valsheid van ons politieke kodetaal” maar hy het geen idee dat hy self nougeset NET in politieke kodetaal skryf nie. Of Afrikaners nou elke twee minute die K en H woord gebruik of nooit, dit gaan geen verskil aan die tempo waarteen ons uitgemoor en sadisties gemartel word maak nie. GEEN! Tensy hy ‘n ruggraat groei en die taal van die swart sadiste begin polisieer, gaan niks verander nie.

    Rassisme teer op SA se wese
    André le Roux
    Vrydag 25 Oktober 2013

    Julius Malema sê hy is
    eerlikwaar nié ’n rassis nie. Al wat wit mense moet doen, is om hul
    grondbesit op te sê, anders gaan die “anargie van ’n leierlose revolusie
    volg”.

    In City Press, ’n top-koerantkantoor in die
    Naspers/Media24-stal, tol ’n muntstuk nog op die vloer en joernaliste
    wag om te kyk op watter kant dit na bo gaan val: die kant met wit
    rassisme of die kant met swart rassisme.

    Dié tollende muntstuk is
    ’n metafoor wat die redakteur, Ferial Haffajee, gebruik om die werklike
    stand van rassisme in die groter Suid-Afrika te belig.

    Niemand ontkom daaraan nie, ook nie meningsvormende koerante nie.

    Rasbewustheid
    is by elke mens ’n onwillekeurige gegewe, maar wanneer dit omsit in
    weerspannige stereotipering word dit blatant en destruktief rassisme.

    Ná
    42 jaar in grondvlak-joernalistiek – dié aanlooptyd tot en deur dié
    land se “Sturm und Drang” – het ek selde die huidige vlak van venynige
    rassisme onder alle bevolkingsgroepe beleef.

    Vir te veel
    Suid-Afrikaners is die noodsaak van “politieke korrektheid” – gewone
    ordentlikheid teenoor ander – ’n bewuste, selfbeheerste, soms
    beklemmende denkproses en nog nie eie genoeg aan ons, die ouer
    oorgangsgeslag, nie.

    Die aansnellende lig in die tonnel is
    rassevooroordeel wat nog nie uitgeteel is nie uit die land se eerste
    geslag “vrygeborenes” wat in 2014 vir die eerste keer stem.

    Die ou gewraakte K- en H-woorde is met mening terug in die “volksmond”.

    So ook is wit mense in verskeie vertalings die “wit gespuis” in swart rassiste se hoontaal en dreunsang.

    Niks jaag my bloed vinniger op nie as die eerste refleks in enige meningsverskil die aanklag “rassisme!” is.

    Dié
    toenemende praktyk plaas dadelik, en teen enige regsbeginsel in, die
    bewyslas én die byna onuitwisbare “rassis”-stigma op die “beskuldigde”,
    gewoonlik wit.

    Dis ’n rassistiese etiket wat kollegialiteit en loopbane in die werkplek vernietig, ongeag enige feite tot die teendeel.

    Rasseloopgrawe in die werkplek en die samelewing word al hoe dieper.

    Die
    ander kant van die munt is ook waar. Te gereeld hoor ’n mens in veral
    bodorp-geselskap die afstandskeppende aanhef tot die daaropvolgende
    stelling: “Ek is nie ’n rassis nie, maar . . .”

    Te midde van
    hierdie versnellende erosie van rasseverdraagsaamheid gaan Suid-Afrika
    gebuk onder die grootste en waarskynlik die gevaarlikste armoedekloof
    onder ontwikkelende lande.

    Dis lank ook nie meer ’n
    wit/swart-kloof nie. Dis ’n klassekloof waar slegs 5 miljoen
    Suid-Afrikaners – swart belastingbetalers het hul wit eweknieë
    verbygesteek – byna 55% van die land se meer as 50 miljoen mense se
    belasting betaal.

    Die aanjaer op die tollende rassisme-munt is dat klassespanning parasities op die rassespanning teer.

    Ons
    gedeelde en stremmende armoedeboggel is dat byna 23 miljoen van die
    land se mense oorwegend jonk, swart, werkloos en skaars geletterd is en
    daarom onindiensneembaar op staatstoelaes leef.

    Suid-Afrika se vooruitsiglose stapel menslike droë hout is vlambaar omdat rassisme aan ons land se wese bly kleef.

    Malema,
    vuurhoutjies in die hand, speel met sy waarskuwing dat “anargie van ’n
    leierlose revolusie volg” in Suid-Afrika roekeloos met die voorbeelde
    van Tunisië, Libië, Egipte en Sirië.

    Dis daarom nóú dringend
    noodsaaklik dat Suid-Afrikaners herbesin oor ons rassevooroordele en
    veral oor ons optrede in die ekonomiese en kulturele wrywingsvlakke van
    die samelewing.

    Is Suid-Afrika in dié debat eerlik met homself?

    Dalk kan die debat net eerlik wees as ons dit stroop van die valsheid van ons politieke kodetaal.

    Dan, en net dalk, staan die meerderheid Suid-Afrikaners ’n kans om in die letter én gees van ons Grondwet te leef.

    1. Riana n uitstekende skrywe wat ek meen eerder vir
      Praag aangebied moes wees as n rubriek, sodat almal kon lees en met n mening kon
      opvolg. Koerante het manipulerende invloed en doen skade. Vir my egter le die
      probleem dieper as wat dit op die oogaf voorkom.

      Mens sit met n regering wat nie bekwaam of
      opgewasse is vir die geweldige taak om hierdie
      land te herbou tot op die vlak van eerstewereldland nie. Hulle dra hulle dood
      aan die bagasie wat hulle mee aangekom het in die regeringstoele en kan werklik
      nerens beweeg sonder om oor hierdie bagasie te struikel nie. Naspers en ander
      koerante is maar net die uitvloeisel van hierdie dooddra bagasie van die
      regering. Om erens te kom in hierdie land sal hierdie bagasie moet afgelaai word
      en verantwoordelik alle bevolkingsgroepe moet inlyf om hierdie wa deur die drif
      te sleep – dit sien ek nie gebeur nie – om die eenvoudige rede dat die ANC se
      bagasie vir hulle te belangrik is – belangriker as hulle kinders se skolastiese
      opvoeding – die land se infrastruktuur oor die algemeen op alle vlakke. Dus waar
      laat dit die Afrikaner?

      Ons het geen keuse anders as om aan te dring op
      selfbeskikking nie, omdat ons besef dat die land se toekoms in die hande van die
      jeug is – en die jeug word nie opgelei of toegerus nie dus asgevolg daarvan is
      daar geen toekoms vir wit of swart in hierdie land oor n geslag verder nie, wat
      net chaos voorspel.

          1. Arme “Idioot” skiet in elk geval sy eie voet mis met die koeël wat dwars deur sy harsings getrek het deur self hom ‘n idioot te noem. Dié ou ly nie net aan ‘n swak selfbeeld nie, hy het klaar daaraan doodgegaan. Sy twak is nie net nat nie, dié nat goed wat hy rook is boonop heel waarskynlik iets wat met twak rym.

          2. Ek is lekker bederf met jou skryfstyl en Jas hoe goed beskryf jy die Idioot!
            Ja, hy doen sy naam gestand.

    2. Om die video bo te gebruik om die debat verder te voer: Gesien hoe die wittes in ‘n beknopte tyd wat nie verlammende onderhandelinge toelaat nie, bymekaar staan, so ook die Swartes. Daar is nie tyd gemors oor die vraag wie reg en wie verkeerd het nie.
      Die beheptheid met hierdie klasse-aanslag van André het twee moontlike redes: Hy wil die goedberekende set van die kommuniste om alle samelewings se worstelinge tot die kommuniste se klasse-debatte te vervlak (dis wat Pakendorf en Burger ook in die debat met Sunette Bridges probeer doen het), ‘n entjie verder voer; en hulle wil die eenvoudige en instinktiewe feit dat mens en natuur hulle volgens kleur posisioneer wegpraat, daardie posisionering wat voorkom in die menslike samelewing se rouste vorm maar ook in die heel hoogste strata (dankie, André vir die voorbeeld wat jy self verstrek.).
      NP van Wyk Louw het aangevoer (ek het ongelukkig nie die aangetekende woorde nie), dat al sou daar net groen mense wees, ‘n verdeling tussen lig- en donkergroenes onafwendbaar is, dis die aard van die mens.
      Wat mooi verstaan moet word is dat dit nie hier gaan oor ‘n politieke of een of ander debatteerbare sosio-dinamiese verskynsel nie. Etnisiteit is ‘n onontvlugbare realiteit, ja, vra maar ook vir die Kleurlinge wat veroordeel is tot ‘n baie ongemaklike “nie-plek” in hierdie realiteit.
      Waar ook al André hom wil tuismaak in die sosio-politieke dinamika (en die kulturele eie-belang van die Afrikanervolk (ja, dis g’n sonde om kulturele eiebelang eerste stel nie), een ding is seker: Die beplanners van die Suid-Afrikaanse Rewolusie hét voorsiening gemaak vir ‘n fase waarin die omwenteling ‘n baie skerp rassekarakter sal kry, dié fase waarin is nou staan. Ek moet weer daardie webwerf van een of ander organisasie wat ook gebuk gaan onder die “civic”-naam (burgerrregte!) van die Universiteit van Zoeloeland besoek (was seker drie jaar laas daar). Daar was ook die kongresse van die SA Kommunistiese Party kort nadat hulle en Die Geldmag vir Jacob Zuma aan bewind gebring het, oor die 1996-klasseprojek. Kyk ook na die insiggewende debatte wat gewoonlik Jode maar in elk geval geharde kommuniste voer op die Jood Harold Wolpe se jaarlikse gedenklesings. Dis net klassestryd voor en klassestryd agter. En dan vergeet ons, soos JH du Toit ons juis in sy artikel teen wou maan, dat marxisme by uitstek rassisties is, veral in die rewolusies in Afrika, gevoer onder die wekroep oehoeroe.
      Wed julle ‘n hele daalder André of enige ander Naspers bruikbare idioot sal met JH du Toit oor die sake wat hy in sy artikel aan die orde stel ‘n debat wil voer nie.

  2. Patrick weet waarvan hy praat. Elke keer as die Seemag destyds gevegskepe gekoop het moes die
    offisiere die betrokke land se taal onder die knieg gekry het voor hulle
    vertrek na daai land. Dieselfde het gegeld vir attaches wat die gasheer land se
    amptelike taal vlot moes kon praat. Elke keer kon ons egter op Afrikaans terug
    val as kragtige en pragtige modérne Germaanse taal. My telge wat hulleself in
    die buiteland bevind se gades is almal Afrikaans magtig en ‘n louter plesier om
    mee te kommunikeer. Veral my skoon dogter in Milaan is ‘n reuse aanwins vir die
    unieke Afrikaner Volk se bloedlyn. Sy is ‘n warm bloedige (vier Afrikanertjies) nasionalis. Die
    Afrika tale se hoër funksies is gebrekkig.

    1. Onthou asb om daardie v.d Westhuizen van die Aljazeera debat heel bo te sit. Haar soort verdien om saam met die varke te leef. Slinkse wit k@vver. Hoekom gaan woon sy nie in n swart buurt as sy dan so lief vir hulle is nie. Waansin…

  5. Ek het nog altyd geweet die Patrick Fitzgeralds van die wêreld is die ware volksmoordenaars. Globalisering en die vernietiging van kulturele diversiteit word deur sy soort gedryf. Hoe is dit moontlik dat die Q-se-taal hiermee kan wegkom?!

  8. Wat bemoedigend is, is dat die Uitvoerende Hoof van die Pan-Suid-Afrikaanse Taalraad meen dat moedertaalonderrig tot op tersiêre vlak aangewese is. So’n beleid kan vir ons tog seker net voordele inhou. Dat die Universiteit van Zululand Zulu vir eerstejaars verpligtend wil maak, lyk vir my ook heel aanvaarbaar. Mits daar darem minstens een universiteit is waar Afrikaans ook verpligtend is. Die opskrif “Alle tale behalwe Engels moet uitgefaseer word”, lyk in die lig van die feite in die berig op die oog af ‘n bietjie misleidend tensy ‘n mens meer waarde wil heg aan die opinies van die wit ding as wat dit verdien.

      1. Dit wys jou net; moet nooit veralgemeen nie. As 2 Nederlanders iets goeds van ons land sê, beteken dit nie noodwendig dat alle Nederlanders ons vriende is nie. En, as 2 Nederlanders ons vir ons apartheidsbeleid kritiseer, beteken dit ook nie dat alle Nederlanders ons haat nie! Die wêreld bestaan uit individue, en een enkele individu kan die wêreld in ‘n oorlog dompel.

Maak 'n opvolg-bydrae