‘n Gedenkdiens sal Maandag in Kaapstad gehou word vir die vier polisielede wat in die jongste voorvalle van bendegeweld in die Kaapse Skiereiland doodgeskiet is.
Nog ‘n polisielid is steeds in die hospitaal. Die polisie sê verskeie leidrade word opgevolg om die skuldiges vas te trek.
In die heel jongste voorval is ‘n 34-jarige polisielid verlede week deur twee onbekende mans by sy huis in Montclair in Mitchellsplein afgemaai.
Die nasionale polisiekommissaris Riya Phiyega sal na verwagting ‘n krans by die Khayelitsha polisiestasie lê, waarna ‘n diens later in Kuilsrivier gehou sal word.
Die minister van polisie, Nathi Mthethwa, het vroeër gesê die polisie oorweeg ‘n meesterplan om die dwelmprobleem op die Kaapse Vlakte te pak. Mthethwa sê Philippi is as ‘n loodsprojek aangewys.
Hy het ook gesê die Kaapstadse burgemeester, Patricia de Lille, steun hom in die benadering, wat behels dat maatskaplike ontwikkeling, gesondheid, onderwys en die polisie in ‘n vennootskap saamwerk.
Mthethwa sê hy is tevrede met die polisie se stryd teen dwelms in die Wes-Kaap, maar die hoë voorkoms van bendegeweld moet aandag kry.
Nie die minister of De Lille het verduidelik hoe die twee probleme geskei kan word nie, aangesien bendegeweld en dwelms nou verwant is.
De Lille se woordvoerder, Solly Malatsi, het bevestig dat die DA en ANC verlede maand in verband met die anti-dwelmveldtog oorleg geplaag het.
Hy sê Mthethwa het ook ingestem om met die provinsiale regering oor die saak saam te werk.
President Jacob Zuma sê buitengewone ingrypings is nou nodig om bendebedrywighede te bekamp. Hy het op Botshabelo, oos van Bloemfontein gepraat as deel van die ANC se veldtog vir volgende jaar se algemene verkiesing.
Die president sê bendelede wat gemeenskappe terroriseer is simbolies van ‘n ongesonde gemeenskap. Hy het slagoffers van bendegeweld in die gebied besoek en belowe om met die polisie te praat sodat stappe gedoen kan word.
Om bende misdaad te bekamp benodig buitengewone ingrypings, maar om die sataniese martel moorde op blanke boere te bekamp is onnodig want dit is maar net algemene misdaad soos om ‘n kar te steel of te urineer op die sypaadjie?
Dubbele standaarde weereens. Bendebedrywighede benodig spesiale aandag want dit raak swartes en kleurlinge ook; die “gemeenskap”. Gruwel rassehaat moorde teen blanke boere is maar net nog ‘n dag in die reënboogland en verdien ‘n polisiewa wat 4 ure te laat op die toneel aankom. Die regering se dubbele standaarde is “simbolies van ‘n ongesonde” bestel. Wanneer was die families van Boere slagoffers ooit besoek deur die president en belowe om met die polisie te praat sodat stappe geneem kan word? Seker omdat hy nie blanke stemme nodig het nie.
Hierdie probleem kom nie van vandag af nie. Hoe langer hulle sulke goed toelaat hoe moeiliker is dit om dit te bestry. Een van die groot probleme is dat van die polisie ook op hulle salaris rol is. Mens loop ook mos nie net ‘n plisie man of vir wat dit werd is enige persoon en skiet hom of haar nie. Hierdie polisie lede was deel van hulle of het ‘n ondersoek teen hulle geloods, maar hulle was beslis betrokke. Die posisie is vandag in al wat onwettigheid is betrokke.
Sekerlik die grootste wettig misdaad organisasie in die wêreld. SAPD – Suid Afrikaanse Professionele Diewe.