Kategorie: Internasionale nuus

Die Nyuki System sokkerklub was aan die verloor teen die klub van Socozaki toe Nyaki se doelwagter skielik veldop hardloop en begin towerspreuke opsê. 'n Hewige geveg het daarna uitgebreek tussen die twee spanne.

'n Polisieman is onder klippe gesteek en in die kop gewond toe hy orde probeer herstel het. Daarna is traangas in die skare gevuur waarna toeskouers probeer het om almal gelyk by die uitgang uit te kom

Dosyne tieners het Maandag die strate van Boetemboe  ingevaar om te betoog teen die insident en die goewerneur van die provinsie het die beseerdes in die hospitaal besoek.

Irakly Okruashwili, wat tans in ballingskap in Frankryk woon, het in 'n onderhoud in Parys laat blyk dat die VSA ook deels verantwoordelik gehou kan word vir die oorlog omdat hulle nie Saakasjwili se ondemokratiese ambisie begryp nie.

Hy het gesê dat die huidige president se dae getel is.

Die voormalige minister, wat beweer dat hy onwederregtelik aangekla is deur Georgiese owerhede en daarom die land moes verlaat, se uitlatinge is van belang omdat dit Sakaasjwili se beweringe dat Rusland die aggressor was, in 'n nuwe lig stel.

Okruashwili was 'n bondgenoot van Saakasjwili tussen 2004 en 2006 toe hy in die regering gedien het, en hulle het saamgewerk aan militêre beplanning om Suid-Ossetië asook Abkasië binne te val.

Hy sê Abkasië was trouens die eerste strategiese prioriteit maar hulle militêre beplanning in 2005 het Suid-Ossetië ingesluit.

Okruashwili sê voorts dat die oorlog uiters swak deur Georgië aangepak is, sonder enige diplomatieke ondersteuning. Saakashwili se offensief was slegs op Tskhinwali gemik, omdat hy geglo het die VSA sal Rusland se reaksie dmv diplomatieke kanale versper.

Georgië se groot nederlaag het in die Roki-tonnel geskied waar hulle deur die Russe gefnuik is. Volgens Okruashwili was die haalbaarheid van militêre sukses reeds in 2006 onder verdenking en intussen het die Russe hulleself geherposisioneer en hulle militêre infrastruktuur verbeter.

Swartes het reeds die herhaling van die rasseonluste van 1960 as 'n moontlikheid genoem om hulle teleurstelling rugbaar te maak met só 'n uitslag. Richard McIntire, kommunikasiehoof van die invloedryke NAACP oftewel die  National Association for the Advancement of Colored People sê swartes is senuweeagtig dat Obama mag verloor en indien hy verloor gaan hulle uit die politieke proses onttrek.

Die jongste meningspeiling wat die Wall Street Journal gedoen het, wys dat 88% swart kiesers Obama ondersteun. Ook is swart stemregistrasie aansienlik op. Die president van Vereniging vir Swart Sosioloë meen dat die rasseverhoudinge tussen wit en swart baie skade gaan ly indien Obama verloor.

Voorheen is infrarooistrale na die verdagte se kop gemik, is hulle in enorme magnetiese resonansiemasjiene geplaas of het skandeerders oogbewegings gemeet. Sedert 11 September probeer die VSA 'n toestel ontwerp wat breinaktiwteit by die vertel van leuens kan meet. Alhoewel daar geen tekort is aan allerlei maniere en metodes nie, word inligting wat só bekom word, nie toegelaat as getuienis in hofsake nie omdat die onfeilbaarheid daarvan nog onder verdenking is.

Maar in Indië het verskeie regters begin om breinskandering as geloofwaardige getuienis toe te laat. In Junie, in die Maharashtra-staat, het die regter 'n breinskandering as uitsluitlike rede aangevoer om 'n vrou lewenslank toe te sluit. Die regter het verklaar dat die beskuldigde oor ondervindingskennis beskik wat deur die skandering uitgewys is. Die vrou hou vol dat sy onskuldig is.

Sielkundiges en neurowetenskaplikes wat spesialiseer in breingebaseerde leuenverklikking, noem die Indiese voorbeeld belaglik, skrikwekkend en buitensporig. Terwyl Amerikaanse kenners dink dat daar nog nie genoeg navorsing gedoen is nie, beweer die Indiërs dat Israel en Singapoer besonder belangstel in die tegnologie en afgevaardigdes besoek gebring het aan regeringslaboratoria waar hierdie ondervragings gedoen word.

Die meeste metodes wat tans gebruik word om die waarheid te weet, is problematies. Selfs sogenaamde waarheidsdwelms laat pasiënte net soveel snert babbel as egthede. Poligraaftoetse meet dikwels angstigheid eerder as misleiding. Goeie bedrieërs voel ook nie noodwendig angstig terwyl hulle leuens vertel nie. Trouens in 1998 het die Amerikaanse Hooggeregshof beslis dat poligraaftoetse nie sonder meer 'n aanduiding van die egtheid van inligting kan wees nie.

In die Indiese geval word die beskuldigde se kop aan 'n EEG gekoppel dmv elekrodes. Terwyl die beskuldigde dan met geslote oë sit en wag word die detail van die misdaad voorgelees en daarna verwerk deur sagteware wat in Bangalore ontwerp is. Die sagteware besluit of die brein genoegsaam reageer in spesifieke areas wat met die voorlesing verband hou, soos met reuk of klank. Die sagteware-ingenieurs beweer dat die sisteem kan onderskei tussen herinneringe oor wat kriminele ervaar het en wat hulle self gedoen het.

Die toets staan bekend as die Breinelektriese-ossillasiehandtekening of BEOS en is deur Champadi Raman Mukundan in Bangalore ontwerp. Kenners beweer dat die nuwe toets nog nie aan genoeg ondersoek onderwerp is nie en geen ernstige akademiese publikasie wou nog daaroor berig nie. Sulke toetse en ondersoeke sou die metode meer geloofwaardigheid kon gee. Een van die spesialiste se breingebaseerde navorsing wat die Indiër glo gebruik het, meen dat die gebruik van die BEOS-metode verregaande is.

Michael Gazzaniga, direkteur van die SAGE Center for the Study of the Mind by die Universiteit van Kalifornië, Santa Barbara, sê dat alle kenners wat insae in die BEOS-metode gehad het, dink dat die sisteem ernstig tekortskiet. 'n Britse forensiese deskundige, Keith Ashcroft, was egter beïndruk met Indiese span se werk.

Verdagtes moet hulle toestemming gee om aan die metode onderwerp te word, maar ondersoekers sê hulle doen dit omdat hulle dink hulle gaan moeilike polisie-ondervragings vryspring daardeur. Dat verskeie lande besig is om in daardie rigting te werk, is nietemin duidelik. No Lie MRI, 'n maatskappy in Kalifornië, belowe dat hulle skanderings interpersoonlike vertroue en militêre intelligensie kan aanhelp. Die Amerikaanse Nasionale Navorsingsraad in Washington het reeds voorspel dat breinskandering gebruik sal word in die toekoms om terroriste uit te snuffel.

Dat die Amerikaanse grondwet in die slag gaan bly indien die metode veld wen, is seker. Die regsimplikasies van breinskandering is enorm en bevat allerlei moeilike etiese kwessies wat nog lank gedebatteer gaan word.