Kategorie: Internasionale nuus

Switserse supermarkte het Woensdag sekere perdevleis-produkte van hul rakke gehaal ná dit aan die lig gekom het dat haglike toestande heers op sommige plase waar perde vir vleis geteel word.

Die meeste perdevleisprodukte van Frankryk en Pole, waar dit algemeen beskikbaar is, word egter steeds te koop aangebied.

Nuwe bewerings oor die mishandeling van perde waarmee in die Amerikas geboer word, het aan die lig gekom ná die Europese perdevleis-skandaal ook op ander kontinente opslae gemaak het.

In die jongste voorval is ‘n ingevoerde lasagne-dis van winkelrakke in Hongkong verwyder.

Die Duitse afslag-supermarkgroep Lidl sê hy het alle perdevleis-produkte van sy rakke in Switserland verwyder, terwyl die land se tweede grootste supermarkgroep, Coop, gesê het hy het sowat 20 worsprodukte wat perdevleis bevat, onttrek.

Dié stappe kom te midde woede oor ‘n ondersoekende verbruikersprogram wat Dinsdagaand op ‘n Switserse televisiekanaal uitgesaai is. Die beeldmateriaal het uitgeteerde en siek perde gewys wat op plase buite die EU in sommige lande aangehou word wat vleis aan Switserse winkels verskaf.

Die dierebeskermingsvereniging in Zürich het ondersoekbeamptes na Kanada, die VSA, Mexiko en Argentinië gestuur, lande wat groot hoeveelhede perdevleis verskaf, om te ondersoek hoe die diere aangehou, vervoer en geslag word.

“Ons ondersoekbeamptes het gevind dat die perde geteel word in toestande wat nie voldoen aan enige van die norme wat in Switserland en die Europese Unie aanvaar word nie,” het Sabrina Gurtner, die projekleier, gesê.

Coop het nietemin gesê hy sal voortgaan om vars perdevleis te verkoop en het uitgewys dat hy 70% van sy perdevleis van Frankryk ontvang en die ander 30% van Pole.

Switserland se grootse supermarkgroep, Migros, het intussen gesê hy sal geen perdevleis-produkte onttrek nie en sê hy vertrou sy Kanadese verskaffer.

Gedroogde perdevleis-produkte word oor Switserland heen aangetref.

Die Tsjeggiese Republiek het die jongste land geword waar perdevleis in voedselprodukte wat as beesvleis gemerk is, gevind is.

Die ontdekking, wat deur die staatbeheerde Tsjeggiese Landbou- en Voedselinspeksie-owerheid gemaak is, is die eerste in dié land sedert soortgelyke gevalle in ander lande aangemeld is.

Die owerheid het Woensdag gesê DNS-toetse het bewys dat daar perdevleis in lasagne-bolognaise is wat deur die maatskappy Tavola S.A. Comigel vervaardig is en by ‘n Tesco-winkel in die westelike stad Plzen verkoop is.

Tesco is beveel om die kos te herroep en toetse duur voort.

Perdevleis is in verskeie voedselprodukte in Europa gevind, soos in burgers, lasagne, pastasous, op spyskaarte van restaurante, in skooletes en selfs in hospitaaletes.

Frankryk het Woensdag sy burgers wat in die mees noordelike deel van Kameroen woon aangeraai om die gebied “so vinnig as moontlik” te verlaat ná die ontvoering van ‘n Franse familie van sewe.

Die ministerie van buitelandse sake het verder ook gewaarsku teen reis in die gebied waar Kameroen aan Nigerië en Tsjad grens.

Die ontvoering van die Moulin-Fournier-gesin hou verband met Frankryk se ses-weke lange militêre veldtog om Islamitiese ekstremiste uit die noorde van Mali te verdryf, het Jean-Yves Le Drian, die minister van verdediging, gesê.

“Hierdie is groepe wat gehoor gee aan dieselfde fundamentalisme, wat dieselfde metodes het, van Mali tot in Somalië en Nigerië… Hulle wil ‘n wettelose sone tussen die Golf van Guinee en Soedan skep,” het LeDrian gesê.

Altesaam 15 Franse burgers is reeds in Afrika ontvoer. Sewe mense word in die Sahel-streek aangehou deur militante groepe wat bande met Al-Kaïda het en een is deur Ansaru, wat in Nigerië opereer, ontvoer.

Die drie volwassenes en vier kinders is vroeg Dinsdag ontvoer terwyl hulle op ‘n reis in die Waza Nasionale Park in die verre noorde van Kameroen was. Hulle is daarna oor die grens geneem.

Senior Amerikaanse regeringsamptenare het geheime gesprekke met Noord-Korea gehou by ten minste drie geleenthede in 2011 en 2012, het die Japannese dagblad Asahi Shimbun berig.

Hoewel die besoeke potensiële implikasies vir Japan kon inhou, het Washington nie sy veiligheidsvennoot ingelig nie en slegs een geleentheid informeel bevestig toe die Japannese kant aangedring het en druk begin uitoefen het, het die regering en ander bronne in Japan, Suid-Korea en die Verenigde State van Amerika gesê.

Die US State Department het selfs die ministerie van buitelandse sake gewaarsku teen verdere navrae, en gesê dit sal bilaterale verhoudings benadeel, het die bronne gesê.

Amerikaanse militêre vliegtuie het van ‘n lugmagbasis in Guam na Pjongjang gereis en terug op April 7, 2012, en weer op ‘n langer besoek van 18-20 Augustus, het die bronne gesê.

Daar word geglo dat diegene wat aan boord was Sydney Seiler, direkteur van Korea by die Amerikaanse Nasionale Veiligheidsraad, en Josef DeTrani, wat die Noord-Korea lessenaar by Nasionale Intelligensie, ingesluit het.

Hulle het met Noord-Koreaanse amptenare vergader en beleid bespreek na aanleiding van die dood van die leier Kim Jong Il in Desember 2011.

Die Noord-Koreaanse afvaardiging het ingesluit Jang Song Thaek, vise-voorsitter van die Kommissie vir Nasionale Verdediging en die man van Kim Jong Il se suster. Jang word as ‘n mentor vir Kim Jong Un, wat sy vader opgevolg het as sy land se leier beskou.

Die Japannese regering het besonderhede van die vlug verneem slegs na verslae van amateurs wat aktiwiteit by militêre basisse monitor en ook deur die ontleding van lugverkeer en vlugplanne.

Toe Japan amptelik navraag doen, het Amerikaanse amptenare hul frustrasie uitgespreek dat die versoek gemaak is, met verwysing na die onderwerp se vertroulike aard. Die State Department het gewaarsku dat indien Japan verder wil uitvis, dit Washington en Tokyo se bande kan skade berokken.

Die derde besoek wat Asahi Shimbun bevestig het, is een wat plaasgevind het in November 2011. Bronne het gesê dat ten minste een militêre vliegtuig van die Guam-lugmagbasis met swaar toerusting opgestyg het, waaronder stootskrapers, opgelaai van Yokota lugmagbasis in die weste van Tokyo en na Pjongjang gevlieg.

Daar word geglo dat die afvaardiging amptenare van die Amerikaanse Pacific Command ingesluit het. Hulle het met die Noord-Koreaanse amptenare “gesels om die oorblyfsels van Amerikaanse soldate gedood tydens die Koreaanse Oorlog van 1950-1953 terug te bring”, het die bronne gesê.

In ‘n ongewone opwelling van optimisme, het die Europese Unie Zimbabwe se politieke hervorming geprys en sanksies teen top-Zanu-PF-lede opgehef.

Zanu is egter steeds kwaad omdat hulle nie al die sanksies opgehef het nie. Die meeste ontleders kan daarbenewens nie heeltemal mooi begryp waarom die EU skielik so bemoedig voel nie.

Lede van die Europese Unie se buitelandse sake Raad het Maandag in Brussel besluit sanksies teen Zanu-PF en Robert Mugabe se bewind moet hersien word. “Die EU verwelkom die ooreenkoms wat bereik is deur die politieke partye in Zimbabwe oor ‘n ontwerp-grondwet en die aankondiging van ‘n referendum,” lui ‘n verklaring wat vrygestel is deur die raad. “Hierdie is ‘n stap vorentoe in die implementering van die globale politieke ooreenkoms en voeg verdere momentum aan die hervormingsproses wat die weg baan vir die hou van vreedsame, deursigtige en geloofwaardige verkiesings.”

Tog, in Zimbabwe, is die nuus nie met entoesiasme begroet nie. Terwyl Morgan Tsvangirai se Beweging vir Demokratiese Verandering die gedeeltelike opheffing van sanksies as ‘n welkome gebaar sien, het Zanu-PF se woordvoerder Rugare Gumbo ontsteld gereageer oor Europa se voortgesette betrokkenheid: “Ons glo die huidige skuif […] is bedoel om die belange van die lande wat ruwe diamante uit ons myne haal, te dien.”

Lindiwe Zulu, President Jacob Zuma se internasionale betrekkinge adviseur en leier van die Suid-Afrikaanse span wat die fasilitering lei, het die Zanu-PF-posisie meer diplomaties herhaal. Zulu gesê die EU moet sanksies heeltemal ophef, en Suid-Afrika ondersteun nie die EU se geleidelike benadering nie.

Die skeptici wat Europa se motiewe bevraagteken, let op dat België gevra het dat die staatsbeheerde Zimbabwe Mining Development Corporation van die sanksielys verwyder moet word, sodat Zimbabwe met die uitvoer van diamante en goud kan voortgaan.

Ander meen egter dat veral die berugte Marange diamantveld ‘n sentrale rol speel in die ondersteuning van Zanu-PF se heerskappy.

Onteiende Zimbabwiese boere van JusticeZimababwe meen sanksies moet volgehou word: “Ons glo dat vandag se besluit [van die EU om sanksies gedeeltelik op te hef] om Mugabe te beloon in reaksie op niks, hierdie gedrag sal vererger.”

Die Europese Unie is weliswaar ‘n bietjie oor-optimisties met hul bemoedigende assessering van Zimbabwe se vordering:

Daar het nie veel gebeur met die politieke hervormingsproses in Zimbabwe nie. Polisieklopjagte en intimidasie duur steeds onverpoos voort, met die verskil dat die koerante moeg geraak het om daaroor verslag te doen.

Die onverwagse besluit het dus geen positiewe sentimente jeens die EU gaande gemaak nie, nie van enige van die betrokkenes nie.

Gewapende mans het ‘n groot hoeveelheid diamante gesteel terwyl dit op ‘n vliegtuig by die Brussel-lughawe gelaai is, het die Belgiese media Dinsdag berig.

Altesaam 10 kg diamante met ‘n waarde van €350 miljoen (sowat R4 miljard) is laat Maandag gesteel, het die uitsaaier VRT berig.

Die diewe het glo omstreeks 19:47 (18:47 GMT) met twee voertuie deur ‘n heining by Brussel se hooflughawe gebreek, het die lughawe in ‘n verklaring gesê.

“Die mans in die motor het na ‘n Switserse vliegtuig gery, waar hulle waardevolle items gesteel het,” het die verklaring gelui.

“Daar was nie ‘n skietery nie en niemand is beseer nie. Dit het slegs ‘n paar minute geduur en ná dit het hulle die lughawe deur die beskadigde heining verlaat.”

Die diewe het ‘n voertuig van ‘n sekuriteitsmaatskappy geteiken wat besig was om die diamante op die vliegtuig te laai. Die vliegtuig was op pad na Zürich, het mediaberigte gelui.

‘n Voertuig wat uitgebrand het, is later in die buitewyke van Brussel gevind. Die polisie stel ondersoek in om vas te stel of dit een van die wegkommotors was, het VRT berig.

Фильчаков прокурор харьков

Die Switserse voedselreus Nestlé het die jongste handelaar geword om deur Europa se perdevleis-skandaal getref te word.

Die maatskappy het pastageregte van supermarkrakke in Italië en Spanje verwyder weens besmetting.

“Ons toetse het tekens van perd-DNS in twee produkte gevind,” het die wêreld se grootste voedselmaatskappy Maandag in ‘n verklaring gesê.

“Die verkeerde etikettering van produkte beteken dit voldoen nie aan die baie hoë standaarde wat verbruikers van ons verwag nie,” het hy bygevoeg.

Die maatskappy het twee verkoelde pastadisse, Buitoni Beesvleis Ravioli en Beesvleis Tortellini , “vrywillig” van rakke in Italië en Spanje verwyder.

‘n Gevriesde vleisproduk van Nestlé wat in Frankryk vervaardig word en aan spysenieringsmaatskappye verskaf word, sal ook onttrek word.

Nestlé het verbruikers om verskoning gevra.

Фильчаков

Die Withuis-verslaggewers is opgewen van frustrasie oor die gebrek aan toegang tot President Obama, wat hierdie naweek op ‘n gholfvakansie in Florida is.

Ed Henry, die Fox News-korrespondent en president van die White House Correspondents Association, het ‘n verklaring uitgereik Sondagaand waarin hy sê die pers het absoluut geen toegang tot die president nie.

Obama sal glo deur die gholfspeler Tiger Woods op sy uitstappie vergesel word. Die WHCA sê hulle sal veg vir groter deursigtigheid in die dae wat voorlê.

“Ons praat namens die White House Correspondents Association, ‘n breë versameling van lede wat gedrukte media, radio, aanlyn en TV verteenwoordig. Ons almal het vandag uiterste frustrasie uitgespreek oor wat absoluut geen toegang tot die president van die Verenigde State van Amerika die hele naweek is nie,” het Henry gesê in ‘n verklaring.

“Daar is ‘n baie eenvoudige, maar belangrike beginsel wat ons sal voortgaan om te verdedig vandag en in die dae wat voorlê: Deursigtigheid.”

Die Withuis het gereageer op Henry se klagte in ‘n verklaring.

“Die pers se toegang wat toegestaan ​​is deur die Withuis vandag is heeltemal in ooreenstemming met die pers se toegang vir vorige presidensiële gholfuitstappies,” lui dit. “Dit is ook in ooreenstemming met die pers se beloofde toegang voor [die president] se aankoms in Florida Vrydagaand.”

Verslae van die President se uitstappie met Tiger Woods kom van Golf Digest se senior skrywer Tim Rosaforte, wat by Die Floridian Nasionale Golf Club Sondagoggend teenwoordig was en ‘n paar waarnemings direk van daar getwiet het.

Die swart president van Amerika het glo in weerwil van sy belofte om sonder ophou te werk, reeds meer as ‘n honderd dae vakansie geneem.

данильченко юрій Харків

Foutiewe, vroeëre verslae oor die “inbreker” by Oscar Pistorius se huis het glo uit die Afrikaanse pers, spesifiek Beeld, gekom.

Sommige polisiebronne bevraagteken hoe Paralimpiese kampioen Oscar Pistorius ooit toegelaat kon gewees het om ‘n vuurwapen te besit, gegewe sy geskiedenis van huishoudelike geweld, in die nasleep van die nuus dat hy vir die moord op model Reeva Steenkamp Donderdagoggend aangekla is.

Die staat beplan om borgtog teen te staan.

Ooggetuies het intussen na vore getree om te praat. Wat eers veronderstel was om ‘n geval van verkeerde identiteit te wees, is nou moord.

‘n Senior polisiebeampte het met verbasing gereageer toe hy hoor van berigte dat Pistorius sy vriendin Reeva Steenkamp by sy Silver Lakes-huis in Pretoria geskiet het. Hy het gesê dat “Blade Runner” moes nooit toegelaat gewees het om ‘n vuurwapen te besit met sy geskiedenis van huishoudelike geweld nie.

In terme van die Wet op Gesinsgeweld, moes Pistorius se vuurwapenlisensies heroorweeg gewees het, sê die beampte.

Die nuus van Pistorius se voorliefde vir wapens het internasionaal weerklink in ‘n klimaat wat toenemend teen wapenbesit vir individue draai weens die talle onlangse skietvoorvalle by openbare plekke, ook skole, in die VSA

In 2009 het Pistorius ‘n nag in polisie-aanhouding deurgebring toe hy in hegtenis geneem is op aanklagte van aanranding van ‘n 19-jarige vrou in dieselfde huis as die een waarin Steenkamp gesterf het. Hy is op ‘n Saterdagaand in hegtenis geneem nadat hy na bewering Cassidy Taylor-Memmory aangerand het.

Pistorius het gesê dat Taylor-Memmory in ‘n argument met sy vriendin betrokke geraak het en hy het haar gevra om die huis te verlaat. Volgens hom, is sy beseer toe ‘n houtbalk op haar been geval het toe hy die deur toegemaak het.

In November verlede jaar het die Star berig dat ‘n klag van laster teen Pistorius gelê is nadat hy klag van intimidasie teen die voormalige sokkerspeler, Marc Batchelor gelê het.

Volgens die verslag, het Pistorius ontdek dat sy meisie hom verneuk het met ‘n vriend van Batchelor, terwyl hy in Londen was vir die Olimpiese Spele en die Paralimpiese Spele. Die man wat na bewering betrokke was, is mynmagnaat en vervaardiger van die TV-reeks Clifton Shores Quinton van der Burgh.

In ‘n artikel onder die opskrif “The Fast Life of Oscar Pistorius” het Michael Sokolove van The New York Times Pistorius se voorliefde vir vuurwapens beskryf. Die atleet het Sokolove selfs na ‘n skietbaan geneem en hom aangemoedig om meer te oefen. “Ek dink jy kan nogal gevaarlik wees,” het Pistorius aan hom gesê.

Jonathan McEvoy van Daily Mail het insgelyks ‘n prentjie geskets van ‘n paranoïese man in ‘n stuk getiteld “Inside Oscar’s bedroom: One cricket bat, baseball bat, revolver and machine gun”. Volgens McEvoy slaap Pistorius met ‘n masjiengeweer neffens hom en is hy selfs bang vir die hekwagte van die Silver Woods-landgoed in Pretoria waar hy woon.

Pistorius het verlede jaar getwiet: “Daar is niks soos om by die huis te kom terwyl die wasmasjien aan is en die geluid vir ‘n inbreker te misgis nie. Ek was oorgehaal vir ‘n geveg in die spens.”

Sowel Sokolove as McEvoy het Pistorius beskryf as ‘n “waaghals” wat “meer as ‘n bietjie mal” is met ‘n “ongewone temperament”.

‘n Nike-advertensie met die frase “I’m The Bullet in The Chamber” is van Oscar Pistorius se webwerf afgehaal na die moord op sy vriendin.

Die advertensie toon die Suid-Afrikaanse kampioen wat uit die wegspringblokke spring.

“Dit is ‘n baie ongelukkige storie en dit word nog ondersoek,” sê Seruscka Naidoo, Nike se Suid-Afrikaanse woordvoerder. “Ons sal nie enige besluit neem totdat ons hoor van Oscar of sy agent nie.”

Die atleet het Beeld vroeër verhoed om foto’s van hom op die N4-hoofweg in Pretoria in Maart vanjaar te neem, toe ‘n vriendin van hom in ‘n ongeluk betrokke was.

‘n Vrou het op die toneel van die ongeluk gesterf omdat sy glo voor Anneke Kruger se aankomende motor beland het.

Kruger werk vir In/sight, die maatskappy wat Pistorius se sakebelange bestuur.

‘n Omstander wat Pistorius gevra het  waarom die fotograaf nie foto’s mag neem nie, is meegedeel: “Oom, ek is Oscar Pistorius.”

Александр Фильчаков

‘n Lykskouer in Wellington, Nieu-Seeland het gesê die vervaardigers van gaskoeldrank moet dit oorweeg om gesondheidswaarskuwings op hulle produkte aan te bring ná hy vasgestel het dat dié koeldrank ‘n “groot faktor” was in ‘n vrou se dood.

Die vrou het na bewering sowat 10 liter Coca-Cola per dag gedrink.

‘n Voedselbedryf-vereniging in Nieu-Seeland het dié voorstel egter Woensdag verwerp.

Die vereniging het gesê “daar is nie ‘n etiket-bepaling in die hele wêreld” wat die dood kon verhoed van iemand wat kies om sowat 30 blikkies koeldrank per dag te drink nie.

David Crerar, die lykskouer, het ‘n verslag vrygestel oor die dood van die 31-jarige Natasha Harris in 2012. Die ma van agt is aan ‘n hartaanval dood.

Die groot hoeveelheid Coca-Cola wat sy gedrink het, het volgens Crerar tot ‘n wanbalans in die vrou se metabolisme gelei, wat haar hartprobleme veroorsaak het.

Coca-Cola Oceania het Crerar se bevindings in ‘n verklaring verwerp.

Фільчаков Олександр Васильович прокурор