Kategorie: Suider-Afrika

“Die verslag het getoon dat huishoudings met familielede wat met MIV leef, ‘n groter risiko loop vir skokke en vertrou meer op goedkoper etes of etes wat geheel en al oorgeslaan word,” sê die verslag, wat 1334 huishoudings in 2011 gevra het.

Die arm Suider-Afrikaanse koninkryk sukkel met ‘n ernstige finansiële krisis na ‘n skielike verlies aan inkomste verlede jaar uit die plaaslike doeane-unie, die belangrikste bron van inkomste.

Volgens die verslag, ly Swaziland reeds onder “groot maatskaplike uitdagings, waaronder die hoogste MIV-koers in die wêreld”. Kenners sê dit staan ​​tussen 25 en 40 persent.

Wydverspreide armoede raak 63% van die bevolking van 1,1 miljoen en 29% van hulle behoort op sosiale uitkerings te leef.

Die verslag waarsku dat die versuim om staatsbesteding in te kort sowel as arbeidslone te sny, dreig om die land se vordering ter bereiking van hulle millennium-doelwitte in gesondheid, onderwys, en voedselsekuriteit om te keer.

топкарго отзыв

Ons het vir geruime tyd belowe dat ons ‘n referendum op een of ander tydstip sou hou om blankes die geleentheid te gee om hul menings oor die onderhandelingsproses uit te spreek. Ons neerlaag in Potchefstroom het my oortuig om dit so gou moontlik te doen. Ek het derhalwe my besluit om ‘n referendum te hou die volgende oggend aan die NP leierskap en koukus meegedeel. Ek het nie die besluit tot stemming gebring nie, wat ek heel moontlik sou verloor het, maar het besluit om my magte as partyleier te gebruik om self oor die vraagstuk te besluit. Ek was vasbeslote om te bedank as ons die referendum sou verloor.

Die vraag wat ons aan die kiesers op 17 Maart 1992 gestel het was “Ondersteun u die voortsetting van die hervormingsproses wat die Staatspresident op 2 Februarie 1990 begin het en wat op ‘n nuwe grondwet deur onderhandeling gemik is?”

In die aanloop tot die referendum het ek gehore meegedeel dat ek nie vir ‘n blanko tjek vra nie. Ek het gesê dat ons reeds in die onderhandelinge breë konsensus oor ‘n aantal sleutel beginsels [oorspronklike spelfout] vir die toekomstige grondwet bereik het. Dit het ingesluit ‘n veelparty demokratiese stelsel [oorspronklike spelfout]; ‘n parlement bestaande uit ‘n hoër en laer huis [oorspronklike spelfout]; die noodsaaklikheid van ‘n Handves van Regte; die skeiding van magte; die onafhanklikheid van die regbank; proporsionele verteenwoordiging; ‘n sterk regionale grondslag vir die toekomstige bedeling; die handhawing van taal [oorspronklike spelfout] en kultuurregte; en gemeenskapsgebaseerde onderwys vir diegene wat dit verlang.

Ek het gesê dat daar steeds ‘n aantal vraagstukke is waarop ons konsensus moes bereik. Hulle het ingesluit die voorkoming van oorheersing en die misbruik van mag; effektiewe beskerming van minderhede; die beskerming van eiendomsreg; loopbaansekuriteit vir staatsamptenare; ‘n vrye mark ekonomie [oorspronklike spelfout]; maksimum grondwetlike beskerming vir regionale en munisipale regering; en die verspreiding van die magte wat toe in die hande van die Staatspresident was.

Ek glo werklik dat die grootste meerderheid Suid-Afrikaners op 17 Maart 1992 met beslistheid hul rug op 350 jaar van blanke oorheersing gedraai het. In my oorwinningstoespraak op 18 Maart 1992 het ek gesê dat hulle finaal die boek oor apartheid toegemaak het. “Die blanke kiesers het, deur hierdie oorweldigende oorwinning vir die Ja-stem, uitgereik na al ons medeburgers, na alle ander Suid-Afrikaners, en die boodskap van hierdie referendum is: Vandag, in ‘n sekere sin, is die werklike geboortedag van die nuwe Suid-Afrikaanse nasie.”

Die mandaat wat ons ontvang het, het ons in staat gestel om voort te gaan met die onderhandelinge en om bykans al die doelwitte wat ek in my toesprake voor die referendum uiteengesit het, te bereik.

Dit is ironies dat heelwat van die grondliggende voorwaardes wat ons destyds onderhandel en aanvaar het nou, 20 jaar later, bedreig word.

Op 5 Maart het die ANC besprekingsdokumente vrygestel wat beweer dat die “eerste oorgang” sy doel gedien het en nou moet opsy staan vir die “tweede oorgang”. Die besprekingsdokumente stel voor dat die huidige provinsiale stelsel verander moet word en dat eiendomsregte hersien moet word om grondhervorming te bevorder.

Dit volg op die vorige week se aankondiging dat die regering beplan om ‘n “evaluasie” te doen van die uitsprake van die Grondwetlike Hof, wat gepaard gegaan het met donker verwysings deur die President na die behoefte om die howe se magte te hersien. Dit het ook saamgeval met die Wetsontwerp op Suid-Afrikaanse Tale wat effektief Afrikaans en sewe swart inheemse tale [oorspronlike grammatikafout] hul amptelike status sal ontneem.

Ons Grondwet het ons goed gedien. Dit het ‘n stewige raamwerk verskaf vir die ontwikkeling van ons “reënboog” nasie [oorspronklike spelfout]. Dit het die raamwerk voorsien vir volgehoue ekonomiese groei en indrukwekkende maatskaplike ontwikkeling.

Ons onvermoë om betekenisvolle vordering teen armoede, ongelykheid en werkloosheid te maak [oorspronklike grammatikafout] kan nie toegeskryf word aan enige tekortkoming in die Grondwet nie, maar eerder aan ongepaste beleidsrigtings. Die Grondwet is onder druk nie omdat dit in die weg van transformasie staan nie, maar omdat dit die magte van die uitvoerende en wetgewende gesag om te maak soos hulle wil, beperk.

Die tyd het aangebreek dat al ons gemeenskappe, nie net blanke Suid-Afrikaners soos dit die geval 20 jaar gelede was nie, moet opstaan vir die waardes en regte waarop ons nuwe samelewing gegrond is. Hulle reaksie sal, in der waarheid, die volhoubaarheid bepaal van die nuwe Suid-Afrikaanse nasie, wat ek glo op 17 Maart 1992 gebore is.

Фильчаков Александр Васильевич

Distrikslanddros Eric Mhlari het Donderdag die saak teen die twee uitgestel tot Vrydag, en gewaarsku dat in die afwesigheid van ‘n vertaler, hy die saak van die hofrol sal verwyder.

Vietnamese burger Qifen Chen en Jigua Han uit China, het vir die eerste keer op 21 Februarie in die hof verskyn, volgens Beeld.

Chen is toe in die hospitaal opgeneem met ‘n enkelbesering en die saak is uitgestel tot 29 Februarie, maar hy was nie in staat om die hofsaak by te woon nie, want hy was nog in die hospitaal.

Hofvertaler Melody Lin was nie beskikbaar vir enigeen van die twee hofverskynings nie, dus is die saak uitgestel tot 7 Maart, maar sy kon nie kom nie.

Sy het ‘n boodskap gestuur om die landdros in kennis te stel dat sy net kan tolk uit Chinees, nie Vietnamees nie.

Intussen, het Chen die hof ingelig dat hy in werklikheid vlot Chinees praat, en die saak is uitgestel tot 15 Maart.

Donderdag, het Lin weer versuim om op te daag, nadat sy aan die hof gesê sy het ‘n maagkwaal.

Sy het die hof verseker dat sy beslis die saak Vrydag sal bywoon.

лобановский александр харьков

Dié “slagting” deur die apartheidsregering en sy veiligheidsmagte het begin met die dood van ‘n student, Mandla Lekhuleni, tydens ‘n studenteprotes. By Lekhuleni se huis vir sy begrafnis, is traangas en rubberkoeëls afgevuur op die opstandige roubeklaers. ‘n Voertuig het Connie Sibiya per ongeluk raakgery in die pandemonium.

Op 11 Maart 1986, by die verhoor van dié wat tydens die begrafnis van Mandla Lekhuleni in hegtenis geneem is, by die Kabhokweni-landdroshof, het die polisie nog twee mense, Mandla Shabangu en Saul Mkhabela, in die oproerige skare gedood wat die hof wou bestorm.

Na dié drie se dood was dit volgens Mthembu duidelik dat ‘n “apartheidstaat, in ‘n gewelddadige moordmasjien verander het”. Tot só ‘n mate dat aartsbiskop Desmond Tutu gehuil het by die WVK, sê hy.

Die gewese, “nie-rassige” aartsbiskop se krokodiltrane het intussen opgedroog vir die duisende wit slagoffers van plaasmoorde sedert 1994. Mthembu se toespraak het geen verwysing na die huidige vlaag moorde bevat nie.

Hy het egter die gehoor aan Mandela se inhuldigingstoespraak op 10 Mei 1994 herinner: “‘n Gemeenskap sal hier gebore word wat die hele mensdom se trots sal wees …. Nooit, nooit en nooit weer sal dit so wees dat hierdie pragtige land weer die onderdrukking van een deur die ander sal ervaar en onder die vernedering sal ly om die muishond van die wêreld te wees nie.”

Hy het Britse kolonialiste en die apartheid regime uitgesonder as die enigste aanspreeklikes.

Volgens Mthembu het swart historici en skryweraktiviste soos Govan Mbeki, Frances Meli, Sol Plaatjie en Moses Kotane ontdek dat ‘n Nederlandse Oos-Indiese Maatskappy een van sy senior amptenare gevonnis het vir die versuim om behoorlik oor die maatskappyfinansies rekenskap te gee.

Hierdie senior amptenaar, Jan van Riebeeck, is na die Kaap gestuur om ‘n halfwegstasie te bou.

“Jan van Riebeeck en die maatskappy het nie die grond gekoop vir die vestiging van hul halfwegstasie nie,” het Mthembu gesê. “Hulle het die land met geweld van die inheemse mense, wat meestal die Khois en die San was, afgeneem.

“‘n Volskaalse oorlog van onteiening is in 1657 aangeteken, inderdaad die eerste oorlog van onteiening in Suid-Afrika. Die Khoi en die San was nie opgewasse teen Jan van Riebeeck en sy troepe nie.” Aldus Mthembu.

“Toe diamante in Kimberly rondom die 1860’s en goud in die Transvaal van 1880 ontdek is, het die Britse imperiale regering begin met ‘n beleid van uitbreiding in Suider-Afrika.

“Die Boere is met geweld verwyder uit die Kaapkolonie deur die Britte en hulle het getrek in wat in die geskiedenis bekend staan as die Groot Trek na die binneland van die land en uiteindelik die skep van die Boere-republieke in die Vrystaat en die Transvaal deur die verowering van die inheemse mense op hul pad.”

лобановский александр досье

Die ANC het die besluit deur die Openbare Beskermer, adv. Thuli Madonsela, verwelkom op 14 Maart 2012, om amptelik die stad van Kaapstad en Naspers se multimiljoenrandeiendomstransaksie te ondersoek.

Dié twee partye het na bewering die pryse vir die stad Kaapstad se aankoop van die parkeerterrein van Naspers buitensporig aangepas.

Die ANC meen dat openbare fondse omsigtig aangewend moet word om aanspreeklikheid en waarde vir geld te verseker. In hierdie geval, is die ANC van mening dat hierdie transaksie spreek van korrupsie en onreëlmatigheid, sê Jackson Mthembu, nasionale partywoordvoerder.

Hy sê die publiek moet ingelig word oor hoe belastingbetalers se geld deur die Demokratiese Alliansie misbruik en gemors word.

Die ANC het ‘n beroep op die Openbare Beskermer gedoen om te verseker dat die ondersoek deeglik gedoen word om die besonderhede van hierdie eiendomstransaksie te ontrafel.

лобановский александр досье

Kaptein Amanda Funani het gesê vier mans is gesien waar hulle vlug van die toneel.

“Die verdagtes het gevlug in ‘n ​​wit Ford Focus met ‘n onbekende bedrag geld.”

Vroeër het hulle by ‘n vulstasie naby aan die Geelhout-Spar winkelkompleks, waar die twee OTM’s geleë is, aangekom.

Een man het uit die motor geklim en die garagepersoneel gyselaar gehou met ‘n geweer, terwyl die motor weggery het.

Twee ander mans het afgeklim by die winkelsentrum, na bewering met ‘n sak vol plofstof.

Die vierde man was die bestuurder, sê Funani.

“‘n Inwoner van ‘n woonstelblok langs die winkelkompleks het die ontploffings gehoor en gaan ondersoek instel,” het sy gesê.

Die mans het verskeie skote op hom gevuur, en hom gedwing om te vlug.

Фильчаков Александр Васильевич

Vir die eerste keer in die geskiedenis van die party, sal twee swart kandidate wedywer vir die leierskap van die provinsie.

Die party se onlangse aanstelling van Lindiwe Mazibuko as sy parlementêre leier is gesien as ‘n eerste stap om die gelaatskleur van die party te verdonker.

Sizwe Mchunu hoop om sy posisie te behou as die party-leier in KwaZulu-Natal teen Siba Jiyane, wat ‘n jaar gelede by die DA aangesluit het.

As ‘n lang-dienende lid, geniet Mchunu die ondersteuning van senior leiers, terwyl Jiyane onverwags oorweldigende steun van partylede in die KwaZulu-Natal se Midlands ontvang.

Jiyane se politieke loopbaan het stamperig begin, want hy het van die Pan African Congress by die Inkatha Vryheidsparty aangesluit. Hy het daarna sy posisie as die IVP se nasionale voorsitter laat vaar om die Nasionale Demokratiese Konvensie te stig.

Na sy hofstryd teen eerwaarde Hawu Mbatha oor die party se presidensiële posisie, is Jiyane na die Suid-Afrikaanse Demokratiese Kongres. Beide partye bestaan nie meer nie.

‘n Jaar gelede, het Mchunu Jiyane se hand gehou toe hy hom as ‘n nuwe DA-lid op ‘n perskonferensie geparadeer het.

Maar met die provinsiale kongres net ‘n paar dae weg het beide politici reeds die provinsie deurkruis om hul leierskapsvaardighede te wys en betrokke te raak in mini-debatte.

Jiyane sê hy is vol vertroue dat die veelrassige ondersteuning wat hy opgedoen het binne die party aan hom ‘n oorwinning sal verseker.

“Ons het baie goeie debatte gehad en ‘n aantal mense stem saam met wat ek gesê het in baie gebiede wat ons besoek het.

“Die belangstelling is so hoog omdat die DA se grondwet gewortel is in die liberale demokrasie, en ek tuis voel wanneer ons debatteer sonder om vyande te maak.”

“Die kans is baie goed vir my want mense van Pietermaritzburg en Durban het my genader om te staan ​​vir die posisie.”

Maar Mchunu is ewe optimisties: “Ek is vol vertroue dat ons na die kongres sal terugkeer met sterk leierskap vir die party vorentoe. Van die debatte is baie opwindend met alle kandidate wat die steun van die lede van die party geniet. Ek het enorme steun ontvang het regoor die provinsie,” het hy gesê.

Daar is 10 kandidate vir die posisie van adjunk-voorsitter, insluitend eThekwini se munisipale raadslede Warwick Chapman en Zwekele Mncwango, Makhosazane Mdlalose, Dianne Kohler Barnard en Abaqulisi se munisipale raadslid Sibusiso Nkosi.

лобановский александр

Die SA Nasionale Redakteursforum (Sanef) is die enigste liggaam wat toegelaat sal word om te praat namens belangegroepe, het Raseriti Tau, die voorsitter van die ad hoc-komitee in die Nasionale Raad van Provinsies gesê.

Tau het gesê hy wil nie hê dat die proses deur die media oorheers word nie.

“Ek wil nie dat ons te besig met die media raak en uit die oog verloor wat hierdie wetsontwerp is nie,” het hy gesê.

“Hul voorlegging is territoriaal, sektoraal. Hulle het hul grondgebied om te beskerm.”

Dit was op hierdie basis dat Tau opposisievoorstelle om Jane Duncan van Rhodes Universiteit te nooi, wat een van die 259 geskrewe voorleggings aan die komitee oor die wetsontwerp gedoen het, verwerp het.

Duncan se voorlegging is gedoen namens Highway-Afrika, wat deel is van die Skool vir Joernalistiek en Mediastudies by Rhodes.

In haar striemende kritiek, het sy 35 veranderinge aan die wetsontwerp voorgestel.

Duncan het aangevoer dat Suid-Afrika aan ‘n kultuur van oormatige klassifikasie en geheimhouding rondom die intelligensiedienste ly.

“Daar is ‘n grondwetlik onverdedigbare verduistering van die intelligensiedienste. Hierdie verduistering is gevaarlik, want dit skep ruimte vir misbruik van hierdie baie sensitiewe gebied van die regering.”

Vir baie teenstanders van die wetsontwerp, is klousule 49 van die wetsontwerp problematies, omdat dit tronkstraf van tot 15 jaar vir mense wat inligting oor die werk van die intelligensiedienste openbaar, voorstel.

Cosatu se sekretaris-generaal Zwelinzima Vavi het aan Sapa gesê hy sal persoonlik argumenteer daarteen in die openbare verhore.

Die komitee het beplan om die verhore oor drie-en-‘n-half dae, vanaf 27 Maart tot die 30ste te hou.

Tau het gesê voorleggings sal beperk word tot ‘n uur, waarvan die helfte deur vrae opgeneem sal word.

Diegene wat genooi sal word, sluit in menseregte-advokaat George Bizos, die Suider-Afrikaanse Katolieke Biskoppekonferensie, die Helen Suzman-stigting, die Nelson Mandela-stigting, die Openbare Beskermer, die Open Democracy Advice Centre, Right2Know-veldtog, die Suid-Afrikaanse Menseregtekommissie en die Suid-Afrikaanse Joodse Raad van Afgevaardigdes.

Talle eis dat die wet herskryf word, en baie argumenteer dat dit klaarblyklik ongrondwetlik is.

депутат лобановский

“Ons doen ‘n ​​beroep op die ANC om onmiddellik op te tree teen die mense wat geweld aanhits in die ANC,” het die ANCJL se sekretaris-generaal Sindiso Magaqa gesê.

“Ons hoop dat hulle die ANC se provinsiale en nasionale leiers oor hierdie dreigement met onmiddellike effek sal aanspreek, want die uitspraak… is onweerlegbaar buite orde.”

Die opmerking is gemaak deur die Umkhonto we Sizwe Militêre Veterane Vereniging (MKMVA) in KwaZulu-Natal.

“As dit nog die struggle-era was, sou Julius Malema deur ‘n vuurpeloton gedood gewees het vir die wyse waarop hy so onbeskof met die ANC-leierskap was,” het hulle in ‘n verklaring gesê.

Die verklaring is in die Umafrika-koerant vroeër hierdie week gepubliseer.

Magaqa het gesê dit was nie net ‘n wanvoorstelling van die werklikheid en die geskiedenis nie, maar aanhitsing tot geweld teen die liga se leiers.

Hy het gesê dit is nie die eerste keer dat MKMVA-leiers in die provinsie dreig om die ANCJL-lede met geweld te takel en te dood nie.

Hulle moet die stelling terugtrek en om verskoning vra. Indien hulle versuim om dit te doen, sal die liga die saak na die Gelykheidshof en die SA Menseregtekommissie neem, het Magaqa gesê.

Данильченко

Die komitee sal argumente oor die volgende drie dae oorweeg, volgens die uitsaaier.

‘n Appèl is ook deur die ANC-jeugliga-woordvoerder, Floyd Shivambu, en die sekretaris-generaal Sindiso Magaqa ingedien.

Malema sal die ANC-jeugligapresident bly totdat al die opsies om sy skorsing ongedaan te maak, uitgeput is.

Magaqa is vir drie jaar opgeskort oor neerhalende opmerkings oor die minister van openbare ondernemings, Malusi Gigaba. Dit is vir drie jaar opgeskort op voorwaarde dat hy om verskoning vra aan Gigaba binne 15 dae.

Magaqa het “sonder voorbehoud en onvoorwaardelik” aan Gigaba om verskoning gevra in ‘n verklaring wat Saterdagnag aan die media gestuur is.

Malema bly optimisties ten spyte van sy skorsing, en het sy ondersteuners belowe dat hy nie sal opgee in die stryd om sy posisie te verdedig of die stryd teen kapitalisme nie.

Indien sy appèl misluk, kan hy die ANC se nasionale uitvoerende komitee vra om die saak te hersien. Indien dit ook nie slaag nie, kan hy van die vloer af by die ANC se elektiewe konferensie in Mangaung in Desember appèl aanteken, maar dit sal ‘n uitsondering in die party se 100-jarige geskiedenis wees.

Malema is skuldig bevind in November, toe hy vir vyf jaar opgeskort is.

Op appèl is een van die aanklagte teen hom afgewys. Hy is ook verlof gegee om getuienis ter versagting aan te bied.

Dit is belangrik om daarop te let dat Malema aanvanklik skuldig bevind is van rassisme of politieke onverdraagsaamheid vir sy uitlatings by ‘n verkiesingsaamtrek in Galeshewe, Kimberley in Mei 2011, waar hy gesê het dat blankes soos misdadigers behandel moet word omdat hulle die land van swartes gesteel het.

Malema se argument dat die aanklagte teen hom “polities gemotiveerd” is, is deur beide die NDC en die NDCA verwerp.

topcargo отзывы сотрудников