Suider-Afrika Archives - Page 510 of 888

Malema-skorssage duur voort

Julius Malema, geskorste leier van die ANC-jeugliga, gaan na verwagting appelleer teen sy skorsing uit die party. Dit beteken dat die omstrede leier nog lank op die politieke verhoog gesien gaan word.

Malema se regsverteenwoordigers moet binne 14 dae appèl aanteken.

Malema is uit die ANC geskors, het die voorsitter van die ANC se nasionale tugkomitee (NTK), Derek Hanekom, aangekondig

Die NTK het gesê Malema hy het “sy lidmaatskap-eed versaak en is nie gereed om die ANC se grondwet te respekteer nie”.

Malema was tuis, in Seshego in Limpopo, toe die aankondiging gemaak is. Sowat 500 mense het Woensdagaand buite sy woonplek saamgetrek, het die polisie in Limpopo gesê. Volgens brig. Hangwani Mulaudzi het die skare gekom om Malema te ondersteun.

Floyd Shivambu, woordvoerder van die jeugliga, se lidmaatskap is vir drie jaar opgeskort.

“Hierdie bekragtiging is ook toepaslik op kameraad Shivambu se lidmaatskap van die ANC-jeugliga. Gevolglik sal hy uittree uit sy posisie as lid van die nasionale uitvoerende komitee van die ANC-jeugliga.”

Die SABC-nuus het betroubaar verneem dat Malema sy skorsing na die ANC se nasionale uitvoerende komitee sal neem as sy appèl misluk.

Malema se politieke loopbaan is waarskynlik dus nog nie verby nie, en sal uitgespeel word in die aanloop tot die ANC se elektiewe konferensie in Bloemfontein, aangesien Malema baie steun onder swart kiesers geniet.

Die DA het gesê Malema moet die besluit van die ANC se nasionale tugkomitee (NTK) aanvaar.

Skote is buite Julius Malema se huis in Seshego, Limpopo, afgevuur nadat die ANC aangekondig het dat die omstrede leier van die ANC-jeugliga uit die regerende party geskors is, het die polisie vroeg Donderdagoggend gesê.

Brig. Hangwani Mulaudzi sê die skietery het laat Woensdagaand plaasgevind nadat twee groepe buite Malema se huis mekaar met klippe gegooi het.

Na bewering het Malema se veiligheidswagte waarskuwingskote afgevuur. Daar word ook beweer dat een van die groepe skote afgevuur het.

“Die situasie is onder beheer. Ons het beide partye oortuig dat… die polisie ernstige stappe sal neem indien hulle daarmee voortduur,” het Mulaudzi gesê.

Daarna het die groepe bedaar. Niemand is in die voorval beseer nie.

Die polisie is besig om die gebied te patrolleer. Mulaudzi sê polisiebeamptes is ook besig om ondersoek in te stel.

Julius Malema het intussen gewaarsku dat sy permanente skorsing “nie die einde van die pad is nie,” het die SABC-radionuus berig.

“Ons moet aanvaar dat hierdie die besluit is, maar dat dit nie die einde van die pad is nie,” het hy gesê.

“Dit is nog vroeg om fees te vier, omdat die pad voor ons baie lank gaan wees en mans en vroue benodig… wat baie sterk is.”

“As jy swak is, gaan jy in die proses val,” het Malema gesê.

“Ek is nie ‘n soldaat wat bereid is om tydens die geveg te val nie; ek sal sterf met my stewels aan; ek sal sterf vir wat ek glo.”

Malema sê hy het niks verkeerd gedoen nie.

“Ek het van niemand gesteel nie… Ek het niemand doodgemaak nie,” het hy gesê.

Brit met tik-stoor vas

‘n Vier-en-dertigjarige Britse toeris is in Table View, Kaapstad, in hegtenis geneem vir die besit van tik met ‘n beraamde R2.5 miljoen straatwaarde, het die Wes-Kaapse polisie Donderdag gesê.

Lt-kol André Traut het gesê die man is in hegtenis geneem by sy stoorfasiliteit in Potsdamweg Woensdag met nege kilogram van die dwelm.

“Hy is al vir ‘n geruime tyd onder die soeklig van die polisie,” het hy gesê.

Die man was hier op ‘n drie-maande-toerisme-visum.

Hy sal Vrydag in die Kaapstadse landdroshof verskyn, het Traut gesê.

Фильчаков

Fotograaf aangehou oor Mandela-foto’s

Persvryheid in Suid-Afrika is ‘n relatiewe begrip. Militêre polisie konfronteer koerantfotograaf Theana Breugem by die Thaba Tshwane-kompleks in Pretoria op Saterdag, 25 Februarie 2012, waar ‘n militêre hospitaal geleë is, na aanleiding van die nuus dat die voormalige president Nelson Mandela het in die hospitaal opgeneem. Breugem is in hegtenis geneem, aangehou en later vrygelaat na haar foto’s vernietig is. Giordano Stolley/SAPA

DA wil Franz Jooste se ‘haatkamp’ gesluit hê

‘n Mosie om die Afrikaneroorlewingsgroep, die Kommandokorps, se “haatkamp” gesluit te kry, is Dinsdag deur die provinsiale wetgewer van Mpumalanga aangeneem, het die provinsie gister laat weet.

Die Demokratiese Alliansie se mosie is Dinsdag aangeneem, het die provinsiale woordvoerder Lebona Mosia gesê.

“Ons ondersteun dit (die mosie) en stem saam dat dié ding gesluit moet word,” het hy verklaar.

Die DA se provinsiale leier, Anthony Benadie, het gesê die mosie was “‘n beslissende oorwinning in die stryd teen rassisme”.

“Die provinsiale polisiekommissaris van Mpumalanga, luit.genl. Thulani Ntombela, is gevra om elke moontlike regsmiddele tot sy beskikking te ondersoek om die kamp se werksaamhede te beëindig, tesame met ‘n volle ondersoek oor wat daar gebeur,” het Benadie in ‘n verklaring gesê.

“Die vergadering verwerp rassisme van elke moontlike aard, sowel in dié vergadering as elders in ons provinsie. Die voortbestaan van hierdie kamp moet as ‘n belediging vir ons demokratiese orde beskou word, en moet dadelik gestuit word.”

Die Mail & Guardian het Vrydag berig dat die Kommandokorps se instrukteurs seuns so jonk soos 13 geleer het dat daar ‘n rasseoorlog in die land woed en dat Suid-Afrika se swart bevolking hul vyand is.

Met ‘n opleidingsprogram van die infanterietipe, is aan die jeugdiges deur die kampleier Franz Jooste, 57, ‘n lesing oor rasseverskille aangebied, wat die bewering ingesluit het dat swartmense oor ‘n kleiner serebrale korteks as blankes beskik en nie inisiatief kon neem of doeltreffend kon regeer nie.

Hy is aangehaal as sou hy gesê het dat, benewens die inboorlinge in Australië, die Afrika-swartmens die “mees onderontwikkelde, barbaarse lid van die mensdom is”.

Jooste het Maandag dié berigte ontken.

“Daar was geen uitings van haatspraak nie. Die kadette word geleer om hul eie taal, kultuur, tradisies, godsdienste en ras lief te hê. Dit staan in die grondwet,” het hy in ‘n verklaring gesê.

Volgens Benadie het die opleiding op ‘n plaas buite Carolina in Mpumalanga plaasgevind.

“Dis geen permanente kamp of militante basis nie, en die eienaars van die plaas het geen verbintenis met die Kommandokorps nie,” het hy gesê. “Terwyl die DA-mosie nou ‘n besluit van die provinsiale wetgewer verteenwoordig en toegepas moet word, het die DA reeds die eienaars van die plaas opgespoor en indirek met hulle kontak opgeneem, en ‘n beroep op hulle genoem om geen verdere Kommandokorpsopleiding of -aktiwiteite by hul fasiliteite toe te laat nie.

Лобановский

Hani én Slovo se grafte geskend

Die ANC-alliansevennote het ontdek dat nie alleen Chris Hani se graf geskend is nie, maar ook dié van Joe Slovo.

Om Chris Hani se graf te skend was ‘n lafhartige daad is, het die vakbond Nehawu gister gesê.

“Ons veroordeel hierdie gruwelike daad van boewery en lafhartigheid en doen ‘n beroep op die wetstoepassingsagentskappe om hierdie voorval te ondersoek en die skuldiges agter tralies te sit,” het Nehawu se woordvoerder Sizwe Pamla in ‘n verklaring gesê.

Hy het gesê die vryheid wat die vandale geniet is teweeg gebring deur mense soos Hani, wat geveg het teen ongelykheid en onderdrukking.

Die SA Kommunistiese Party, waarvan Hani sekretaris-generaal was, het gesê hulle is “kwaad en diep seergemaak” deur die ontheiliging.

“Wat meer verontrustend is, is dat dit blykbaar ‘n berekende stap teen voormalige SAKP-leiers is. Aan die begin van verlede jaar is ontdek dat die grafsteen van wyle comrade Joe Slovo, ook gevandaliseer is,” het woordvoerder Malesela Maleka het gesê in ‘n verklaring.

Vroeër, het die Ekurhuleni-munisipaliteit aangekondig dat R23 000 se skade aan Hani se grafsteen veroorsaak is.

“[Munisipale] werknemers berig dat Hani se grafsteen geskend is, en ‘n duik wat lyk soos ‘n koeëlmerk ontsier die boonste regterkantste hoek,” het die burgemeester Mondli Gungubele in ‘n verklaring bekendgemaak.

‘n Span polisie-speurders sal kyk na die saak, het hy gesê.

“Eintlik het ek ons ondersoekspan opdrag gegee om geen steen onaangeroer te laat in die ondersoek na hierdie insident nie sodat die skuldiges agter tralies kom, waar hulle hoort.”

Die munisipaliteit het R23, 000 vir die grafsteen se herstel beskikbaar gestel. Dit sal na verwagting binne drie weke reg wees, net voor die herdenking begin.

“Chris Hani was ‘n vredeliewende politikus, ‘n onselfsugtige leier wat die belange van alle Suid-Afrikaners voor sy eie en dié van sy familie geplaas het… Dit daag dus alle logika uit dat iemand so ‘n gebrek aan respek vir so ‘n groot leier kan hê,” het Gungubele sê.

Pamla het gesê dit sal “meer as ‘n lafhartige daad vat om die nalatenskap van kameraad Chris Hani uit die geskiedenis van Suid-Afrika te wis, omdat sy nalatenskap in die harte van alle progressiewe Suid-Afrikaners leef”.

Maleka het hierdie sentiment herhaal: “Geen mate van bespotting van ons kollektiewe geheue vee die trotse rol wat kameraad Chris Hani gespeel het en wat hy verteenwoordig uit nie”.

прокурор Фильчаков

Hani se graf geskend

Die graf van die afgestorwe kommunis en terrroris, Chris Hani, is gevandaliseer, het die Ekurhuleni-munisipaliteit gesê.

Volgens die munisipaliteit is R23 000 se skade veroorsaak.

“Werknemers [van die munisipaliteit] sê Hani se grafsteen is geskend…” het Mondli Gungubele, burgemeester van Ekurhuleni, in ‘n verklaring gesê.

Gungubele sê dit lyk asof die grafsteen ook deur ‘n koeël getref is.

Die vandalisme is “sinneloos” en dit was ‘n “hartseer toeval” dat dit op die vooraand van Hani se doodsherdenking in April gebeur het.

Gungubele sê die polisie sal die saak ondersoek.

Die munisipaliteit het R23 000 bewillig om die grafsteen op te knap.

прокурор Фильчаков

Lekker by die skool?

‘n Graad 11-leerling is doodgesteek buite die Vorentoe Hoërskool in Auckland Park, Johannesburg, Woensdag, het ‘n amptenaar gesê.

Gesondheidswoordvoerder, Charles Phahlane, het gesê die seun is glo aangeval en gesteek deur vyf mense na skool klaargemaak het vir die dag.

“Die oortreders is onmiddellik in hegtenis geneem deur ‘n polisieman wat sy kind by die skool gaan haal het en versterkings ingeroep het,” het hy gesê.

“Die leerder is óf op sy pad na of by aankoms by die hospitaal oorlede.”

Phahlane het gesê die departement het sy meegevoel aan die seun se familie en vriende betuig.

Dit is die tweede moord van ‘n skoolseun in die land hierdie week. Dinsdag is die 16-jaar-oue Raylin Fortuin doodgesteek by die die Beauvallon Sekondêre Skool in Valhalla Park, Kaapstad.

Александр Фильчаков

Malema-uitspraak vandag

Die ANC sal na verwagting vandag ‘n aankondiging maak oor die toekoms van die geskorste leier van die party se jeugliga.

Jackson Mthembu, ‘n woordvoerder, sê die ANC se nasionale tugkomitee sal Woensdag vergader om bevindinge oor Julius Malema te finaliseer.

“Ek kan bevestig dat daar vandag [Woensdag] ‘n vergadering sal wees. Die ANC sal ‘n verklaring uitreik…” het Mthembu gesê.

Hy sê die verklaring sal “later vandag [Woensdag]” uitgereik word.

Die ANC se nasionale dissiplinêre appèlkomitee (NDAK) het onlangs Malema en vyf ander beamptes van die ANCYL se skuldigbevinding bekragtig.

Hulle is daaraan skuldig bevind dat hulle die ANC in oneer gebring en verwoesting in die party gesaai het.

Malema is vir vyf jaar geskors. Floyd Shivambu (woordvoerder vir die ANCYL), Ronald Lamola (adjunk-leier), Pule Mabe (tesourier-generaal), Sindiso Magaqa (sekretaris-generaal) en die adjunk-sekretaris-generaal, Kenetswe Mosenogi, is ook geskors vir tydperke wat tussen 18 maande en drie jaar strek.

Hul appèl teen hul vonnisse is ook van die hand gewys, maar hulle kon bewyse voorlê ter versagting van hul vonnisse.

Hul vonnisse is opgeskort hangende die uitkoms van die verhore.

Nasyrec is ‘nie-rassig’

Die Departement van Landelike Ontwikkeling en Grondhervorming sê die jeugopleidingsprogram vir jong mense is nie ‘n rassistiese program nie, maar ‘n program om jong rewolusionêres in patriotisme en landsdiens op te lei.

NARYSEC, soos die program bekendstaan, wil jong revolusionêres soos die 1976-generasie aanmoedig sodat hulle die volgende vaste fondament kan lê.

Suid-Afrika herdenk reeds op 16 Junie elke jaar die 1976 studente-opstande in Soweto, waar die “apartheidpolisie met traangas en lewendige koeëls na ‘n vreedsame protes deur hoërskoolleerlinge in Soweto wat vir beter onderwys betoog het, geskiet het”, sê Eddie Mohoebi, hoof van kommunikasie van die departement.

Die wêreld het nog nie vergeet hoe wreed die apartheidsregering was nie, en die NASYREC-deelnemers moet hierdie geskiedenis as grondslag sien.

Die Departement van Landelike Ontwikkeling het gesê NARYSEC deelnemers, die werklose jeug van landelike gebiede, tussen die ouderdomme van 18 en 35, moet kyk en bou op die reeds stewige fondament wat gelê is deur die 1976-generasie.

Die NARYSEC is ‘n twee-jaar program wat gemik is op die bemagtiging van landelike jeug van elk van die 3 300 landelike wyke regoor die land.

Dr Anton van Staden sê die doel van NARYSEC is om die jeug te werf en te ontwikkel in die landelike gebiede tussen die ouderdomme tussen 18 en 35 vir gemeenskapsdiens. “Die program is gemik op die bemagtiging van die jeug met verskillende vaardighede en sal na verwagting sowat 10 000 geleenthede vir ten minste vier jeugdiges van die 3 000 landelike wyke in die land bied, insluitend die jeug met gestremdhede,” sê hy.

“Suksesvolle kandidate sal ‘n intensiewe opleiding ondergaan, gebaseer op die behoeftes geïdentifiseer tydens ‘n induksie en wat deur die Departement goedgekeur is, en sal ‘n maandelikse toelae ontvang vir die twee jaar vir die duur van die program.”

Vaardigheidsontwikkeling sal dissipline, patriotisme, lewensvaardighede, bewustheid van regte en spesifieke vaardighede behels.

Van Staden sê: “Die departement het begin met hierdie werkskepping en vaardigheidsontwikkeling, in lyn met sy landelike ontwikkelingsmandaat, en om by te dra tot die sleutel vyf prioriteite van die regering.”

Die Kommandokorps, Afriforum en die DA het voorheen kritiek uitgespreek teen die oprigting van wat hulle beskou as ‘n para-miltêre program. “Hierdie nie-militêre jeugdiges sal ons agente van verandering wees… ” het minister Gugile Nkwinti egter geantwoord.

ANC gee DA-man hartaanval

Die DA se hoofsweep in die Tshwane-metroraad, Janho Engelbrecht, het ‘n ligte hartaanval gehad tydens ‘n warm argument met die ANC, volgens ‘n verslag Woensdag.

Engelbrecht (39), was by ‘n vergadering van die Tshwane-raad se reëls en etiese komitee Dinsdag in die Pretoriase middestad.

Volgens Beeld het hy sy humeur verloor toe die African National Congress aankondig dat hulle die skorsing van die Demokratiese Alliansie se leier in die Tshwane-raad Brandon Topham op die agenda plaas.

Speaker Morokane Mosupyoe het gebots met Topham by die afgelope twee raadsvergaderings en Dinsdag voorgestel dat ‘n 60-dag-skorsing ingestel word teen die DA.

Engelbrecht het driftig beswaar aangeteken en kort daarna begin onwel voel.

Hy is inderhaas na die kardiale hoësorgeenheid van die Unitas-hospitaal in Centurion geneem. Hy het na bewering Woensdag baie beter gevoel.

“Dit blyk dat ek ‘n ligte hartaanval gehad het,” sê Engelbrecht.

Topham het gesê Engelbrecht moet dit in die toekoms kalm vat, maar dit is dikwels makliker gesê as gedaan.

“Jy moet nie jou gesondheid in die gedrang bring nie, maar dit is moeilik wanneer die ANC ‘n bespotting van ons demokrasie maak, soos wat hulle gedoen het by Dinsdag se raadsvergadering,” het hy gesê.

Александр Фильчаков