Suid-Afrikaanse nuus, d.w.s. sowel nuus uit Suid-Afrika én Suider-Afrika.
Erwin, minister van openbare ondernemings, word allerweë as een van president Mbeki se vertrouelinge beskou. Hierdie besluit volg op berigte dié naweek dat hy en die minister van finansies, Trevor Manuel, onlangs woorde gehad het oor Erwin se ambisieuse planne vir staatsbeheerde ondernemings.
'n Woordvoerder van die president se kantoor wou hom nie oor Erwin se besluit uitlaat nie. Hy het dit as onbelangrik bestempel.
Volgens die Johannesburgse koerant The Sowetan, is 'n sakeman van Actonville vermoor omdat hy buitelandse werkers in diens gehad het.
Konstabel Godin Nyathi van die polisie sê dat die man binne sy huis doodgebrand het. Die skare was afkomstig van die Emlotheni- en Emandleni-plakkerskampe.
Die etniese konflik tussen Afrika-immigrante en plaaslike inwoners in die Gautengprovinsie het teen gister steeds aangehou, in weerwil van polisie-optrede en oproepe om kalmte. Daar is reeds 22 mense dood en 10 000 is dakloos gelaat.
Aartsbiskop Desmond Tutu het 'n beroep op die amokmakers gedoen om die geweld te staak. Hy het na immigrante as ons broers en susters verwys.
'n 25-jarige man wat deur die polisie op die Oosrand in hegtenis geneem is, het aan verslaggewers gesê dat die Sjangaans verbrand sal word as hulle nie padgee nie. Volgens hom sal hulle vir die land veg. Hulle sal aanhou en die owerhede kan hulle nie keer nie.
Intussen word uit Kaapstad berig dat die polisie reeds moontlike gevaarpunte geïdentifiseer waar etniese geweld soos in Gauteng mag uitbrei.
Die burgermeesterslid vir veiligheid, Dumisani Ximbi, het verklaar dat die uitbreiding van aanvalle op vlugtelinge en buitelandse burgers van Alexandra deur Gauteng het die stad genoop om te verseker dat soortgelyke gevalle nie in Kaapstad plaasvind nie.
Volgens hom het sowel die Suid-Afrikaanse Polisiediens as die metropolisie 'n risikobestuursplan opgestel.
Kaapstad het tot dusver die geweld vrygespring hoewel 'n Somali-winkelier verlede Vrydag in die Durbanville-omgewing doodgeskiet is. Die moord kon egter tot dusver nie aan die etniese konflik verbind word nie.
Hillbrow, Jeppe, Cleveland en sentraal-Johannesburg is steeds onrustig met gewapende bendes in die strate. Polisie het motoriste gewaarsku om die sakegebied te vermy.
'n Immigrant is gister dood nadat hy in sy eie komberse toegedraai is en aan die brand gesteek is.
Die Franse hulporganisasie, Dokters-sonder-grense, sê die situasie kom neer op 'n volwaardige humanitêre krisis.
Bendes jeugdiges het gister die kerk aangeval. Tot nou is 13 mense dood in die etniese konflik tussen buitelanders en plaaslikes, met nog 60 wat beseer is. Die konflikgebied strek vanaf Diepsloot ten noorde naby Pretoria tot die Johannesburgse middestad en dwarsoor die Oos- en Wesrand.
Die polisie het Saterdag die Sentrale Metodistekerk gewaarsku dat aanvalle verwag kon word terwyl immigrante hulself met bakstene bewapen het.
‘n Metodistebiskop, Paul Verryn, wat buitelandse swartes in die Johannesburgse middestad onderdak gee, het die huidige gevegte tussen buitelanders en plaaslikes ‘n "oorlog" genoem en gevra dat ‘n noodtoestand ingestel word.
Bendes jeugdiges het gister die kerk aangeval. Tot nou is 13 mense dood in die etniese konflik tussen buitelanders en plaaslikes, met nog 60 wat beseer is. Die konflikgebied strek vanaf Diepsloot ten noorde naby Pretoria tot die Johannesburgse middestad en dwarsoor die Oos- en Wesrand.
Die polisie het Saterdag die Sentrale Metodistekerk gewaarsku dat aanvalle verwag kon word terwyl immigrante hulself met bakstene bewapen het.
Die skip se vrag is na wat beweer word by Ponte Negra in die DRK afgelaai, maar Zimbabwiese amptenare sê die vrag is in Luanda afgelaai.
Canal de Moçambique sê die wapens is na Harare gevlieg in 'n Russiese Ilyushin Il-76 wat aan Avient Aviation in die VK behoort. Dit is deur regeringsamptenare in Harare bevestig volgens die Weekender.
In Thokoza op die Oos-Rand is ses mense Vrydagnag in hegtenis geneem vir openbare geweld wat verband hou met vreemdelinghaat, sê die polisie. Twee plakkershutte is aan die brand gesteek en 'n aantal mense is beseer.
Ongeveer 50 mense skuil tans by die Thokozapolisiestasie.
Die polisie sê ook die toestand in Diepsloot bly gespanne en buite beheer. Buitelanders is steeds besig om uit Diepsloot te vlug uit vrees vir aanvalle.
Almal van hulle het skuldig gepleit en het erken dat hulle gelieg het dat hulle werkloos was terwyl hulle voltyds in diens van die staat was. Weens hul valse verklarings het hulle behuisingsubsidies wat vir die armes bestem is, verkry.
Dis onbekend of die amptenare hul werk verloor het maar hulle moet die uitbetaalde bedrae in maandelikse paaiemente terugbetaal.
Duisende staatsamptenare is by die bedrog betrokke en dertig van hulle sal elke maand tot Desember in Pietermaritzburg in die hof verskyn.
'n Segsman van die presidensie het aan die Citizen-koerant gesê dat dit die eerste keer is dat hy die storie hoor. Omtrent 182 wit plase is reeds oorgeneem en 30 lê verlate sedert 6 April 2008.
Die president van die Commercial Farmers' Union, Trevor Gifford, sê die toestand bly gespanne en boere word steeds geïntimideer.
