Nuus Archives - Page 931 of 1583

Getuie wys skuldiges uit in ET-moord

‘n Plaaswerker het Dinsdag getuig dat Chris Mahlangu en sy minderjarige medebeskuldigde erken het dat hulle die AWB-leier, Eugene Terre’Blanche gesteek het.

“Op 3 April 2010 het ek in my woonplek gesit en hulle het ingekom en gesê hulle het Terre’Blanche gesteek,” het Richard Silane in die rondgaande hof op Ventersdorp getuig.

“Hulle het ‘n telefoon gesoek en die jonger een het toe die polisie gebel.”

Silane, wat op ‘n buurplaas werk, het die minderjarige in die hof uitgewys as die persoon wat die telefoonoproep gemaak het.

“Toe hulle klaar is, het hulle gesê hulle gaan loop en dat die polisie hulle langs die pad sou kry. Hulle het toe in die rigting van Terre’Blanche se plaas gestap… Ek het hulle nooit weer gesien nie.”

Mahlangu en die minderjarige word daarvan beskuldig dat hulle Terre’Blanche op sy plaas in die Noordwes vermoor het. Albei het onskuldig gepleit op aanklagte van moord, huisbraak en poging tot roof met verswarende omstandighede.

прокурор Фильчаков

Dene Smuts verkies wit DA

Die stryd om die parlementêre leierskap in die DA, is duidelik wit op swart.

‘n Senior wit DA-lid van die parlement, Dene Smuts sal Athol Trollip vir die party se parlementêre baas kies, teen Trollip se uitdager, Lindiwe Mazibuko.

Smuts, die party se hoë-profiel-woordvoerder oor justisie, het gister gesê sy sal vir Trollip in die partyverkiesing op 27 Oktober stem.

“Hierdie verkiesing is ‘n wedstryd tussen ‘n ongetoetste groen loot van die groei-jou-eie-hout kwekery teen ‘n boom wat getoon het dat dit nie buig nie,” sê Smuts.

“Athol Trollip het my steun, want hy vertel enige partybaas wat probeer om die demokratiese uit te haal [uit die Demokratiese Alliansie] om te gaan doppies blaas – en soos ek hom ken, in sterk taal.”

Sy het gesê dat die wedloop vir die parlementêre leierskap van die party nie gesien moet word as ‘n “transformasie-toets” vir die DA se parlementêre koukus nie.

“Daar is baie sterker swart LP’s as die kandidaat [Mazibuko],” sê Smuts.

Die Sunday Times het die naweek berig dat Trollip onder kwaai druk verkeer om die wedloop te laat vaar sodat Mazibuko onbestrede verkies kan word, maar het geweier om dit te doen.

Partyleier Helen Zille ondersteun Mazibuko, sê talle bronne in die DA, maar wil nie in die openbaar toetree om haar gunsteling te voor te stoot nie.

Mazibuko word in die openbaar deur die voorsitter van die DA-koukus James Masango, adjunk-voorsitter Marti Wenger en Kaapstad se burgemeester, Patricia de Lille ondersteun.

“Ek hoop dat enige LP’s wat onder druk voel, sal onthou dat hulle stem geheim is en hul salaris deur die belastingbetaler betaal word, en nie deur die party nie,” het Smuts gesê.

Smuts is geïsoleer want jong wit DA-LP’s, soos Geordin Hill-Lewis, David Maynier en Tim Harris, is van die Mazibuko-stal. Hulle het gehelp by die perskonferensie verlede maand, waar Mazibuko haar kandidatuur aangekondig het.

Hoewel die verkiesing ‘n interne DA-affêre is wat net die stemme van die 78 DA’s en vyf ID’s behels, het Mazibuko ‘n reklame-agentskap gehuur om persvrystellings oor haar veldtog uit te reik. Trollip daarenteen, het gesê die verkiesing is ‘n interne kwessie.

Maar Mazibuko se ander wit stukrag binne die party, Wilmot James, en ook ‘n Zille-vertroueling, het gesê die Mazibuko-ondersteuners het gevoel dit is “nuttig om kiesers te betrek”.

“Dit is ons openbare verteenwoordigers wat stem, daarom dink ons dit is belangrik om te kommunikeer met ons kiesers al die pad,” het James gesê.

Данильченко Харьков

Onderwysers dop laerskoolwiskunde

Baie Suid-Afrikaanse onderwysers kan nie wiskundevrae gebaseer op die kurrikulum een of twee jaar bo die graad wat hulle gee, beantwoord nie.

Slegs 53% van graad 4 se wiskunde-onderwysers kon drie jaar gelede ‘n eenvoudige breukvraag wat gebaseer is op die graad 6-kurrikulum, korrek beantwoord, het ‘n studie bevind.

Slegs 72% van graad 5 se wiskunde-onderwysers het dieselfde vraag, naamlik 1/4 + 3/5, reg gehad in 2009.

Die studie is gedoen deur die JET Education Services in 268 skole in agt provinsies, met Gauteng uitgesluit. Navorsers het 8 383 kinders oor ‘n tydperk van drie jaar vanaf graad 3 in 2007 tot graad 5 in 2009 gevolg.

JET se senior navorser dr Nick Taylor het gesê die gebrekkige vakkennis van onderwysers “moet ‘n diepgaande uitwerking op kinders hê”.

“Onderwysers kan nie oordra wat hulle nie ken nie nie,” het hy gesê.

Die impak van hul gebrekkige kennis word vererger omdat baie leerders nie behoorlike toegang tot handboeke het nie en “byna geheel en al afhanklik van hulle onderwysers vir kennis is”, het Taylor gesê.

Die studie maak deel uit van die 3Rs-projek waartydens verskeie organisasies, waaronder die Raad vir Geesteswetenskaplike Navorsing, gesyferdheid en geletterdheid in skole nagevors het.

Die studie het ook bevind dat die “oorweldigende meerderheid” van wiskunde-onderwysers uitdagende onderwerpe vermy. Gemiddeld slegs 24% van die onderwerpe in die wiskunde-kurrikulum is in Graad 4 en 5 gedek. Onderwysers dek die “eenvoudigste van onderwerpe” en die meeste gee klas in ‘n “meganiese [en] prosedurestyl”.

“Hierdie praktyk het rampspoedige gevolge op die wiskundige kennis waaraan leerders blootgestel word.”

Navorsers het bevind dat uitgebreide stelwerkoefeninge “baie selde in Suid-Afrikaanse klaskamers” voorkom, wat “een van die grootste tekortkominge van skole is”.

Graad 5’e in die Oos-Kaap het slegs twee keer per jaar paragrawe of langer skryfoefeninge geskryf, terwyl die Wes-Kaapse leerlinge dit byna agt keer ‘n jaar gedoen het.

Indien leerlinge nie genoeg behoorlike skryfoefeninge doen nie, sal hulle sukkel om inligting later te ontleed en te interpreteer, het Taylor gewaarsku.

Van Graad 4 se leerlinge het 44% en 32% van die graad 5-klasse nie enige paragrawe in ‘n jaar geskryf nie, wat “ontstellend” is.

Irak dreig om bande met VSA te verbreek

Bagdad dreig om sy militêre bande met Washington aan die einde van hierdie jaar te verbreek en privaatkontrakteurs te gebruik om sy gewapende magte op te lei. Die twee kante sukkel om ooreen te kom oor ‘n klein aantal Amerikaanse troepe wat in Irak sal aanbly nadat die VSA onttrek het.

Die twee partye het in beginsel ooreengekom dat ‘n paar duisend Amerikaanse troepe in Irak aan die einde van die jaar moet aanbly, maar hulle het vasgeval oor of Amerikaanse troepe immuniteit van vervolging sal geniet indien hulle misdade pleeg.

Die Irakse regering het reeds die opleiding van vlieëniers met Lockheed Martin uitgeklaar. Hulle het onlangs F-16’s aangekoop, het Ali al-Dabbagh, Irakse regeringswoordvoerder, Maandag gesê.

“As ons [militêre] toerusting koop, is daar ‘n moontlikheid dat … opleiding vorentoe” op “kommersiële” terme sal geskied, het hy gesê in ‘n onderhoud by ‘n Wêreld Ekonomiese Forum-geleentheid in Abu Dhabi.

Kommersiële opleiding sal egter onwaarskynlik die omvang van wat die VSA kan bied kan dupliseer. Irakese en Amerikaanse amptenare voer reeds maande lank gesprekke oor ‘n voortgesette teenwoordigheid as die missie op 31 Desember sluit.

“Ons is gereed om die opsies wat beskikbaar is sonder immuniteit te bespreek,” het mnr Dabbagh gesê

Maar immuniteit van vervolging onder plaaslike wetgewing is deel van alle Amerikaanse troepe se “status van magte ooreenkomste” (die sogenaamde Sofa) met gasheerlande, insluitend Japan, Suid-Korea, Duitsland en Irak.

Die ooreenkomste stipuleer dat die plaaslike howe nie Amerikaanse militêre personeel vir misdade, insluitend dié wat met voorbedagte rade gepleeg is, kan vervolg nie.

Dit is omstrede in baie gasheerlande, soos Japan, waar die Amerikaanse soldate van verkragting beskuldig word op die eiland Okinawa.

Die Pentagon het gesê dat hulle die Irakse standpunt oorweeg. “As ‘n algemene beginsel, het die VSA se troepe oorsee toepaslike wetlike beskerming nodig,” het ‘n woordvoerder gesê.

Фильчаков прокурор

Geweld teen Christene in Egipte veroordeel

Die dood van minstens 25 Koptiese Christene wat die afgelope naweek in Kaïro in geweld gesterf het, het Maandag ernstige kommer in Amerika en in Europa gewek. Spanning in Egipte tussen godsdiensgroepe is aan die oplaai.

Die slagoffers is Sondag dood toe Egiptiese soldate met pantservoertuie onder ‘n groep Koptiese betogers buite die nasionale TV-sentrum ingejaag het.

Meer as 270 ander is toe ernstig beseer.

Verskeie van die betogers is in hegtenis geneem en sal binnekort voor militêre howe verskyn.

Dit was die ergste geweld in Egipte sedert oudpres. Hosni Mubarak in Februarie vanjaar in ‘n volskaalse straatrevolusie sy amp gedwonge moes neerlê.

Die tussentydse Egiptiese eerste minister, Essam Sharaf, het Maandag in opdrag van die regerende militêre raad ‘n dringende ondersoek na die voorval gelas.

Die Koptiese betogers het in hul protesoptog beswaar aangeteken teen wat hulle bestempel het as volgehoue diskriminasie teen en aanvalle op hul kerke deur Islamitiese ekstremiste, onder wie die Salafiste en die Moslem-broederskap.

Sommige waarnemers wil dit hê dat die opstand teen Mubarak in Februarie sy oorsprong onder meer gehad het in beskuldigings deur Moslem-aktiviste dat hy die Koptiese kerk beskerm.

Verskeie Christene is op Kersdag in Desember en vroeg Januarie vanjaar in bomaanvalle op kerke in Heliopolis en in die middestad van Kaïro dood en beseer.

Die betoging Sondag in Kaïro was die gevolg van ‘n aanval verlede week deur Moslem-ekstremiste op ‘n Koptiese kerk in Aswan in die suide van Egipte.

Sowel Amerika as die Europese Unie het Maandag ‘n beroep op die Egiptiese owerheid gedoen om selfbeheersing aan die dag te lê.

Hulle het hul kommer uitgespreek oor die impak wat die onrus en gesê as dit voortduur, sal parlementêre verkiesings wat vanjaar nog in Egipte moet plaasvind, negatief geraak word.

Sowat 10% van Egipte se 80 miljoen mense is Christene, en die meeste daarvan is lidmate van die Koptiese Kerk.

Фильчаков

Asielsoeker byt vas

Brandon Huntley (32), die Suid-Afrikaner wie se vlugtelingstatus in Kanada in die gedrang is, het dié week gesê dat hy sy saak tot in die hoogste hof in Kanada sal voer.

Huntley het in 2009 ‘n opskudding veroorsaak toe asiel in Kanada aan hom toegestaan is nadat hy aangevoer het swart misdadigers teiken hom weens sy velkleur.

Drie regters in die federale appèlhof in Kanada het Woensdag Huntley se appèl teen dié hof se besluit van verlede jaar om sy vlugtelingstatus terug te trek, verwerp.

Huntley sal hom vervolgens tot die hooggeregshof in Kanada wend, het die Sunday Times berig.

Volgens sy regsverteenwoordigers sal dié aansoek die finale besluit of hy in Kanada kan bly of nie met sowat vier jaar uitstel. Hy is in 2004 uit Suid-Afrika weg.

AWB wag, moordenaar lag

Die moordverhoor van die twee mans wat beskuldig word van die moord op Eugene Terre’Blanche in Ventersdorp is deur ‘n groep AWB-ondersteuners in kakieklere bygewoon wat buite die hof gewag het.

Omtrent ses polisievoertuie was reeds vroegoggend buite die hof geparkeer, terwyl die klein groepie AWB-ondersteuners hulleself oorkant die straat onder ‘n gazebo tuisgemaak het.

Hulle het die dag in gebed begin, voordat een ondersteuner ‘n klankstelsel van ‘n motor met ‘n AWB vlag bedek, aangeskakel het om die lied De La Rey te speel.

Die woorde “Die boer is hier om te bly” is op plakkate met die ou Suid-Afrikaanse vlag vertoon.

“Ons wil geregtigheid hê,” het ‘n ander gelees met Eugene Terre’Blanche se gesig daarop afgedruk. Hulle was huiwerig om met die media te praat en het net skouerophalend op vrae gereageer.

Plaaswerker Chris Mahlangu, wat daarvan beskuldig word dat hy die AWB-leier op 3 April verlede jaar in sy Noordwes-plaashuis oor ‘n oënskynlike loongeskil doodgeslaan het, het ontspanne gelyk in die hofsaal. Hy verskyn saam met ‘n tiener wie se naam nie genoem mag word nie.

Dié besluit is geneem in weerwil daarvan dat die Skielik-skieter, Johan Nel, ook minderjarig was tydens die aanval in 2008 waarin 4 swartmense gedood is. Nel se aansoek om appèl is intussen ook afgekeur.

Terre’Blanche se moordenaars het in Mei verlede jaar in die hof verskyn. Mahlangu se eerste prokureur, Puna Moroko, het vroeër onttrek weens die gebrek aan befondsing van Regshulp SA.

Na aanleiding van Moroko se onttrekking, het Regshulp SA Advokaat Khomotso Tlouana aangestel om Mahlangu te verteenwoordig.

Die saak is toe vertraag omdat Tlouana tyd nodig gehad het om homself vertroud te maak met die gebeure.

Terre’Blanche se broer Andries was nie beïndruk met die vertragings nie.

Hy het ook gekla oor Mahlangu se houding.

“Jy kan sien hy lag. Hy is ‘n held.

“Aan die einde van die dag sal hy die straf wat hy verdien kry,” het ‘n emosionele Andries gesê, wat ‘n gordel met ‘n AWB-kenteken op die gespe gedra het.

Die saak duur voort.

Seks en uitbuiting ET-moordenaar se verweer

‘n Minderjarige het die aand van die moord op Eugene Terre’Blanche erken dat hy die leier van die AWB vermoor het, het die hof Maandag gehoor.

“Ek het omstreeks 17:55 op 3 April 2010 ‘n oproep ontvang. Die spesifieke oproep was anders omdat die persoon gesê het ‘ek en my vriend het Terre’Blanche vermoor,” het Klaas Nkathule, datavaslegger by die plaaslike polisiekantoor, gesê.

“Ek het gevra waarvandaan hy bel… hy (die minderjarige) het gesê hulle kruip weg in ‘n kamp op ‘n nabye plaas. Hy het gesê ‘ons wil na die polisiekantoor kom, maar ons is bang vir witmense van ander plase, omdat hulle ons kan kry en doodmaak’.”

Die tiener het aan Nkathule gesê Terre’Blanche het hulle nie vir die dag se werk betaal nie.

“Ek kon hoor dat die persoon aan die ander kant van die lyn nie ‘n volwassene was nie.”

Die hof het vroeër gehoor dat die minderjarige enige aandeel in die moord ontken.

“Op die gegewe dag het die beskuldigde die huis deur ‘n oop venster binnegegaan. Hy het gesê die oorledene was toe reeds vermoor en dít verduidelik hoekom bloed op sy klere gevind is,” het adv. Norman Arendse gesê.

“Hy sal enige deelname in die moord van die oorledene ontken, hy sal ontken dat hy die oorledene beroof of enige van die oorledene se items verkoop het. Hy sal ontken dat hy die oorledene se motor wou steel.”

Arendse het gesê niemand verdien om te sterf soos Terre’Blanche nie, maar sê hy was nie die enigste slagoffer in die saak nie.

Hy het gesê die minderjarige was veronderstel om die die skool te wees.

“Ons het ‘n situasie van kinderarbeid… uitbuiting van die kind… en indien die hof ‘n ondersoek sal doen, sal hy die haglike omstandighede sien waarin die beskuldigde op die plaas gewoon het,” het Arendse gesê.

“Die toestande is nie geskik vir menslike verblyf nie. Die beskuldigdes, veral beskuldigde nommer twee (die minderjarige), is erg verneder in die hele situasie.”

Arendse het gesê die kind is omgekoop met alkohol en daar is bewerings van fisieke -, seksuele – en verbale mishandeling. Arendse het gesê die tiener was bang vir Terre’Blanche en dat hy dikwels in kru taal uitgeskel is.

Hy het aangevoer dat die minderjarige gedeeltelike betaling vir sy werk ontvang het en “sover as wat dit hom (die minderjarige) aangegaan het hy geen rede gehad om op die oorledene te skel nie.

депутат лобановский

Anglikane skerm vir skeuring in Zim

Rowan Williams, die geestelike leier van die wêreld se Anglikane, het in die City Sports Centre van Harare, Zimabawe, duisende mense in die stadion toegespreek.

Williams is in Suidelike Afrika om skadebeheer toe te pas. Zimbabwe is die mees omstrede stop op Williams se drie-nasie-Afrikatoer, waar die nasionale politieke probleme die Anglikaanse Kerk verswelg.

Aartsbiskop Albert Chama, saam met die biskoppe van die naburige Botswana en Suid-Afrika was saam om solidariteit met die wit leier te toon.

Die geskorste biskop Nolbert Kunonga, ‘n vurige ondersteuner van president Robert Mugabe, het beslag gelê op al die kerk se eiendom in Harare en 3800 eiendomme in Zimbabwe en naburige lande vir homself gevat.

Sy ondersteuners het al die Anglikane wat nie wou saamgaan met sy plan nie uit kerke, skole, klinieke en weeshuise van die kerk verjaag.

Kunonga het geweier om Williams te sien en aan Al-Jazeera gesê: “Hy is irrelevant. Hy is verantwoordelik vir die verdeling van die Anglikaanse gemeente die wêreld oor en ons voel die rimpels en die impak van daardie ding wat hy geskep het.”

Vir weke het Williams gepoog om ‘n vergadering met Mugabe,’ n Rooms-Katoliek, te reël om die verdeling te bespreek. Hy het nog geen duidelike antwoord teen Sondag ontvang nie.

Mugabe se woordvoerder George Charamba het aan die staatsbeheerde Sunday Mail koerant gesê as die twee mans ontmoet, sal die 87-jarige president Williams uitdaag oor gays en sanksies.

“In beginsel, sal hy wil weet hoekom die Kerk van die Britse regering, die Anglikaanse Kerk, stilgebly het, terwyl die mense van Zimbabwe, en hierdie mense sluit Anglikane in, ly as gevolg van die onwettige sanksies,” het Charamba gesê.

“Die tweede probleem wat die president wil hê dat hierdie man van God moet verduidelik, is hoekom sy Anglikaanse Kerk dink homoseksualiteit is goed vir ons en waarom moet dit vir ons voorgeskryf word.

“Hy dink die aartsbiskop sal beleefd genoeg wees om vir hom te wys waar is die gedeeltes van die Groot Boek (wat) homoseksualiteit en sanksies goedkeur.”

Mugabe en lede van sy binnekring, insluitend Kunonga, is onder ‘n reisverbod en hulle bates is bevries deur Brittanje en ander Westerse lande as gevolg van ‘n dekade van geweld en gebrekkige verkiesings.

Mugabe is bekend vir sy anti-gay houding en het gays en lesbiërs beskryf as “erger as varke en honde”.

Williams het gesukkel om eenheid in die Anglikaanse gemeenskap in stand te hou te midde van verskille oor vroulike biskoppe in Brittanje, en openlike gay biskoppe in die Verenigde State.

Die Kerk van Engeland het in Julie gesê sy benadering sal hersien word omdat die kwessie gedreig om die kerk te skeur – veral in Afrika waar die baie leiers meer konserwatief as hul Europese eweknieë is.

DA red ANC se bas oor tolpaaie

Die DA se Lindiwe Maseko het ‘n debat oor die tolpaaie wat hierdie week sou plaasvind, afgestel want die ANC is verdeeld oor die kwessie.

Die DA se koukus-leier, Jack Bloom het Sondag in ‘n verklaring gesê: “Die ANC-Jeugliga in Gauteng sal die tol teenstaan asook alliansievennote soos die SAKP en Cosatu.”

Woordvoerder vir die African National Congress se Gautengse koukus, Gugu Ndima, het gesê die rede vir die kansellasie is glo om die publiek ‘n kans te gee om kommentaar te lewer oor die tolgeld van Gauteng se hoofweë.

Die vergadering was geskeduleer vir 11 Oktober, waar die Demokratiese Alliansie van plan was om teen die tolpaaie beswaar te maak.

Ndima het gesê die versoekskrif om te kanselleer was deur die DA self voorgestel en ingedien.