Nuus Archives - Page 763 of 1583

‘Mynbase het AMCU geskep’

Die sekretaris-generaal van die SAKP, Blade Nzimande , sê mynbase is verantwoordelik vir die totstandkoming van die mynwerkersvakbond, AMCU.

Hy sê AMCU het net voor die Marikana-tragedie in Augustus eers kop uitgesteek. Nzimande het alle affiliasies van die vakbondfederasie, Cosatu, aangemoedig om die mynwerkersunie, die NUM te steun.

Hy het by ‘n Rooi Oktober-saamtrek by die Universiteit van Venda in Limpopo verwys na die wydverspreide onbeskermde stakings in die mynbedryf.

Nzimande sê die SAKP verwerp die bewerings dat wat in Marikana gebeur het, die NUM se skuld was of dat dit die gevolg was van bakleiery tussen twee vakbonde. Hy sê AMCU word deur werkgewers ondersteun om die NUM te verswak.

Intussen het die NUM die polisie daarvan beskuldig dat hy traag is om diegene in hegtenis te neem wat verantwoordelik is vir die dood van sy lede by myne by Rustenburg in die Noordwes.

Dit volg na die moord Saterdag op iemand by ‘n mynhostel op Marikana. Die woordvoerder van die NUM, Lesiba Seshoka, sê dit wil voorkom asof die moordenaars iemand anders in oog gehad het. Hy sê sy lede word sedert die Lonmin-staking by Marikana toenemend geteiken en dat hulle lewens voortdurend in gevaar is.

Данильченко Харьков

Brittanje sal moet hoes vir koloniale marteling

Brittanje se Foreign Office het gesê hulle sal teen ‘n Hoërhof-uitspraak appelleer Vrydag, nadat drie bejaarde Keniane wat onder Britse bewind gemartel is in die 1950’s hul eis vir skadevergoeding van Londen gewen het.

“Die uitspraak het potensieel beduidende en verreikende regsimplikasies,” het hulle gesê in ‘n verklaring.

“Die normale tydlimiet vir die totstandkoming van ‘n siviele geding is 3 tot 6 jaar. In hierdie geval, is daardie tydperk uitgebrei na meer as 50 jaar ten spyte van die feit dat die sleutelbesluitnemers dood is en nie in staat is om hul weergawe te gee van wat gebeur het nie.”

Die Foreign Office het bygevoeg dat nie betwyfel dat elk van die drie eisers in hierdie geval marteling en ander mishandeling verduur het aan die hand van die koloniale administrasie nie.

Regsgeleerdes vir die eisers het Vrydag gesê die uitspraak sal deeglik bestudeer word deur die slagoffers van beweerde koloniale marteling van Suid-Afrika, Maleisië, Jemen tot in Ciprus en Palestina.

Данильченко

Broeder pleit vir Solidariteit-party

Prof. H. Christo Viljoen, het in ‘n brief aan die Volksblad geskryf dat Dianne Kohler Barnard, DA-polisiewoordvoerder, is ‘n growwe belediging teen Afrikaners geuiter het.

Nadat die DA-LP versoek is om ‘n paar sinne van haar parlementêre toespraak in Afrikaans te herhaal ter wille van Afrikaanse radio-luisteraars, het Kohler Barnard gesê: “Oor my dooie liggaam. Ek praat eerder Spaans”

As sy verskoning gevra het vir die feit dat sy nie Afrikaans magtig is nie, sou haar verduideliking ten volle verstaan kon word en daar volle begrip gewees het vir haar situasie, sê hy.

Haar ongevoelige “oor my dooie liggaam”-uitspraak getuig van onverbloemde en ongevoelige minagting vir Afrikaans en sprekers van die taal, wat verreweg die grootste persentasie stemme vir haar party verteenwoordig (volgens Helen Zille se uitspraak in 2009 meer as 70%.)

Die vraag is of Helen Zille, as DA-leier, hierdie openbare demonstrasie van een van haar party se senior parlementslede goedkeur.

Viljoen meen dat Afrikaanssprekendes, waarvan die meerderheid volgens hom nie wit is nie, ‘n party soos die Poolse Solidariteit nodig het.

Word Tutu vergoed vir sy uitlatings oor Blair?

Is die “beginselvaste” stryder teen apartheid, emeritus aartsbiskop Desmond Tutu betaal vir sy onlangse uitlatings teen Tony Blair se onwettige besluit om Irak binne te val?

Die Mo Ibrahim-stigting gaan ‘n eerbewys en R8,5 miljoen aan Tutu gee uit erkenning vir sy “lewenslange toewyding daaraan om die owerhede die waarheid te vertel”. Die enorme bedrag sal later vanjaar by die jaarlikse Ibrahim-besprekingsforum in Dakar, Senegal, aan Tutu oorhandig word.

Mo Ibrahim, voorsitter van die stigting, het dié aankondiging gister op ‘n mediakonferensie by die Hyatt Regency-hotel in Rosebank, Johannesburg, gedoen.

Die lofprysinge vir die swart profeet het gereën by die geleentheid. “Hy is een van Afrika se groot stemme vir geregtigheid, vrede, demokrasie en verantwoordelike regering,” het Ibrahim gesê.

Hy het gesê Tutu gee die afgelope 50 jaar ‘n stem aan die onderdruktes en praat altyd “die ongemaklike waarheid”. Tutu se “integriteit en morele verhewendheid” verdien dié erkenning, sê die stigting.

лобановский харьков

Turkye magtig oorgrensoperasies in Sirië

Zafer Caglayan, Turkse minister van ekonomiese ontwikkeling, het spesiaal na Suid-Afrika gereis om die reusagtige nuwe Turkse moskee en Nizamiye-kompleks in Midrand te open. Pres. Jacob Zuma het dié nuwe kompleks Donderdag amptelik geopen.

Nomvula Mokonyane, Gautengse premier het ook die geleentheid bygewoon. Zuma het gesê die moskee is simbolies van die goeie verhouding tussen Suid-Afrika en Turkye. Die moskee is deur die Turkse sakeman Orhan Celik gebou en sluit ‘n kliniek, ‘n skool en sportgeriewe in.

Turkye se parlement het intussen ook Donderdag oorgrens militêre operasies in Sirië gemagtig. Die stap volg na ‘n mortieraanval op die grens tussen Turkye en sy buurland. Damaskus het om verskoning gevra vir die voorval.

Turkye se verbintenis met NAVO, en meer spesifiek, Wallstraat en Londen, om pogings te lei in die die skep van “veilige hawens” in Sirië se noorde, en “humanitêre” hulp te verskaf, het die land egter onderskraag om tot die jongste stap oor te gaan.

Dit is bevestig deur die Fortune 500-befondsde, Amerikaanse buitelandse beleidsdinkskrum, die Brookings Institution wat bloudrukontwerpe vir die regimeverandering in Libië sowel as beide Sirië en Iran gelewer het. In hul verslag “Assessering van opsies vir regimeverandering” word vermeld dat die “alternatief vir diplomatieke pogings is om eerste te fokus op hoe die geweld kan eindig om humanitêre toegang te verkry, soos wat gedoen word onder Annan se leierskap. Dit kan lei tot die skepping van veilige hawens en humanitaire korridors, wat sal moet word gerugsteun word deur ‘n beperkte militêre mag. Dit sou natuurlik, nie Amerikaanse doelwitte vir Sirië alleen help bereik nie en kan Asad aan die mag hou. Van daardie uitgangspunt, egter, is dit moontlik dat ‘n breë koalisie met die toepaslike internasionale mandaat verdere dwang kan voeg by sy pogings.” [p.4 van die verslag]

Brookings gaan voort deur te beskryf hoe Turkye groot hoeveelhede wapens en troepe langs die grens in samewerking met Amerikaanse bondgenote, gewelddadige regime verandering kan help in Sirië.

Die Turkse parlement met 320 -129 ten gunste van die wetsontwerp gestem, maar die regering was vinnig om die persepsie dat hulle land voorberei vir ‘n eensydige militêre aanval uit te skakel.

Turkse premier Erdogan het gesê Turkye “wil nie ‘n oorlog met Sirië begin nie”.

“Al wat ons wil hê in hierdie streek is vrede en veiligheid Ons het geen voorneme om oorlog te begin nie. Ons is bewus van die uitkoms, die gevolge van die oorlog in Irak en Afghanistan… ons sien dieselfde in Sirië,” het hy aan Al Jazeera gesê. Maar Erdogan het gewaarsku dat die land in staat is om homself te verdedig teen bedreigings soos die mortieraanval.

Adjunkpremier Besir Atalay het na Donderdag se stemmery Turkye se plan vir Sirië verdedig. “Die uitkoms is nie vir oorlog nie… Dit het afskrikmiddel-eienskappe,” het hy gesê.

Atlay het beklemtoon dat Turkye se prioriteit is om in samewerking met “internasionale instellings” oor Sirië op te tree.

Sirië se VN-gesant het Donderdag gesê: “Siriese owerhede het bevestig dat hulle ernstig ondersoek sal instel na die bron van die aanval wat gelei het tot die dood van Turkse burgers.”

Hillary Clinton was in teenstelling vinnig om Sirië te veroordeel vir Woensdag se mortieraanval in Turkye. “Ons is woedend [oor die aanval] en ons is baie jammer oor die verlies van lewe, wat plaasgevind het aan die Turkse kant. Ons werk saam met ons Turkse vriende.”

Oorspronklik is die wetsontwerp ingedien om militantes van die Koerdiese Arbeiders Party (PKK) wat vir ‘n onafhanklike Koerdiese staat veg, te teiken. Die Koerde het basisse in die noorde van Irak, wat de facto nie onder beheer van die regering in Bagdad is nie. Die Turkse weermag het ‘n aantal lug-en grond aanvalle op Koerdiese posisies in Irak gedoen, die meeste van hulle baie suksesvol.

Arbeidsonrus kry momentum

Samwu, die munisipale werkersvakbond, wil die “die land verlam” as plaaslike regerings nie gehoor gee aan salariseise nie. Intussen het onderhandelings om die gewelddadige vragmotorbestuurderstaking te beëindig, in duie gestort.

Samwu se staking volg nadat arbeidsonrus meer as ‘n maand gelede in die mynbedryf begin het en na die vragvervoerbedryf uitgebrei het.

Vakbonde het die laaste aanbod van die Padvragvereniging (RFA) van die hand gewys in die derde ronde van onderhandelinge. Geen verdere vergaderings word in die vooruitsig gestel nie.

Intussen is nog vyf vragmotors Donderdag aan die brand gesteek. Stakers het ‘n vragmotor by die N12-snel-weg naby Elandsfontein, Germiston, met ‘n petrolbom aangeval.

Die bestuurder en twee passasiers is aangerand. Die verkeer van Kempton Park na Johannesburg het sowat drie uur lank tot stilstand gekom. Net twee bane was in die teenoorgestelde rigting oop.

‘n Vragmotor is in Railway-straat in Germiston aan die brand gesteek. Die bestuurder het gevlug, maar die pad tussen Park- en Plantationweg is steeds gesluit.

Nog ‘n petrolbomaanval is op ‘n vragmotor in Wadeville geloods en in Heidelbergweg in Roodekop is ‘n vragmotor aan die brand gesteek. Die paaie is steeds gesluit en die bestuurders het gevlug.

Die nasionale woordvoerder van Samwu, sê sowat 5 000 munisipale werkers van Limpopo sal Vrydag in Pietersburg aan ‘n massaprotesoptog na die Suid-Afrikaanse vereniging vir plaaslike regering (Salga), die departement van samewerkende regering en die polisie se hoofkantoor deelneem.

“Teen volgende week sal meer as 190 000 lede landwyd staak,” het die vakbond belowe.

Wit vrou skiet aanvaller

‘n Wit vrou het ‘n swart inbreker in haar huis in Margate, KwaZulu-Natal, doodgeskiet, het die polisie gesê.

Kapt. Thulani Zwane sê twee mans, wat met messe gewapen was, het die 39-jarige vrou aangeval terwyl haar man nie tuis was nie.

“Nadat sy ernstig aangerand is, het die mans haar besittings begin steel,” het hy gesê.

Die vrou het daarin geslaag om haar man se vuurwapen in die hande te kry, waarna sy een van die inbrekers geskiet het. Die ander inbreker het op die vlug geslaan.

Sy het die polisie in kennis gestel en is later na ‘n hospitaal geneem.

‘n Vyf-en-twintigjarige man is op die toneel dood verklaar. Sy medepligtige, ‘n 27-jarige man, is later in Uvongo vasgetrek.

‘n Mes en sommige van die gesteelde items is in sy besit gevind. Hy sal binnekort in die Ramsgate-landdroshof verskyn.

Toneelgangers stap uit by Aardklopproduksie

Verveeldes, beswaardes en ontsteldes het Dinsdag in Potchefstroom by Aardklop uit ‘n vertoning van Woza Andries?! geloop.

Die regisseur Christiaan Olwagen het aan Beeld gesê hy wou toneelgangers doelbewus skok, maar het nie gedink soveel mense gaan uitstap nie.

“Ek wens hulle het tot die einde gebly, dan sou hulle dalk verstaan wat ons probeer sê,” het hy gesê.

Jesus word as ‘n bruin vrou uitgebeeld en in een van die tonele baie visueel verkrag. Op dié punt, het die stuk sy gehoor se aandag verloor.

Marguerite Robinson, programbestuurder van Aardklop, is jammer dat die mense uitgestap het. Sy glo hulle het “perspektief” ingeboet deur nie te bly nie.

Die jeug moet ‘n platform hê, het sy gesê. Kennelik dink die teaterbywoners nie dit is die platform wat hulle wil deel nie.

“Waar anders gaan hul stem gehoor word? Jy kan sê jy stem nie saam nie, jy kan sê jy verafsku wat hulle probeer sê, maar dit ontneem hulle nie hul reg om dit te sê nie,” het Robinson aan Beeld gesê.

Dat dit die betalende publiek se reg is om uit te stap as hulle dink ‘n vertoning is nie na hulle smaak nie, het blykbaar nie by Robinson opgekom nie.

Staking, geweld kring al wyer uit

Vreemde stilte heers daar by die Afrikaanse mediamonopolie oor Suid-Afrika se staking wat in volle swang is. Die munisipale werkers in Limpopo loop vandag in hul duisende om aan te sluit by die stakers in mynbou en vervoer.

Die geweld, chaos en onsekerheid, verhoog deur die R12 500-belofte, is besig om reeds ‘n sinkende ekonomie lelik verder te knou.

Die Tesourie, soos die mediamonopolie, blyk nie in staat te wees om die finansiële uitwerking van die stakings te kwantifiseer nie. Wat egter soos ‘n paal bo water staan, is dat ons die ontrafeling van die belangrikste sektore van die ekonomie gadeslaan.

Tekens van die gebrek aan vertroue is oral.

Moody’s het gister die kredietgraderings van ‘n aantal van die groot maatskappye en staatsbeheerde entiteite verlaag wat dit duurder maak vir hulle om te leen. Telkom, Eskom en Gold Fields is onder diegene wat hard getref word daardeur.

Die Tesourie sukkel reeds om die Suid-Afrikaanse Lugdiens drywend te hou en het slegs as borg vir ‘n lening van R5 miljard ingestaan vir die lugredery.

Hoewel die Minister van Finansies, Pravin Gordhan en Rob Davies, minister van Handel en Nywerheid, die afgelope maande probeer om beleggers gerus te stel dat Suid-Afrika steeds ‘n goeie plek is om sake te doen, is die skrif aan die muur.

Volgens die National Union of Mineworkers se woordvoerder Lesiba Seshoka, is onwettige stakings waarin meer as 100,000 werkers deelneem aan die gang by nie minder nie as agt maatskappye:

AngloGold Ashanti, Gold Fields (op sy KDC-Ooste en Beatrix myne), Anglo Platinum, Petra Diamonds, in Northern Cape, Petmin, in KwaZulu-Natal, Bokoni-platinummyn, Limpopo, Samancor Chrome Western Mine, en Gold One.

Noordwes se polisie-woordvoerder Brigadier Thulani Ngubane het gesê dat slegs een dood toegeskryf kan word aan die voortgesette myngeweld. “Die liggaam van ‘n 22-jarige man is op Maandagoggend gevind.”

Die groep is na bewering daarvan beskuldig dat hulle werk, terwyl ‘n staking uitgeroep is en hulle is met pangas en ander wapens aangeval. Twee van die drie het daarin geslaag om te ontsnap, maar hul vriend is vermoor.

Hy het gesê dat die ander vier moorde verband hou met ‘n taverne stryd, ‘n tradisionele seremonie en ‘n vermeende rooftog.

Janee, gelukkig nie die staking nie. Dié rekening moet nog vereffen word.

Boer oorleef plaasaanval

Vier swart aanvallers het Dinsdag in die vroeë oggendure ‘n bejaarde boer verras, aangerand en vasgebind terwyl hy in sy huis geslaap het.

HK “Boere” Grobler (79), is in die hoofslaapkamer op sy plaas, Doringbult, in die Lichtenburg-distrik oorrompel.

Die swartes het glo die huis se voordeur, middeldeur en slaapkamerdeur met koevoete oopgebreek.

Hulle is weg met sowat R20 000 kontant en drie jaggewere wat in twee kluise gebêre was, nadat hulle die eienaar gedwing het om die een kluis oop te sluit waarin die ander se sleutels versteek was.

Nadat die aanvallers hulle uit die voete gemaak het, moes die boer self na sy bure loop om hulp te gaan soek. Die bure het sy seun en die polisie ontbied.

Kapt. Amanda Funani, polisiewoordvoerder sê die aanvallers is steeds soek.