Nuus Archives - Page 743 of 1583

SA-vredesmag in DRK in doodsgevaar

‘n Klein afdeling van die Suid-Afrikaanse vredesmagte is deur swaar gewapende rebelle omsingel, in die stad van Goma, in die ooste van die Demokratiese Republiek van die Kongo (DRK), gister.

Sowat 300 Suid-Afrikaanse soldate, van die 121 Infanteriebataljon in Mtubatuba, KwaZulu-Natal, is van die meer as 1000 VN-vredestroepe gestasioneer in Goma as deel van die VN se stabilisering-missie in die land.

Ontploffings en masjien-geweervuur het die stad gister geskud terwyl die M23-rebelle vorentoe gebeur het op twee fronte: na die sentrum van die stad en langs die pad wat lei na Bukavu, ‘n provinsiale hoofstad na die suide. Burgerlikes het op Goma se sypaadjies afgehardloop op soek vir dekking en kinders het uit vrees gegil.

Die rebelle se senior bevelvoerders, wat deur die VN van ernstige misdade beskuldig word – insluitend die werwing van kindsoldate, summiere teregstellings en verkragting – paradeer tans in die strate.

Hoewel geen vredestroepe beseer is tydens die offensief nie, het sowel die Presidensie as die SANW hulle kommer uitgespreek vir die veiligheid van die Suid-Afrikaanse vredesmagte.

Terwyl die Suid-Afrikaanse troepe gewapen is met ‘n ligte infanterie wapens en hulle Indiese eweknieë met liggepantserde voertuie en aanvalshelikopters, word hulle deur die rebelle, wat toegerus is met swaar-kaliber wapens, insluitend 120mm mortiere, oorheers. Die rebelle word ook ondersteun deur tenks en artillerie.

Soos die rebelle vorder, om Goma se internasionale lughawe oor te neem en in die rigting van ander provinsiale stede, het dit aan die lig gekom het dat nóg die SANW of die VN hul troepe vinnig kan ontruim indien nodig.

‘n Suid-Afrikaanse soldaat in Goma het gister van wydverspreide pandemonium berig.

“Dit is ‘n krisis. Die situasie is sleg en gaan nie beter raak nie. Daar is min wat ons kan doen. Ons het probeer om te doen wat ons kan, maar die vrees is dat indien die M23s sien ons raak betrokke, sal hulle draai teen die burgers.

“Met ‘n bevolking van meer as ‘n miljoen mense kan ons dit nie waag nie. Ons probeer hoflik te wees en glimlag en waai,” het hy gesê.

Die val van Goma het die hele oostelike gebied gedompel in ‘n sekuriteitskrisis.

Presidensiële woordvoerder Mac Maharaj het gesê President Jacob Zuma is bekommerd oor die troepe se veiligheid.

Die VN het meer as 20 000 vredesmagte in die DRK, met 800 Suid-Afrikaanse soldate in die oostelike streek ontplooi.

Die woordvoerder vir Internasionale Betrekkinge en Samewerking Clayson Monyela het gesê Suid-Afrika se soldate in Goma is veilig en gaan voort om hul pligte uit te voer, maar die verdedigingsontleder Helmoed Heitman het gesê die Suid-Afrikaners en die res van die VN-vredesmagte is in ernstige moeilikheid.

“Dit wys presies hoe onvoorspelbaar so ‘n situasie is en wat kan gebeur wanneer ‘n vredesending versuur.”

Heitman het gesê die situasie is meer onseker omdat die VN-troepe, met inbegrip van die Suid-Afrikaners, aan die kant van DRK se regeringsmagte dien en gesien word as die vyand.

“Rebelle se bevelvoerders het glo gesê hulle sal nie aanval nie, maar ek sou nie die belofte as evangelie aanvaar nie.”

Daar is geen manier waarop die Suid-Afrikaanse regering die troepe betyds sal kan bereik om hulle by te staan selfs al wou hulle nie. Die SANDF het geen toepaslike beplanning gedoen om dit moontlik te maak nie.

‘Boere agter geweld en verdeeldheid in Wes-Kaap’

Plaaseienaars in die Wes-Kaap probeer werkers verdeel en moedig xenofobie in die provinsie aan, het Cosatu en Passop Dinsdag gesê.

“Ons is geskok dat die plaaseienaars in De Doorns… vandag [Dinsdag] ernstige pogings aangewend het om anargie, xenofobie en gewelddadige verdeeldheid onder die werkersgemeenskap te veroorsaak,” het die twee groepe in ‘n gesamentlike verklaring gesê.

Die nie-regeringsorganisasie People Against Suffering, Oppression and Poverty (Passop) en Cosatu het gesê boere en hul bestuur hou vol dat dit nie plaaswerkers is wat die afgelope week vir die anargie verantwoordelik was nie.

Die twee groepe het gesê hulle het bewys dat die boere self die geweld en anargie veroorsaak het. Hulle het egter nie meer inligting oor die beweerde bewyse verskaf nie.

Plaaswerkers was Dinsdag weer op hulle pos ná hulle besluit het om hul staking op te skort terwyl verteenwoordigers van die onderskeie groepe oor lone en werksomstandighede onderhandel het.

Protesoptrede oor lone het aan die begin van November in De Doorns begin en later na 15 ander dorpe in die Wes-Kaap versprei.

Veiligheidsraad bereik dooiepunt oor Gasa

Die Veiligheidsraad het ‘n dooiepunt bereik Maandag oor ‘n verklaring mbt die Gasa-konflik. Die Verenigde State het gesê hulle is gekant teen enige optrede wat pogings om ‘n wapenstilstand te bereik, kan ondermyn.

Rusland het egter gewaarsku dat tensy ‘n voorgestelde Arabiese verklaring oor die Israel-Hamas vyandelikhede goedgekeur word Dinsdagoggend, hulle sal druk vir ‘n stemming van die volle Raad. Dit sal waarskynlik lei tot ‘n potensiële vetobotsing met die Verenigde State.

Die Verenigde State, Brittanje, Frankryk en Duitsland het almal voorbehoude oor ‘n teks wat verlede Donderdag voorgestel is deur Arabiese lande, weens die tipering van Palestynse militante in Gasa, het diplomate gesê. Duitsland stem nie in die Veiligheidsraad nie.

Al die Westerse lande het gesê dat Israel die reg het om homself te verdedig, terwyl die Europeërs Israel tot selfbeheersing gemaan het. Die sterfteverhouding tussen die Israeli’s en Palestyne is tans 16:1. In 2008 -2009 was dit 100:1 toe die Iron Dome-stelsel nog nie operasioneel was nie.

Die Palestynse gesant by die VN, Riyad Mansour, het die groeiende frustrasie van die Palestynse Owerheid en sy bondgenote beklemtoon terwyl die konflik uitbrei en die raad niks sê nie.

Die Veiligheidsraad kan nie “op die kantlyn bly nie,” het hy aan verslaggewers gesê. Hy het gesê dat dit nou dringend is vir “die Veiligheidsraad om sy verantwoordelikheid op te neem en hierdie aggressie teen ons mense te stop”.

Die Amerikaanse ambassadeur by die VN en gunsteling om Hillary Clinton se pos te vul, Susan Rice sê ‘n skietstilstandooreenkoms tussen die Israeli’s en Hamas kan alleen sonder geweld tot stand kom om “betekenisvol of volhoubaar” te wees.

“Die Verenigde State van Amerika en die lande in die streek sal energiek werk deur al die diplomatieke kanale om te probeer om ‘n einde te maak aan die geweld, en ‘n de-eskalasie te onderhandel,” het Rice aan verslaggewers gesê na afloop van die gesprekke.

Duitse diplomatieke bronne het hul frustrasie met die toedrag van sake uitgespreek, aangesien die Duitse geheime diens ‘n aantal maande gelede ‘n ontmoeting tussen Israel en Hamas gereël het om die vredesproses weer aan die gang te kry.

Sommige ontleders meen die aanvalle op Hamas is deur Israel geloods om juis die Palestyne se voorlegging vir ‘n onafhanklike staat by die VN in November te kelder en vredespogings te ondermyn.

Rice het gesê dat president Barack Obama en Hillary Clinton gister “die hele dag” op die telefoon met die Midde-Oosterse leiers was.

Dit is “uiters belangrik” dat enige Veiligheidsraadaksie “die vooruitsigte vir ‘n skietstakingsooreenkoms bevorder en nie iets doen wat dit ondermyn nie”.

Die Russiese ambassadeur by die VN Vitaly Churkin het egter gesê die Arabiese voorstel, wat deur Marokko opgestel is, is “‘n baie goeie teks” en het die beste kans om tot ‘n onderhandelde skikking tussen die twee strydende partye te lei aangesien dit die enigste skriftelike voorstel tot dusver is.

Hy het gesê die teenvoorstelle is nie op skrif gestel nie, ten spyte daarvan dat alle lede reeds drie dae lank die Marokkaanse voorstel onder oë het. Die voorstel is selfs op die internet beskikbaar.

“Indien die voorstel nie aangeneem word om 09:00 [1400 GMT] môre nie sal ons gaan vir ‘n stemming oor ons konsepvoorstel” Woensdagmiddag, het hy bygevoeg.

Verskeie diplomate het gesê hulle verwag dat besware teen die voorstel gemaak sal word deur ten minste drie Veiligheidsraadlede.

Die Russiese besluit sal vra vir ‘n opskorting van geweld, ondersteuning vir die Egiptiese-geleide pogings om ‘n wapenstilstand te beredder en sal Israel en die Palestynse Owerheid aanmoedig om hul gesprekke te hervat, volgens ‘n afskrif wat verkry is deur AFP.

As die Russe besluit dat ‘n stemming deurgaan, sal dit waarskynlik met veto deur die Verenigde State begroet word, wat deurlopend alles wat teen Israel gemik is, blokkeer.

Landbou het vir goed verander in SA

“Die huidige landboustakings gaan landbou in Suid-Afrika vir altyd verander. Ons gaan in die volgende paar jaar ‘n ingrypende strukturele verandering in landbou sien,” het dr. Pieter Mulder, Adjunk-Minister van Landbou, Bosbou en Visserye op Willomore gesê. Dr. Mulder was die spreker by ‘n landboudag op die Oos-Kaapse Karoodorp.

Kommersiële landbouers is nie welsynwerkers nie, maar is in die eerste plek sakemanne wat ‘n wins moet maak. Eers hierna kan ‘n landbouer aandag gee aan sosiale kwessies soos wat tans deur die vakbonde van hulle verwag word.

Die boodskap wat ek van die landbouers reg oor die land kry, is dat dit nou tyd is om hulle afhanklikheid van plaaswerkers so ver as moontlik te beperk. In ontwikkelde lande soos die VSA en Australië, waar daar min plaaswerkers beskikbaar is, is boerdery implemente reeds so ontwikkel dat dit ‘n plaaseienaar help om sonder honderde werkers klaar te kom. Een oesmasjien kan die werk van honderde werkers doen.

‘n Buitensporige verhoging van die minimum loon mag op die kort termyn politieke voordele vir die regering inhou, maar sal op die langtermyn onafwendbaar tot groot werkverliese en meganisasie in die landbou lei.

In Suid-Afrika het plaaswerkergetalle van 1,1 miljoen in 2004 na 624 000 in 2011 gedaal. Dit is ‘n daling van 46%. Hoewel hierdie ‘n wêreldwye tendens is, het faktore soos grondhervorming, regeringsinmenging op plase en die algemene onsekerheid oor die toekoms van landbou gemaak dat hierdie syfer in Suid-Afrika baie hoër is as die daling in ander lande. Die verwagte verskuiwing na meganisasie na die landboustakings, gaan hierdie tendens in Suid-Afrika verder verhaas.

In Suid-Afrika is daar maar 12% kommersiële landbouers wat ‘n jaarlikse omset van meer as R2 miljoen het. Die ander 82% se omset is minder as R2 miljoen per jaar met 52% wat ‘n omset van minder as R300 000 het. Met die stygende pryse van elektrisiteit, water en brandstof kan hierdie landbouers nie ‘n skielike verhoging in arbeidkoste bekostig nie. Hulle keuse gaan bankrotskap of die vermindering van werkers wees.

Dr. Mulder het die geweld en intimidasie tydens die landboustaking asook die politiekery sterk veroordeel. Die afbrand van plase en die vernietiging van eiendom lei tot ‘n verloor-verloor situasie. Beide die plaaseienaars en die plaaswerkers gaan in die volgende jaar groot geldelike verliese lei as gevolg hiervan.

Sesessie is ‘n ‘diep Amerikaanse beginsel’

Ron Paul (R-Texas) het Maandag gesê dat sesessie ‘n “diep Amerikaanse beginsel” verteenwoordig te midde van ‘n groeiende aantal mense wat petisies na die Withuis gestuur het vir hul deelstate om van die VSA af te skei.

“Sesessie is ‘n diep Amerikaanse beginsel. Hierdie land is gebore deur selfbeskikking. Sommige het gevoel dit was verraderlik om weg te breek van Engeland, maar daardie “verraaiers” was ons land se grootste patriotte,” het die voormalige presidensiële kandidaat geskryf het in ‘n boodskap op sy webwerf. “Daar is niks verraderliks of onpatrioties oor die wil om ‘n federale regering te eis wat beter sal luister na die mense wat dit verteenwoordig nie.

“As die moontlikheid van sesessie heeltemal van die tafel is, is daar niks wat die federale regering gaan keer om ons vryhede te oorskry nie en geen toevlug vir diegene wat siek en sat is daarvoor nie.”

Sedert President Barack Obama herkies is vroeër hierdie maand, is ‘n onophoudelike stroom van sesessiepetisies van state geskep – veral uit Texas, wat met meer as 115 000 handtekeninge ver meer as die 25 000 handtekeninge het wat nodig is vir ‘n amptelike Withuis-reaksie. Kritici het gesê dit is ontevrede kiesers wat ontsteld is dat die GOP-presidensiële kandidaat Mitt Romney verloor het.

Paul het geskryf dat sesessie nog steeds ‘n opsie is wat gebruik kan word as hefboom om seker te maak dat die regering nie Amerikaners se vryhede “oorskry” nie en dat sesessie ‘n vorm van Amerikaanse vryheid verteenwoordig.

“Op watter punt moet die mense los raak van die politieke bande wat bind met ‘n toenemend tiranniese en onderdrukkende federale regering?” vra Paul.

Hy het bygevoeg: “En as mense of state nie vry is om die Verenigde State te verlaat as ‘n laaste uitweg nie, kan hulle regtig hulself as vry beskou? As ‘n volk kan nie wegbreek van ‘n onderdrukkende regering nie, kan hulle nie werklik as vry beskou word nie.”

Obama se Asiese reis besaai met foute

Dit is slegs twee weke sedert sy herverkiesing, en sy tweede termyn skop oor twee maande af, maar Barack Obama het alweer ‘n aap van homself gemaak op die wêreldtoneel. Sy soort foute sou op die voorblad van The New York Times gepleister gewees het as hulle deur George W. Bush gemaak was.

Obama se eerste termyn is besaai met sulke buitelandse insinkings, en daar is elke kans dat die tweede termyn nie sal teleurstel nie.

Op sy reis na Asië hierdie week, het president Obama gesukkel met die naam van Aung San Suu Kyi, deesdae die mees prominente menseregte-aktivis in die wêreld, die tweede Mandela as’t ware.

Terwyl Obama langs die wêreld se groot vryheidsikoon gestaan het tydens sy besoek, het hy herhaaldelik haar naam verkeerd uitgespreek.

Suu Kyi het nie haar Amerikaanse gas reggehelp toe hy na haar as “Ang-Jan-Soe-Kie” verskeie kere tydens sy verklaring aan verslaggewers ná hul vergadering verwys het nie.

Die regte uitspraak vir die Nobelpryswenner se naam is “Ang-Saan-Soe-Tjsie”.

Obama het ook misluk met sy groet aan Birma se nuwe president, volgens AP:

Die media-inligtingsessie het gekom nadat Obama met Mianmar se nuwe hervormer, president Thein Sein ontmoet het, ‘n naam wat hy ook verbrou het.

Terwyl die twee die media toegespreek het, het Obama na sy eweknie as “President Sein” verwys, ‘n effens te liefdevolle verwysing na die kêrel wat die meeste Birmaanse inwoners laat ineenkrimp het van verleentheid.

Nota aan Amerikaanse presidensiële adviseurs: Vir toekomstige diplomatieke reise is die president van Mianmar “President Thein Sein” vir die eerste en tweede verwysings, asseblief.

Obama was vinnig om die Birmaanse regime se voorkeurwoord “Mianmar” te gebruik om Birma mee te beskryf, wat nie die term is wat amptelik gebruik word deur die Amerikaanse regering nie, maar deur Birma se opposisie-aktiviste gebruik word.

Die ekwivalent sou wees as hy skielik na Suid-Afrika begin verwys as “Mzansi” of “Azanië”, ipv “Suid-Afrika”.

Dit is eerder verleentheid, asook hartseer, dat die leier van die vrye wêreld nie net ‘n merkbare gebrek aan aandag aan detail toon nie, maar ‘n hoë graad van amateuragtigheid van die Withuis tentoongestel het.

Gyselaardrama by Mangaung-gevangenis

Onderhandelaars het nog Maandagaand laat gepoog om twee gevangenes by die Mangaung- korrektiewe sentrum te probeer oorreed om ‘n dokter vry te laat.

Brig. Billy Jones het gesê die gevangenes het teen 22:00 nog die dokter gyselaar gehou.

“Die onderhandelings duur voort,” het hy gesê.

Die Mangaung-maksimumsekuriteit-tronk buite Bloemfontein, word privaat bedryf deur die sekuriteitsmaatskappy G4S, in samewerking met die departement van korrektiewe dienste.

Vroeër is berig dat die dokter en ‘n verpleegster Maandagoggend omstreeks 11:00 as gyselaar geneem is

Die verpleegster is vermoedelik ongedeerd vrygelaat.

Die polisie en nooddienspersoneel was kort daarna op die toneel.

Opposisie wil hof nader om wantroue-mosie

Die Hooggeregshof in Kaapstad sal Dinsdag ‘n dringende hofaansoek deur opposisiepartye aanhoor om die speaker van die Nasionale Vergadering, Max Sisulu, te dwing om ‘n debat te hou oor die mosie van wantroue teen pres. Jacob Zuma.

Die aansoek vir die dringende interdik is Vrydag deur die DA se parlementêre leier, Lindiwe Mazibuko, namens ‘n groep opposisiepartye ingedien.

Die aansoek is die jongste poging deur opposisiepartye om ‘n mosie van wantroue teen pres. Zuma in die parlement te bespreek.

Mazibuko het op 8 November by die Nasionale Vergadering ‘n mosie van wantroue teen Zuma ingedien.

Redes wat vir dié besluit aangevoer is, sluit ondermeer in die Marikana-slagting, die skandaal oor die president se private woning in Nkandla, sowel as die handboek-sage in Limpopo en die Oos-Kaap.

Die mosie is deur agt opposisiepartye ondersteun.

Die ANC het verlede week die opposisie se poging om oor die mosie ‘n debat te voer, gepypkan. Die ANC se hoofsweep, Mathole Motshekga, het gesê die mosie is “ligsinnig”.

Petrolprys kan skerp daal

‘n Ekonoom het aan East Coast Radio gesê die prys van petrol sal waarskynlik volgende maand “aansienlik” verminder.

Dawie Roodt het aan die radiostasie gesê die petrolprys sal moontlik met omtrent 40 c per liter verlaag as gevolg van die onlangse daling in die internasionale olieprys.

Dit kom nadat petrol vandeesmaand 10c per liter goedkoper geword het. Die prys van diesel het egter met sowat 10c per liter gestyg.

Reddy het geld geleen vir Nkandla

Die Durbanse sakeman Vivian Reddy, was op ‘n stadium persoonlik betrokke in die befondsing van president Jacob Zuma se Nkandla-huis, en het Sondag te midde van bewerings dat die president dalk die Parlement mislei het toe hy beweer het dat hy ‘n lening het om die ontwikkeling te finansier van die uitgestrekte residensiële kompleks, tot Zuma se verdediging gekom.

Reddy, ‘n persoonlike vriend en ondersteuner van Zuma, sê die verontwaardiging oor die multimiljoen-rand Nkandla-ontwikkeling is niks meer as ‘n “politieke toertjie” nie.

“Ek is baie naby aan Nkandla. Ek het aan die president die geld geleen om te betaal vir die eerste fase en hy betaal dit terug. Nou het hy ‘n nuwe verband geneem,” het Reddy aan The Mercury gesê Sondag. Reddy is ‘n eiedomsontwikkelaar.

City Press het Sondag berig dat daar is geen bewyse is dat ‘n verband geregistreer is teen Zuma se eiendom nie. Daar word gesê dat Zuma se huis is gebou op grond wat deur die Ingonyama Trust beit word, wat ook geen kennis van ‘n band gedra het nie.

Nadat hy gevra is vir besonderhede oor die verband, het die presidensiële woordvoerder Mac Maharaj gesê: “Nee, ongelukkig het ek het nie enige inligting nie. Ek kan net sê: “geen kommentaar” op hierdie stadium.”

Reddy het gesê: “City Press is so verkeerd en maak inbreuk op die president se privaatheid. Ek is ingelig dat die Presidensie formeel sal reageer op die saak.”

Opposisie partye het Sondag bevraagteken of Zuma die Parlement mislei het. Parlementêre leier van die DA, Lindiwe Mazibuko, het gesê dat, indien dit die geval was, dan sal dit “ernstige gevolge hê”.

Intussen het Jesse Duarte van die ANC se Nasionale Uitvoerende Komitee, in ‘n ope brief aan Adriaan Basson van City Press gesê sy pogings om Zuma verdag te maak oortree die Handves van Regte wat die regte van kinders waarborg, aangesien Basson op die menings van minderjariges staatmaak sonder die toestemming van hul ouers.

Duarte het Basson ook op ‘n aantal feitefoute in sy aanbiedinge gewys.

топкарго кидалы