Nuus Archives - Page 724 of 1583

Polisie vrees nog geweld in Bloemhof

Die onlangse staking by die Dairybelle-kaasfabriek se stoor in Bloemhof asook brandstigting, het verder gelei tot die intimidasie van ‘n plaaslike wit sakeman.

Sewe verdagtes het intussen verlede Woensdag in die landdroshof op Bloemhof in Noordwes verskyn op aanklagte van openbare geweld en opsetlike saakbeskadiging na aanleiding van die staking.

Die verdagtes is aangekeer nadat een van die onderneming se afleweringsvoertuie met klippe en ‘n petrolbom bestook is.

Die maatskappy het miljoene rande se skade gely weens die staking. Kort nadat die staking begin het, is die paaie rondom die aanleg afgesper en ‘n besending van sowat 75 000 liter melk moes afgeskryf word. Die maatskappy moes ‘n hofbevel kry om stakers te verhinder om paaie te versper.

Die skade van ‘n brand by ‘n pakhuis beloop tussen R5 miljoen en R10 miljoen. Weens die staking kon verskeie aflewerings nie betyds gedoen word nie.

‘n Inwoner wat onskuldig met sy bakkie daar verby gery het, is ook tydens die oproer met klippe bestook. Volgens bronne was hy goed gewapen en het die stakers laat verstaan dat hy nie intimidasie sal duld nie.

Sy bakkie is egter in die proses verwoes. Volgens die man is die polisie traag op die saak wat hy aanhangig gemaak het ivm sy beskadigde eiendom op te volg.

Die voertuig se eienaar het ‘n saak teen 200 betogers asook die vakbond aanhangig gemaak.

Die polisie is glo bang om die saak te hanteer uit vrees vir verdere geweld terwyl die stakers gedreig het dat hulle die hele sakekern van Bloemhof wil afbrand.

лобановский класс

Oproeriges plunder Sasolburg se sakekern

Beeld berig dat Sasolburg se winkeleienaars dié naweek inderhaas hul winkels moes sluit toe meer as 3 000 oproerige plakkers van die Zamdela-lokasie op loop gegaan het.

Die opstand volg nadat amptenare van die Metsimaholo-munisipaliteit inwoners van Zamdela toegespreek het oor die beplande samesmelting van die Metsimaholo- en Ngwathe-munisipaliteit.

Die Metsimaholo-munisipaliteit beslaan die dorpe Sasolburg, Oranjeville, Deneysville en die Ngwathe-munisipaliteit Parys, Vredefort, Heilbron, Koppies en Edenville.

Inwoners is gekant teen die samesmelting.

Die polisie het pepersproei en rubberkoeëls gebruik om die skare te beheer.

Miljoene rande se skade is aangerig in die sakekern, by Sasolburg Square se winkels in ‘n wandellaan op die dorp. Die plunderaars het winkelruite uitgegooi en juweliersware, klere en kos weggedra.

Polisieversterkings is uit ander gebiede laat kom om die opstand onder beheer te bring, nadat die plaaslike polisie hul hande vol gehad het.

Die inwoners het glo gedreig om die polisie aan te val. Padtekens, sement-asblikke, padrelings, verkeersligte en advertensieborde is uitgeruk en afgebreek om die paaie mee te versper.

Reuse-klippe en selfs dooie diere het die paaie in en om Sasolburg en die R57 versper en motoriste is met klippe bestook.

топкарго

Gyselaardrama: 25 sterf by Algerynse gasaanleg

Die lyke van 25 gyselaars wat deur Islamiste gevange geneem is, is Sondag by ‘n gasaanleg in die Algerynse Sahara-woestyn gevind, berig die plaaslike media.

Dít volg nadat spesiale magte toegeslaan het op die aanleg om ‘n 72 uur lange gyselaatdrama te beëindig.

Anis Rahmani, direkteur van die plaaslike televisie-kanaal Ennahar, het aan AFP gesê die weermag het “die lyke van 25 slagoffers gevind” toe hulle probeer het om die instelling te ontset.

Geen ander inligting is bekend gemaak nie.

Mohamed Said, Algerië se minister van kommunikasie, het vroeër Sondag gesê die dodetal kan styg nadat Islamitiese militante ‘n gasaanleg aangeval het.

Altesaam 23 buitelanders en Algeryne het reeds weens die aanval gesterf.

“Ek vrees dat die dodetal dalk opwaarts aangepas kan word,” het Said aan ‘n plaaslike radiostasie gesê.

Verskeie lande het intussen aangedui dat hul burgerlikes vermis word nadat die noodlottige aanval in die In Amenas-kompleks Saterdag in ‘n bloedbad geëindig het toe Algerynse spesiale magte die aanleg bestorm het.

Die Algeryne het nog nie inligting verskaf van die buitelanders wat dood is nie.

Japan het gesê 10 van sy burgerlikes word nog vermis, sowel as vyf Norweërs en twee Maleisiërs.

Minstens een Algeryn is volgens amptelike bronne dood.

Militante het Woensdag ‘n aanval op die aanleg geloods en teen Donderdag is die meeste van die slagoffers vrygelaat toe die eerste reddingspoging uitgevoer is.

Wêreldleiers, wat gelei is deur pres. Barack Obama van Amerika en sy Franse eweknie, Francois Hollande, het die Islamitiese terroriste vir die sterftes blameer.

лобановский политик

Ministers se huisopknappings kos R65 miljoen

Die departement van openbare werke het in die 2011/12 boekjaar byna R65 miljoen bestee aan verbeterings by die huise van ministers en adjunkministers, berig Sunday Times.

Volgens die koerant het Thulas Nxesi, minister van openbare werke, in reaksie op ‘n LP se vraag op 14 Desember, dié uitgawe erken.

Die rekeninge sluit in: R15 miljoen wat aan Gugile Nkwinti, minister van landelike ontwikkeling en grondsake, se huis in Kaapstad bestee is, opknappingswerk van R10,67 miljoen aan ‘n huis wat Lydia Chikunga, adjunkminister van vervoer, sou gebruik en minder as R5 miljoen aan opgraderings aan ‘n huis wat aan Tina Joemat-Pettersson, minister van landbou toegeken is.

Mtobeli Mxotwa, ‘n woordvoerder vir Nkwinti, het aan die koerant gesê: “Minister Nkwinti het nie beheer oor staatsbates of huise nie. Hy vat net wat die departement van openbare werke toeken”.

Chikunga het gesê dit is “onregverdig” om verbind te word om die buitensporige besteding.

“Ek het nooit opknappings van R10 miljoen versoek nie.”

Joemat-Pettersson se woordvoerder, Palesa Mokomele, het navrae na die departement van openbare werke verwys.

ANC-Jeugliga veroordeel Persklub se renosternuus-keuse

Die Nasionale Persklub moet meer met Suid-Afrikaners kommunikeer en hul stories ontgin, het die ANC-jeugliga Sondag gesê.

Die organisasie het gesê hy is bekommerd dat die persklub besluit het renosters is meer “waardevol as menselewens” toe hy renosters as 2012 nuusmaker van jaar aangewys het.

“Hoewel die ANCYL glo die omgewing en diere moet beskerm word, beteken dit miljoene mense in Suid-Afrika se stories is nie in 2012 vertel nie,” het Thabo Kupa, woordvoerder, gesê.

Die persklub het Saterdag onder skoot gekom nadat hy renosters in Suid-Afrika as die 2012 nuusmaker van die jaar aangewys het.

In ‘n jaar waarin 34 mynwerkers in Marikana doodgeskiet is, die handboek-sage in Limpopo, die skorsing van die ANC-jeugligaleier, Julius Malema, en die omstredenheid oor pres. Jacob Zuma se huis in Nkandla, het Suid-Afrikaners hul skok uitgespreek oor die persklub se aankondiging.

Suid-Afrikaners het hul ontevredenheid oor die besluit op die sosiale netwerk Twitter te kenne gegee.

Jessie Duarte waarsku teen DA

‘n Top ANC-lid, Jessie Duarte, het die Demokratiese Alliansie aangeval en gesê die land moenie gelei word deur neo-kolonialiste wat soos revolusionêres probeer lyk nie, het City Press Saterdag berig.

“Laat ons versigtig wees kamerade, die neo-liberale en neo-kolonialiste sing en dans soos ons, maar ons weet dat hulle tydens hul private byeenkomste die land wil agteruit neem,” het die ANC se adjunk-sekretaris-generaal in Port Elizabeth gesê.

“Hulle wil die belange van die minderheid beskerm.”

Duarte het Saterdag ‘n toespraak gelewer op ‘n saamtrek in die Oos-Kaap.

Sy het ‘n beroep op partylede gedoen om te verseker dat die takke van die party gereed is vir volgende jaar se algemene verkiesings.

Skolerugy: Opkikkertoetse kom

Jong rugbyspelers aan van die land se bekende sportskole gaan vir onwettige steroïede en ander verbode middels getoets word, berig Rapport.

Volgens die koerant het 18 uit 62 leerlinge wat die afgelope ses maande in onafhanklike toetse ondersoek is, positief getoets vir middels wat so gevaarlik is dat dit tot die dood kan lei.

Die koerant berig verder dat anaboliese steroïede so maklik verkrygbaar is dat veral jong rugbyspelers dit op die internet bestel en by hul skole laat aflewer – skynbaar onbewus van die wetlike implikasies en gesondheidsgevare.

Die Suid-Afrikaanse Instituut vir Dwelmvrye Sport (Saids) het aangekondig meer as 100 skole het al aangedui hulle sal aan die toetsing van leerlinge deelneem.

Deon Gerber, rugbyhoof van Paul Roos Gimnasium in Stellenbosch, het gesê hoewel die skool nog nie probleme met steroïede gehad het nie sal hy sy hele o.19A-groep stuur om vir verbode middels getoets te word.

Kapt. Paul Ramaloko, nasionale woordvoerder van die Valke, het aan die koerant gesê hulle is bewus van die probleem.

Veteraan van Rhodesië sterf in Sirië

Yves Debay, een Belgische oorlogscorrespondent, is omgekomen bij het verslaan van de gevechten tussen het Syrische leger en de rebellen in de belegerde stad Aleppo in het noorden van Syrië. Dat meldt al-Arabiya en is nu ook bevestigd door Buitenlandse Zaken van België. Debay was 58 jaar. Naast journalist was hij ook oorlogsfotograaf.

“Ik vrees dat we zullen moeten bevestigen dat fotograaf-journalist Yves Debay overleden is.” Dat heeft minister van Buitenlandse Zaken Didier Reynders verklaard na afloop van de ministerraad. De man, die werkte voor het magazine Assault, zou door toedoen van een scherpschutter zijn omgebracht in de Syrische stad Aleppo. Tot welk kamp de schutter behoorde, kon minister Reynders niet zeggen.

Het was de zender al-Arabiya die de dood van de journalist eerst meldde, op basis van het informatiecentrum in Aleppo.”Wij blijven proberen om deze informatie te checken (…). Volgens sommige bronnen zou Yves Debay eveneens over de Franse nationaliteit beschikken”, aldus nog Malherbe.

De oorlogscorrespondent bracht op het moment van zijn dood verslag uit over de gevechten tussen de oppositietroepen en het Syrische leger in de stad Aleppo, in het noordwesten van het land. Anti-regimemilitanten zouden foto’s en beeldfragmenten online hebben gezet waarop het lijk van de journalist te zien is, net als zijn persaccreditatie die uitgaat van het Franse ministerie van Defensie. Volgens de militanten zitten de regeringstroepen achter de dood van de journalist.

Yves Debay werd geboren in het Congolese Elisabethville. In 1975 ging hij in het Belgische leger bij een verkenningseenheid. Drie jaar ging hij met het Rhodesische leger vechten tegen de guerillatroepen die uit Mozambique kwamen.

Pas in 1985, hij was toen 30 jaar, ruilde hij zijn wapen in voor een pen en begon als oorlogsjournalist. Hij debuteerde met een reportage over het Franse leger. Een jaar later ging hij voor het nieuwe magazine ‘Raids’ werken.

Hij vond van zichzelf dat hij een rebelse journalist was die vaak via niet-officiële kanalen werkte. Daardoor werd hij meermaals gevangen genomen, soms op gewelddadige wijze.

Nasionaliseer Amplats, vra Amcu

Die regering moet Anglo American Platinum (Amplats) nasionaliseer as hy wil met die voorgestelde afdanking van 14 000 werkers voortgaan, het die vakbond Amcu Donderdag gesê.

“As Anglo voortgaan met die afdankings is dit ‘n geleentheid vir die regering om daardie myne te neem en hulle te nasionaliseer,” het Joseph Mathunjwa, president van die mynwerkersvakbond Amcu, aan verslaggewers in Johannesburg gesê.

“Kyk so of nasionalisering op ‘n klein skaal kan werk. Die kwessie van afleggings is net ‘n druppel in die emmer.”

Amplats het vroeër in die week bekendgemaak dat hy tot 14 000 poste kan sny, vier skagte kan sluit en ‘n onvolhoubare myn kan verkoop.

Mathunjwa het sy skok uitgespreek oor dié aankondiging.

“Ons was Dinsdag geskok… Dit is onaanvaarbaar,” het hy gesê.

“Ons almal weet die land het ‘n hoë werkloosheidsyfer. As Anglo Platinum so baie poste sny is dit ‘n teken dat hy nie die belang van die land op sy hart dra nie.”

Die vakbond sal ‘n vergadering in Rustenburg hou om die pad vorentoe te bespreek.

Mathunjwa sê dit is belangrik vir die regering om in te tree om “vreedsame oplossings” te vind vir die probleme wat die mynsektor en die groter ekonomie raak.

“Ons kan nie toelaat dat hierdie buitelandse beleggers maak soos hulle wil met ons minerale hulpbronne nie,” het hy gesê.

“Dit is hoog tyd dat ons as ‘n land saamstaan en maniere vind om te verseker dat die mense van Suid-Afrika voordeel trek uit ons minerale hulpbronne.”

Hy het bygevoeg dat Amcu sowat 26 000 Amplats-werkers verteenwoordig.

Weduwee dagvaar sielkundige van Batman-skieter

Die weduwee van een van die slagoffers wat in Julie verlede jaar doodgeskiet is by die première van ‘n nuwe Batman-film, gaan ‘n sielkundige wat die skieter behandel het, vir nalatigheid dagvaar.

Sy voer aan dat die sielkundige nie die skieter by die polisie aangemeld het nie, ten spyte daarvan dat sy geweet het hy het gefantaseer oor hoe hy baie mense gaan vermoor.

Die dagvaarding, wat ook teen die universiteit van Colorado gebring is, beweer dat dr. Lynne Fenton die kampuspolisie in kennis gestel het van haar bekommernis oor James Holmes ná hy haar in Junie 2012 van sy fantasieë vertel het.

Die kampuspolisie het glo toe aangebied om Holmes in hegtenis te neem, maar Fenton het nee gesê. Die skietery by die rolprentteater het ‘n paar weke later plaasgevind.

Holmes is die Amerikaanse student wat in Julie na bewering 12 mense doodgeskiet en 58 gewond het by ‘n rolprentteater in Aurora, Colorado.

Fenton het geweet Holmes is ‘n gevaar en moes die publiek teen Holmes beskerm, lui dokumente wat deur Chantel Blunk, wie se man Jonathan in die skietery dood is, ingedien is.

Die hof het verlede week beslis dat die 25-jarige Holmes geskik is om verhoor te word.

topcargo отзывы