Nuus Archives - Page 1017 of 1583

VN neem kennis van PRAAG-betogings teen volksmoord

Op ‘n koue, reënrige dag in die Vrystaat het ‘n groep PRAAG-betogers vandag voor die landdroshof in Lindley betoog waar die ses verdagtes in die grusame Potgieter-moordsaak in die distrik aansoek om borg
gedoen het. Borg is geweier.

Dt was PRAAG se derde anti-volksmoordbetoging binne drie dae. Die voriges het op Koster en Rustenburg plaasgevind. Die leier van die organisasie, dr. Dan Roodt, het gesê: “Suid-Afrika beleef tans ‘n lae-intensiteitvolksmoord waarvan die grusame moord op die Potgieter-gesin ‘n tekenende voorbeeld is. Daar is tans verskeie klagtes by die Internasionale Geregshof teen die ANC-bewind en van sy leiers wat hulle reeds jare lank aan aanhitsing tot volksmoord skuldig maak. Voovalle soos dié op Lindley is regstreeks of onregstreeks aan hierdie aanhitsing te wyte.”

Roodt het insgelyks verwys na die onlangse vonnis van 15 jaar tronkstraf wat aan die Rwandese popsanger Simon Bikindi opgelê is omdat hy hom in sy liedjies en konsertoptredes aan aanhitsing tot volksmoord skuldig gemaak het. “Dit is hoog tyd dat Malema en ander wat geweld teen Afrikaners en blankes haat aanblaas kragtens die internasionale reg vervolg word.”

Weens die gebruik van ‘n banier met die foto van Ban Ki-moon, het PRAAG verneem dat die Verenigde Nasies reeds op die hoogste vlak van die huidige betogings in Suid-Afrika kennis geneem het. Dr. Francis Deng, die VN se Spesiale Raadgewer vir die Voorkoming van Volksmoord monitor Suid-Afrika persoonlik, terwyl ‘n ondersoekspan gemoeid met volksmoord die land vroeg aanstaande jaar sal besoek.

PRAAG sit sy veldtog teen volksmoord en geweld voort. Dr. Roodt sal ook môre in sy Geloftedagtoespraak te Greenlands by Koppies in die Vrystaat na die oënskynlike willoosheid van die Afrikanervolk in die aangesig van geweld 172 jaar ná Bloedrivier verwys. Die tema van sy feesrede is: “Die gelofte en ons vrye wil.”

саун москва topcargo отзывы

Roodt op Geloftedag by Greenlands, naby Koppies

Dr. Dan Roodt van Praag sal vanjaar op Geloftedag 16 Desember by Greenlands in die omgewing van die Vrystaatse dorp Koppies die feesrede waarneem. Die diens gaan gelei word deur ds. Dirk van Rooyen.

Die tema van Roodt se feesrede is: “Die Gelofte en ons vrye wil.”

Die Geloftefees begin reeds op 15 Desember en die organiseerders beskryf dit so: “Ons voorsien ‘n waarlik geseënde en genotvolle fees dié jaar. Ook wil ons u herinner aan die perdekommando, die potjiekoskompetisie en die boeresport. Belangstellendes kan ons kontak indien hulle wil deelneem en ons wag ook vir nog inskrywings vir die potjiekompetisie. Kom en beleef ware plattelandse boeregasvryheid en die Geloftefees soos ons oupas en oumas dit nog gevier het.”

Die aanwysings om daar te kom, is die volgende:

Die ruitverwysings vir die GPS is soos volg – S 27.15224 E 27.65300.

As ‘n mens van Pretoria af kom kan jy óf Sasolburg omry óf jy kan direk die Kroonstadpad vat. As jy Sasolburg omry, ry jy tot by die kruising by Sasolfabriek – rigting Heilbron. By die groot 4-rigtingkruising sal jy sien as jy regs draai is dit na Vereeniging, reguit aan dan is dit na Heilbron. Draai daar regs en hou net reguit aan. As jy op die derde brug kom en jy kyk links sal jy die Greenlands-stasie sien. Direk ná die brug sal jy sien daar draai n grondpad links af. Draai links en volg net die grondpad. Jy sal sien jy sal aan die agterkant van die ou sandsteenstasie verby ry. Volg net heeltyd die pad en moet nêrens afdraai nie. Ná ongeveer 5km sal jy sien die pad gaan self oor die teinspoor. Net ná jy oor die treinspoor is, sal jy die konsentrasiekampkerkhof en die feessaal op linkerhand sien.

Belangstellendes wat verdere vrae het of wat op pad verdwaal, kan mnr. Jan Kotze skakel by 0799649818 of 0826018972.

Фильчаков прокурор

PRAAG verlam Rustenburgse verkeer

‘n Groep van 15 PRAAG-aktiviste het vanmiddag net ná vieruur in spitsverkeer die hele Rustenburg se verkeer lamgelê deur ‘n oorbrug oor die N4-snelweg naby die vernaamste winkelsentrum met motors en bakkies te blokkeer.

Baniere en T-hemde waarin beswaar teen die huidige volksmoord teen Afrikaners aangeteken word, is op motors vertoon en motoriste is met ‘n megafoon aangemoedig om by die stryd teen verdrukking en volksmoord betrokke te raak.

Dr. Dan Roodt, leier van PRAAG, het gesê: “Hierdie, hoewel baie suksesvol, was net ‘n oefenlopie en ‘n eksperiment. Ons is besig om ook in die groter sentra te organiseer en wil uiteindelik die hele Gauteng op ‘n gegewe dag tot stilstand bring om die wêreld bewus te maak van die diskriminasie, volksmoord en aanhitsing tot volksmoord wat daar teen Afrikaners in Suid-Afrika gepleeg word.”

PRAAG het ‘n tydvak van “onophoudelike aktivisme” aangekondig. “Ons gaan nie ophou totdat ons op alle gebiede vry is nie,” het Roodt gesê. “Ons is siek en sat om verontmenslik en uitgewis te word. Die hele volk moet nou teen onreg opstaan.”

Verslae van nog ‘n Afrikanergroep wat die M2-snelweg in Johannesburg tot stilstand gebring het, is insgelyks ontvang.

кухню купить украина лобановский харьков

PRAAG betoog op Koster

Lede van PRAAG (Pro-Afrikaanse Aksiegroep) het vanoggend voor die landdroshof op Koster betoog teen die volksmoord en geweld teen Afrikaners. Die aangeklaagdes in die moord op mev. Marthie Erasmus het aansoek om borg gedoen. Die 63-jarige mev. Erasmus is begin Desember op haar bed vasgemaak en met ‘n 16-pondhamer tereggestel.

PRAAG het vier baniere met foto’s van Ban Ki-moon, FW de Klerk, Jacob Zuma, Julius Malema en Nathi Mthethwa vertoon. By die foto van Ban Ki-moon verskyn die slagspreuk: “Die VN keur Afrikanervolksmoord 100% goed.”

Die verdagtes is in ‘n geslote hof verhoor en die media of die publiek is nie in die hofsaal toegelaat nie, omdat een van die verdagtes glo ‘n minderjarige is.

Dr. Dan Roodt, leier van PRAAG, het by die hof verklaar: “Die feit dat die moordenaars in die geheim verhoor word, maak ‘n bespotting van geregtigheid. Hierdie weersinwekkende moord verteenwoordig die jongste in die vlaag etnies en rasgegronde teregstellings wat tans in ons land plaasvind. Ons doen ‘n beroep op die internasionale gemeenskap en die Verenigde Nasies om in te gryp en die stelselmatige uitwissing en verdrywing van ons volk te beëindig.”

Roodt was ook krities oor die onlangse uitspraak van mnr. Paul van Staden, die oupa van die tweejarige Willemientjie Potgieter wat oor die afgelope tyd ‘n simbool van Afrikanerlyding en -volksmoord geword het. “Mnr. Van Staden hou nie van Afrikanerprotes nie en ‘berus hom by wat gebeur het’. Maar dis nie God se wil dat ons kinders, moeders en vaders uitgewis word nie. Indien mnr. Van Staden dit glo, maak hy hom skuldig aan ‘n Egiptiese bygeloof van 5000 jaar gelede, van goddelike determinisme.”

“Die Afrikaner mag nie in die teregstelling van ons kinders en hierdie toenemende volksmoord berus nie,” het Roodt voortgegaan.

PRAAG het intussen betroubaar verneem dat klein Willemien Potgieter aan haar hare opgetel is en “op grootmenshoogte in die kop geskiet is. Hierdie weersinwekkende daad, asook die hamermoord op mev. Erasmus, mag nie ongestraf bly nie,” het Roodt gesê.

дитячи игри топкарго развод

‘SA skenk R1,1 miljard aan Kuba’

“Die Vryheidsfront Plus verstaan nie waarom die Suid-Afrikaanse regering R1,1 miljard wat Kuba aan Suid-Afrika skuld, onvoorwaardelik afgeskryf het nie. Dit blyk dat hierdie besluit deur die Suid-Afrikaanse regering geneem is weens verouderde politieke lojaliteite. Die breë makro-ekonomiese beleid en Industriëlebeleid-Aksieplan van die regering is nie in ag geneem met hierdie stap nie,” het adv. Anton Alberts, die VF Plusparlementêre woordvoerder oor Ekonomiese Ontwikkeling, gesê.

Die VF Plus beplan om vrae hieroor in die Parlement te vra.

Prakties beteken dit dat meer as een miljard rand van gewone Suid-Afrikaners se swaar betaalde belastings op hierdie wyse aan Kuba geskenk is. Dít terwyl meeste belastingbetalers ekonomies baie swaar kry en daar beslis baie ander verdienstelike projekte soos behuising en water- en elektrisiteitsvoorsiening aan huishoudings is waaraan die geld spandeer kon word.

“Terwyl pres. Zuma en die regering met die politieke muishonde van die internasionale wêreld, soos Kuba, Iran, Mianmar en Mugabe van Zimbabwe assosieer, verloor Suid-Afrika steeds meer internasionale aansien. Dit is daarom nie verbasend dat die ekonomies kragtige lande, wat om ekonomiese redes baie belangrik vir Suid-Afrika is, steeds krities teenoor Suid-Afrika staan nie,” het adv. Alberts gesê.

Crime Scene прокурор Фильчаков

Polisiekommissaris se rowerseun skotvry

Luitenantgeneraal Mzwandile Petros se seun het in September verlede jaar saam met sewe ander rowers uit die hof in Johannesburg ontsnap. Die sewe is intussen weer aangekeer, maar die lasbrief vir Petros junior is intussen teruggetrek.

Die polisielede wat die lasbrief teruggetrek het, is twee dae lank vir nalatigheid geskors, maar is intussen weer in hul poste aangestel.

Praag het dié ilnligting van ‘n bron binne die polisie ontvang. Dt is nog nie vantevore in die media bekendgemaak nie.

Plaasmoorde vereis ingryping

Dr. Pieter Mulder, leier van die VF Plus en adjunkminister van Landbou, Bosbou en Visserye het vanoggend die verhoor van die verdagtes wat gearresteer is in verband met die grusame moord op die Potgieter-egpaar en hul driejarige dogtertjie, in die Lindley-landdroshof bygewoon.

“Die ANC-regering moet wakker skrik en plaasmoorde as ‘n prioriteitsmisdaad verklaar. Dit is baie belangrik dat die ANC-leiers hierdie tipe gewelddadige moorde in die openbaar deurlopend moet veroordeel,” het dr. Mulder gesê.

Leiers en ondersteuners van die VF Plus het vanoggend buite die Lindley-landdroshof saamgetrek om hul protes teen die apatiese houding van die regering teenoor plaasmoorde te toon.

“’n Klimaat wat tot hierdie wrede moorde lei word deur onverantwoordelike propaganda-stellings geskep. Hierdie moorde is grusaam en bevat ‘n sterk element van rassisme. ANC-leiers sing liedjies wat woorde, soos ‘Skiet die Boer’ bevat en dit skep ‘n atmosfeer van rassisme waarbinne hierdie moorde dan plaasvind,” het dr. Mulder bygevoeg.

“Boere in Suid-Afrika is die groep waaronder die meeste moorde plaasvind, gemiddeld 313 uit elke 100 000, en dan eers wetstoepassers, soos lede van die polisie, waar die syfer 153 uit 100 000 is. Die komitee wat plaasmoorde in 2003 ondersoek het, het toe reeds bevind dat die kanse dat die slagoffer in ‘n plaasaanval beseer sal word, twee maal so groot as in transito-rooftogte is. Die kanse dat die slagoffer sal sterf is drie maal so groot as in transito-rooftogte. As die Polisie transito-rooftogte as ‘n prioriteit kan beskou, des te meer behoort plaasmoorde as prioriteit beskou te word,” sê dr. Mulder.

Лобановский

Joernaliste drom in hof saam in kinderpornografiesaak

‘n Groot aantal joernaliste het Maandagoggend by die landdroshof in Pretoria-Noord byeengekom waar agt mense na verwagting gaan verskyn op ‘n reeks aanklagte wat met kinderpornografie te doen het.

Daar was ook familielede van die beskuldigdes in Hof F teenwoordig, maar hulle het geweier om iets oor die saak te sê.

‘n Huiseienaar wat behuising aan sekere verdagtes verhuur, het gesê hy het geen idee gehad van wat daar aangaan totdat die polisie by die eiendom noord van Pretoria opgedaag het nie.

Volgens hom het ‘n man en vrou daar gewoon met hul twee kinders, waarvan een ‘n 28-jarige verstandelik vertraagde man is.

Die voorlopige klagte sluit in verkragting, onsedelike aanranding en die besit, maak en verspreiding van kinderpornografie.

Van die mense wat in hegtenis geneem is sluit in ‘n oupa, ouma, hul twee kinders uit vorige huwelike, die oupa se broer en sy vrou, asook hul verstandelik vertraagde seun. Die jong vrou van een van hul seuns is ook in hegtenis geneem

солидолонагнетатели

VF Plus eis ingryping in Gauteng-waterkrisis

“Die Vryheidsfront Plus eis onmiddellike ingryping in Gauteng se waterkrisis,” het mnr. Jaco Mulder, VF Plus-LPW in Gauteng en die party se hoofwoordvoerder vir Water- en Omgewingsake, gesê.

Die VF Plus het op 3 Desember 2010 ‘n versoekskrif aan die Gautengse departement van Landbou en Landelike Ontwikkeling oorhandig waarin die departement versoek word om ‘n koördinerende liggaam in die lewe te roep om die dreigende waterkrisis in Gauteng aan te spreek.

Mulder het in ‘n toespraak in die Gauteng Wetgewer gesê dat die provinsiale departement as voog van die geografiese gebied nou op ‘n dringende basis moet optree en sy mandaat ingevolge die Suid-Afrikaanse Grondwet uitvoer.

Die damme, spruite, vleilande en riviere in Gauteng is reeds onder druk vanweë die besoedeling wat deur munisipaliteite en industrieë veroorsaak word. “Die stygende watervlakke wat deur mynbedrywighede veroorsaak is, kan een van die grootste rampe in Suid-Afrika veroorsaak,” het Mulder gesê.

Daar bestaan tans geen gekoördineerde aksie om die potensiële natuurramp af te weer nie en die mynbedryf, staatsdepartemente en munisipaliteite tree elkeen op sy eie op.

uk online casino Фільчаков прокурор

Plaasmoorde vereis doodstraf

“Die wrede moord van die Potgieter-egpaar en hulle 3-jare dogtertjie op ‘n plaas in Lindley is ‘n verdere bewys dat die doodstraf heringestel moet word vir moordenaars. Dit is duidelik dat gewone tronkstraf nie moordenaars afskrik nie, daarom die arrogante boodskap van die moordenaars ‘Ons het hulle doodgemaak. Ons kom terug’. Net die doodstraf sal die vlaag van moorde in Suid-Afrika laat afneem,” sê mnr. Pieter Groenewald (LP), hoofwoordvoerder oor Polisie van die Vryheidsfront Plus.

“Wat kommerwekkend is, is dat plaasmoorde toenemend gepleeg word deur moordenaars wat in groepe optree. In April vanjaar het plaasaanvallers in groepe van tien tot sestien lede opereer in Polokwane en Carolina. Dit skep ‘n Zimbabwe-situasie. Die minister van Polisie, mnr. Nathi Mthethwa, het vanjaar by ‘n konferensie van AgriSA gesê die Polisie beskou plaasmoorde as net gewone misdaad. Die tyd het aangebreek dat die minister moet wakker skrik en plaasmoorde ‘n prioriteitsmisdaad verklaar. Die minister en die regering skram weg van plaasmoorde, juis omdat daar ‘n sterk element van rassisme en politiek betrokke is,” het Groenewald gesê.

освещение магазина