Hy was Dinsdag erg ontstoke tydens die debat oor pres. Jacob Zuma se staatsrede in die Nasionale Vergadering oor volgehoue kritiek op die matriekuitslae se geloofwaardigheid.
“Uit ondervinding weet ons dat hierdie soort onluste gou soos ‘n veldbrand oor die land kan spoel, en dat Suid-Afrika ‘n tradisie van ‘n onlusteseisoen begin ontwikkel.
“Elektrisiteitsvoorsiening aan huishoudings met geen inkomste is problematies. Spoeltoilette is ‘n probleem as die rioleringstelsel nie behoorlik in stand gehou word nie, of heeltemal in duie gestort het. Toegang tot drinkwater beteken niks as dit nie veilig is nie.
“Die grootste probleem is egter dit wat ‘n mens waarneem, en die statistiek, nie dieselfde verhaal vertel nie. Dit wat ‘n mens waarneem is veel meer in pas met verslae van die ouditeur-generaal.
“‘n Mens kan ‘n ruk lank daarmee wegkom om vir kiesers met donkie-ore toe te rus, maar uiteindelik besef te veel mense hulle is velle oor die oë getrek.
“Ons doen ‘n beroep op die regering om nie voor die versoeking te swig en allerlei onhaalbare beloftes aan die kiesers te maak nie, aangesien dit wel stemme in die sak kan beteken, maar na die verkiesing tot selfs nog groter ongelukkigheid kan lei. En daardie beloftes sal onhaalbaar bly solank as wat die ANC met sy kader-ontplooiingsbeleid volhard.
Die Christen-Demokratiese Party het al verskeie kere die regering gemaan om hulle nie so deur die vakbonde se militante optrede aan die neuse te laat rondlei nie. In dié land het baie vakbonde meer ‘vaardigheid’ met afpersing en geweld as met behoorlike arbeidspraktyke.
“Dit sal ook nou interessant wees om te sien of die ANC-jeugliga, wat deur die aanbied van die Internasionale Jeug-‘fees’ krediet opeis vir die omverwerping van die regerings van Tunisië en Egipte, nou ook vir die huidige geweld en sterftes in ons strate die krediet gaan opeis. Gaan hulle ook spog oor die onluste in lande soos Iran?”
Hulle staak vir ‘n salarisverhoging, behuisingstoelaag en ‘n einde aan arbeidsmakelaars.
Stakende vragmotorbestuurders het ook Dinsdag ‘n vragmotor in dieselfde omgewing in Johannesburg se middestad aangeval, die ruite uitgeslaan en die bestuurder en passasier met klippe bestook. Albei is beseer in die voorval.
Intussen berig Beeld dat ‘n 35-jarige man Maandag met klippe, bottels en ysterpype deur stakers in Isando, Johannesburg, aangeval is.
Malcolm Armstrong, wat ‘n afleweringsdiens bedryf, asook sy helper se vragmotor is Maandagmiddag naby Isando-treinstasie deur betogers voorgekeer.
Stukke glas, staal, roes en grond moes glo uit Malcolm se skedel verwyder word, het ‘n neurochirurg gesê. Hy is met bottels, klippe en ‘n geroeste staalpyp geslaan en verkeer in ‘n kritieke toestand in die Arwyp-privaathospitaal, Kempton Park.
Studies het ook getoon dat blootstelling aan beelde van bang gesigte, of gesigte van mense uit ‘n ander ras, verhoogde aktiwiteit in die amygdala veroorsaak.
Die vreesreaksie deur die amygdala kan versag word deur ‘n ander breindeel bekend as die rostrale antesingulaatkorteks, geleë in die frontale lob. In ‘n 2006-studie aan die Columbia Universiteit, het navorsers opgemerk dat mense minder aktiwiteit in die amygdale ervaar wanneer hulle bewustelik bang stimuli inneem as wanneer hulle onbewustelik bang stimuli ervaar. In die eerste geval, van bewustelike waarneming, is daar ‘n ‘n mate van emosionele beheer.
Die rol van die amygdala in die verwerking van vreesverwante stimuli word egter bevraagteken deur ander navorsing. Selfs in die afwesigheid van die amygdala, het sekere toetsgroepe steeds dadelik gereageer op vreeslike gesigte.
Onderdrukking van amygdale-aktiwiteit kan ook deur patogene veroorsaak word. Rotte besmet met die toksoplasmose parasiet is minder bang vir katte, en soms selfs katte urine-gemerkte areas opsoek. Hierdie gedrag lei dikwels daartoe dat hulle geëet word deur katte. Die parasiet reproduseer dan binne die liggaam van die kat. Daar is bewyse dat die parasiet homself konsentreer in die amygdala van besmette rotte.
Daar moet op gelet word dat verskeie breindele benewens die amygdala ook geaktiveer word wanneer individue met vreesbevange teenoor neutrale gesigte gekonfronteer word, naamlik die occipitocerebellar gebiede insluitend die fusiform gyrus en die inferior pariëtale/superior temporale gyri. Interessant genoeg, bang oë, wenkbroue en monde lyk asofdit afsonderlik gereproduseer word in die brein se respons.
Sedert massaprotesaksies, wat ‘n maand gelede tot die Tunisiese diktator se uittrede gelei het, was daar nog geen beduidende vooruitgang in die land nie.
Meer as 5 000 onwettige immigrante het sedertdien hul opwagting in die suide van Italië gemaak.
Dié toestand is die ongelukkige gevolg van die onlangse uitsetting van die ongewilde Zine El Abidine Ali.
Intussen het die Europese Unie belowe om miljoene rande aan Tunisië te gee, wat tussen nou en 2013 aan die land geskenk sal word.
Die Italiaanse minister van binnelandse sake, Roberto Maroni, het ook voorgestel dat Italiaanse polisie die kus van Tunisië patrolleer in ‘n poging om die onwettige migrasiestroom te stop stuit.
Tunisië het egter die aanbod van die hand gewys.
‘n Nuusspan van eNews wat betogings oor dienslewering in Ermelo dek, moes deur die polisie met skerppuntammunisie beskerm word.
Die groep betogers het die kameraspan spontaan aangeval. Die nuuskanaal het berig dat die polisie moes intree om hul lewens te red.
Dit was Dinsdag die tweede dag van gewelddadige betogings in Wesselton buite Ermelo.
Jody Jacobs, en Linge Ndabambi, ‘n kameraman, is onder klippe gesteek en hul voertuie is beskadig. Die kameraman se hand is beseer tydens die aanval, en hy het mediese behandeling ontvang.
Jacobs het gesê dat hy en sy kameraman in die satellietvoertuig moes skuil. Daar was glo heelwat meer betogers as polisie.
Die span se rekenaartoerusting en kameras is ook beskadig.
“Dit begin al hoe duideliker lyk dat die tolhekstelsel ontwerp is om die publiek te melk en die regering en sekere korporatiewe belange alleenlik te dien. Die feit dat GijimaAST, die Suid-Afrikaanse firma wat voorheen in ‘n regsaak met die departement van binnelandse sake betrokke was, ook deel vorm van die konsortium, is ‘n verdere duidelike bewys dat sekere individue aanhou bevoordeel word ongeag hulle prestasierekord,” het adv. Alberts bygevoeg.
Die VF Plus gaan die minister in die Parlement versoek om uit te vind waarom die regering nie by sy eie reëls wat ten doel het om Suid-Afrikaanse besighede te bemagtig hou nie. Die party wil ook van die minister weet waarom besighede wat die staat en belastingbetaler benadeel nie uitgesluit word van tenderprosesse nie.
Die Palestynse premier Salam Fayyad sal Maandagoggend sy regering se bedanking aan president Mahmud Abbas bied, het ‘n senior beampte Sondag aan AFP gesê.
Iran se Ayatollah Ali Khamenei het die vernietiging van Israel op sy webblad voorspel, berig die Huffington Post.
“Die dag sal beslis kom dat die nasies van die Midde-Ooste die vernietiging van die Sionistiese regime sal sien,” het Khamenei op die webblad gesê.
“Hoe vinnig dit sal gebeur, hang af van hoe Islamietiese lande en Moslem-volke die situasie benader.”
Hamas-woordvoerder Sami Aboe Zuhri in Gaza het gesê: “Die bedanking van die Egiptiese president Hosni Mubarak is die begin van die oorwinning van die Egiptiese revolusie. Dié oorwinning was dansky die opofferinge en die standvastigheid van die Egiptiese volk. Ons doen ‘n beroep op die nuwe Egiptiese leierskap om onmiddellik die blokkade van Gaza en Rafah (grens) permanent op te hef en oop te stel sodat mense vryelik kan beweeg om hulle in staat te stel om die heropbouproses van Gaza te begin. “
Boere sal eersdaags geen seggenskap oor hul eie plase meer hê nie, sê Vrystaat Landbou (VL).
Wysigings wat aan die einde van verlede jaar in die Staatskoerant afgekondig is, hou uiters nadelige gevolge vir boere in, en die regering wil met die nuwe wet eenvoudig grondbesetting wettig, sê hulle.
Daar is glo geen kennisgewings uitgedeel om boere bewus te maak van die openbare verhore nie.
‘n Openbare sitting oor voorgestelde wysigings is nietemin Saterdag deur die departement van samewerkende regering, tradisionele sake en landelike ontwikkeling in die Protea-hotel in Bloemfontein gehou.
Henk Vermeulen, hoofbestuurder van VL, sê twee van die kwessies is die voorgestelde wysiging dat plaaswerkers kommersieel op die plaaseienaar se plaas mag boer en dat plaaswerkers beeste sonder die plaaseienaar se toestemming mag aanhou.
Die wysigings word op die departement van landelike ontwikkeling se webwerf, www. ruraldevelopment.gov.za, uiteengesit: “Die departement wil met die wysigings die probleem van plaasuitsettings aanpak, asook die onregverdighede wat teenoor die arm plaasgemeenskappe plaasvind, herstel.”
Volgens die VL is die voorstelle heeltemal ongrondwetlik.
Vermeulen sê die organisasie sal ten sterkste beswaar teen die wysigings aanteken.
Die sluitingsdatum vir kommrntaar is 24 Februarie by: LandTenureSecurityBill@ruraldevelopment.gov.za.
So sê ds. Theunis Botha, leier van die Christen-Demokratiese Party (CDP)
“Ons is baie bekommerd dat plaasaanvalle en ook plaasmoorde so onverpoosd voortduur, nie net in Noordwes en die Oos-Vrystaat nie, maar landswyd.
“Ons doen weer ‘n beroep op die regering om die saak met die nodige erns aan te pak, maar ook op regeringsvlak konsekwent die boodskap sal uitstuur dat die landbougemeenskap nie vrybuit is nie.
“Die voorvalle plaas ook Zuma se stellings oor die hemel onder ANC-bewind in konteks.”
