Vals dokter vas

‘n Man wat homself as ‘n mediese praktisyn voorgedoen het, is by die Pelonomi-hospitaal in Bloemfontein in die Vrystaat in hegtenis geneem, het die polisie Sondag gesê.

‘n Veiligheidswag het agterdogtig geraak en die 21-jarige man agtervolg nadat hy die hospitaalperseel Saterdagmiddag betree het, het sers. Thabo Litabe gesê.

Hy het ‘n stetoskoop gehad wat om sy nek gehang het.

Toe die wag hom voorgekeer en ondervra het, het die man beweer hy is ‘n dokter van die Tempe Militêre Hospitaal. Hy het gesê hy is op pad na die ongevalleafdeling om te gaan werk.

“Die wag het die polisie geskakel nadat die hospitaalbestuur gesê het hulle weet niks van die jong dokter nie,” het hy gesê.

Die man sal na verwagting Maandag in die Bloemfonteinse landdroshof verskyn op aanklagte van vervalsing en die besit van ‘n stetoskoop.

Фильчаков прокурор отзывы

Swart handelaar smyt R15 miljard weg

Kweku Adoboli‘n Jong, swart handelaar, Kweku Adoboli, is Vrydag in Londen in hegtenis geneem nadat hy die Switserse bank UBS verliese van $2 miljard (R15 miljard) toegedien het. Hy word ook verdink van bedrog en die verdoeseling van verliese wat tot 2008 terug te voer is.

Adoboli, die 31-jarige seun van ‘n voormalige VN-diplomaat wat van Ghana afkomstig is, is as ‘n “opkomende handelaar” in die glanswêreld van Londense aksepbanke beskryf. Hy het duur partytjies vir sy vriende gegee en was tot Vrydag die direkteur van UBS se Delta-een-lessenaar waar finansiële risiko namens kliënte op die markte geneem word.

Die kolossale verlies het die stad van Londen, waar die finansiële bedryf gesetel is, in ‘n nuwe krisis gedompel ná die bankbankrotskappe van die afgelope tyd wat deur belastingbetalers gedra moes word. Politieke partye in Switserland eis reeds dat Switserse banke hul aksepbankbedrywighede moet staak. Indien UBS sy askepbank in Londen sou sluit, sou dit werksverliese vir tot 6 000 mense beteken.

Ook die bank se risikobestuurstelsels staan onder verdenking omdat die jong Ghanese pierewaaier daarin kon slaag om miljarde onder die bank se neus te verloor en weg te steek sonder dat rekenmeesters of die bestuur dit kon agterkom.

Dit wil voorkom asof Adoboli posisies in die valutamark geneem het, wat teen hom beweeg het toe die Switserse sentrale bank besluit het om in te meng ten einde die Switserse frank se oormatige sterkte te verminder. Op Facebook het hy enkele dae gelede geskryf dat hy ‘n “wonderwerk nodig het”, wat sou impliseer dat sy posisies diep in die moeilikheid was.

UBS het gewaarsku dat die verlies die bank se algehele winste vir die huidige kwartaal mag uitwis. In ‘n memorandum het die uitvoerende beampte van die bank, Oswald Grübel, aan werknemers gesê: “Ons verstaan dat u reeds geruime tyd ongunstige, volatiele, markte moes trotseer. Terwyl die nuus kommerwekkend is, sal dit nie die fundamentele sterkte van ons firma beïnvloed nie.” UBS beskik oor meer as $50 miljard aan aandeelhouersefondse, dus sal die verlies van twee miljard nie die bank se balansstaat noemenswaardig raak nie.

Blykbaar het UBS slegs die ongemagtigde transaksies teen 12.00 Woensdag ontdek en twaalf uur later die polisie se hulp ingeroep om Adoboli aan te kla en te arresteer. Volgens die Londense Guardian bestaan daar onder andere drie klagte teen die Ghanees-gebore handelaar, naamlik dat hy verliese met beursverhandelde fondse tussen Oktober 2008 en Desember 2009 verdoesel het, asook tydens ‘n tweede periode tussen Januarie 2010 en September 2011. ‘n Derde klag het betrekking op die bedrog wat hy tussen Januarie 2011 en September 2011 sou gepleeg het terwyl hy senior handelaar in globale sintetiese aandele was.

Sedert sy inhegtenisname Donderdag omstreeks 15.30 by sy luuksehuis in Shoreditch, aan die rand van die Londense finansiële buurt, word Adoboli deur Kingsley Napley verteenwoordig, dieselfde regsfirma as die berugte Nick Leeson wat Barings-bank se ondergang met sy ongemagtigde termynbeurstransaksies veroorsaak het. Die firma het nog nie ‘n verklaring uitgereik of bekendgemaak hoe Adoboli op die klagte gaan pleit nie.

Volgens die polisie in die stad van Londen, gaan hulle ondersoek voort, in “noue samewerking” met die Britse Finansiële Dienste-owerheid, asook die Kantoor vir Ernstige Bedrog en die Kroon-aanklagdiens.

Фільчаков Олександр Васильович

Wat was in daai handsak?

Maite Nkoana-Mashabane, minister van internasionale betrekkinge en samewerking, het Suid-Afrikaanse belastingbetalers R235 000 uit die sak gejaag omdat sy geweier het om haar handsak deur ‘n skandeerder op ‘n lughawe in Oslo, Noorweë, te sit, berig die Mail & Guardian.

Nkoana-Mashabane was vroeër dié maand op ‘n staatsbesoek aan die land toe sy geweier het om haar handsak deur die skandeerder te sit.

Sy het haar vlug na haar volgende vergadering in Bulgarye daardeur verpas.

‘n Privaatstraler moes desnoods daarna gehuur word om haar na Bulgarye te neem.

Volgens haar departement het dié voorval belastingbetalers R235 343 gekos.

Die departement het gesê die Weense konvensie bepaal diplomate en hul bagasie mag nie deursoek word nie, en dat die minister – as die land se top diplomaat – reg was om te weier dat haar handsak deursoek word.

“Daar was niks in haar handsak wat nie verklaar kon word nie. Die saak gaan nie oor die inhoud van die bagasie nie. Dit is ‘n saak van beginsel,” het Clayson Monyela, woordvoerder van die departement, gesê.

Александр Фильчаков

Malema haal Forbes se toptien-lys

Die insluiting van die ANC-jeugliga president Julius Malema op die Forbes-lys van Afrika se 10 mees invloedryke jong mans is “redelik duidelik”, volgens Pat Roberts, ‘n leierskap-afrigter.

Malema word gelys as een van 10 manne onder 40 “wie enorme invloed in Suid-Afrika se politieke en sakekringe uitoefen” skryf die tydskrif Forbes gister.

Ten spyte dat Malema die lys met die DRK se Joseph Kabila, die Suid-Afrikaanse IT-miljardêr Mark Shuttleworth, president van die Suid-Afrikaanse Kamer van Koophandel-Amerika Euvin Naidoo, Standard Bank direkteur David Munro en Madagaskar se oorgangsvoorsitter Andry Rajoelina deel, sê Roberts dat sy voel Malema was nie uit plek uit in die geselskap van die ander manne op die lys nie.

“Hy het ‘n behoefte by jong werklose [swart] Suid-Afrikaners raakgesien en daarmee sy profiel gebou, en hy doen dit op ‘n baie vaardige manier,” het sy gesê.

“My persepsie is dat die manier waarop hy homself aanbied vir die publiek wat hy lok, aanvaarbaar is.

“Hulle streef daarna om die dinge wat hy het, te bekom, te gaan na die plekke waarheen hy gaan en hulself aan te bied om die manier waarop hy dit doen,” het sy bygevoeg.

Roberts het gevoel dat die Suid-Afrikaanse swart jeug hom as ‘n figuur wat hulle kan volg beskou. “Dit gaan alles oor die strewe en die gevoel is dat, indien hy dit kan doen, hulle ook kan,” het Roberts gesê.

Terwyl die tydskrif Malema as “verdelende en polariserende” figuur beskryf wat geneig is om “opruiende retoriek en rassistiese aanmerkings” te gebruik, maak sy rol in die uiteindelike verkiesing van Jacob Zuma, die ANC en die land se leierskap van hom ‘n politieke krag.

“Die ANC-Jeugliga is ‘n enorme krag in die Suid-Afrikaanse politiek, en het ‘n sleutelrol in die verkiesing van die President Jacob Zuma gespeel tydens die 2009-presidensiële verkiesings.” 

Фильчаков прокурор харьков

Suidkus opgeruim vir COP17

Die adjunkminister van Waterwese en Omgewingsake, Rejoice Mabudafhasi, sal vandag ‘n opruimingsprojek van 11 miljoen rand bekendstel op die vooraand van die 26ste jaarlikse Internasionale Kus-skoonmaakdag môre.

Die projek genaamd “Werk vir die kus: van Umthanvuna tot Umkomaas” sal by die Park Rynie kampeerterrein op die KwaZulu-Natalse suidkus bekendgestel word.

Die projek sal sowat 112 werksgeleenhede vir plaaslike inwoners skep. Dit is daarop gemik om die kusgebied rommelvry te maak en is een van die departement se projekte in die aanloop tot die internasionale konferensie oor klimaatsverandering, COP 17, wat aan die einde van die jaar plaasvind.

Die Suid-Afrikaanse regering is verbind tot die gedagte van klimaatsverandering en dat ryk lande moet opdok vir die “skoonmaakproses” in ontwikkelende lande.

Die president van die Europese Unie Kommissie, Manuel Barroso sê die EU sal voortgaan om Suid-Afrika se ontwikkelingsprogramme te ondersteun. Suid-Afrika en die EU het ‘n beraad in die Nasionale Krugerwildtuin in Mpumalanga gehou. Die EU is Suid-Afrika se grootste handelsvennoot en sowat 30 persent van Suid-Afrika se buitelandse handel is met lidlande van die EU.

Die onderwys- en gesondheidsektore sal onder meer baat vind by die handelsbetrekkinge. Klimaatsverandering is nie bespreek nie.

Intussen het Dr. Ivar Giaever, ‘n voormalige professor by Rensselaer Polytechnic Institute en in 1973 die wenner van die Nobelprys vir fisika, gister bedank uit die American Physical Society (APS) omdat hy glo klimaatsverandering is hoegenaamd nog nie “onteenseglik” bewys soos wat beweer word nie.

 

Фильчаков прокурор отзывы

Lugtaxi’s van Santaco styg op

Die Suid-Afrikaanse taxi-bedryf stel vandag amptelik sy nuwe lugredery op Lanseria, noord van Johannesburg, bekend.

Die Burgerlike Lugvaartowerheid sê die diens sal heeltemal veilig wees en opgeleide personeel sal die vliegtuie beman.

Die doel van die Santaco-lugdiens is om vlugte meer toeganklik en bekostigbaar vir alle Suid-Afrikaners te maak. Dié taxi-bedryf lewer daagliks ‘n diens aan sowat 15 miljoen burgers op die land se paaie.

Die eerste vlugte sal voortaan tussen Lanseria, Bisho en Kaapstad wees, hoewel meer besonderhede oor die eerste vlug en die besigheidsplan later vanoggend eers bekend sal wees.

Volgens berigte sal kaartjies by supermarkte en groot taxi-staanplekke gekoop kan word. Die presidensie sê President Jacob Zuma sal die bekendstelling bywoon.

Данильченко Юрий отзывы

Skiet die Boer-uitspraak ‘absurd’

Die hooggeregshof-beslissing wat die sing van die woorde “awudubule ibhunu” (skiet die Boer) tot haatspraak verklaar, is ‘n “absurde en drastiese” skending van die reg op vryheid van spraak, meen prof. Pierre de Vos, grondwetkenner aan die Universiteit van Kaapstad.

In ‘n rubriek wat Donderdag in The Star gepubliseer is, kritiseer de Vos regter Colin Lamont se uitspraak en sê dit is gebaseer op rasse-stereotipes.

Die uitspraak beteken dat enigiemand wat die lied sing, aangehou kan word vir minagting van die hof, skryf hy.

“Dít in my opinie kom neer op ‘n absurde en drastiese skending van die reg op vryheid van spraak wat nie deur die Wet op Gelykheid regverdig word nie – selfs gegewe die omvattende bepalings van die wet.”

Lamont het Maandag beslis dat Julius Malema, president van die ANC-jeugliga, se sing van die woorde “awudubule ibhunu” by openbare saamtrekke, neerkom op haatspraak en boere bedreig.

Die regter het Malema en die ANC verbied om die woorde in die openbaar en privaat te sing.

De Vos skryf verder in die rubriek dat Lamont die samelewing in terme van ras in ‘n minderheids- en meerderheidsgroep verdeel.

“Die essensialistiese en simplistiese skeidings van Suid-Afrikaners in verskillende rassegroepe kan as problematies gesien word.”

Die jeugliga het Woensdag aangekondig dat hy die beslissing tot in die konstitusionele hof sal beveg en die parlement sal nader vir wetgewing om liedjies wat deel van die ANC se erfenis is, te beskerm.

De Vos het gesê deel van die probleem met Lamont se beslissing is, in sy opinie, dat die gedeelte oor haatspraak in die Wet op Gelykheid self, te breedvoerig is.

Фильчаков прокурор харьков

Ondersoek na wapenskandaal verwelkom

“Die aankondiging dat pres. Jacob Zuma ‘n kommissie van ondersoek gaan aanstel om die Wapenaankope-program te ondersoek, word deur die Vryheidsfront Plus verwelkom. Verlede maand het die Vryheidsfront Plus skriftelik die president versoek om ‘n kommissie van ondersoek, verkieslik ‘n regterlike kommissie, aan te stel om die saak te ondersoek (skrywe hieronder). Ons standpunt was dat die hele wapentransaksie skaad nie net die beeld van die SANW nie, maar van die hele Suid-Afrika. Deur ‘n kommissie kan finaliteit oor die aangeleentheid verkry word en kan die boeke gesluit word,” sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

“Zuma se erkenning dat finaliteit en afsluiting van die aangeleentheid in openbare belang is stem ooreen met ons standpunt in ons skrywe aan hom. Die erkenning van SAAB dat omkoopgeld van R24 miljoen betaal was aan persone in Suid-Afrika, deur hulle destydse Suid-Afrikaanse filiaal Sanip wat deur BAE Systems beheer was, en Ferrostaal (duikbote) dat korrupsie gepleeg is met die wapentransaksies kon nie geïgnoreer word nie. Die samestelling van die kommissie moet bo verdenking wees en daarom sal ‘n regterlike kommissie die mees aanvaarbare wees,” het Groenewald gesê.

‘n Regsproses is in 2009 in die Wes-Kaapse hooggeregshof begin om die president te vra dat ‘n kommissie van ondersoek aangestel word. ‘n Aansoek is later in die grondwetlike hof aangehoor waar ‘n verhoordatum vir 17 November vasgestel is. Die Presidensiële woordvoerder, Mac Maharaj sê die president het die verskillende verwikkelings in die saak in oënskou geneem vir sy besluit en ook die feit dat die afhandeling van die saak in publieke belang is. Zuma sal binnekort die samestelling van die kommissie en tydsbestek bekendmaak. Hy het opdrag aan die minister van Justisie, Jeff Radebe gegee om die nodige stappe te doen om die besluit te implementeer.

лобановский политик

Polisie wis niks van Malema-bomdreigemente

Die minister van Polisie, Nathi Mthethwa, het bevestig dat die Polisie geensins klagtes gekry het van Julius Malema oor bomdreigemente of dat sy huis deursoek was vir plofstof nie.

Hy het skriftelik geantwoord op ‘n vraag van Pieter Groenewald van die Vryheidsfront Plus in die parlement. Malema het verlede maand in ‘n radioprogram gesê dat sy huis twee keer deur die Polisie se plofstof-eenheid deursoek moes word nadat hy dreigemente ontvang het.

“Iewers lieg iemand. Malema sê sy huis was deursoek deur die Polisie na bomdreigemente, maar die minister van Polisie ontken dit. Ek glo dat die minister die waarheid praat. Malema het beslis ‘n minderwaardigheidsprobleem en wil die indruk wek dat hy ‘n belangrike persoon is wat geteiken word.

Met hierdie optredes wil Malema steun werf onder die werklose massas deur die indruk te wek hy kry ook swaar ten spyte van sy rykdom en dat hy geteiken word omdat hy vir die armes en werkloses veg,” sê Pieter Groenewald, hoofwoordvoerder van Polisie vir die Vryheidsfront Plus.

Фільчаков прокурор

Howe ‘rassisties’ en ‘apartheid deur die agterdeur’

Die ANC-Jeugligapresident Julius Malema sê Suid-Afrika se howe is “rassisties” en “apartheid is teruggebring deur die agterdeur”. Hy het beloof dat hy die Grondwethof sal nader om die uitspraak dat die lied Dubul ‘ibhunu’ haatspraak verteenwoordig, ongedaan te maak.

Malema het die opmerkings gemaak Woensdag tydens sy eerste mediakonferensie sedert ANC se dissiplinêre verhore begin het.

Sy mede-beskuldigdes sowel as die adjunk-minister van Staatsdiens en Administrasie Ayanda Dlodlo, wat op die ANC se nasionale dissiplinêre komitee dien, en die voorsitter van die Umkhonto we Sizwe se Militêre Veterane Vereniging, Kebby Maphatsoe, was aan sy sy by die perskonferensie.

Regter Colin Lamont se uitspraak in die Johannesburgse hooggeregshof het Malema en sy ondersteuners die sing van ‘Skiet die Boer’ verbied, maar Malema het gesê die regbank is “rassisties” en Regter Lamont daarvan beskuldig dat hy met sy eie agenda besig is.

Gevra of hy dink die howe is rassisties, het hy gesê: “As hulle nie getransformeer is nie en dit beteken rassisties, dan moet dit so wees. Weereens vind ons onsself onderworpe aan die wit minderheid se goedkeuring. Apartheid is deur die agterdeur ingebring.

“Daar is nog steeds die nalatenskap van apartheid vandag, nog steeds ‘n behoefte vir ons mense om gemobiliseer te word teen apartheid.

“Die regter het gesê dat ons nuwe morele waardes moet leer. Moraal van wie? Wie gaan ons leer? Gaan hy ons vertel hoe ons onsself moet gedra?”

Hy het gesê dat die ANC-regering nog steeds onder “wit oorheersing” staan.

“Ons het opdrag gegee aan ons prokureurs om die Grondwethof en die Appèlhof te nader … Ons gaan na die Parlement om wetgewing wat hierdie liedere sal beskerm, te eis.”

Met verwysing na die moordsaak teen rugbyspeler Bees Roux en die dronkbestuursaak teen “kameraad Robert McBride”, het Malema gesê die McBride-saak is ‘n voorbeeld van die howe as ‘n “teen-rewolusionêre” krag wat gebruik word teen individue in die ANC.

“… Hulle het nog haat hom (McBride) … Hy het net sy motor, nie eens ‘n staatsvoertuig vernietig nie. En hier is ‘n moordenaar wat ‘n persoon doodmaak in ‘n uniform en hy kry ‘n boete. En ons moet dit aanvaar? “

Hy het gesê die verhoor is nie die grootste ding in die ANC nie “en was bloot” ‘n stap in die organisasie (omdat) dit voel dat dit nodig is om in te gryp “. Hy het gesê dit was soos enige ander sub-komitee van die ANC.

депутат лобановский