Nuus Archives - Page 1462 of 1583

Gautrein-werke gestaak na sinkgatinsident

Inspekteurs van die departement van minerale en energie het die Bombela-konsessiemaatskappy gelas om ondergrondse werk in Rosebank, Johannesburg te staak.

Gister het 'n twaalf-by-agtmeter gat in Oxfordweg verskyn.

Verkeer moes omlei word.

Ministerie-segsman, Bheki Khumalo, sê rotsingenieurs moet eers inspeksies uitvoer om seker te maak dat dit veilig is om in die omgewing te boor,.

Die sinkgat se verskyning word toegeskryf aan boordery wat deur Bombela uitgevoer is.

Werkers het skynbaar 'n hoofwaterleiding getref tydens 'n booroperasie.

Die hoofsuperintendent van die metropolisie, Wayne Minnaar, sê Oxfordweg kan vir so lank as twee weke gesluit wees.

лосины девочка 7 лет topcargo

Nog 2010-probleme

Foto: Michi Beck

Suid-Afrika se voorbereidings vir die 2010-sokkerwêreldbekertoernooi het weereens 'n haakplek opgedoen.

Een van die stadions in aanbou is weggelaat vir die 2009-konfederasiebekertoernooi.

Irvin Khoza, voorsitter van die plaaslike reëlingskomitee, sê dit is duidelik dat die Nelson Mandelabaaistadion in Port Elizabeth nie betyds gereed sal wees nie.

Die konfederasiebeker word as 'n belangrike toetslopie vir die wêreldbeker beskou wat in 2010 deur Suid-Afrika aangebied word.

Die een-komma-tweemiljardstadion is een van verskeie waarvan die konstruksie deur arbeidsonrus belemmer is.

best social media

Hulle is rassiste, s? Zimbabwe

Die Zimbabwiese regering het die ergste belediging gebruik in reaksie op berigte van verskerpte sanksies teen President Robert Mugabe en sy trawante.

Die adjunk-minister van inligting, Bright Matonga, sê die leiers van die G8-lande is rassiste wat dink wit mense het beter denkprosesse as die swart mense van Afrika.

Hy sê dit word deur hulle pogings om Mugabe en sy vertrouelinge te isoleer, gedemonstreer.

Die G8-lande en meeste lidlande van die Verenigde Nasies is ten gunste van 'n algehele reisverbod op Mugabe en sy binnekring.

Hulle wil ook die bates van Mugabe en sy kamerade bevries. топкарго развод

EU laat biobrandstofteiken vaar

Koolraapland

Die EU-teiken van 10 persent brandstof wat teen 2020 van biobrandstof afkomstig moet wees, is laat vaar.

Getuienis neem toe dat die teikens tot ontbossing en hoë voedselpryse bydra.

Navorsers sê dat dit die begin van 'n keerpunt vir Europa is sover dit biobrandstof betref.

Studies het getoon dat biobrandstowwe wat afhanklik is van koolrape, mielies en sojabone landbougrond in beslag neem en tot ontbossing van natuurlike woude bydra.

Dit word as erger as die ander faktore wat tot klimaatsverandering bydra, beskou.

Twee-en-sewentig veldskoolgangers in die hospitaal en twintig dood

Twee-en-sewentig veldskoolgangers is oor die naweek tot verskeie hospitale in die Ooskaap toegelaat omdat hulle óf ontwater was óf aan septiese wonde gely het.

Net nege van hulle is tot dusver ontslaan.

Die besnydenisdodesyfer in die Ooskaap het volgens die provinsiale gesondheidsdepartement reeds twintig bereik.

Die departement is besig om in samewerking met die polisie op onwettige veldskole toe te slaan en hulle te sluit.

'n 15-jarige het oor die naweek by 'n onwettige veldskool naby Lusikisiki in die Transkei gesterf.

Ongeregistreerde tradisionele chirurge en verpleegsters is ook in hegtenis geneem.online games.co.uk

Virtuele onderwys neem toe in die VSA

Inskrywings vir aanlynklasse in die VSA is 22 keer hoër as in 2000, volgens die Noord-Amerikaanse Raad vir Aanlynonderwys.

Tegnologie versprei nou in Amerikaanse klaskamers met aanlynkursusse, gebruiksvriendelike skootrekenaars en virtuele onderwysers.

Take kan in sommige gevalle nou elektronies op skoolwebwerwe ingedien word.

Klaswerk in sulke eksperimentele skole waar boeke byna uitgedien geraak het word gedoen in Google Docs, Apple se iMovie en met behulp van gespesialiseerde opvoedkundige programmatuur soos FASTT Math.

Deskundige vooruitskattings toon dat 50% van hoërskoolkursusse teen die jaar 2013 aanlyn sal geskied. Tans is dit omtrent 1%.

Frankryk wil privaat EU-data aan die VSA beskikbaar stel

Die Franse regering beplan om die Amerikaanse owerheid van privaat data oor Europese burgers te voorsien om daardie land se veldtog teen terreur te steun.

Die omstrede voorgestelde ooreenkoms sal waarskynlik die Amerikaners in staat stel om kredietkaartinligting, bankbesonderhede en reisgewoontes van EU-burgers te bekom.

'n Senior amptenaar in Brussel het gesê dat die Franse baie gretig is om die VSA van diens te wees.

Die onderhandelings vind tans tussen 'n hoëvlakkontakgroep van Europese en Amerikaanse amptenare plaas.

светильники mdm Фильчаков

All Black-skrum onwettig

Die Suid-Afrikaanse rugby-afrigter Peter de Villiers het die All Blacks van onwettige skrumtegniek beskuldig.

Sy beskuldiging kom twee dae nadat Nieu-Seeland die drienasiestoets in Wellington met 19-8 gewen het.

Hy sê die loskopstut Tony Woodcock het die voorafkontak gemanipuleer om die skrum te destabiliseer.

Volgens hom is die Nieu-Seelanders in vorige wedstryde daarvoor gestraf maar dié keer het die skeidsregter anderpad gekyk.

De Villiers meen die Springbokke sal moet oorweeg om soms ook onwettige metodes te gebruik.

Simon Mann tronk toe weens Ekwatoriaal-Guinee komplot

Die Britse huursoldaat Simon Mann is tot 34 jaar en vier maande tronkstraf gevonnis in Ekwatoriaal-Guinee omdat hy beplan het om die regering omver te werp.

Die vyf-en-vyftigjarige Mann is in Maart 2004 tesame met 61 ander deur die Zimbabwiese owerheid gearresteer toe hul vliegtuig daar geland het om brandstof in te neem.

Volgens Mann het hy bevele van Mark Thatcher geneem en was Spanje, Suid-Afrika en die Verenigde State van die beplande staatsgreep bewus en het dit goedgekeur.

Mann is 'n voormalige spesmagoffisier wat Brittanje se prestigeryke skool Eton en die Sandhurst militêre akademie bygewoon het.

Mann het geen emosie getoon toe die vonnis uitgelees is nie.

о болезни

Man steel 126 selfone

Die Wesrandse polisie het 'n man gister in Kagiso in hegtenis geneem omdat hy in die besit van 126 gesteelde selfone was.

Inspekteur Solomon Sibiya het gesê dat speurders van die Kagiso-tak gereageer het op 'n wenk van lede van die publiek dat die man besig was om selfone in uitbreiding 12 te verkoop.

Die meeste van die selfone is mee gepeuter en was nie op die man se naam geregistreer nie.

Die beweerde dief sal vandag in die Krugersdorpse landdroshof op 'n klag van die onwettige besit van gesteelde goedere verskyn.

ресивер лобановский депутат