Dan Roodt (regs) van PRAAG was Woensdagaand 9 April om 21:00 die gas van Deon Maas (links) op sy RSG-radioprogram "Maas met mening".
Luister hier na die volledige program (ongeveer 10 Mg groot).
Kategorie: Nuus
ANC se voertuighuur raak duur
Die ANC het in Pretoria onder skoot gekom weens ‘n bedrag van R1,4 miljoen per maand wat aan voertuighuur bestee is.
In reaksie op ‘n geskrewe vraag van Angela Randall, ‘n DA-lid van die Tshwane Metro, het die raad onthul dat hy tussen Augustus 2007 en Januarie vanjaar R8,5 miljoen aan voertuighuur bestee het.
Volgens Randall, skep dit die indruk dat die raad geen geldtekort het nie terwyl almal van beter weet.
Sulke ekstra uitgawes op huurvoertuie is te wyte aan ‘n gebrek aan beplanning by die munisipaliteit, het sy gesê.
Meer teregstellings in Japan
Japan het vandag vier veroordeelde moordenaars gehang en is besig om die pas van teregstellings te versnel, volgens ‘n amptenaar.
Van die nywerheidslande is dit net Japan en die Verenigde State wat nog die doodstraf toepas.
Volgens die Japannese regering vereis die openbare mening in Japan dat hulle meer oortreders hang.
Een van die tereggestelde gevangenes, die een-en-sestigjarige Kaoru Okashita, is daaraan skuldig bevind dat hy twee mense doodgemaak het, waaronder ‘n 81-jarige vrou met wie hy ‘n eiendomsrusie gehad het.
In die tronk het Okashita wat sy van na Akinaga verander het, tradisionele tanka-poësie begin skryf en het berou oor sy misdade getoon.
Tutu saam in San Francisco-protes
Duisende betogers word vandag in San Fransisco verwag vir die aankoms van die Olimpiese fakkel. ‘n Herhaling van die dieselfde skermutselinge as in Londen en Parys word verwag.
Van Burmese monnike tot lede van Amnestie Internasionaal het op die stad toegesak.
Die aankoms van die fakkel met China Lugdiens 2008 was baie onopsigtelik omdat geen betogers die vlam by San Fransisco se internasionale lughawe ingewag het nie.
Maandag het beswaarmakers egter twee baniere oor die Golden Gate-brug gespan om die vryheid van Tibet te eis. Hulle is in hegtenis geneem.
Aartsbiskop Desmond Tutu en Tibetaktivis Richard Gere sou Dinsdagnag ‘n waak in stad onderneem, terwyl Burmese monnike Woensdag vooraan oor die brug sou marsjeer.
Blankes word ‘n w?reldwye minderheid
Die Nasionele Beleidsinstituut in Amerika voorspel dat blankes teen die jaar 2060 gaan daal tot slegs 9,76% van die wêreldbevolking. Dit verteenwoordig ‘n dramatiese daling teenoor die hoogtepunt van 27,98% wat die blanke aandeel van die wêreldbevolking in 1950 was.
Die groot wenners in die bevolkingsresies is swartes wie se bevolking met 133% gaan styg van nou af tot in 2060 wanneer hulle 2,7 miljard mense of 25,38% van die wêreldbevolking gaan wees.
Die ander groot wenners is Indiërs wie se bevolking dié van Chinese en Japannese gaan verbysteek deur met 1,2 miljard mense toe te neem.
In 1950 was swartes slegs 8,97% van die wêreldbevolking. Binne ‘n enkele eeu sou hul getalle dus dertienvoudig toegeneem het.
Fidentia baasbrein deur FBI gegryp
‘n Baasbrein in die Fidentia-skandaal is in die VSA deur die FBI in hegtenis geneem. Steven Goodwin is Saterdag deur Amerikaanse owerhede by Los Angeles se lughawe voorgekeer, volgens die Nasionale Vervolgingsgesag.
Hulle het tussenbeide getree nadat Interpol gewaarsku het dat Goodwin oppad is na die VSA en dat ‘n lasbrief in Suid-Afrika in Julie 2007 uitgereik is vir sy inhegtenisname. Goodwin het Suid-Afrika vroeg in Februarie verlaat om na Australië te gaan.
Goodwin word beskou as die oorspronklike stigter van Fidentia en het enkele dae voor Brown se arres vertrek. As hy grondvat in Suid-Afrika sal Goodwin klagtes van diefstal, bedrog en korrupsie wat miljoene behels, in die gesig staar.
Goodwin word ook van geldwassery verdink.
W?reldbank vrees voedseltekorte
Wêreldbankpresident Robert Zoellick sê stygende voedselpryse wat wêreldwyd maatskaplike onrus veroorsaak, is nie ‘n tydelike verskynsel nie maar sal ‘n hele paar jaar voortduur.
Hy sê sterk aanvraag, ‘n verandering in dieet en die uitbreiding van biobrandstowwe het die wêreld se voedselvoorrade na noodlaagtepunte gedryf.
Zoellick het Maandag aangedui dat die Wêreldbank met ander organisasies sal saamwerk om boere te help, veral in Afrika. Dit sal meebring dat produktiwiteit verhoog sal word en sal toegang tot voedsel verbeter.
Stygende voedselpryse hou ‘n ernstige risiko in vir groter armoede. Zoellick het om ‘n New Deal vir wêreldvoedselproduksie gevra. Die Bank het voorgestel dat twee keer soveel geld aan Afrika beskikbaar gestel moet word vir landbou.
VF Plus-jeug spreek minister oor rassisme
Volgens die leier van die Vryheidsfront Plus se jeugtak, Cornelius Jansen van Rensburg, behoort swart-op-wit rassisme erken te word.
Van Rensburg het dié stelling gemaak na samesprekings met die minister van onderwys, Naledi Pandor, in Pretoria. Rassisme op universiteit, die status van Afrikaans en die voorgestelde skole-eed is van die onderwerpe wat bespreek is.
Die Vryheidsfront Plus is veral bekommerd oor die samestelling van ‘n ministeriële komitee wat diskriminasie en rassisme op kampusse moet ondersoek.
Omdat daar geen Afrikaners op die komitee is nie, kom die legitimiteit en objektiwiteit van die komitee in die gedrang, het Van Rensburg gesê.
Nigeri? se ekonomie knars tot stilstand
Nigerië se Department van Petroleum Hulpbronne, die DPH, het gister bevestig dat 13 skepe wat petroleum bevat weggewys is en onder kwarantyn geplaas is.
‘n Ondersoek deur amptenare het aangetoon dat die produkte nie aan spesifikasies voldoen nie en Nigeriese motors kan beskadig omdat dit etanol bevat. Alle ingevoerde petrol bevat egter etanol.
Bronne in die nywerheid het gister laat blyk dat die weiering van die vrag die rede vir die petrolskaarste in die land is. Nigerië se ekonomie is stadig maar seker besig om tot stilstand te knars omdat petrol oral opdroog.
Die Nigeriese Nasionale Petroleum Maatskappy beweer dat die presidensie ‘n aanbeveling gedoen het dat skepe wat petroleumprodukte dra wat tussen 1,5% en 5% etanol bevat, in die land toegelaat moet word. Hulle sê die huidige stappe van die DPH verontagsaam
die aanbeveling
Hulle het die DPH dringend versoek om hul verantwoordelikheid na te kom om die kunsmatige gebrek te vermy asook die lang toue by vulstasies.
Suid-Afrikaner wou sewe vliegtuie opblaas
‘n Suid-Afrikaner staan tans in Londen tereg op aanklagte dat hy en ander sewe vliegtuie oor die Atlantiese oseaan wou opblaas.
Mohammed Gulzar, wat ‘n bewonderaar van Al Kaida is, het vanaf Suid-Afrika na Londen gevlieg waar hy deel was van ‘n sel wat die vliegtuie met waterstofperoksiedbomme wou opblaas.
Die waterstofperoksied sou as vloeistof in koeldrankhouers ingespuit word en dan aan boord geneem word. Die plan was verder om die bomme in die vliegtuigtoilette aanmekaar te sit.
Videobande is gemaak waarmee voornemende selfmoordbomplanters gewerf sou word om die vliegtuie in die lug op te blaas.