Nuus Archives - Page 997 of 1583

Boer met mes aangeval

‘n Boer (58) van Neuklaagte naby Vryburg is tydens ‘n rooftog op sy plaas met ‘n mes aangeval, het polisie Woensdagaand gesê.

“John Steyn, wat alleen op sy plaas bly, is Dinsdagaand deur twee mans aangeval,” het ao. Sam Tselanyane, polisiewoordvoerder, gesê.

Die mans het glo voorgegee dat hulle motor ‘n pap wiel gehad het en het Steyn om hulp gevra.

“Terwyl hy hulle gehelp het, het die verdagtes hom oor die kop geslaan met ‘n klip. Hy het probeer vlug maar die mans het hom sewe keer met ‘n mes in die rug gesteek en een keer in die maag met ‘n gebreekte bottel,” het Tselanyane gesê.

Die verdagtes het met Steyn se Mazda-bakkie van die toneel gevlug.

Niemand is nog in verband met die voorval in hegtenis geneem nie.

Swart teaterman uitgeskop oor Facebook-uitlatings

Beeld berig dat die Markteater in Johannesburg ‘n werknemer afgedank het omdat hy op Facebook geskryf het hy is moeg vir wit, veral Joodse mans.

Matjamela Motloung, hoof van die Markteater se Laboratorium, is verlede maand afgedank ná rassistiese en anti-Semitiese opmerkings in Januarie.

Hy het geskryf hy is moeg dat sulke mans swart kunstenaars te na kom en dat hulle armmoedig bly deur sulke toedoen.

“OK: Selfs wanneer ek probeer om gaaf te bly, is daar altyd ‘n Jood wat rondhang en probeer om jou te hiet en gebied. Ek is moeg en geïrriteerd oor hoe swart teaterregisseurs oorgef** moet raak deur WIT mees-tal JOODSE regisseurs in die Suid-Afrikaanse teaterbedryf. Dit maak my selfs hartseerder as SWART skrywers/regisseurs/akteurs voor dié omgekeerde Joodse holocaust swig. Dis hoekom ons die armmoediges bly en hulle legendes is,” sê Motloung.

Lees verder.

оборудование для

Brits-inwoners vies oor brugsluiting

Die R512 vanaf Brits / Sonop is reeds vir verkeer gesluit van die 27ste Januarie 2011. Die sluiting het inwoners warm onder die kraag.

Dié brug oor die Krokodilrivier is gesluit oor die Ouvoor, ‘n kanaal wat in die vorige eeu gebou is. Die pad is sedertdien weggekalwe as gevolg van òf ouderdom òf ‘n gebrek aan instandhouding òf Januarie se vloede.

Hoe dit ookal sy, is daar nie meer kundiges om die brug te herstel nie, en het die kwessie ontaard in ‘n oor-en-weer moddergooiery. In plaas van optrede, beskuldig die paaiedepartment die besproeiingsraad en andersom.

Die hartseer is, sê die inwoners in daardie omgewing, dat hulle nou ‘n 12km ompad moet ry vanweë die sluiting.

Brits se munisipaliteit is in die knyp, want riool spoel volgens belastingbetalers daagliks oor die paaie. Daar is selfs bewerings dat die water vol chloor gegooi word en dat rou riool die Krokodilrivier ongehinderd invloei.

Volgens inwoners het strate nie meer ligte in die dorpsgebied nie, en ‘n ander lewensgevaarlike probleem is nie net die slaggate nie, maar die paaie sonder strepe.

Alhoewel die boere op hulle eie onkoste reeds die kanaal aan die vloei gekry het, sê hulle, is daar geen belastingtoegewings gemaak nie, en moet hulle boonop patrollie ry om die polisie se werk te doen.

Herstelwerk gaan glo binnekort begin, volgens woordvoerders van die munisipaliteit.

Александр Фильчаков

Ruk op na Randfontein!

Die VF Plus-jeug in Gauteng doen ‘n beroep op die publiek om deel te neem aan ‘n massa protesaksie by die Randfontein se Streekhof op Woensdag, 16 Maart 2011, wanneer twee verdagtes wat in hegtenis geneem is vir die moord op mnr. Koos van Rooyen, ‘n boer in die omgewing, in die hof sal verskyn.

Mnr. van Rooyen en sy vrou Marie-Louise is op 3 Maart 2011 by hul plaasopstal deur twee mans aangeval. Mev. Van Rooyen is vasgebind. Mnr. Van Rooyen het in ‘n struweling betrokke geraak met die booswigte waarna hy met sy eie vuurwapen noodlottig gewond is. Die twee verdagtes is kort daarna deur die Randfonteinse polisie vasgetrek.

Volgens Jean Kriek, VF Plus-jeugleier in Gauteng, moet die regering daadwerklike aksie neem om plaasmoorde hok te slaan. “Boere is ons land se lewensbloed – sonder hulle sal Suid-Afrika se landboubedryf en ekonomie ten gronde gaan. Die Malema-generasie moet besef dat boere nie net werk skep nie, maar ook sorg vir kos op die tafel,” het Kriek gesê.

“Die tyd van praat is verby. Die VF Plus-jeug in Gauteng doen dus ‘n beroep op elkeen wat plaasmoorde en plaasaanvalle as ‘n prioriteit sien om saam met ons op Woensdag 16 Maart 2011 om 10:00 by die Randfontein se Streekhof te vergader om ons afsku met hierdie voorval te bewys,” het Kriek bygevoeg.

Данильченео

Wapenbeheer chaoties

Die Polisie het die afgelope sewe jaar 20 429 (vanaf 2004) vuurwapens as verlore aangeteken en kon slegs 4 810 terugvind. Hierdie inligting is bekend gemaak deur die Polisie aan die portefeuljekomitee van Polisie in die Parlement. Die Polisie het ook bekend gemaak dat hulle 264 845 vuurwapens besit.

“Dit het duidelik na vore gekom dat die Polisie, ten spyte van twaalf kontrole maatstawwe wat onder andere Die Wet op die Beheer van Vuurwapens insluit, min en powere beheer oor hulle wapens het. Die aantal verlore wapens getuig daarvan en dit is ‘n ope vraag of die syfer korrek is en nie dalk baie meer is nie. Die verlies getuig ook van swak dissipline en ‘n argeloosheid in die Polisie betreffende vuurwapens. Daar word van wetsgehoorsame vuurwapeneienaars verwag om absolute beheer en bewaring oor hulle vuurwapens uit te voer, anders word hulle strafregtelik aangekla en vervolg. Die Polisie beskou hulleself blykbaar verhewe bo die reg want lede wat hulle wapens verloor word nie strafregtelik aangekla nie, maar word net weer van ‘n nuwe wapen voorsien. Dit is onaanvaarbaar en lede moet strafregtelik aangekla word en indien skuldig bevind word, ontslaan word. Wapenbeheer in die Polisie is chaoties en daardeur word misdaad bevorder,” sê mnr. Pieter Groenewald (LP), hoofwoordvoerder oor Polisie vir die Vryheidsfront Plus.

play games online without downloading

Nog polisievoertuie vergader stof

“Splinternuwe polisievoertuie word in ‘n skuur by die Polisie se lugvleuel in Pretoria gestoor. Die meer as sestig voertuie sluit dubbelkajuitbakkies, Nyala’s en gewone bakkies in. Dit blyk dat dit aangekoop is vir die wêreldsokker verlede jaar, maar nooit gebruik is nie. Verskeie polisiestasies het ‘n tekort aan voertuie en plattelandse gebiede sukkel juis om bakkies te bekom. Die vraag wat die Polisie moet beantwoord is hoekom word hierdie voertuie hier gestoor en nie versprei na polisiestasies wat dit benodig nie. Dit gebeur dikwels dat polisielede nie na ‘n misdaadtoneel kan gaan nie, omdat daar nie vervoer beskikbaar is nie. Om nuwe polisievoertuie te stoor en nie te versprei na polisiestasies toe nie, bevorder misdaad,” sê mnr. Pieter Groenewald (LP), hoofwoordvoerder van Polisie vir die Vryheidsfront Plus.

Verlede week is berig dat meer as honderd splinternuwe ongebruikte polisievoertuie by Bainsvlei in die Vrystaat stof opgaar en nie versprei word aan polisiestasies nie. Daar is toe beweer die administrasie vir die verspreiding is omvattend en vertraag die proses

“Die Vryheidsfront Plus het reeds amptelik vrae ingedien by die Parlement aan die minister van Polisie, mnr. Nathi Mthethwa en verwag antwoorde en optrede,” het Groenewald gesê.

фишер прайс купить

Pas boere mooi op

“Suid-Afrikaanse kommersiële boere behoort deur die regering vertroetel te word en nie onder druk geplaas te word sodat hulle voel hulle word weggejaag nie,” het dr. Pieter Mulder, adjunkminister van Landbou, Bosbou en Visserye en VF Plus-leier gesê. Dr. Mulder het die naweek die Outeniekwa-landbouskou op George geopen.

Dr. Mulder het spesifiek gereageer op die Georgiese regering se aanbiedinge om Suid-Afrikaanse kommersiële boere na daardie land te lok. Georgië is die nuutste land wat waardering het vir die Suid-Afrikaanse kommersiële boere se kundigheid en hulle probeer kry om daar te kom boer. Op hierdie tydstip het reeds 22 Afrika-lande soortgelyke uitnodigings gerig om Suid-Afrikaanse boere na hulle lande te lok. Dit gebeur terwyl die ANC met allerlei nuwe wette en maatreëls meer druk op die Suid-Afrikaanse kommersiële boere plaas. Dr. Mulder het spesifiek na die Groenskrif op grond, die nuwe arbeidswette en die nuwe wet op verblyfsekerheid verwys wat ingrypende gevolge vir die landbousektor kan hê.

Lande soos Kenia, Tanzanië en Zimbabwe het as gevolg van kortsigtige politieke besluite hulle kommersiële landbousektor vernietig. As ‘n land eenkeer daardie kundigheid verloor het, is dit baie moeilik om dit weer terug te kry.

Dr. Mulder beskou dit as sy taak om as tolk tussen hierdie kommersiële boere en die regering op te tree.

As hierdie kommersiële boere sekerheid oor hulle grond en toekoms kan kry, sal die regering verbaas wees oor die positiewe rol wat hulle kan speel om opkomende swart boere op te lei en voedselsekerheid in die toekoms vir Suid-Afrika te waarborg.

Die landbousektor het die potensiaal om meer werkgeleenthede te skep as die mynbousektor. As die huidige onsekerhede in die landbousektor nie opgelos word nie, gaan daar meer werkverliese in landbou wees in plaas van die skep van nuwe werkgeleenthede.

люстры хрустальные

Stakers vasgevat

Sowat 22 lede van die die munisipale vakbond Samwu is Maandag in Kempton Park in hegtenis geneem vir openbare geweld, intimidasie en aanranding.

Volgens Zweli Dlamini, woordvoerder vir die Ekurhuleni-munisipaliteit, was die verdagtes glo deel van ‘n groep van sowat 100 stakers wat amok in die stad gemaak het.

“Geen voorvalle van boewery of vandalisme sal geduld word nie,” het Dlamini in ‘n verklaring bekend gemaak.

“Die munisipaliteit kan nie net terugstaan en kyk hoe werkers onregmatig optree en ander intimideer wat nie by die stakings betrokke wil wees nie.”

Na bewering is daar verskeie voorvalle aangemeld waar nie-stakende werkers geïntimideer is en vragmotors aan die brand gesteek is.

Dlamini het beklemtoon dat die munisipaliteit bereid is om onderhandelings met Samwu aan te gaan om die stakings te keer.

русская баня #ИМЯ?

Zuma stel bruines gerus

Pres. Jacob Zuma het Maandag ná ‘n vergadering met Mildred Oliphant, minister van arbeid, bruines gerusgestel en gesê hule het niks te vrees oor voorgestelde wysigings aan die Wet op Billike Indiensneming nie. Solidariteit het onlangs gesê dié wetgewing kan 80% werkloosheid onder die Wes-Kaap se bruin bevolking veroorsaak.

Die wysigings dien tans voor die Nasionale Ekonomiese, Ontwikkelings- en Arbeidsraad (Nedlac).

Zuma het in ‘n verklaring gesê dit sal voortaan makliker wees vir werkgewers om aan die wetgewing te voldoen, asook makliker om meer werkgeleenthede vir voorheen benadeelde groepe te skep.

“Die wysigings wil werkgewers die vryheid gee om self te besluit of hulle streekdemografie of die nasionale demografie in ag wil neem,” het Zuma gesê.

Die ANC se alliansievennote, Cosatu en die SAKP, het eweneens kritiek teen voorgestelde wysingings uitgespreek en geëis dat die konsepwysigings onttrek en herskryf moet word.

Dr. Anthea Jeffery van die Suid-Afrikaanse Instituut vir Rasseverhoudinge, het vroeër gewaarsku dat Indiërs in KwaZulu-Natal ook benadeel sal word deur die nuwe voorstelle.

велосипеди дитячи Фильчаков прокурор

‘Malema-uitsprake skaad ekonomie’ – VF Plus

“Die nuutste uitsprake van mnr. Julius Malema oor nasionalisering van Suid-Afrikaanse besighede, nie net myne nie, kan die ekonomie ernstige skade berokken deur buitelandse beleggers af te skrik en plaaslike sakevertroue te ondermyn. Die Vryheidsfront Plus gaan dr. Pieter Mulder, VF Plus-leier en adjunkminister van Landbou, Bosbou en Visserye versoek om die party se bekommernis hieroor na die Kabinet te neem,” het dr. Conrad Beyers, hoofwoordvoerder oor Finansies vir die Vryheidsfront Plus gesê.

Volgens die weekblad Rapport het Malema tydens ‘n dinee op Nelspruit uitsprake gemaak wat daarop neerkom dat alle besighede in Suid-Afrika met wit aandeelhouding ‘n teiken vir nasionalisering kan word.

“Malema se uitsprake eskaleer nou verder deurdat nasionalisering nie net op myne van toepassing is nie, maar op die totale ekonomie. Sodanige stappe sal ‘n katastrofiese uitwerking op die ekonomie hê, net soos wat in Zimbabwe onder leiding van Malema se held Mugabe gebeur het,” het Beyers bygevoeg.

In die mynbedryf begin Malema se uitsprake reeds sy tol eis. In ‘n peiling (deur die Kanadese Fraser Institute se Policy Potential Index) onder die hoofde van sowat 3 000 mynboumaatskappye het meer as 80% aangedui dat besorgdheid oor die rigting wat die regering met sy mynbeleid inslaan ‘n faktor is wat hulle van beleggings in Suid-Afrika afskrik. Sedert 2009 het Suid-Afrika se posisie as ‘n bestemming vir mynboubeleggings afgeskuif vanaf 49ste posisie tot 67ste posisie uit 79 gebiede.

Nasionalisering van die meerderheidsaandele in talle Suid-Afrikaanse besighede en die gepaardgaande ekonomiese ineenstorting sal tot massiewe werkloosheid in die land lei. Dit kan tot politieke onstabiliteit en selfs Egipte-tipe opstande in Suid-Afrika lei.

“Die VF Plus is besorg daaroor dat mense soos Malema juis wil sien dat die ekonomie vernietig word ten einde die land te destabiliseer. Malema se radikale ideologie van rassehaat weeg vir hom swaarder as die daarstel van ‘n vreedsame, suksesvolle land.

In Suid-Afrika, met sy komplekse en kwesbare sosiale struktuur, is dit maklik vir radikaliste om die vreedsame naasbestaan wat met groot moeite oor ‘n lang tyd heen opgebou is, af te breek. Daarom het dit tyd geword dat koelkoppe wat die land se belange op die hart dra – beide binne en buite die regering – hul stem moet dik maak teen rassistiese radikaliste soos Julius Malema en Jimmy Manyi”.

мультики игрушки