Nuus Archives - Page 952 of 1583

Malema en kie oor Botswana geraps, nie oor nasionalisering en grondroof

Die ANC het besluit om nie vir Julius Malema en sy nasionale woordvoerder Floyd Shivambu alleen aanspreeklik te hou vir uitlatings oor Botswana nie en ander Jeugligaleiers ook te tug.

Derek Hanekom, voorsitter van die ANC se nasionale tugkomitee, het Woensdag gesê Sindiso Magaqa, sekretaris-generaal; Ronald Lamola, adjunkpresident; Pule Mabe, tesourier; en Kenetswe Mosenogi, adjunk- sekretaris-generaal, sal ook aangekla word dat hulle nie by die ANC-grondwet gehou het nie.

Malema en Shivambu is verlede week vir oortredings van die party se grondwet aangekla.

Magaqa, Lamola, Mabe en Mosenogi word daarvan aangekla dat hulle bepalings 25.5 (o) en (q) van die ANC-grondwet oortree het.

Die jeugliga sê die klag het nie soseer met swak dissipline te make nie, maar is ‘n politieke stap. Hulle beplan om massavergaderings te hou oor die tugstappe.

Sommige politieke ontleders meen dit is ‘n manier van pres. Zuma om sy teenstanders voortydig uit te skakel, voor die algemene verkiesing, sodat hy nie dieselfde lot tegemoet gaan as wat Tabo Mbeki in Polokwane getref het nie.

Dit is egter opmerklik dat die ANC se beswaar teen Malema slegs handel oor sy uitlatings oor Botswana en nie oor sy uitsprake betreffende nasionalisering en grondroof nie.

Die ANC Jeugliga in Limpopo het ondertussen ‘n beroep gedoen vir die heropening van ‘n ondersoek na die wapentransaksie. Die liga sê almal wat by die multi-miljard randse wapentransaksie baat gevind het, moet vervolg word.

Die provinsiale sekretaris, Jacob Lebogo, sê die openbare beskermer moet die kwessie heropen en alle onbeantwoorde vrae moet opgeklaar word. Hy sê die kwessie duik oor en oor op en ander lande dink dat Suid-Afrika nie duidelikheid daaroor wíl hê nie. Lebogo sê die jeug moet behoorlike en duidelike afsluiting oor die kwessie kry.

лобановский харьков

Swart leier in Chinese klip verewig

‘n Klipstandbeeld, wat deel vorm van die middelpunt van ‘n $120 miljoen gedenkplaas vir Marin Luther King jnr., is Maandag by die National Mall in Washington vir die publek oopgestel. Dit is die enigste op die Mall wat nie eer aan ‘n president of gevalle soldate bring nie.

In die skaduwee van die Washington Monument, doem die beeld van King op soos van ‘n berg van Chinese graniet met sy arms oor sy bors gevou: Die Klip van Hoop.

Daar is egter ongelukigheid oor die keuse van Lei Yixin, ‘n 57-jaar-oue meester beeldhouer van Changsha in die Hunan-provinsie van China, wat die werk geskep het. Kritici het openlik gevra waarom ‘n swart, of dan ten minste ‘n Amerikaanse, kunstenaar nie gekies is nie en sommiges het selfs opgemerk dat Dr King effens Asiaties voorkom, al sou hy met die kenmerkende dik lippe uitgebeeld word.

Mnr Lei, wat in die verlede twee standbeelde van Mao Tse-tung gekerf het, die een wat staan in die voormalige tuin van Mao Anqing, die Chinese leier se seun, het byna al die werk in Changsha gedoen.

Meer as 150 granietblokke, wat sowat 1600 ton weeg, is toe van Xiamen na die hawe van Baltimore verskeep, en weer deur ‘n span van 100 werkers, met inbegrip van tien Chinese klipmesselaars, spesifiek uitgesoek vir die projek, aanmekaargesit.

Dr King se seun, Martin Luther King III, het die uitkontraktering verdedig.

“Ek het seker al 50 beelde van my pa gesien, en ek sou sê 47 van hulle is nie goeie afbeeldings nie,” het hy gesê. “Hierdie spesifieke kunstenaar: Hy het ‘n goeie werk gedoen.”.

Maar, Ed Dwight, ‘n beeldhouer in Denver, sê Dr King sal “in sy graf draai” indien hy geweet het sy beeld is deur iemand wat onder ‘n kommunistiese regime staan, geskep.

Lei het ook ‘n brons borsbeeld van Barack Obama gemaak wat hy van voorneme is om aan die president te oorhandig as geskenk.

Die nuwe gedenkteken is langs die Lincoln Memorial, waar King sy “I have a dream”-toespraak in 1963 gelewer het. Dit is as ‘n keerpunt in die Amerikaanse Burgerregtebeweging gesien. Enoch Powell, die Britse premier, het kort ná King se toespraak sy geskiedkundige “Rivers of Blood”-toespraak gehou om Britte teen die gevare van immigrasie te waarsku.

Die nuwe standbeeld is hoër as die beelde in die Lincoln en Jefferson gedenktekens.

latest bridal jewellery топкарго отзыв

HRW takel wynprodusente

‘n Verslag oor die haglike toestande van plaaswerkers op wyn- en vrugteplase in die Wes-Kaap wat Dinsdag deur Human Rights Watch (HRW) in Kaapstad bekend gestel is, is deur Agri SA verwerp.

Die verslag getiteld “Ripe with Abuse: Human Rights Conditions in South Africa’s Fruit and Wine Industries” beskuldig die plaaslike regering daarvan dat hulle misluk het om die regte van plaaswerkers in die Wes-Kaap te beskerm.

Agri SA se president, Johannes Möller, het die verslag as “eensydig, kwaadwillig, onredelik en hoogs onverantwoordelik” beskryf, volgens Media24.

Van die 260 mense wat aan die studie deelgeneem het, is net 85 plaaswerkers, 32 oudplaaswerkers en 16 plaasbewoners. Agri SA sê dit is geen refleksie van die 121 000 plaaswerkers in die bedryf se omstandighede nie.

Siphokazi Mthathi, direkteur van HRW in Suid-Afrika, het egter gesê die organisasie wil “verandering sien”. Die Amerikaanse navorser en skrywer van die verslag, Kaitlin Cordes, het Mthathi se houding beaam en gesê HRW is nie ‘n organisasie wat kwantitatiewe navorsing doen nie.

Cordes het ontken dat sy met ‘n duidelike agenda hierheen gekom het.

HRW se Afrika-direkteur, Daniel Bekele, het die verslag gesteun.

Just Jinjer trek ‘n Ras

Ard Matthews, hoofsanger van die pop-groep Just Jinjer, het Dinsdagaand ‘n weergawe van die volkslied gesing wat swart ondersteuenrs sê herinner aan die Ras Dumisani-fiasko twee jaar gelede.

Matthews het opgetree tydens ‘n regstreekse uitsending van die aankondiging van die Springbok Wêreldbeker-groep by die SuperSport-ateljees in Randburg.

SuperSport sê die uitsending is deur 60 miljoen mense gevolg.

Matthews het die woorde van die derde reël van die volkslied – “Yizwa imithandazo Yethu (hoor ons gebede)” – vergeet en weer begin. As verduideliking het hy gesê:”Ek is senuweeagtig en dit is ‘n groot geleentheid vir my”.

Die Bokke het stil gebly, maar sommige joernaliste het giggel. Matthews het deur ‘n paar van die Sotho-verse gemompel, voordat hy oorgeskakel het na die Afrikaanse en Engelse verse, wat hy sonder ‘n probleem gesing het.

Matthews het later op Twitter getwiet om verskoning te vra: “Dit was ‘n groot eer vir my en ek kan nie meer skaam en jammer wees nie”.

Bok-kaptein, John Smit, het die verskoning aanvaar. In November 2009, het ‘n swart reggae-sanger Ras Dumisani die volkslied vermink voor ‘n toets tussen die Springbokke en Frankryk in Toulouse.

самокат Данильченко

AU-padkaart ‘sou lewens gespaar het in Libië’

Baie lewens kon gespaar gewees het as die Afrika-Unie toegelaat was om sy vredespadkaart in Libië te volg, het President Jacob Zuma Dinsdag in Kaapstad gesê.

“Dié wat die mag het om bomaanvalle op ander lande uit te voer, het die AU se pogings en stappe ondermyn om die situasie in Libië te hanteer,” het Zuma tydens ‘n mediakonferensie by Tuynhuys gesê ná ‘n vergadering met die President van Ghana, John Atta Mills.

“Die situasie in Libië is ‘n bron van kommer, aangesien dit gepaard gaan met die ondermyning van die Afrika-kontinent se rol in die vind van ‘n oplossing.

“Ons kon die verlies van baie lewens in Libië verhoed het.”

Zuma het gesê magtige nasies het die Verenigde Nasies Veiligheidsraad se 1973-resolusie misbruik “om belange te bevorder wat nié die beskerming van burgerlikes en bystand aan die mense van Libië is nie”.

Libiese rebelle het verklaar dat die era van Moeammar Gaddafi verby is nadat hulle die hoofstad, Tripoli, oor die naweek bestorm het.

Een van Gaddafi se seuns het egter beklemtoon die stryd om die land sal voortduur.

Die AU se Veiligheidsraad sal Donderdag en Vrydag vergader om die situasie in Libië te bespreek, het Zuma gesê.

“Ons sal kyk na die situasie en optree, maar dit keer nie individuele lande om besluite te neem nie.

“Die AU se posisie is die mees logiese. Daar is steeds ruimte vir dié posisie in die huidige situasie.”

Die toekoms van Libië moet deur die land se mense beslis word, het Zuma gesê. “Moenie van die AU verwag om wapens op te neem en te veg nie.”

Chaos breek uit by Fort Hare

Chaos het uitgebreek by die Universiteit van Fort Hare in Alice in die Oos-Kaap toe die polisie met rubberkoeëls op studente losgebrand het.

Die studente kla reeds ‘n geruime tyd oor die gebrek aan water en elektrisiteit in koshuise by dié universiteit.

Die polisie het die studente met rubberkoeëls en skokgranate uiteengejaag nadat hulle buitebande aan die brand gesteek het.

Bedrywighede by die universiteit het ook tot stilstand gekom toe studente die hoofingang versper het.

Лобановский

Registreer vir vergadering oor selfbeskikking op 3 September

Soos reeds voorheen hier op Praag berig is, vind daar op 3 September 2011 om 10.00 ‘n belangwekkende en geskiedkundige vergadering oor selfbeskikking en ‘n kantonstelsel in die Ou Raadzaal, Kerkplein, Pretoria, plaas. Sitplekke is beperk, daarom moet u so gou moontlik by hierdie webwerf vir die vergadering registreer:

Sover moontlik moet ten minste een afgevaardigde van elke dorp of voorstad wat in die plan belangstel die vergadering bywoon.

poker free 10

Gaddafi is soek

Gesoek: Kol. Moeammar Gaddafi, alias “Broeder Leier”, alias “Gids tot die Revolusie”.

Die Libiese diktator was Maandag soek terwyl klein groepies van sy soldate ‘n laaste, nuttelose poging aangewend het om beheer oor die hoofstad te behou.

Die rebellemagte het die grootste dele van Tripoli met ‘n knyptangbeweging oorgeneem wat sowat 48 uur tevore van stapel gestuur is. Dit is gekoördineer om saam te val met wye oproer op straat.

Maandag was Gaddafi (69) se laaste tenks en skerpskutters net in beheer van klein dele van die stad, insluitend sy Bab al-Aziziya-hoofkwartier en die hawe.

Inwoners wat laat Sondag op straat hul blydskap oor die einde van sy diktatorskap te kenne gegee het, het binne gebly terwyl geweervuur en ontploffende mortierbomme gehoor kon word.

“Daar is oral geweervuur. Daar is baie martelaars,” het ‘n rebelle-offisier genaamd Abdulrahman met verwysing na die laaste soldate in die hoofstad gesê.

Die Libiese staatstelevisiekanaal is sedert gistermiddag van die lug af en die rebelle sê dat hulle in beheer van die seintoestelle is.

Die rebelle is gister deur talle lande in die wêreld as nuwe leiers van dié olieryke Noord-Afrika-land erken.

By talle Libiese ambassades in die buiteland, ook Pretoria, is die Libiese vlag gestryk en vervang deur die rebelle se vlag – dieselfde vlag wat Gaddafi op 1 September 1969 met sý groen vlag vervang het toe hy koning Idris met ‘n bloedlose staatsgreep uit die kussings gelig het.

Die Weste, onder andere pres. Nicolas Sarkozy van Frankryk en pres. Barack Obama van die VSA, het Gaddafi aangemoedig om te aanvaar dat sy 42 jaar van absolute mag verby is en om die bloedvergieting ná ses maande van burgeroorlog tot ‘n einde te bring.

Ná ‘n uitdagende radio-uitsending Sondag waarin hy inwoners aangemoedig het om te veg teen die “rebelse rotte”, is niks verder van Gaddafi gehoor nie.

Talle amptenare sê hulle weet nie waar hy hom tans bevind nie.

Daar was Maandagaand sprake dat hy ‘n heenkome in Angola of Zimbabwe sou vind.

Sy premier, Al Baghdadi Ali al-Mahmoudi, het gister tot in Djerba, Tunisië, gevlug.

Drie van Gaddafi se seuns is deur die rebelle gevange geneem, onder andere Saif al-Islam – wat reeds saam met sy pa deur die internasionale strafhof aangekla is van misdade teen die mensdom.

Luidens berigte het twee van sy seuns, Khamis en Mutassim, tot onlangs nog voortgeveg.

Talle waarnemers was bang dat die rebelle, wat uit talle gefragmenteerde groepe bestaan, ná ‘n magsoorname onder mekaar kan begin baklei of op vergelding kan aandring.

Die hoof van die Nasionale Oorgangsraad, Moestafa Abdel Jalil, het in Benghazi op ‘n nuuskonferensie ‘n beroep op alle Libiërs gedoen om selfbeheersing aan die dag te lê.

Hy het gevra hulle moet “nie eie reg gebruik nie”.

Hy het ook laat blyk dat ‘n nuwe regering voorkeur sal gee aan maatskappye uit lande wat die rebelle ondersteun het wanneer dit by die toeken van olieregte kom.

сайт лего

Kragopstand broei in Kroonstad

Swart inwoners van Kroonstad en Maokeng het Maandag betoog oor ‘n gebrek aan krag, het die polisie in die Vrystaat gesê.

Maseleka Langa, polisiewoordvoerder, het gesê inwoners het omstreeks 10:00 in Maokeng begin saamtrek. Hulle het die hoofstraat met klippe en ander voorwerpe afgesper.

Hy het gesê die groepe het deur Maokeng beweeg en inwoners aangehits om te protesteer.

Skoolkinders het ook by die betoging aangesluit toe skole vir die middag gesluit het.

‘n Woordvoerder van die Moqhaka-munisipaliteit het gesê daar is net plek-plek krag in die munisipaliteit omdat ‘n kabel gesteel en beskadig is.

Werkers van Eskom herstel die skade, maar dit kan tot Dinsdagmiddag neem om die taak te voltooi.

Volgens Langa het die polisie buitelandse winkeleienaars aangeraai om hul winkels vir die res van die dag te sluit.

Versterkings vir die polisie is uit omliggende streke aangevra.

Volgens Langa word ‘n groep van sowat 700 mense deur die polisie gemonitor.

Die munisipale woordvoerder het gesê die bestuur vergader oor die kwessies en sal binnekort aan die gemeenskap terugvoering gee.

машинка машинка

Vogue gegysel oor ‘slawe-oorbelle’

Vogue Italia het op 5 Augustus ‘n artikel en beeldmateriaal oor “slawe-oorbelle” gepubliseer wat groot ontsteltenis veroorsaak het.

“Juwele het nog altyd geflankeer met ronde vorms, veral met die maak van oorbelle. Die mees klassieke modelle is die slaaf- en kreoolse-style van goue hoepels,” skryf Anna Bassi.

Bassi gaan voort: “Dit is ‘n verwysing na die dekoratiewe tradisies van die vroue van kleur wat na die suidelike Verenigde State tydens die slawehandel geneem is.”

Maar binne enkele ure ná publikasie, het haar opmerkings wêreldwyd kritiek ontlok, die sterkste daarvan wat beweer dat Vogue Italia skuldig is aan ‘n “skandelike” poging om “glans” aan “slawerny” te koppel.

Vogue Italia het dadelik gereageer op die uiters gewilde petisie teen die “slawe-oorbelle” en ‘n verskoning gepubliseer: “Vogue Magazine het die advertensie onmiddellik verwyder en ons wil ‘n spesifieke verskoning aan swart vroue aanbied, omdat swart vroue glo die slaafnarratief is gebruik in die advertensie.”

такое справка