Mulder se opmerking ‘belangriker as ooit’

André Fourie, oud-minister en die VF+ se woordvoerder oor internasionale aangeleenthede, het dr. Pieter Mulder, leier van die VF Plus, se toespraak oor die grondkwessie belangriker as ooit genoem in die lig van die onlangse EU-verklaring oor plaasmoorde.

Hy het gesê die Suid-Afrikaanse regering behoort ernstig kennis te neem van die verklaring oor party-grense heen in die Europese Parlement waarin protes aangeteken is teen die onaanvaarbare golf van plaasmoorde wat in Suid-Afrika plaasvind.

‘n Verklaring onderteken deur 48 Europese Parlementslede vanuit 19 lidlande verteenwoordigend van 7 verskillende politieke formasies – sosialiste, liberales, Christen demokrate, ander formasies en selfs een uit kommunistiese geledere, is ‘n bewys van hoe ernstig Europa hierdie veragtelike en haglike situasie in Suid-Afrika ervaar, volgens Fourie.

Hy het bygevoeg dat Suid-Afrika hierdie Europese parlementslede erkenning skuld vir hul uitgesproke kritiek oor ‘n situasie in ons land wat niemand meer langer kan duld nie.

Fourie het benadruk dat Suid-Afrika met kommer moet kennis neem van die sogenaamde tweede transformasie voorgehou deur die ANC vir hul komende beleidskongres waarin die grondkwessie voorop gestel word.

 

Фильчаков

Plaasmoordondersoeker geteiken

Lesers sal nog die berigte in die media rondom die gebeure in die saak teen dr Dawid Swart onthou. Die hele wraakveldtog teen hom het in Junie 2009 begin.

Dr Dawid Swart, destyds ‘n lektor in kriminologie aan die Universiteit van Pretoria, woon met sy gesin op sy plaas Klipkop in die Kleinfontein-omgewing, noord van Brits. Dr Swart was toe besig met navorsing oor plaasmoorde vir ‘n verdere doktorstesis. Hy het tereg gestaan op aanklagte van poging tot moord nadat vier swartes hom op sy plaas bly lastig val het. Die hele gebeure was weer ‘n tipiese swart rassistiese toneel: ‘n Blanke boer word geteiken, geterroriseer en sy eiendom tot vervelens toe gevandaliseer, maar hy mag homself nie verdedig nie.

Ek het destyds persoonlike onderhoude met die gesin gevoer en was verstom om te sien hoe die liberale media elke faset in die hele treurmare tot leuens verdraai. Dit was ‘n deursigtige en driftige poging om van ‘n wit boer in die noordweste van Transvaal ‘n moordenaar en monster te maak met ‘arme swart kindertjies’ as ‘slagoffers.’

Nou, na twee en ‘n half jaar, is die saak uiteindelik afgehandel en is dr Swart onskuldig bevind want ten spyte van die talle leuens teen hom kon daar geen bewyse gevind word dat hy skuldig is aan die aantygings nie. Dit was nogal ‘n swart regter wat hom vrygespreek het met die uitspraak dat die aanklagte en getuienisse so pateties en inkonsewent was dat daar geen regtelike aansprake op kan wees nie. Hierdie uitslag sal sekerlik nie in die liberale media berig word nie – hul vernedering was te groot.

Maar vir dr Swart en sy gesin oor wie die hofsaak soos ‘n swaard vir twee en ‘n half jaar gehang het, is daar ook nog die R300 000 regskoste wat hy êrens vandaan moet verhaal.

Doktor Dawid Swart het die Sondagmiddag met sy motorfiets deur die lemoenboorde op sy plaas gery toe hy ná die hoeveelste waarskuwing met vorige voorvalle, weer die swartes op sy grond gewaar. Dit, nadat hy in alle leesbare tale denkbaar, rondom sy grond borde laat plaas het met kennisgewing dat dit privaat eiendom is en nie betree mag word nie.

Hy het twee skote met sy haelgeweer in die lug opgeskiet en die vier swartes het laat spaander, twee skerp na links en die ander twee na regs, en heeltemal ongedeerd weggehardloop sou enige regdenkende glo wanneer hael die lug in geskiet word. Dr Swart beweer hy is oortuig hy het niks ongeoorloof gedoen nie. Die vier swart moeilikheidmakers, Tebogo Thabane, Thabo Thabane, Leonard Nkadimeng en Nchoco Ntoagae is glo vir wonde in die Dr George Mukhari Hospitaal in Ga-Rankuwa behandel maar selfs hierdie truuk het agterna geboemerang.

Dit was nie lank daarna nie toe die spul wat met Cosatu kop in een mus is, op sy plaas toesak, hom in hegtenis neem, alle wapens onregmatig konfiskeer, sy vrou binne hul huis rondstamp, hom agter op hul voertuig gooi waarvan hulle die seil op daardie tydstip toe verwyder het sodat hy in die yskoue wind geboei lê terwyl hulle teen 140 km per uur van die plaas na die polisiestasie in die dorp jaag.

Die saak is vooraf so goed beplan en opgeblaas, selfs Noordwes se premier, Maureen Modiselle, is opdrag gegee om haar skok oor die ‘rassistiese’ voorval in ‘n ellelange mediaverklaring uit te spreek, natuurlik alles in Engels aangehaal in die plaaslike koerant.

Selfs by die motorversieningshandelaar in die dorp waar mev Swart een middag ‘n paar dae later haar motor gelaat het vir verstelwerk, het swartes onmiddellik nadat sy uit die motor geklim het verwys na die voertuig van “doktor Swart wat die swartes geskiet het”, min wetende dat sy hul taal magtig is en alles kon verstaan – so wyd is die nuus klaarblyklik deur die ANC versprei.

Dr Swart is eers dae later op borg van R7 000 uitgelaat.

Waaroor niemand egter ‘n woord gepraat het nie, is die voorafgaande voorvalle wat reeds so lank as drie jaar op hierdie plaas voortduur, gevalle van gewapende roof, talle diefstalle in die winkeltjie op die plaas, huisinbrake, hoenders wat in die hoenderhok vermoor word en net daar gelaat word as teken van waarskuwing, bokke wat gereeld gesteel word, aanranding op mev Swart in haar winkeltjie op die plaas, alles gebeure wat net doodeenvoudig nie deur die polisie ondersoek is na aanmelding nie maar net geïgnoreer is. Hulle het hulle meestal nie verwerdig om uit te gaan vir klagteondersoeke nie, en die een maal wat hulle wel op ‘n klagte van die Swarts gereageer het, het hulle nie eens die moeite gedoen om vingerafdrukke te neem nie, alhoewel hulle blitsvinnig op die plaaswinkeltjie toegeslaan het die dag toe ‘n besope swart vrou gaan kla het dat die kleingeld wat sy gekry het, te min is. Gelukkig het mev Swart die strokie van die aankope gehou en moes die dronkie ná wiskundige berekening daarmee onverrigtersake die perseel verlaat.

Dit is duidelik dat die ANC hierdie hele saak vroegtydig baie spesifiek teen dr Swart georkestreer het. Die deurlopende teenwoordigheid van Cosatu tydens hofverskynings was ‘n deursigtigheid. Daarbenewens wou die blanke boere in die omgewing dr Swart ondersteun tydens sy hofverskynings deur middel van ‘n optog, maar hulle is deur die prokureur wat die saak hanteer gewaarsku dat dit tot ‘n enorme fiasko gaan lei, dit, terwyl Cosatu die stof witwarm gedans het in die omgewing. Blankes het dus nie dieselfde regte as swartes nie.

Destyds het die universiteitsowerheid doktor Swart ingeroep met die waarskuwing indien hy skuldig bevind sou word aan die aanklagtes, hy sy pos by die universiteit kwyt sal wees en is daar aan hom summier verlof toegestaan. Watter groter bewys het mens nodig om te weet onder watter kommunistiese hiel die Universiteit van Pretoria staan, dat ‘n lektor wat slegs sy eiendom probeer beskerm het, nog voordat daar uitsluitsel oor sy saak is, reeds gewaarsku word dat hy sy pos kwyt sal wees. As dit nie vooraf gereël is nie, is daar seker ook geen misdaad in ons land nie, ons verbeel ons seker maar net.

Intussen is die Swart-gesin onbeskermd gelaat op hul plaas, sonder wapens, en het hulle gebruik moes maak van ‘n sekuriteitsmaatskappy wat ‘n wag met ‘n selfoon vir die nag daar kom aflaai, dit teen R250-00 per nag.

Een nag kon doktor Swart en sy vrou nie slaap nie en het die ligte heeltyd laat brand. In die vroeë oggendure het hulle besef daar is ‘n aantal swartes op die werf wat by die stoor bedrywig was. Die swart sekuriteitswag van Rens Sekuriteitsmaatskappy se enigste verweer op die vraag waarom hy hulle nie reeds vroeër die nag in kennis gestel het nie want hulle was dan wakker, was dat sy selfoonbattery pap was. Dus kon hy ook nie hulp ontbied van sy werkgewers in geval van nood nie, baie gerieflik.

Sou enige regdenkende hierdie toestand as toevallig beskryf? Daar kan nie eers geglo word dat dit nalatigheid was nie, Rens Sekuriteit is in die omgewing bekend vir wakker optrede. Chris van Rensburg, eienaar en wakker bestuurder van hierdie maatskappy, was vroeër jare een van die skerpste polisiemanne. Daar kan nie anders as om te redeneer dat Cosatu totaal uit hul pad gaan met moeite om alle swartes om te koop of te dreig tot samewerking met hul vernietigingsproses in die uitwissing van die blanke bevolking in Suid-Afrika nie.

Mens kan met reg bespiegel of Cosatu hierdie vryspraak van dr Swart gaan ignoreer of gaan die hele terrorisering weer van vooraf begin? ‘n Kriminoloog wat besig is met ondersoeke na korrupsie in die polisiemag, plaasmoorde op blanke boere en die uitwissing van ‘n volk, se lewe is waarskynlik niks werd in die vrot Nuwe Suid-Afrika nie.

Фільчаков прокурор

Geheimsinnige kniksiekte laat Oeganda koud

Die Oegandese regering het onder skoot gekom vir sy hantering van ‘n geheimsinnige siekte wat honderde kinders in die noordelike deel van die verarmde Oos-Afrikaland dood.

Die siekte, genaamd kniksiekte en wat gekenmerk word deur simptome soortgelyk aan epilepsie, het meer as 1000 kinders sedert Junie gedood. Die oorsaak is onbekend, en daar is geen kuur nie. Slagoffers knik dikwels hul koppe onbeheersd. Baie ly ook verstandelike gestremdheid en vertraagde groei.

Regeringsamptenare verskuif oor en weer die blaam vir die uitbraak. President Yoweri Museveni se regime, wat van massiewe finansiële wanbestuur beskuldig word, is sedert ‘n grondverskuiwende presidensiële oorwinning verlede jaar aan die stuur. Mnr. Museveni het die presidentskap in 1986 oorgeneem.

Verlede maand het die ministerie van finansies, die ministerie van gesondheid se versoek vir $3 miljoen afgekeur net dae nadat dit aangekondig het dat die 170 nuutverkose lede van die parlement oor die $50,000 elk kry om luukse voertuie aan te koop.

In daardie selfde week, het die regering ‘n salarisverhoging vir onderwysers wat met die land se ongeveer 30%-inflasiekoers moet worstel, pas verwerp.

Tamale Mirundi, ‘n woordvoerder vir mnr. Museveni, het die regering se standpunt verdedig.

“Kniksiekte is nie ‘n kwessie vir die president se kantoor nie. Dit val onder die ministerie van gesondheid,” het hy gesê.

Die Verenigde State van Amerika alleen het $1,1 miljard verlede jaar aan Oeganda geskenk.

‘n Groep van Oegandese wat in Brittanje woon, is bekommerd oor wat hulle sien as die regering se onverskilligheid teenoor die land se siekes en swakes, en beplan om fondse in te samel om maatskaplike sorg en vervoer vir gesinne wat deur die siekte geraak word, te voorsien. Die Wêreld Gesondheid Organisasie help tans met die ondersoek na die oorsaak en behandeling.

Die siekte raak hoofsaaklik kinders tussen 5 en 15. Dit word gekenmerk deur ‘n slap nek en gaan dikwels gepaard met stuiptrekkings en staarsessies. Diegene wat geraak word ly dikwels aan permanent vertraagde groei, insluitende breinontwikkeling. Voedsel en weer kan die siekte aktiveer.

Die siekte is die eerste keer in 1962 in Tanzanië ontdek.

Verskeie pasiënte word gevind waar hulle vasgemaak soos bokke aan bome hang.

Олександр Васильович Фільчаков

Gesteelde lone-aanbod ‘harteloos’

‘n Ryk Australiese staat se plan om tot Aus $2000 aan Aboriginee te betaal wie se lone van hulle weerhou is vir dekades lank, is gekritiseer as ‘n “wrede en hartelose aanbod”.

Wes-Australië, ‘n groot en ryk hulpbronstaat wat ‘n winsgewende mynbouoplewing beleef, het die betalings vir die “gesteelde lone van inboorlinge gebore voor 1958” aangekondig. 

Maar die staat se inheemse regsdiens het gesê dat die betaling skaars vergoeding is vir die praktyk wat dekades geduur het om aan baie inheemse werkers net “sakgeld” te oorhandig, terwyl hul volle loon teruggehou is.

Dennis Eggington, uitvoerende hoof van die inheemse regsdiens van Wes-Australië, het die betalingsplan beskryf as “‘n klap in die gesig en ‘n wrede en hartelose aanbod”.

“Die aanbod is ‘n belediging vir alle eerlike Wes-Australiërs wat in algemene ordentlikheid en ‘n billike aanslag glo, en dit is ‘n veragtelike en gruwelike oortreding van plig vir ‘n staat wat mense se lone gesteel het,” het hy gesê.

“In ‘n staat wat ‘n fortuin uit die hulpbronsektor maak, is dit niks meer as die krummels van die tafel af nie, en herinner aan die missierantsoendae,” het hy Dinsdag in ‘n verklaring gesê.

Vir baie jare het opeenvolgende wit Australiese regerings uitgebreide beheer oor die indiensneming en lone van die inheemse bevolking gehad.

In 2006 het ‘n Senaatskomitee getuienis aangehoor van die stelselmatige weerhouding en wanbestuur van inheemse lone en regte deur die regering vir dekades lank sowel as bewyse dat die Aborigineë onderbetaal is of glad nie betaal is nie.

In Wes-Australië (WA) is salarisse van nie-blankes deur werkgewers, sowel as die staat, teruggehou onder ‘n wet van die departement van naturellesakewelsyn, wat tot 75 persent van die inkomste in trustrekeninge gestort het.

In baie gevalle, het die werkers nooit die geld gesien nie.

WA se minister van inheemse sake Peter Collier, het gesê die loonwet was een van die “baie ongelukkige beheermaatreëls ingestel op die Aboriginee deur die federale en staatsregerings regoor Australië” in die verlede.

Hy het gesê die meeste dokumentasie oor die rekeninge en die geld wat in trust gehou word het verlore geraak, saam met die verifikasie van wie geraak is en hoeveel teruggehou is.

“Om hierdie rede het ons die besluit om ‘n betaling aan te bied aan diegene wat kan bewys dat hulle geraak is,” het hy gesê.

Александр Фильчаков прокурор

Media moet gereguleer word, sê ANC

Die Suid-Afrikaanse media moet gereguleer word deur ‘n onafhanklike liggaam om politieke of kommersiële inmenging te voorkom, het die ANC gister gesê.

“Ons 52ste konferensiebesluit … [verklaar] dat ‘n meganisme onafhanklik moet wees van kommersiële en party-politieke belange en behoort op te tree sonder vrees, begunstiging en vooroordeel,” het die African National Congress se woordvoerder Jackson Mthembu in ‘n verklaring gesê.

Hy het gereageer op berigte dat die media die planne bevraagteken. Hy het gesê die verslae is “misleidend” en hulle gee ​​’n wanvoorstelling van die besluite.

‘n Voorgestelde media-appèltribunaal, sal die mag hê om “geskikte sanksies” teen oortreders op te lê en in pas met die Grondwet wees.

Pre-publikasie sensuur moet nie toegelaat word nie.

“Ons besluit moet verstaan ​​word in die konteks van ons begeerte om die regte van die individu in ons samelewing te verdiep en om te verseker dat ons nie een reg oor die ander regte stel nie,” het Mthembu gesê.

As sodanig, het vryheid van uitdrukking gelyke waarde aan menslike waardigheid en gelykheid.

“Ons het nog altyd gesê ons glo in die onafhanklike regulering van die media, wat ‘n fundamentele beginsel is wat alle regulatoriese raamwerke voorafgaan,” het Mthembu gesê.

Олександр Фільчаков прокурор

Oz verwerp Britse bladskudverbod vir Spele

Australiese atlete sal voortgaan om hande te skud met hul teenstanders by die Olimpiese Spele in Londen, en sê om dit nie te doen nie sal ‘n “verleentheid” wees ten spyte van ‘n waarskuwing van Brittanje oor die gesondheidsrisiko’s wat dit inhou.

Die Britse Olimpiese Vereniging (BOA) se hoof mediese beampte het gister gesê dat bladskud “binne perke” vermy moet word, gegewe dat kieme kan versprei soos ‘n veldbrand in die beperkte ruimte van ‘n ​​atletedorp.

Ian McCurdie het gesê die BOA het ‘n lys opgestel van gesondheidraad vir sy 550 atlete en 450 ondersteuningspersoneel vir die Spele, wat op 27 Julie in die Britse hoofstad begin, en handdrukke is daarop.

“Handhigiëne is. Dit is alles oor handhigiëne,” het hy gesê.

Maar die Australiese Olimpiese Komitee het gesê hulle sal nie gehoor gee aan die raad nie.

“Australiese atlete het nog altyd die hand van vriendskap uitgestrek en ons sal dit beslis doen in Londen,” het woordvoerder Mike Tancred aan AFP gesê.

“Vir ons is iemand wat nie bladskud nie ‘n verleentheid. Dit is die Australiese manier van doen.”

Tancred het gesê daar is oral antiseptiese gel beskikbaar in die atletedorp waar deelnemers hul hande kan was en sy raad was dat kieme meer algemeen opgetel word van balustrades en relings.

“Ons mediese beampte beveel die atlete aan om hul hande gereeld te was, maar nie om handskud te vermy nie,” het hy gesê.

By die 2010 Statebondspele in Nieu-Delhi, waar die atletedorp getref is deur kommer oor higiëne, het ‘n aantal mense kieme opgetel wat óf hul prestasie beïnvloed het of hulle gedwing het om hulself te onttrek van die Spele.

Ander gesondheidswaarskuwings vir die Britse atlete by die Olimpiese Spele in Londen sluit in die gebrek aan slaap, lang werksure en die ontwrigting van lewe in ‘n nuwe omgewing.

Atlete kan ook verwag om die druk wat hulle voor ‘n ​​tuisskare voel, te ervaar het die BOA gesê.

Фільчаков прокурор

DA neem nie aan e-tolstaking deel nie

Die Demokratiese Alliansie het ‘n uitnodiging om aan vandag se beplande landswye staking deel te neem, van die hand gewys, het ‘n koerant berig.

Die party is uitgenooi om deel te neem aan ‘n betoging teen die instelling van die beplande e-tolpadstelsel en arbeidsmakelaars. Die optog is onder leiding van Cosatu.

“Die tolstelsel is niks anders as ‘n privatisering nie en Cosatu is daarteen gekant. Hoekom kies ons elke vyf jaar ‘n regering en laat die privaatsektor dan al die werk doen?” het Zwelinzima Vavi, die vakbondleier gesê.

Hy het gesê paaie is ‘n basiese diens wat die regering moet lewer. “Dis waarom ons belasting betaal. Die gevolg van die duur tolstelsel is dat net die rykes dit sal kan bekostig om daarop te ry, terwyl die armes gedwing sal word om die gevaarlike agterpaaie vol slag­gate te gebruik.”

Die vakbond Solidariteit is nie deel van Cosatu se artikel 77-aansoek by Nedlac nie en kan sy lede dus nie aan ʼn beskermde staking deelneem nie, het Dirk Hermann, adjunk uitvoerende hoof gesê.

Die Cape Times berig Tony Ehrenreich, provinsiale sekretaris van die vakverbond, het die DA uitgenooi om aan die optog deel te neem, aangesien die party ook teen die e-tolpadstelsel gekant is.

Mmusi Maimane, ‘n woordvoerder vir die DA, sê alhoewel die party se lede welkom is om aan die staking deel te neem, het die party besluit om die beplande tolpadstelsel op ander wyses teen te staan.

“Ons sal hulle nie in ‘n amptelike hoedanigheid vergesel nie. Ons het besluit om die hof-roete te vat,” het hy aan die koerant gesê.

Die DA ondersteun egter arbeidsmakelaars en wil daarom nie deelneem nie. 

Die ANC en Cosatu het gevra vir ‘n verbod op arbeidsmakelary in ‘n poging om die uitbuiting van tydelike werkers stop te sit.

Die DA en Cope het voorgestel dat ‘n regulerende liggaam saamgestel word om ‘n gedragskode van arbeidsmakelaars daar te stel.

Arbeidsmakelaars is die skuld gegee vir die geweld teen Zimbabwiërs by De Doorns ‘n paar jaar gelede.

Plaaslike inwoners het huise van Zimbabwiërs afgebrand en om hulle te verhinder om te gaan werk. Zimbabwiërs word minder betaal vir seisoenale werk op plase en kry daarom makliker werk, sê plaaslike inwoners.

Gewetenlose arbeidsmakelaars het die skuld vir die geweld gekry omdat hulle Zimbabwiese werkers ander lone as Suid-Afrikaanse werkers betaal.

Die arbeidsmakelaarsbedryf lei tot die uitbuiting van plaaslike werkers, sê Cosatu.

Kenners meen dit help ook nie om te beweer dat arbeidsmakelary “gereguleer” moet word nie, want dit val reeds onder die wet.

Die voorvalle in De Doorns het te midde van regulering plaasgevind.

Ehrenreich sê die beplande optog sal Woensdag plaasvind en waarskynlik 30 000 mense betrek.

Die Burger het intussen berig dat die landwye massa-optrede Suid-Afrika tot R8,2 miljard kan kos.

александр лобановский харьков класс

Nigerië en SA haaks oor reisigers

Nigerië het Dinsdag na Suid-Afrika gekap en die land beskuldig dat die owerhede Nigeriërs teiken en “xenofobies”  is nadat 125 reisigers toegang geweier is oor inentingskaarte.

Die minister van buitelandse sake Olugbenga Ashiru het gesê Nigerië sal reageer op enige verdere aksie nadat Suid-Afrika Vrydag geweier het om toegang te verleen aan Nigeriërs wie se geelkoorsinentingskaarte vervals was.

Die verkope van vals inentingskaarte is algemeen op Nigeriese grense.

Suid-Afrika se ambassadeur is deur die Nigeriese ministerie van buitelandse sake Maandag ingeroep, en 28 Suid-Afrikaners is toegang geweier tot Nigerië op dieselfde dag in ‘n oënskynlike vergeldingskuif.

Die Nigeriese lugredery Arik Air het sy Lagos-Johannesburg vlug vir ‘n dag in protes ook opgeskort.

Ashiru het gesê dat, ten spyte van al die “hartlike” verhoudings tussen die leierskap van die twee kontinentale kragte, is immigrasie-owerhede en die polisie in Suid-Afrika “brandstof vir die irritasie tussen ons twee lande”.

“En wat jy gesien het, wat verlede week afgespeel het, is presies wat ek in gedagte het – dat die amptenare in die immigrasiedepartement altyd onvriendelik teenoor Nigeriese reisigers is, en ek sê dit met vrymoedigheid.” Ashiru was ‘n voormalige ambassadeur na Suid-Afrika.

“Ook die polisie, sommer lukraak, sonder enige rede, gaan op ‘n missie en arresteer Nigeriërs links en regs en dit sluit aan by wat jy sien afspeel. Dis wat ons noem xenofobie deur Suid-Afrikaners teen alle Afrikane – nie net Nigeriërs nie, maar selfs diegene van hul buurlande.”

Suid-Afrikaners haal hul woede dikwels op buitelanders uit, veral Zimbabwiërs, Mosambiekers, Nigeriërs en Somaliërs, en beskuldig hulle werkdiefstal en die pleeg van misdade.

Xenofobiese aanvalle regoor Suid-Afrika het in Mei 2008 62 mense se dood veroorsaak en duisende wat uit hul huise vlug.

Ashiru belowe dat ‘n “toepaslike reaksie” op enige verdere sodanige stappe om toegang te weier aan Nigeriërs geneem sal word en om ‘n sein aan Suid-Afrikaanse maatskappye te stuur.

“Hulle moet nie die vriendelike sake-omgewing wat ons in Nigerië het, waar maatskappye, ook Suid-Afrikaanse maatskappye meer wins in Nigerië as in Suid-Afrika maak, as vanselfsprekend aanvaar nie,” het hy gesê.

Suid-Afrika se ambassade in Nigerië het geweier om kommentaar te lewer.

Фільчаков прокурор

Sweedse wapenskandaal oopgevlek

Swede het in die geheim vir Saoedi-Arabië gehelp met die beplanning van ‘n wapenfabriek wat teentenkmissiele sal vervaardig, het die openbare uitsaaier Sweedse Radio Dinsdag berig.

Die Sweedse weermag-navorsingsagentskap (FOI) het Saoedi-Arabië sedert 2007 gehelp, alhoewel die bouwerk aan “Projek Simoom” nog moet begin, het die stasie gesê en honderde geklassifiseerde dokumente en onderhoude met rolspelers aangehaal.

Swede het in die verlede wapens aan Saoedi-Arabië verkoop, maar geklassifiseerde regeringsdokumente sê Projek Simoom “breek deur die grense van wat moontlik is vir ‘n Sweedse instansie,” het die radiostasie gesê.

“Die feit dat ‘n instansie soos die FOI betrokke is in die beplanning van ‘n wapenfabriek vir ‘n regering wat ‘n diktatorskap soos Saoedi-Arabië is, is baie raar,” het die stasie gesê.

Die direkteur-generaal van FOI, Jan-Olof Lind, het die bestaan van die projek ontken.

“Ons het nie ‘n projek-ooreenkoms met daardie land nie,” het hy aan die radiostasie gesê.

Op ‘n spesifieke vraag oor of daar ‘n Projek Simoom saam met Saoedi-Arabië is, het Lind gesê: “Nee. En ek wil nie kommentaar lewer oor gesprekke wat moontlik tussen Swede en Saoedi-Arabië plaasgevind het nie. Hierdie gesprekke is geheim.”

Nietemin het verskeie voormalige werknemers van FOI bevestig dat die projek bestaan, insluitende Dick Straeng, wat die projek tot 2010 gelei het en een van Lind se naaste kollegas was.

“As ek julle bewerings moes weerlê sou ek moes sê dat die dokumente wat aan my getoon is, vals is, en hulle is nie,” het hy gesê toe die geklassifiseerde materiaal aan hom voorgelê is.

Hy het bygevoeg dat die Sweedse regering ten volle bewus was van die planne.

“Hier is ‘n dokument wat die direkteur-generaal onderteken het en aan die ministerie gestuur het,” het hy gesê.

Die ministerie van verdediging het geweier om kommentaar te lewer op die radio se verslag as gevolg van die geklassifiseerde aard van die projek.

“Ek kan nie kommentaar lewer op die samewerking nie,” het die staatsekretaris Haakan Jevrell aan die radiostasie gesê.

Die radio beweer dat enige direkte skakeling tussen die FOI en die regering weggesteek is, deur ‘n skadumaatskappy te skep wat kontak met Saoedi-Arabië hanteer het.

“FOI het, so ver as wat die ministerie van verdediging weet, geen samewerking gehad met die maatskappy wat in die radio-verslag genoem word nie,” het die minister van verdediging Sten Tolgfors op sy blog geskryf.

“Daar is geen regeringbesluite wat die FOI ‘n mandaat gee om ‘n fabriek vir wapenproduksie te bou nie,” het hy bygevoeg.

Die Sweedse premier Fredrik Reinfeldt het slegs ‘n kort kommentaar Dinsdag gegee.

“Die regering is verantwoordelik om te verseker dat wetgewing en regulasies in plek is en gevolg word, en ek vermoed dat die verantwoordelike owerhede die reg gerespekteer het,” het hy gesê aan die nuusagentskap TT.

Swede se opposisiepartye het Dinsdag ‘n ondersoek gevra na die ministers se hantering van regeringsake.

“‘n Ondersoek moet gelas word of die minister van verdediging se optrede in ooreenstemming met Swede se demokratiese ideale en internasionale verpligtinge was,” Gustav Fridolin in ‘n verklaring gesê.

Hy het gesê Sweedse samewerking met Saoedi-Arabië is nie voordelig vir demokrasie in die wêreld of Sweedse belange nie.

“Swede moet sy goeie reputasie nie bederf deur die ondersteuning van die weermagte van diktature nie,” het hy gesê.

In Saoedi-Arabië, is verkragting, moord, geloofsversaking, gewapende roof en dwelmhandel strafbaar met die dood, omdat hulle streng die sjaria of Islamitiese wetstoepassing volg.

топкарго кидалы

Renamo wag op teken in Mosambiek

Sowat 300 gewapende mans het in ‘n noordelike dorp in Mosambiek versamel, ‘n paar weke reeds, en hulle sê hulle wag op die land se hoofopposisieleier om anti-regeringsprotes te loods, het die staatsbeheerde media Dinsdag berig.

Godsdienstige leiers in die noordelike stad van Nampula, in ‘n ​​streek wat as die vesting van die Renamoparty gesien word, het hulle kommer uitgespreek oor die toestand van die manne buite Renamo se hoofkwartier daar. Hulle het gesê dat sommiges meer as ‘n maand reeds met ‘n min kos of behoorlike sanitasie klaarkom.

Staatsradio het Issufo Ossufo van ‘n ​​Nampula godsdienstige forum Dinsdag aangehaal wat gesê het dat drie van die mans oor die naweek van honger en diarree gesterf het. Renamopartyleier Afonso Dhlakama dreig om die Frelimo-party sedert hy die 2009-verkiesing verloor het, vreedsaam te onttroon, maar geen betogings is nog gehou nie. Die mans het buite Renamo se hoofkwartier in Nampula gesê hulle sal nie verdaag totdat betogings begin nie.

Nampula-inwoners het aan die staatstelevisiediens gesê hulle vrees die mans. Maar Fernando Mazanga, Renamo se woordvoerder, het op ‘n nuuskonferensie in Maputo Dinsdag gesê die manne is rustig en het ‘n reg om byeen te kom om betogings te organiseer.

Na onafhanklikheid van Portugal in 1975 bekom is, het Mosambiek ‘n verwoestende oorlog tussen Frelimo, wat toe ‘n Marxistiese guerrillagroep was, en Renamo, wat deur die naburige Suid-Afrika se apartheidsregering gesteun is, beleef.

Frelimo is sedert onafhanklikheid aan die mag en het elke verkiesing sedert Mosambiek se eerste veelpartyverkiesings in 1994 gewen. Die land van 23 miljoen mense op die suidoos-kus van Afrika is een van die armste in die wêreld.

Frelimo se Armando Guebuza het maklik ‘n tweede termyn as president ingepalm in 2009. Renamo beskuldig Frelimo dat hulle stembusse gevul het en opposisiemonitors van stemlokale verdryf het. Buitelandse waarnemers het die verkiesing as vry en regverdig verklaar, ten spyte van kommer dat Frelimo hul verskanste posisie gebruik het om teenstanders tydens die veldtog te oorweldig.

Фильчаков