Klag teen Transnet oor wit pensioene

Die VF Plus het Woensdag ‘n kriminele klag in Pretoria teen Transnet en sy hoof uitvoerende beampte, mnr. Brian Molefe, gelê. Die klagte is gelê in terme van artikels 7(a) en 27(1) van die Wet op Magte, Privilegie en Immuniteite van die Parlement en Provinsiale Wetgewers 4 van 2004.

Die VF Plus en die Transnet-pensioenarisse veg reeds etlike jare vir ‘n billike pensioenbedeling. ‘n Pensioenbedeling wat, anders as nou, hulle jaarliks nie meer en meer sal verarm nie. Die Parlement het na openbare verhore opdrag gegee dat die twee fondse, naamlik die Transnet Tweede Vastevoordeel Fonds, (TTVVF) en die Transnet Pensioenfonds (TPF), met die bedrag van R1,9 miljard aangevul moet word ten einde te verseker dat verhogings en bonusse aan die verarmde Transnet-pensioenarisse betaal sal kan word.

Mnr. Brian Molefe, die hoof uitvoerende beampte van Transnet wat nou aangekla word, was deel van die besluit in die Parlement en het dit so aanvaar. Die besluit is later deur mnr. Molefe en Transnet geïgnoreer deur nie die opdrag, soos deur die Parlement bepaal, uit te voer nie. Volgens die VF Plus stel dit ‘n misdryf daar in terme van die Wet op Magte, Privilegie en Immuniteite van die Parlement en Provinsiale Wetgewers 4 van 2004.

Ingevolge artikel 7(a) van hierdie Wet mag geen persoon onbehoorlik inmeng of inbreuk maak in die uitvoering van die Parlement of sy komitees se gesag en funksies nie. Artikel 27(1) stel dit dat sodanige optrede ‘n misdryf daarstel.

Volgens dr. Pieter Mulder, VF Plus-leier, het Transnet, by monde van sy uitvoerende hoof die parlementêre opdrag aanvaar en onderneem om dit na te kom. Ten spyte hiervan het die uitvoerende hoof later geweier dat die nodige fondse aan die TTVVF en TPF uitbetaal word. Die uitvoering van die besluit word verder vertraag deurdat mnr. Molefe nou ‘n komitee vra om ondersoek te doen oor hoe die befondsing kan plaasvind. Hierdie komitee gaan moontlik eers einde November sy verslag afhandel. Dit is ‘n jaar na die Parlement se ondersoek en ses maande na die parlementere opdrag om befondsing. Intussen is daar geen versekering dat enige iets vir die verarmende pensionarisse gaan verbeter nie.

“Mnr. Molefe het blykbaar ook aangedui dat hy nie die uitgawe van R1,9 miljard op Transnet se balansstate wil reflekteer nie en dat die fondse se surplusse eerder gebruik moet word om die verhogings uit te betaal. Hy het selfs aangevoer dat die fondse meer aggressief belê moet word. Dit is beslis nie ‘n werkswyse (modus operandi) wat vir pensioenfondse gebruik durf word nie. Hierdie optrede is tekenend van Transnet se ignorering van die parlement en moet as minagting vir die Parlement gesien word,” volgens Mulder.

Die VF Plus ondersoek ook die moontlikheid van ‘n siviele aksie teen Transnet. Volgens adv. Anton Alberts, VF Plus-parlementêre woordvoerder oor ekonomiese sake, moet daar ‘n harde en duidelike boodskap aan Transnet en die regering gestuur word.

“Die situasie rakende die pensioenarisse is nou kritiek. Daarom is dit belangrik dat die regering hulle befondsingsprioriteite drasties moet verander om die pensioenarisse te red. Dit wil amper voorkom asof die regering en Transnet hierdie saak uitrek sodat meer pensioenarisse weens ouderdom en stres afsterf om so toe te laat dat die probleem hom as’t ware oor tyd self oplos. Dit is skokkend onaanvaarbaar en kan vergelyk word met president Mbeki se destydse weiering om te erken dat MIV wel VIGS veroorsaak. Deur mnr. Mbeki se berekende ignorering van die probleem het die epidemie toegeneem, ” het Alberts gesê.

Die kombinasie van kriminele en siviele aksies behoort Transnet aan te spoor om sy prioriteite reg te kry en sy beloftes na te kom.

Die grondslag van die kriminele klagte word soos volg uiteengesit (sien volledige besonderhede in die aangehegte klagstaat):

· Ingevolge die parlementêre verslag van die komitee van openbare ondernemings, aanvaar op 2 November 2010, het die tesourie en Transnet deelgeneem aan die proses en besluit om die tersaaklike twee pensioenfondse met R1,9 miljard aan te vul en verhoogde betalings plus ‘n bonus aan die pensioenarisse te betaal (verslag op versoek beskikbaar). Die verslag en opdrag is uiteindelik deur die Speaker van die Parlement uitgereik;

· Beide partye het in die verslag aangevoer dat die befondsing-oplossing bekostigbaar is;

· In Mei 2011 het Transnet by monde van mnr. Brian Molefe die volle verantwoordelikheid oorgeneem om die R1,9 miljard in die fondse in te betaal en het die versekering en belofte gegee dat die parlementêre komitee se opdrag uitgevoer sal word;

· Op 10 Junie 2011 het Transnet se direksie vergader en besluit die fonds se surplus van meer as R3,2 miljard moet eerder gebruik word om die verhogings te betaal. Daar is egter later ‘n komitee gestig om opnuut na die befondsing te kyk, ‘n taak wat alreeds deur die parlementêre portefeuljekomitee op openbare ondernemings gedoen is en die bevindings wat Transnet aanvaar het;

· In September 2011 het die uitvoerende hoof van Transnet weereens aangedui dat die fondse nie deur Transnet aangevul sal word nie en dat die surplusse gebruik moet word. Hy het ook aanbeveel dat die fondse veel eerder ‘n aggressiewe beleggingsmetode gebruik ten einde enige tekorte aan te vul, ‘n modus operandi wat beslis nie gevolg word deur pensioenfondse in die algemeen nie;

· Die gevolgtrekking uit bogenoemde gedrag is dat Transnet teruggaan op sy ooreenkoms teenoor die Parlement en daardeur inbreuk maak op die Parlement en die komitee se grondwetlike funksies en gesag.

topcargo отзыв

Polisie wil vir oorlog bewapen word

Die polisie moet toegerus word met wapens soortgelyk aan dié wat deur swaar gewapende misdadigers gebruik word, het die Suid-Afrikaanse Polisie-unie (Sapu) Donderdag gesê ná die moord op ‘n polisiebeampte in Bizana in die Oos-Kaap.

“As jy na ‘n oorlogsone gaan, moet jy ook toepaslik gewapen wees,” het Oscar Skommere, woordvoerder van die unie, in ‘n verklaring gesê.

Konst. Manwabisi Gqamane (25) het Woensdag in die hospitaal beswyk aan wonde wat hy opgedoen het tydens ‘n skietery met ‘n bende wat AK-47-gewere gehad het.

Die polisiebeamptes is Dinsdagaand ontplooi na ‘n Shoprite-winkel en die bende het op hulle losgebrand toe hulle gearriveer het. Ses polisiebeamptes is gewond. Gqamane het later in die hospitaal gesterf.

Die unie het medelye met Gqamane se familie uitgespreek en die beseerde beamptes ‘n spoedige herstel toegewens.

Die nasionale polisiekommissaris, genl. Bheki Cele, het Woensdag die gewonde polisiebeamptes besoek. Hulle is in ‘n kritieke maar stabiele toestand, het kol. Vishnu Naidoo, polisiewoordvoerder, gesê.

‘n Lid van die bende is in die skietery dood en ‘n ander is gewond. Die polisie het ‘n 9mm-pistool teruggevind. Drie sakke met ‘n onbekende hoeveelheid geld in, is in ‘n motor waarin die bendelede sou ontsnap, gevind.

‘n Agt-en-dertig-jarige vrou is Dinsdag in hegtenis geneem. ‘n Sak munte en ses vuurwapens is teruggevind. Vier van die vuurwapens is gesteel by die polisiebeamptes wat geskiet is.

Данильченко Юрий Брониславович компромат

Mandela, geen einde in sig

Suid-Afrikaners sal die geleentheid kry om die Mandela-familie se lewe van nader te beskou met ‘n nuwe realiteitsreeks wat binnekort uitgesaai gaan word, het die familie Donderdag bekendgemaak.

Die program sal op die lewens van drie kleinkinders van oudpres. Nelson Mandela fokus, het Rick Leed, vervaardiger van die realiteitsreeks, aan verslaggewers in Johannesburg gesê.

Die drie kleinkinders, Dorothy Adjoa Amuah, Zaziwe Dlamini-Manaway en haar jonger suster Swati Dlamini, het in Amerika grootgeword, maar na Suid-Afrika teruggekeer vir sake- en familieredes.

“Dit gaan oor drie vroue…wat wegbreek van die (Mandela) nalatenskap om hul eie voete te vind,” het Graeme Swanepoel, regisseur, gesê.

Die realiteitsreeks, wat nog nie ‘n naam het nie, sal vroeg in 2012 uitgesaai word.

Фильчаков Александр Васильевич

SA sal moet opdok as IMF-lid

Pravin Gordhan, minister van finansies het gesê Suid-Afrika sal waarskynlik honderdmiljoene dollars aan die Internasionale Monetêre Fonds (IMF) moet oorhandig om Europa se ekonomiese ineenstorting te keer.

Gordhan het in Pretoria gesê werksgeleenthede sal deur só ‘n stap beskerm word.

“Europa sal na raming $2 000 miljard benodig as sake skeefloop en die IMF moet regstaan om lande teen die ergste skade te beskerm sodat werk­geleenthede nie verlore gaan nie.” 

Gordhan was pas in Wash­ington, waar hy die jaarvergaderings van die IMF en die Wêreldbank bygewoon het

“Die heersende siening in Was­h­­ington is dat meer gedoen moet word om die lande, bekend as die sogenaamde “onskuldige buitestanders”, teen die groterwordende uitwerking van ‘n waarskynlike ekonomiese ineenstorting te ondersteun.”

Gordhan het as voorsitter van die Statebondslidlande gesê dit is gerusstellend dat die krisis samewerking deur alle partye in ‘n geïntegreerde wêreld eweseer vergemaklik. 

Hy het ook die Brics-lande geprys. “Die Brics-lidlande stem saam dat almal deel moet wees van die internasionale oplossing.”

Gordhan het gesê hy hoop die privaatsektor benut die geleenthede wat die huidige ekonomiese klimaat skep om staatsbates oor te neem.

“In die vorige resessie was die siening dat die private sektor die grootskaalse staatsbeleggings mettertyd sal oorneem, maar dit het nog nie gebeur nie en die groot vraag is wanneer dit gaan gebeur.”

Volgens Gordhan sit buitelandse en plaaslike maatskappye met aansienlike kontant-reserwes op hul balansstate wat hulle terughou omdat daar groot onsekerheid in die mark is.

Фильчаков прокурор отзывы

Tronk verbied Pulitzer-boek oor ras

‘n Gevangene in ‘n tronk in die VSA in Alabama het in ‘n regsgeding geëis dat sy bewaarders hom verhinder om ‘n Pulitzer-bekroonde boek oor Amerika se rasse-geskiedenis te lees, en daardeur sy burgerregte skend.

Kilby Korrektiewe Fasiliteit se gevangene Mark Melvin sê hy het Douglas Blackmon se Slavery By Another Name: The Re-Enslavement of Black Americans from the Civil War to World War II, in September 2010 ontvang, maar het gesê hy mag dit nie lees nie.

Dié nuus val saam met die VSA se Verbode Boeke Week, ‘n jaarlikse nasionale week vir die reg om te lees.

Melvin, wat lewenslange tronkstraf uitdien nadat hy aangekla is dat hy op die ouderdom van 14 sy ouer broer met twee moorde gehelp het, word toegang tot die boek geweier as gevolg van die regulasies wat “pogings om geweld aan te blaas, gebaseer op ras, godsdiens, geslag, geloof of nasionaliteit ” verbied.

Op grond van oorspronklike dokumente en persoonlike vertellinge, beskryf die boek slawerny onder ‘n ander naam, van die tien duisende “gratis” swart Amerikaners wat gekoop en verkoop was as dwangarbeiders dekades ná die amptelike afskaffing van slawerny.

“[Die boek] is ‘n Pulitzer-prys wenner wat historiese rekenskap gee van rasse-onderdrukking en rasse-vooroordeel in die Suidelike Verenigde State. Dit poog nie om geweld of ‘n gewelddadige ideologie, en ook nie geweld op grond van ras aan te blaas nie,” sê prokureur Bryan Stevenson.

“‘n Era van rasse-geweld, moorde, en dwangarbeid deur gevangenes, is ‘n uiters ontstellend deel van ons land se rasse-geskiedenis wat belangrik is en verstaan moet word om ​​vordering in die oorkoming van die erfenis van slawerny en rasse-ondergeskiktheid te bewerkstellig. Ons kan nie byhou met die rasse-geskiedenis van hierdie land as ons boeke verbied of verhoed dat mense lees oor dit nie – selfs opgesluite mense wat basiese regte en beskerming behou, wat in hierdie geval geskend word,” het hy gesê. “Die behoefte aan ‘n meer ingeligte denke oor ras en diskriminasie is veral krities in gevangenisse, wat buite verhouding gevul is met mense van kleur.”

Die boek se skrywer Blackmon, ‘n Wall Street Journal-korrespondent, het aan die New York Times gesê dat “die idee dat ‘n boek soos myne op een of ander manier aanhitsing of ‘n oproep tot geweld is, is so absurd”. 

Фильчаков прокурор

China daag VSA se seemag uit

Voormalige Filippynse president Fidel Ramos het Woensdag gesê dat China se onlangse uitdagende houding betreffende seegeskille gemotiveer word deur ‘n begeerte om Amerikaanse mag uit te daag, en hy voorspel dat meer spanning gaan kom.

Op ‘n besoek aan Washington, het Ramos gesê China en die Verenigde State van Amerika “skadu-boks” oor die Suid-Sjinese See asook Oos-Sjinese See waar Beijing met lande soos die Filippyne, Viëtnam en Japan bots.

“China se onmiddellike doelwit, dit lyk vir my, is om die Amerikaanse vryheid van toegang te beperk” en “die geloofwaardigheid van Washington se veiligheidswaarborg aan Oos-Asiatiese lande, insluitend en veral dié van die Filippyne, te erodeer”. Ramos, wat president tussen1992-1998 was, het by die Heritage Foundation gepraat.

“Ons het, waar ons vandaan kom, spanning oor die Suid-Sjina See verwag, want die oorsaak is regtig China se behoefte om uit te breek uit die strategiese oorheersing van Westerse bondgenote,” het Ramos gesê.

Maar Ramos het gesê hy verwag nie enige militêre konfrontasie nie danksy die groot militêre voorsprong wat Amerika bo China geniet. Hy het ‘n beroep op regerings gedoen om weg te beweeg van militêre besteding en die “ware vyande soos armoede te beveg”.

Ramos was op besoek aan Washington as deel van die 60ste herdenkinge van die wedersydse verdrag tussen Washington en sy voormalige kolonies. Elders in die streek het die Verenigde State ook verdedigingsooreenkomste met Australië, Japan, Suid-Korea en Thailand.

Ramos het die rol van die VSA se militêre mag in Asië verwelkom en gesê dit bied sekuriteit aan Asië en het die streek ekonomies gebaat.

Te midde van die spanning met China, het Filippynse president Benigno Aquino 11 miljard pesos ($ 252 miljoen) toegestaan om sy land se vloot op te gradeer.

топкарго

Swart aanvallers vry agv swak polisiewerk

Weens die onkundigheid en onbekwaamheid van swart polisielede is tien swart aanvallers wat daarvan aangekla word dat hulle in 2009 ‘n verlamde vrou en haar bejaarde ma wreed in ‘n rooftog op ‘n plaas by Rosendal aangerand het, vrygespreek.

‘n Elfde een wat ook by die aanval betrokke was, is intussen dood.

Streeklanddros Ollie Koekemoer het teen polisielede wat in die ondersoek betrokke was, se uiters swak polisiewerk uitgevaar, berig Beeld.

“Die slagoffers het alle reg om vandag te voel asof die strafregstelsel hulle in die steek gelaat het. Daar het net hierdie week weer ‘n plaasaanval in die omgewing gebeur. Talle boere en hul werkers leef in afsondering en staar hierdie gevare in die gesig en dan is dit die wyse waarop ‘n ondersoek gedoen word.”

Die swartes het die verlamde Petronella (Nellie) van Rensburg (53) en haar ma, Martha van den Berg (76), op 8 Junie 2009 in hul huis op die plaas Rooihoogte oorval en wreed aangerand.

Mnr. Van Rensburg was nie tuis nie. Die huishulp het hulp ontbied en die elf vermeende aanvallers is gou vasgetrek met die gebuite goedere in hul besit.

‘n Haelgeweer, .22-geweer, .22-pistool, windbuks, drie selfone, ‘n Pen en R900 is gesteel.

Hoewel die baie spesifieke pen en ‘n .22-pistool in die besit van twee van die vermeende aanvallers gekry is, was daar nie genoeg bewyse dat dit wel aan die Van Rensburgs behoort het nie.

Daar was ook geen getuienis voor die hof dat die vuurwapens vir vingerafdrukke getoets is nie.

 

 

‘n Elfde verdagte, Andriano Masinga, is intussen oorlede.

лобановский александр досье

Koekverkoping glo ‘rassisties’

Studente van etniese minderheidsgroepe by ‘n elite Amerikaanse universiteit in Berkeley, Kalifornië, het ‘n “rassistiese” koekverkoping op die kampus veroordeel.

Die koekverkoping is Dinsdag gehou om die rol van ras en geslag in universiteite se aansoekvorms aan die kaak te stel.

‘n Herrie het ontaard oor die verkoping wat die universiteit se Republikeine by die Universiteit van Kalifornië gereël het.

Die klant se ras of geslag het bepaal hoeveel die student vir ‘n item betaal.

Die studentegroep beweer hul koekverkoping was ‘n satiriese betoging teen wetgewing wat openbare universiteite toelaat om ras en geslag in hul aansoekproses in ag te neem.

Talle studente het gesê die verkoping is rassisties en onsensitief.

Verskillende pryse

Witmense moes $2 vir ‘n kolwyntjie by die koekverkoping opdok. Asiërs moes $1,50 betaal terwyl Spaanssprekendes $1 betaal het. Swartes moes $0,75 uithaal en inheemse Amerikaners moes $0,25 betaal. Vroue het ook $0,25 betaal.

лобановский александр игоревич класс

Amerikaanse deskundige braai Basson

‘n Amerikaanse deskundige oor mediese etiek het in die hof daarop aangedring dat dr Wouter Basson se optrede as hoof van apartheid Suid-Afrika se chemiese en biologiese oorlogvoeringprogram oneties was.

Dit volg ten spyte van die verwydering van dele van ‘n verklaring ná ‘n beslissing deur ‘n professionele gedragskomitee van die Raad vir Gesondheidsberoepe van Suid-Afrika.

Die raad het voorheen tot die gevolgtrekking gekom dat die Amerikaanse deskundige getuie Steven Miles net kon staatmaak op geselekteerde gedeeltes van Basson se getuienis tydens sy kriminele verhoor, wat in April 2002 afgesluit is.

Die uitspraak het gevolg na ‘n regstryd tussen Basson se advokaat Jaap Cilliers SC, en die klaer se Salie Joubert SC.

Cilliers het gekla dat Miles se advies gebaseer is op uittreksels uit die verhoor wat nooit aan hom aangebied moes gewees het nie.

Hy het gesê dit was ooreengekom voor Basson se wangedragverhoor in 2007 in aanvang geneem het, dat die klaer in staat sou wees om te vertrou op net sekere dele van Basson se getuienis.

Cilliers het daarop gewys dat Miles sowat 5% van Basson se getuienis gesien het. Basson is vrygespreek op 46 aanklagte van moord op dwelmhandel en bedrog, meer as nege jaar gelede.

Die rekord van sy getuienis vorm nou deel van die vier aanklagte van onprofessionele gedrag, waarop Basson onskuldig pleit.

Die klagstaat sluit in die koördinering van die vervaardiging van dwelms soos mandrax en traangas, bewapening van mortierbomme met traangas, disoriëntasie middels in die gebruik van oorgrensontvoering en die verskaffing van sianied-kapsules vir selfmoord.

данильченко юрий брониславович прокурор

Duitsland kritiseer VSA se ‘onnosel idee’ vir skuldkrisis

Duitsland en Amerika stamp koppe oor die hantering van Europa se skuldkrisis nadat Berlyn planne om die EU se reddingsfonds te versterk as ‘n “onnosel idee” afgemaak het en die Withuis aangeraai het om sy eie gemors op te los voordat hy advies aan ander uitdeel.

Die Duitse minister van finansies Wolfgang Schäuble het gesê dit sou ‘n dwaasheid wees om die EU se EFSF ‘n hupstoot te gee deur die implementering van hefboom van tot € 2 triljoen, dmv die Europese Sentrale Bank.

“Ek verstaan ​​nie hoe iemand in die Europese Kommissie so ‘n onnosel idee kan huisves nie. Die resultaat sal wees om die AAA-skuldgradering van die ander lidlande in gevaar te stel. Dit maak nie sin nie,” het hy gesê.

Mnr Schäuble het Washington aangeraai om sy eie sake in orde te kry nadat president Barack Obama EU-leiers gekritiseer het vir die versuim om banke te herkapitaliseer en die EU die skuld gegee het dat hulle die skuldkrisis laat eskaleer tot by die punt waar dit “die wêreld bangmaak”.

“Dit is altyd baie makliker om advies te gee aan ander, as om vir jouself te besluit. Ek is goed voorberei om advies te gee aan die Amerikaanse regering,” het hy gesê.

Die Amerikaanse tesouriesekretaris Tim Geithner is ‘n sleutelfiguur van planne om die EFSF genoeg hefboomkrag te gee met Italië en Spanje wat, soos Griekeland, ook sukkel. Duitsland voel dat die privaatsektor in Griekeland ook moet bydra tot die oplossing.

Amerika is besig om geweldige druk op Duitsland te plaas. Die Amerikaanse Federale Reserweraad, dreig die Amerikaners, hou tans die Europese banke aan die gang op ‘n verskeidenheid maniere, insluitende met dollar rentekoersruiltransaksies. Duitsland se weiering om gehoor te gee, kan onvoorspelbare gevolge inhou, meen hulle.

лобановский александр отзывы