Polisie skiet man by padblokkade dood

Johannesburgse metropolisiebeamptes het ‘n gewapende man Sondag by ‘n padblokkade doodgeskiet, het ‘n woordvoerder gesê.

Hoofsupt. Wayne Minnaar, woordvoerder, het gesê die man het met ‘n vuurwapen verby die padblokkade in Jeppestraat gehardloop.

“Beamptes het hom beveel om stil te staan, waarna hy ‘n skoot op hulle afgevuur het. Hulle het hom weer beveel om stil te staan en die man het nóg ‘n skoot afgevuur, waarna beamptes teruggevuur het.”

Minnaar het gesê die man het vermoedelik weggehardloop nadat hy in ‘n gewapende rooftog betrokke was.

topcargo развод

Marikana, rondte 2

Opspraakwekkende beeldmateriaal is deur ‘n Britse televisiekanaal uitgesaai wat meer perspektief op die slagting by Marikana gee en waarskynlik die Farlam-kommissie van ondersoek na die gebeure sal beïnvloed.

Die beelde ondermyn verklarings deur polisiebeamptes dat hulle in selfverdediging opgetree het tydens die skietery.

Die skietery verlede jaar het tot die dood van 34 mynwerkers gelei en was wêreldnuus.

Die nuwe beeldmateriaal wys hoe talle mynwerkers ‘n “paar honderd meter weg” van die media af dood is, het Channel 4 berig.

Channel 4 News het dié beelde wat na bewering op 16 Augustus 2012 deur twee polisiebeamptes met hul selfone opgeneem is, bekom.

Dit verskil van die opnames wat deur EWN, eNCA en CNN geneem en versprei is.

“Die [mynwerkers] het daarheen [in die rigting van die media] gevlug na die aanvanklike skietery, om skuiling te soek,” verduidelik die verslaggewer in die insetsel.

In die polisievideo kan gehoor word hoe ‘n stem uitroep, “Wag, moenie skiet nie! Moenie skiet nie!”. Dis vermoedelik die stem van ‘n mynwerker wat pas by die polisie verbygehardloop het. Skote klap enkele sekondes later.

Die beampte wat die video neem loop dan na waar ‘n man bewegingloos op die grond lê. “Daai motherf****r. Ek het hom ten minste 10 keer geskiet,” sê een van die beamptes in die video. Die beampte praat met ‘n bruin aksent.

Die slagoffer word later as ‘n 26-jarige mynwerker geïdentifiseer wat 12 keer geskiet is.

‘n Verklaring deur die departement van justisie sal volgens Phuti Setati, sekretaris van die Marikana-kommissie van ondersoek, op die regering se kommunikasiewebwerf gepubliseer word.

 

Данильченко Юрий Брониславович

Malema verloor sy lyfwagte

Met dié dat die ANC in Limpopo en die party se jeugliga teen hom gedraai het, moes Julius Malema van sy lyfwagte afskeid neem hierdie week.

Die voormalige ANC-jeugligapresident – nog altyd omring deur sy lyfwagte, moes glo aan sy beskermers sê dat hy dit nie meer kan bekostig om hulle te betaal nie.

Die Sunday Independent berig dat hy hulle in harde kontant betaal het nadat een van sy vennote die oordrag van hul salarisse gestaak het.

Dit is bevestig deur ‘n Limpopo-regeringsamptenaar naby aan Malema en ander onafhanklike bronne wat nie hul name genoem wil hê nie.

Nog ‘n bron wat vertroud is met Malema se huislike omstandighede, het egter aan The Sunday Independent gesê dat Malema nie meer wagte nodig het nie.

“Hy is nie meer in die kollig nie, hy woon nie hoë-profiel-vergaderings meer by nie. Die wagte kom na sy huis in die oggend sonder ‘n werklike werk.”

Die Limpopo-amptenaar het gesê Malema was gaaf met hulle. Hy was eintlik simpatiek. “Hy was blykbaar bekommerd oor hul verblyf,” het die amptenaar gesê.

Malema wou nie kommentaar lewer nie.

Sy veiligheid is in 2009 opgeskerp toe hy doodsdreigemente ontvang het, met tot vyf beskermers, maar hulle is die afgelope tyd verminder tot twee lojale wagte.

Aanvanklik het hy twee polisielyfwagte gehad wat die belastingbetaler meer as R800 000 ‘n jaar gekos het. Maar die polisie het die wagte onttrek ná sy aanvalle op President Jacob Zuma in 2011.

Malema  het daarna twee persoonlike beskermers gehuur, betaal deur sy sakevennote.

лобановский александр игоревич класс

Nkandla nie met belastinggeld betaal nie

Die minister van openbare werke, Thulas Nxesi, sê die departement kon geen bewyse vind dat belastinggeld gebruik is om pres. Jacob Zuma se Nkandla-woning op te knap nie.

Nxesi het die media Sondag in Pretoria toegespreek oor die verslag van die Nkandla-taakspan.

Verdere besonderhede oor die ondersoek is nog nie bekend nie.

Die taakspan is aangestel nadat die besteding aan Zuma se tuiste groot omstredenheid veroorsaak het.

Volgens mediaberigte beloop die kostes meer as R200 miljoen.

Die departement van openbare werke het die werk aan die kompleks as ‘n veiligheidsopgradering beskryf.

александр лобановский супермаркет класс

Renosterstroper doodgeskiet

‘n Vermeende renosterstroper is in die Krugerwildtuin doodgeskiet en twee ander verdagtes is in hegtenis geneem, het die Valke gesê.

Wildbewaarders het Saterdagoggend ‘n beseerde renoster opgemerk wat besig was “om vir sy lewe te vlug” en het gesien dat die dier ‘n skietwond het, het kaptein Paul Ramaloko gesê.

Hulle het die bloedspoor gevolg wat na drie Mosambiekse burgers in die wildtuin se Nwanetsi-gebied gelei het.

“Die vermeende stropers het ‘n skoot afgevuur waarna die wildbewaarders teruggeskiet en een van die verdagtes gedood het,” het Ramaloko gesê.

Die ander twee mans is in hegtenis geneem en sal Maandag in die hof verskyn.

‘n Jaggeweer is ook tydens die voorval gekonfiskeer.

Фильчаков прокурор

Ramphele wil ‘land red’ met nuwe politieke beweging

Die apartheidsaktivis en akademikus dr. Mamphela Ramphele beplan blykbaar  om  tot die politiek toe te tree.

Tydens ‘n onlangse besoek aan Amerika het dr. Ramphele gesê sy samel geld in vir ‘n politieke party en dat sy “die politiek betree om haar land te red. “Ramphele het ook ondersteuning van ambassadeurs gevra.

Volgens Suid-Afrika se ambassadeur in Argentinië en voormalige DA-leier, Tony Leon, het twee mense wat teenwoordig was by Ramphele se vergaderings in Amerika dit bevestig, het Leon aan die City Press gesê.

Die DA se leier, Helen Zille, het Ramphele verlede jaar probeer oorreed om by die opposisieparty aan te sluit, maar sy het die uitnodiging van die hand gewys en die Citizens Movement, ‘n nie-regeringsorganisasie, gestig.

Volgens berigte het Ramphele besluit dat ‘n sterker opposisie benodig word nadat pres. Jacob Zuma in Desember verlede as leier van die ANC herverkies is.

Ramphele was Saterdag nie beskikbaar vir kommentaar nie. Sy sal na verwagting binnekort ‘n aankondiging maak.

Фильчаков Александр Васильевич

VF+ eis skorsing van twee polisielede

Die Vryheidsfront Plus eis die onmiddelike skorsing van twee lede van die SAPD se Honde-eenheid nadat hulle na bewering die naweek ‘n lid van die publiek, mnr Bruce Swart van Germiston voor sy gesin aangerand het, sê mnr Jaco Mulder, VF Plus LPW vir Gauteng.

Videomateriaal, afgeneem deur die kringtelevisiekameras van ‘n veiligheidskompleks en wat in die media vertoon is, wys dat die brutale geweld wat deur die twee SAPD lede uitgeoefen is op mnr Swart, ongeag die redes waarvoor hy gestop is, totaal buite verband is. Die verdere ongevoelige vernedering voor mnr Swart se gesin is ‘n teken van totale onbevoegdheid, sê Mulder.

Die beeld van die SAPD as beskermer van die publiek word toenemend geskaad deur voorvalle soos die. Die Gauteng kommissaris van polisie, luitenant-generaal Petros moet die twee lede onmiddellik skors hangende die uitslag van die ondersoek.

Александр Фильчаков прокурор

Gaan vlieg!

Is dit ‘n teken of net Afrika-simboliek? Die zoemende insek het die kalklig gesteel van president Obama se aankondiging van nuwe lede van sy tweede administrasie.

Om en om die leier van die vrye wêreld se kop en toe, kaplaks, vierkantig op sy voorkop, in ware Afrikastyl, moes die toeskouers die insek se trajek met gespanne aandag volg.

Daarna het die besoeker op sy slaap gaan sit en toe sy bolip. Dit is die derde keer in sy termyn dat vlieë op hom toesak tydens ‘n amptelike toespraak. In 2009 en 2010 moes hy ook indringers wegklap.

Die jongste amptelike Wit Huis-transkripsie lees eenvoudig: “Hierdie ou pla my hier – (klap na ‘n vlieg.)”

Die president het vir sowat vyf minute van sy rede afgestaan aan ‘n huisvlieg.

topcargo

Slim vang sy baas…

Twee huisbediendes, een uitgevat in haar werkgewer se klere en die ander wat uitgestrek op die eienaar se bed lê gedurende werksure,  het foto’s van hulself op ‘n sosiale netwerk-webwerf geplaas waartoe hul werkgewers ook toegang het.

Beide bediendes het vergeet dat hulle nie hul onderskeie werkgewers as hul “vriende” van die selfoonnetwerk WhatsApp verwyder het nie.

André Snyman van eBlockwatch, ‘n nasionale gemeenskapsorganisasie, het gesê ‘n huishulp het foto’s van haarself wat ‘n rok dra wat sy van haar baas gesteel het as haar profielfoto op WhatsApp gepos.

“Haar werkgewer was geskok toe sy haar sien in haar uitrusting. Sy beplan nou om haar krimineel aan te kla. “

Hy het gesê die huishulp was ‘n paar weke gelede afgedank toe haar werkgewers ontdek het dat geld, klere en ander waardevolle artikels is uit hul huis vermis word.

“Sy [die bediende] het enige oortreding ontken. Maar nou is sy op heterdaad betrap. Sy het nog die vermetelheid gehad het om haar volle loon te eis. Sy het gedreig het om die CCMA te nader.”

In ‘n ander voorval, het ‘n Durbanse vrou gesê dat sy ‘n WhatsApp-boodskap ontvang van haar huishulp, wat haar vra om nog skoonmaakprodukte vir haar woonstel te koop.

“Ek het nie die telefoonnommer herken nie, en daarom op die profiel foto geklik om te sien wie dit was, vergroot. Dit was van die persoon wat ek in my huis aangestel het op ‘n proefbasis om skoon te maak. Sy het die foto geneem van haarself terwyl sy op my bed lê.

“Toe ek haar vra waarom sy rondlê in plaas van werk, was haar antwoord: “Ek sit op die bed.” Maar die foto toon dat sy gelê het.”

Die Suid-Afrikaanse Domestic Service and Allied Workers Union (Sadsawu) het gesê dit is onaanvaarbaar vir huiswerkers om hulle oortredings bekend te maak en hul werkgewers se huise te misbruik op sosiale netwerk-webwerwe.

Sadsawu sekretaris-generaal, Myrtle Witbooi, het gesê dit is blykbaar ‘n “nuwe tendens” deur “dwase” huiswerkers.

“Baie van hulle besef nie dat hulle hul werkgewers as hul” vriende” op hierdie forums het nie en hulle kan al hulle aktiwiteite sien. Dinge soos hierdie gee werkgewers bewyse dat hulle bediendes krimineel optree.”

Sy het gesê in baie gevalle ignoreer werkgewers oortredings deur hul huiswerkers.

Sy het huiswerkers aangemoedig om hulle werkgewers se huise en eiendom te respekteer.

Александр Фильчаков

Mantashe: Alliansie word aangeval van links en regs

Die alliansie tussen die Suid-Afrikaanse Kommunistiese Party en die ANC is nog altyd aangeval deur die regse vleuel en die ultra-linkervleuel, het die regerende party se sekretaris-generaal Gwede Mantashe Donderdag gesê.

“Hierdie aanvalle het nog altyd ‘n motief van … verdeel die beweging, verswak dit en uiteindelik om dit te verslaan,” het hy ‘n by die Monash Universiteit in Roodepoort gesê.

Hy het gesê drie pamflette het beweer dat die ANC beheer word deur die SAKP, wat op sy beurt ‘n gevolmagtigde van Moskou was wat gebruik word om terreur te saai as ‘n instrument van die ondermyning van Westerse-regimes en waardes.

Hierdie pamflette is vervat in ‘n 1982-verslag van die Verenigde State wat lui:    “Sowjet-, Oos-Duitsland en Kubaanse betrokkenheid in die skepping van terrorisme in Suid-Afrika”, die Suid-Afrikaanse regime se pamflet van 1986, “Praat met die ANC” en die 1986-pamflet deur die Britse Instituut vir die “studie van terrorisme, ANC, die Sowjet-Taakspan”, het Mantashe gesê.

“Die ultra-linkse aanval was nog altyd kinderagtig, en het beweer dat die SAKP die stryd vir sosialisme laat vaar het en hardloop agter die bourgeoisie-beweging aan,” het hy gesê.

“Hulle het die sogenaamde twee-fase teorie aangeval, en verwag dat die Suid-Afrikaanse werkersklas sosialisme moet verkondig as sy uitsluitlike doel en nie net ‘n nasionale bevryding wat die mag steeds in die hande van die bourgeoisie laat nie.”

Hy het gesê die huidige liberale offensief teen die ANC was ‘n voortsetting van hierdie aanval, en ‘n poging om al die magte wat daarop aanspraak maak om ‘n grief te hê teen die ANC en sy regering, te mobiliseer.

“Die Rooi Gevaar” is vervang met die korrupsie tema, waarin alle ANC-kaders en leiers as korrup geag word, in teenstelling met die individu wat vasgevang is in die wet.

“Om hierdie rede, het die beweging ‘n verpligting om korrupsie vas te vat in al sy vorme, werklike en waargenome.”

Mantashe het gesê die alliansie tussen die ANC en die SAKP is gebaseer op die beginsels en vertroue “afgelei van gedeelde praktiese ervarings in die loopgrawe”.

александр лобановский супермаркет класс