Nuus Archives - Page 1517 of 1583

Trevor Manuel vra permanente hofbevel

Die minister van finansies, Trevor Manuel, vra ‘n permanente hofbevel aan teen Terry Crawford-Browne wat bewerings gepubliseer het dat Manuel by korrupsie rondom die omstrede wapentransaksie betrokke was.

Verlede maand het Manuel ‘n geslaagde dringende aansoek teen Crawford-Browne gebring dat hy moet ophou om bewerings te publiseer dat Manuel korrup is of dat hy enige misdryf in verband met die wapentransaksie began het. Terselfdertyd is Manuel twintig dae gegun om ‘n permanente hofbevel te verkry.

Volgens Crawford-Brown sien hy die aansoek om ‘n permanente hofbevel as ‘n geleentheid om die debat rondom die wapentransaksie te heropen.

In sy aansoek beweer Manuel dat Crawford-Browne se verklarings lasterlik, verkeerd en onwettig is en gemaak word met die bedoeling om skade te berokken.

casino –

Kenia se koffieproduksie duik

Kenia se koffieproduksie het getuimel in die afgelope 20 jaar. Produksie is af van 130 000 ton per jaar na nie eers 50 000 ton nie. Boere word uitgeroei en die land word beroof van broodnodige buitelandse valuta.

Dringende stappe om die vryval om te keer word oorweeg. Boere sê die hoë produksiekoste wat deur duurder kunsmispryse, chemiese stowwe, arbeid en plaasimplemente veroorsaak word, is die groot probleem.

Die koffieunievoorsitter het boere uitgedaag om hul boerderymetodes aan te pas en ou praktyke te laat vaar.

Hy het gesê kwaliteit- en kwantiteitproduksie van die oes is die geheim omdat dit goeie pryse sal behaal.

Verkiesingsbeamptes in Harare gearresteer

Sewe verkiesingsbeamptes is gister in Harare gearresteer. Polisie sê hulle sal van verkiesingsbedrog aangekla word en het die verdagtes daarvan beskuldig dat hulle stemme vir President Robert Mugabe geïgnoreer het.

Vroeër het die leier van die MDC, Morgan Tsvangira, gewaarsku dat Zimbabwe op ‘n mespunt is omdat MUGABE weier om toe te gee dat hy die verkiesing verloor het.

Die aankondiging van die uitslag van die verkiesings is nou al met meer as ‘n week vertraag.

Waarnemers is van mening dat die vertraging deur Mugabe veroorsaak is om sy veiligheidsmagte en oorlogveterane kans te gee om die uitklopverkiesing met intimidasie en geweld in sy guns te beklink.

подъемник для Данильченко

Water raak op in Akkra

Water is die sentrale tema vir die volgende verkiesing in Ghana, ten spyte daarvan dat die stemmery eers in Desember sal plaasvind. Die waterstelsel het byna heeltemal ineengestort in die hoofstad Akkra en jaarliks sterf 84 000 Ghanese as gevolg van die swak gehalte water.

Die toekoms van die huidige regering berus op die spoedige, doeltreffende oplossing van die waterkrisis. Krane het die laaste paar weke drooggeloop in Akkra en die Ghana Water Maatskappy sê hulle is nie meer in staat om eers in die helfte van die aanvraag te voorsien nie.

Die miljoene dollar wat die regering beplan om op stralers uit te gee kan gebruik word om drinkbare water aan ten minste een kiesafdeling in die hoofstad bekikbaar te stel, kla die opposisie.

Die hartseer waarheid is dat Akkra ‘n oorvloed vars drinkbare water uit nabye Voltameer kan hê, maar baie van die pype is gebreek en weinig word aan die herstel daarvan onderneem.

Carrington verontskuldig Brittanje

Carrington

Lord Carrington, die voormalige Britse minister van buitelandse sake, het Brittanje se rol tydens die Lancasterhuisberaad wat Mugabe in 1980 aan bewind geplaas het, verdedig.

In ‘n meningsartikel in gister se uitgawe van die Londense Sunday Times, vra hy die vraag of Brittanje ‘n tiran in Zimbabwe president gemaak het.

Maar Carrington verontskuldig Brittanje deur die ondergang van Zimbabwe suiwer aan Mugabe se selfsug en waansin toe te skryf en nie aan die stelsel wat Brittanje by Lancasterhuis ontwerp het nie.

Hy sê ook dat wat nou in Zimbabwe gebeur eintlik niks met Brittanje te make het nie. Die land is ook nie ‘n koloniale vyand soos wat Mugabe probeer uitmaak nie, maar kan trots wees op al die hulp wat Brittanje aan Zimbabwe gegee het en steeds gee.

table uk

Mugabe slaan anti-blanke trom

President Robert Mugabe hits sy volgelinge aan om vir hom te stem sodat hy hulle teen ‘n blanke inval kan beskerm.

Terwyl hy sy ondersteuners waarsku om ag te slaan op die blanke gevaar, het Mugabe gesê dat grond
in die hande van swartes in Zimbabwe moet bly. Oor die naweek is oorblywende plase in blanke besit
deur Mugabe-lojaliste beset.

Volgens die Zimbabwiese president mag swart Zimbabwiërs nie nou retireer in die stryd om grond nie. Volgens die staatstelevisie is plase in Masvingo is juis oor die naweek beset omrede blanke boere gesien is dat hulle na hul plase terugkeer.

Die leier van die oorlogsveterane in daardie provinsie het blankes met sterk optrede gedreig indien hulle op die gevaarlike pad sou volhard om na hul plase terug te keer.

санкт-петербург topcargo кидалы

Ventersdorpboer in sy bed vermoor

‘n Agt-en-sestigjarige boer van die Ventersdorpomgewing, Pieter Heyneke, is in sy bed vermoor. Sy vriendin, Riekie Nortman was by hom tydens die voorval.

Nortman het wakker geword terwyl iemand besig was om haar te wurg. Toe sy langs haar kyk, sien sy dat Heyneke herhaaldelik met ‘n mes gesteek word. Een van die aanvallers het haar aanhoudend in Afrikaans gevra waar die geld is.

Toe Nortman desperaat na haar seun Dennis roep wat nie eens in die huis was nie, het die aanvallers gevlug, maar tog ‘n pistool en ‘n selfoon saamgeneem.

Sy is steeds erg deur die voorval getraumatiseer.

topcargo отзыв

Mbeki ontmoet Gordon Brown privaat

Gordon Brown, Brittanje se eerste minister het president Thabo Mbeki Saterdag ontmoet vir samesprekinge oor die situasie in Zimbabwe. Brown se kantoor het die ontmoeting aangekondig.

Mbeki is in Brittanje waar hy ‘n konferensie van linkse sentriste in Watford, naby Londen, bywoon. Die twee leiers sal na verwagting privaat beraadslaag.

Daar word verwag dat Brown Mbeki sal vra om sy invloed oor president Robert Mugabe te laat geld om verlede naweek se verkiesingsuitslae bekend te maak. Mugabe het tot dusver die bekendmaking vertraag.

Zimbabwe was voorheen ‘n Britse kolonie voor Mugabe die land na onafhanklikheid gelei het met Britse steun.

Фільчаков прокурор

Mugabe-ondersteuners verjaag blanke boere

Aanhangers van president Robert Mugabe het Saterdag een van die laaste blanke boere in die land van sy plaas in Masvingo verdryf. Dit is deur die Zimbabwiese televisiediens in ‘n berig vermeld.

Ten minste nog drie plase in blanke besit is oor die naweek deur sogenaamde oorlogsveterane beset. Een van hulle hou uit met 50 ZANU PF-ondersteuners wat dreig om sy plaashek af te breek.

Volgens die staatstelevisie het die grondbesettings plaasgevind in reaksie op berigte wat sê dat die ou blanke boere terugkom om hul grond terug te neem. Daarom het oudstryders en lede van ZANU PF se jeugbeweging besluit om vroegtydig die laaste blanke plase te beset. Die boer in Masvingo is vier ure gegee om sy plaas te ontruim.

Vrydag het oud-stryders van die Zimbabwiese oorlog gewaarsku dat hulle die soewereiniteit van hul land sou verdedig. Zimbabwe word volgens hulle bedreig deur ‘n nuwe inval van blankes indien die opposisie na die verkiesings van 29 Maart aan bewind sou kom.

topcargo

Skoonmaak vir Everest

Sedert 1953, toe Edmund Hillary en Tenzing Norgay Everest oorwin het, is die piek al 3000 keer bestyg.

Maar jare se kommersiële ekspidisies het die aangesig van 8 848m ontsier met toue en toerusting, suurstofbottels, gemors en menslike afval. ‘n Geraamde 10 ton vullis lê oor die piek rondgestrooi.

‘n Span bergklimmers het Donderdag egter planne bekend gemaak vir ‘n omgewingsvriendelike poging om Everest aan te durf waar menslike afval nie eers sal agterbly nie.

‘n Amerikaansontwikkelde Clean Mountain Can sal aan alle rugsakke vasgegespe word as hulle suksesvol is in hul poging. Die idea het ontstaan toe menslike afval op ‘n piek wat as heilig
beskou word deur die Sjerpa’s en Tibetane, opgemerk is.

casino