Nuus Archives - Page 1055 of 1583

Kenmekaarkonferensie vir PRAAG

Uitnodiging na Kenmekaarkonferensie oor vorme van selfbeskikking en strukture

Die Afrikaner maak homself bekend in ‘n groot aantal sosiaal-maatskaplike strukture en organisasies. Die strukture verskil van mekaar betreffende die religieuse rigtingvraag, asook ‘n spesifieke etos wat onderliggend is aan elke struktuur.

Daar is vier oorhoofse groeperinge wat weinig indien enige kontak met mekaar het. Dit is:

* Die Afrikanerfront (Andries Breytenbach), waarby ingesluit word die Tussentydse Afrikanerberaad (Jaap Kelder)
* Die Afrikaanse Belangegroep, waarby ingesluit is die Afrikanerbond (Jan Bosman), die FAK (Danie Goosen) en waarmee assosieer ook Solidariteit (Flip Buys) en Afriforum (Kallie Kriel).
* Die Boerevolk Verteenwoordigende Raad (Lets Pretorius), waarby ingesluit is die Boere Vryheidsinisiatief.
* Organisasies met ‘n religieuse verootmoedigingsmotief soos die Afrikaner Alliansie (Anton Knoetzé), die Geloftevolkkomitee (Flip Swanepoel) asook die Teokratiese Komitee (Jann Schlebusch).

Dit is met ‘n voorbehoud goed so! Die voorbehoud is dat as daar aansluitende samewerking is en kruisbestuiwende kommunikasie tussen die organisasies plaasvind, dan is dit in orde. ‘n Moderne beskaafde gemeenskap onderskei homself juis van primitiewe gemeenskappe deur die diversiteit midde die eenheid. Die keersy van die voorbehou is dat as daar geen kontak tussen die organisasies is nie, en die organisasies mekaar bestry, dit selfvernietigend kan wees. Om aansluitende samewerking te bewerkstellig het ‘n aantal persone ‘n tyd gelede besluit om bg. organisasies te nooi vir ‘n kenmekaarkonferensie. Die sameroepers was: Steyn van Ronge (AWB), Johann Wingard (Veteraan), Dan Roodt (Praag), Christo Landman (Afrikaner Alliansie) en Kas Bakkes (Veteraan). ‘n Geslaagde konferensie is op 7 Junie 2010 in Pretoria gehou, waar verteenwoordigers van sowat twintig organisasies hulle instellinge aan mekaar bekend gestel het. Uit die Afrikaanse Belangegroepering het net die Afrikanerbond (Jan Bosman) meegedoen en het organisasies soos Solidariteit nie eers op die uitnodiging reageer nie.

By genoemde konferensie is eenparig besluit om die kenmekaargesprek na ander uit te brei. Christo Landman (082 854 75 16) is met die organisatoriese reelings belas. Daar is op twee opvolgkonferensies besluit: op 7 Augustus 2010 in Pretoria en op 10 Oktober 2010 te Bothaville. Die Geloftevolk en Teokratiese Komitees sal as gashere tydens die Oktober-byeenkoms optree.

Wat die 7 Augustus-konferensie betref, wat in die Ryndalgebou (adres: The Hillside 318, Lynnwood) gaan plaasvind, word die volgende temas aan die orde gestel:

* ‘n Analise van selfbeskikking m.b.t. grondwetlike artikels 185 en 235 asook die bevindinge van die Volkstaatsraad (referent dr. Johann Wingard, voormalige voorsitter van die Volkstaatsraad)
* Die Funksies van ‘n burgerlike owerheid vir etniese Boere-Afrikaners (dr. Anton Knoetze, Kommissaris van die grondwetlike Kommissie vir Gemeenskapsregte)
* Die vraagstuk in die samestelling van ‘n burgerlike organisasie vir etniese Afrikaners. Die demokratiese verkiesingsmetode (mnr. Paul Kruger van die VVK). Die Konsosiatiewe model van Arend Lijphart toegepas (dr. Christo Landman.)Die metodiek van die Boerevolk Verteenwoordigende Raad (dr. Lets Pretorius)
* ‘n Alternatiewe politieke model tot liberalisme en kollektivisme. Die Teokrasie as Christelike staatsmodel (dr. Jann Schlebusch). Die Christen-demokratiese regstaat (mnr. Francois van Zyl).
* Alternatiewe modelle vir aansluitende samewerking (mnr. Richard Botha, Stadsraadlid van die CDP)

Praaglesers wat belangstel om hierdie konferensie mee te maak, word vriendelik uitgenooi om die Sekretaris by clandman@netactive.co.za van u voorneme in te lig en om R100 per persoon op die volgende Afrikaner Alliansie se Absarekeningnommer nommer 909 134 80 30 oor te betaal. Dit sluit in Saalhuur en etes.

типы парусных судов

Vyf swartes verkrag vrou voor haar seuntjie

‘n Blanke vrou van Port Elizabeth is deur vyf swart gewapende rowers in haar huis verkrag terwyl haar vierjarige seuntjie moes toekyk. Volgens ‘n plaaslike koerant in die Baai is dit “die eerste gewelddadige huisaanval waar verkragting betrokke is” sedert die aanvang van die wêreldsokkerbekertoernooi.

‘n Woordvoerder vir die polisie, adjudant-offisier Precious Timla, het gesê dat die rowers omstreeks 3-uur vm. deur ‘n venster van die kothuis in ‘n tuin toegang verkry het.

Die vrou van Pekingstraat, Morningside is deur die geluid van stemme in die kothuis wakker gemaak. “Die volgende oomblik het die (swart) mans haar op die bed vasgedruk,” het Timla gesê. “Hulle het ‘n pistool teen haar kop gehou en haar bankkaarte en pinnommer geëis voordat hulle beurte geneem het om haar te verkrag terwyl haar seun dit in die vertrek moes aanskou.”

Blykbaar is ‘n mes ook teen die vierjarige seuntjie se keel gehou om sy ma te dwing om saam te werk.

Die geweldenaars het gedreig om haar seun as gyselaar aan te hou terwyl hulle bank toe gaan om die geld te trek, maar die vrou kon hulle oorreed om hom agter te laat.

“Ons is nie seker wat tussen haar en die rowers gebeur het nie, maar hulle het uiteindelik die kind agtergelaat,” het Timla gesê.

Hoewel daar geen tekens van ‘n inbraak is nie, het ‘n polisiebron gesê dat die vensters oud is en nie behoorlik toemaak nie, dus kon die rowers maklik deur een van hulle ingekom het.

Sommige aanvallers het weer deur die venster uitgeklim terwyl ander deur die agterdeur vertrek het. Die vensterskarniere is los en het geklap toe die rowers uitgeklim het, wat die huiseienaar op dieselfde perseel wakker gemaak het.

Hy het opgestaan om ondersoek in te stel en het die vlugtende swartes skrams gesien. “By die kothuis gekom, het hy die vrou huilende op die bed gevind,” het die bron gesê.

Die polisie is onmiddellik ontbied.

Volgens Timla is “drie van die mans met pistole gewapen, terwyl ‘n vierde blykbaar ‘n speelgoedpistool by hom het”.

Die erg geskokte vrou is na die hospitaal geneem en later ontslaan. “Die vrou is hoogs emosioneel en erg getroumatiseer,” het die polisieman gesê. “Haar seuntjie is ook baie ontsteld oor die voorval.”

Данильченко Харьков

Wimbledon verbied Afrikaramshoring

Wimbledon, die All England Club, het tennistoeskouers verbied om vuvuzela te blaas.

Afrika se ramshoring, die grootste geraasmaker en tot dusver sukses van die Wêreldbeker, verkoop sedert verlede Vrydag fluks in Brittanje.

‘n Woordvoerder van die All England Club, sê egter die geraasblaser is nie welkom by die tennistoernooi nie.

Tennis is ook nie die enigste sport wat bekommerd is dat die blaaskakofonie sal oorneem by sportgeleenthede nie. Krieketbase hou nou duimvas dat die plastiektuit nie die reeks tussen Engeland en Pakistan sal verongeluk nie.

‘n Woordvoerder vir Trent Bridge, waar die eerste toets tussen Engeland en Pakistan op 29 Julie plaasvind, sê die eerste vuvu’s het al hul opwagting by vriendelike wedstryde gemaak.

детский хоккей игра

Prins blaas ook vuvu

Prins William is ook ‘n vuvuzela-ondersteuner. Hy het die geraasmaker op versoek van ‘n swart kind by ‘n sokkergeleentheid in Botswana geblaas.

Die prins was by die Maun-stadion in die noorde van Botswana om deel te neem aan ‘n bewaringsprojek wat sokker gebruik om kinders aan wildbewaring bekend te stel.

Die prins het saam met verhoogkunstenaars en Lucas Radebe, eertydse Suid-Afrikaanse sokkerspeler en kaptein van Leeds United, deelgeneem.

Prins William se broer, prins Harry, is in Lesotho waar hy ook met liefdadigheidsprojekte betrokke is.

Hulle sal Vrydag in Suid-Afrika aankom om die wedstryd tussen Engeland en Algerië by te woon.

deposit 10 casino топкарго отзывы

Herrie prut tussen Nederland en SA oor oranje

Mirte Nieuwpoort en Barbara Castelein, draers van die oranje-rokkie, het Woensdag in die Johannesburgse landdroshof uitgevind dat Suid-Afrika nie ‘n gasvrye land is nie.

‘n Diplomatieke herrie prut tussen Nederland en Suid-Afrika nadat ‘n gespesialiseerde eenheid van die Polisiediens die oranje-meisies vroeg die oggend gaan wakkerklop het.

Die Nederlandse minister van buitelandse sake, Maxime Verhagen, het die Suid-Afrikaanse ambassadeur in Den Haag, Pieter Goosen, intussen laat weet dat die optrede teen die meisies buitensporig is.

“Hy het aangedui dat die arrestasie van die twee vroue buitensporig en nie korrek was nie,” het die woordvoerder vir die Nederlandse ambassade in Suid-Afrika, Christoph Prommersberger gesê.

Verhagen het gesê: “As Suid-Afrika en Fifa ‘n maatskappy wil pak oor onwettige advertensie, moet hulle regstappe neem teen die maatskappy, en nie teen twee gewone burgers wat in oranje uitrustings rondgestap het nie.”

Nieuwpoort en Castelein verskyn in ‘n spesiale Wêreldbekersokkertoernooihof.

Hulle is elk R10 000 borgtog gegee en moet weer in die hof verskyn op 22 Junie.

Hulle het verskyn op aanklagte van oortreding van Suid-Afrika se Handelswaremerkewet van 1941 en die oortreding van die twee afdelings van die Spesiale Maatreëls Regulasies.

Hulle regsverteenwoordigers en borgtog is betaal deur die Bavaria Bier-maatskappy.

Die Nederlandse ambassadeur in Suid-Afrika, Robe de Vos, het gesê die ambassade het die polisie gevra om die arrestasies en ondervraging te verklaar.

Prommersberger sê die ambassade ondersoek die moontlikheid om ‘n lid van die ambassadepersoneel by die vroue te plaas vir hul veiligheid.

Die polisie, intussen, kon nie sê of daar ‘n regsgeding teen alle Suid-Afrikaanse vroue wat oranje rokke dra, is nie.

Na aanleiding van die Nederlandse regering se kritiek, het Saul Molobi Kgomotso, ‘n woordvoerder vir die Departement van Internasionale Betrekkinge en Samewerking, gesê Suid-Afrika se wetgewing is ontwerp om Fifa se intellektuele eiendom te beskerm

“Ons het ‘n beroep op ondersteuners gedoen om ons wette in ag te neem as ‘n soewereine staat.”

лобановский политик

Tutu ondersteun vuvu

Aartsbiskop emeritus Desmond Tutu het die aandrang om die gebruik van vuvuzelas by Wêreldbeker-sokkerstadions te verbied, afgekeur, het die SABC Woensdag berig.

Tutu het die verbod van hierdie omstrede Afrika-trompet as nonsens bestempel en gesê sokkeraanhangers moet bereid wees om dié toernooi op die Suid-Afrikaanse manier te geniet.

Tutu het in Kaapstad tydens ‘n jeugberaad die rede gevoer.

“Ten spyte van die land se sosio-ekonomiese uitdagings het die sokkertoernooi ‘n eenheid onder Suid-Afrikaners gebring,” het hy gesê.

степлер Александр Фильчаков

Ierland skors Israeli-diplomaat

Ierland gaan ‘n Israelse diplomaat skors oor die gebruik van vervalste Ierse paspoorte deur verdagtes in die moord van Hamas-beampte in Januarie in Doebai, het die ministerie van buitelandse sake in Dinsdag gesê.

“‘n Ondersoek wat gedoen is toon dat agt vervalste Ierse paspoorte deur die verdagtes gebruik is in die moord op Mahmoud al Mabhouh,” het Micheal Martin, minister van buitelandse sake, in ‘n verklaring gesê.

построить сауну

Leë sitplekke is betaal sê Fifa

Bywoningsyfers by die Wêreldbeker-stadions na afloop van die eerste 11 wedstryde staan op 92.5%, het Nicholas Maingot, Fifa-woordvoerder, Dinsdag in Johannesburg gesê.

Maingot het gesê die groot hoeveelheid leë sitplekke by die stadions is as gevolg van groepbesprekings.

“Die kaartjies is verkoop, maar nie uitgedruk nie. Sommige toeskouers het net eenvoudig betaal en nooit opgedaag nie.

Sowat 53 019 ondersteuners het elkeen van die 11 wedstryde bygewoon wat tot dusver gespeel is, dit is meer as die eerste 11 dae van die Wêreldbeker-sokkertoernooi wat in 2006 in Duitsland aangebied is.

Tydens die 2006-toernooi het 52 167 mense die eerste 11 wedstryde bygewoon.

Die bywoningsyfers staan nou op 584 396, ‘n getal wat slegs deur die 1994-toernooi in Amerika geklop kan word.

“Ons het die tweede meeste aantal besoekers naas Amerika in 1994,” het hy bygevoeg.

Александр Фильчаков

Japannese WB-joernalis beroof

Die Volksblad berig dat ‘n Japannese joernalis Maandag in Bloemfontein met Suid-Afrika se misdaad kennis gemaak het.

Die vryskut-fotograaf van Japan is na Maandagaand se sokkerwedstryd tussen Japan en Kameroen van sy rugsak beroof..

Die inhoud van die sak was glo R120 000 werd. Sy kamera, kontant en die paspoort is onder die items wat gesteel is.

Die voorval het in Nelson Mandela-rylaan, naby die Mimosa Mall, plaasgevind. Die man is glo ongedeerd.

Die polisie ondersoek tans ‘n saak van roof.

Oranje-meisies vas

Fifa se handelsmerk-polisie het 36 Nederlandse vroue wat die wedstryd tussen Nederland en Denemarke bygewoon het, vir sowat drie ure ondervra oor die uitrustings wat hulle aangehad het, het The Star Dinsdag berig.

Die nousluitende, oranje mini-rokkies, bekend as “Dietse-rok”, was deel van ‘n geskenkpakkie wat saam met Bavaria bier in Nederland uitgedeel is in opbou tot die Wêreldbeker-sokkertoernooi.

“Die polisie het gekom en ons aanhoudend uitgevra. Hulle het heeltyd dieselfde vrae aan ons gestel en wou weet of ons vir Bavaria werk,” het Barbara Kastein, ‘n toeris wat die wedstryd tussen Nederland en Denemarke bygewoon het, gesê.

“Hulle het gesê ons doen onwettige bemarking en dit is teen die wet in Suid-Afrika. Hulle het gedreig dat ons in hegtenis geneem sal word en ses maande in die tronk sal sit. Van die meisies het begin huil. Dit was regtig aaklig,” het Kastein gesê.

Volgens Peer Swinkels, woordvoerder vir Bavaria, was daar geen handelsmerke op die oranje rokkies wat die vroue aangehad het nie. Dit is egter algemene kennis dat hierdie uitrustings deel is van Bavaria se handelsmerk.

Fifa probeer ooglopend hul eie borg Budweiser beskerm. Heineken is erg gefrustreerd dat die oranje so gewild in Nederland is

“Fifa besit nie ‘n monopolie op die kleur oranje nie,” het Swinkels gesê.

Fifa het gesê dat niemand in hegtenis geneem is tydens die voorval nie, maar hulle oorweeg regsstappe teen die vroue.

Лобановский Харьков