Kategorie: Menings

So kan kortliks verwys word na mnr. Paul O’Sullivan en dr. Richard Young, wat onderskeidelik met groot deursettingsvermoë die Jackie Selebi- en die wapenskandale bly takel het.

Beide het lywige dossiere opgebou. In die proses is Suid-Afrika se voormalige polisiebaas reeds skuldig bevind, en gaan Skoor weer, met nuwe getuienis, na die wapenskandaal kyk.

Op 10, 11 en 13 Augustus gaan verskeie instansies en persone voor die parlementêre Skoor moet kom verduidelik.

Hoewel minstens twee prominente mense, Shabir Shaik en Tony Yengeni, reeds weens kantlynbetrokkenheid tronkstraf opgelê is, maar skynbaar spesiale behandeling te beurt geval het, was dit vanuit die staanspoor duidelik dat slegs aan die oppervlak gekrap is. Daar is jare gelede reeds berig dat die destydse ondersoekspan se verslag erg verander is, en oud-pres. Thabo Mbeki se naam is genoem. Nou dien dokumente wat dit blykbaar bewys voor Skoor.

Dat daar lank hard probeer is om die skandaal as afgehandel onder die tafel in te vee, lyk op die oog af voor die hand liggend. Maar die tentakels het bly uitkruip, ook soos buitelandse ondersoeke gevorder het en ‘n notule selfs aan die lig gebring het dat Mbeki ‘n erg omstrede vergadering met ‘n wapenhandelaar bygewoon het. Iets wat hy later aangedui het hy nie kan onthou nie.

Ook die aanklagte teen pres. Jacob Zuma is onder vreemde regsreëls laat vaar en word nou ook in die hof betwis.

Nou word verskeie prominente mense se name opnuut genoem, waaronder mnre. Trevor Manuel en Mosiuoa Lekota. Vir Lekota, wat in sy tweestryd met Mbhazima Shilowa om Cope se hart die morele hoë grond probeer opneem, kon hierdie beriggewing kwalik op ‘n slegter tyd gekom het.

Die tragedie is dat die prosesse skynbaar nooit deurgevoer sou kon word as dit nie vir die buitengewone en jarelange deursettingsvermoë van twee individue was nie. Hulle het vasgebyt, selfs toe dit as nuuswaardigheid op die agtergrond moes staan. Die ondersoeke het hulle persoonlik baie gekos.

Sonder sulke mense sou die land veel armer daaraan toe gewees het.

Vir die regering moet dit ook as ‘n belangrike les dien. Skade word die beste voorkom deur in die eerste plek nie die lang vingers in die koekblik te steek nie.

Die skande is om die misdrywe te pleeg, nie om uitgevang te word nie.

instawowphotoФильчаков

Die deure klap maar voor hom toe.

Ander het wel bagasie opgedoen, maar is deur ‘n kombinasie van politiek en die reg, daarvan gestroop. Die amnestieproses het vir sommige mense op mooi plekke geval – vir sommiges op mooier plekke as vir ander.

Vanoggend word berig dat Robert McBride, die man wat vir die slagting in ‘n Durbanse dameskroeg verantwoordelik was, op die kortlys is van kandidate om die Tshwane Metroraad se nuwe veiligheidshoof te word.

Hy is voorheen uit ‘n soortgelyke pos by die Ekurhuleni-munisipaliteit afgedank, al is die hofsaak waar hy op aanklagte van onder meer regsverydeling en dronkbestuur teregstaan, nog nie afgehandel nie.

Die regverdiging dat hy oorweeg word lê in die ou gemeenregtelike beginsel van natuurlike geregtigheid wat veral die Administratiefreg van die Romeins-Hollandse regstelsel onderlê: Iemand is onskuldig tot hy skuldig bevind is.

Dié beginsel beteken egter nie dat die polisieselle en selfs tronke vol verhoorafwagtendes is nie. Hulle is ook aan niks skuldig bevind nie, maar word aangehou – soms baie lank aangehou.

Uit onlangse uitsprake mag nie na McBride as moordenaar verwys word nie. Sy rekord, waarvoor hy eens op die galgtou gewag het, is skoongevee. Op die ander aanklagte moet hy nog skuldig bevind word, en R10 miljoen belastingbetalersgeld is al aan regskostes aangewend om McBride se rekord skoon te hou. Dié kraantjie is intussen toegedraai.

Nou kry hy weer ‘n kans, ‘n kans wat baie mense nie weer kry nie omdat die bagasie, verdiend of onverdiend, swaarder weeg as die ondervinding en kwaliteite. Hierdie bagasie kan die vorm van sy ouderdom, geslag en selfs ras wees.

So ‘n persoon word die geleentheid ontneem om vir sy gesin te sorg, wat ironies dalk ‘n gestremde kind insluit wat volgens die grondwet nie geleenthede ontneem mag word nie. Sonder geld kan terapie nie bekostig word nie, en word die geleenthede ontneem.

Dikwels word nou voorkeur aan produkte van die nuwe onderwysstelsel gegee, en die daling in kwaliteit raak opvallend. Al hoe meer gruwelike taal- en spelfoute verskyn in gerekende publikasies – die bestaande kundigheid trek eenvoudig noustrop om oral gate toe te stop.

Skaars geletterdes ry met peperduur vuurwaens met hul beste kwalifikasie dat hulle kaders is wat ontplooi word, en waar hulle te veel vasbrand, herontplooi word.

‘n Land waar nepokrasie – hetsy in die vorm van kaderontplooiing, baantjies vir boeties of allerlei kwotas – sit met die blok aan die been. Ook die werkgewers is met bagasie opgesaal.

иг ры для детейАлександр Фильчаков

Hoewel waarskynlik nie verbandhoudend nie, het die SAKP pas sy steun aan ‘n voorgestelde mediatribunaal toegesê na dit aan die lig gekom het dat sy eie leier en minister van hoër onderwys, Blade Nzimande, ‘n peperduur hotelverblyf agter die blad het. Op die belastingbetalers se rekening.

Terwyl dit gons oor die aangekondigde groenskrif oor grondhervorming, wat gister aan die parlement voorgelê sou wees maar geherskeduler is, is daar ‘n storm aan die broei oor of die DG van landelike ontwikkeling en grondhervorming, Thozi Gwanya bedank het of nie. Volgens verskeie bronne het Gwanya bedank toe die OG ‘n spesiale verslag voltooi het. Nou word dié bedanking ontken, en die OG-verslag se inhoud is nie bekend gemaak nie.

Dié insident herinner sterk aan die Maroga-Eskom- en Gama-Transnet-sages.

Terselfdertyd is berig dat die minister van landbou, Tina Joemat-Pettersson, ‘n brief aan Onderstepoort Biologiese Produkte geskryf het om die skorsing van dié staatsinstelling se hoof, Andile Dyasi, tersyde te stel. Soos in die Maroga-geval, weier die raad skynbaar om kop te gee. Dyasi het geweier om vir sy dissiplinêre verhoor op byna ‘n dosyn ernstige aanklagte op te daag.

Joemat-Pettersson is trouens besig om ‘n redelike reputasie op te bou. Sy ontken wel enige verkeerde handeling in haar optrede, toe nog as Noord-Kaapse LUR, met die invoer van wild uit Zambië, maar ander optredes is moeiliker om onder die mat in te vee. Hieronder tel haar versuim om vir ‘n afspraak met TLU-SA op te daag en waarvoor groot kostes aangegaan is, ‘n artikel in Rapport waarin sy erg foutiewe syfers oor grondhervorming – wat nie haar portefeulje is nie – verskaf het, en oplaas haar gedagte oor 40 % bemagtigde aandeleskap in landbougrond.

Terwyl die sokkereuforie op sy hoogste was, het die vrye media – weliswaar nie almal nie – stories gedra oor hoe die ANC dié euforie gebruik het om gediskrediteerde kaders bloot in soortgelyke poste of selfs hoër te hersirkuleer.

Die werklikheid, so lyk dit, adem die gees wat deur Gwede Mantashe en genl. Nysnda in verskillende fases oor die Gama-fiasko geuiter is – dat Gama steeds hul steun het.

Tim du Plessis, redakteur van Beeld, het onlangs in ‘n rubriek na nog ‘n problematiese faset verwys – dat die hoë bome meen as hulle iets sê, dan is dit gedoen. Dit beteken in wese dat Zuma en sy eietydse Mandaryne voor die media en op sake-ontbyte die mooiste woorde kan uiter, maar dat weinig hiervan in die praktyk neerslag vind.

Trouens, die teenoorgestelde gebeur eintlik daagliks. En dan is daar nog kroonprins Malema ook.

So sal die regering kort voor lank agterkom dat die beeldkapitaal wat met die sokker opgebou is, verteer is. Die gans wat die goue eiers lê is geslag.

банная печь каминФильчаков прокурор отзывы

Teen 1933 was daar ‘n geraamde halfmiljoen Jode in Duitsland, waarvan ‘n derde in Berlyn gewoon, en het ongeveer een persent van die bevolking uitgemaak het. Teen 1941 het die Nazi-bewind formeel Joodse emigrasie verbied, maar teen daardie tyd was daar nog net sowat 163 000 in die land oor.

Met die Nazi-oorname het bykans 40 000 Jode die land verlaat, meestal na buurlande waar die Nazi’s baie gou toegeslaan het na die Tweede Wêreldoorlog uitgebreek het. Van die geraamde 163 000 Jode voor die oorlog in Duitsland het, volgens bronne, verreweg die meeste in uitwissingsaksie omgekom, en was daar na raming net sowat 25 000 oor.

Vandag is die sestigste bestaansjaar van die Duitse Joodse Sentrale Raad gevier. Die regerende Christen-Demokratiese Unie van kanselier Angela Merckel het die raad met sy herdenking geluk gewens, en sowel die raad en die Jode van die land vir hul bydrae tot die ontwikkeling van die land, asook demokrasie, geluk gewens.

Dié Joodse raad is ‘n korporasie wat in terme van die publieke reg bestaan, en hom op verskeie maniere vir die Joodse belange beywer. In 2003 is ‘n ooreenkoms tussen die Federale Regering, toe onder die leiding van Gerhard Schröder en die Raad gesluit. Dit is bykans as ‘n bilaterale ooreenkoms aangebied. Die funksies is hoofsaaklik religieus en kultureel, maar volgens die beskikbare inligting lyk dit of die erkenning en ondersteuning wat dié organisasie geniet, baie daartoe bydra dat Jode hulle weer tuis in Duitsland voel.

Onlangs het ‘n bekende in Volkstaatkunde op Praag se webwerf die Afrikaner se onvermoë om as vertrekpunt ‘n soortgelyke meganisme tot stand te bring, vergelyk met die manewales om ‘n trop hoenders te probeer aanjaag.

Kort voor die wêreldbeker-sokkertoernooi het verskeie opnames aangetoon dat baie Afrikaners meen hulle voel soos vreemdelinge in hul eie land. Dit is met die sokker-euforie blykbaar in ‘n mate teruggewerk, maar daar is geen rede om te vermoed dat dit nie sal herstel as die euforie grootliks in die post-euforiese depressie omgesit het nie.

Die vraag is enersyds wat die Afrikaners daarmee wil maak, en andersyds wat die regering daarmee wil maak. Veral die akademikus, prof. Amanda Gouws, het in die onlangse verlede in rubrieke die stand van volkskap naas nasieskap onder die loep geneem, moontlik met te veel waarde aan die ontwikkeling van liggame soos die Europese Unie.

Die proses op die ander punt van die skaal, die versterking en selfs herontdekking van volksidentiteit word skynbaar onderskat. Die Friese het hul oorspronklike taal gaan afstof, Brabants het onlangs sy eie Bybelvertaling gekry, ‘n rits Kataloniese dorpe het in ‘n referendum vir die totale onafhanklikheid van Katalonië gestem, daar is kort-kort gewapende skermutselings tussen die Turke en die Koerde …noem maar op.

Presies waar die middelpuntsoekende kragte die midelpuntvliedende kragte ontmoet, hang soveel af van die mate waaronder ‘n volk vreemdheid in sy eie land ervaar.

video gladiatorлобановский александр игоревич класс

Namate olie wat vlak onder die oppervlak lê skaarser word, en tegnologie verbeter, word dieper geboor, en ook al hoe dieper onder die oppervlak van die see.

Hoewel taamlik na-aan die kus van die VSA, is die see by hierdie boorgat meer as ‘n kilometer en ‘n half diep. Die gat van die see-oppervlak af is bykans drie keer dieper. Toe sake so diep skeefloop, is BP se fondse en menslike tegnologie tot die uiterste beproef. Op 15 Julie het BP die koste reeds op $3,5 miljard beraam. Al hoe meer berigte lui dat dié ramp BP se einde kan beteken.

Die slegte nuus is dat eers 48 uur na die massiewe blokkasie op die gat geplaas is en die uitvloei gestuit is, finaal bepaal sal kan word of die proses geslaag het. Daar is reeds met die boor van verligtingsgate begin, wat dit eventueel moontlik sal maak om die bestaande gat finaal te seël. Eers dan sal BP sy skade volledig kan bereken, en sal die kusgemeenskappe wat van die seelewe afhanklik hul skade kan bereken. Ekologiese skade is egter moeiliker om in geldwaarde te meet.

Terwyl die drama hom afgespeel het, het die wêreld egter ook deeglik kennis geneem oor die tragedie. Aan die een kant is kennis geneem dat die prys vir voortgesette fossielbrandstofbenutting op verskeie maniere peperduur kan raak. Lande soos Maleisië beskik ook oor groot oliereserwes, maar so diep onder die see-oppervlak dat die prys om ontginning lonend te maak meer as $100 per vat moet wees. Beter tegnologie kan wel die prentjie verander.

Die tweede, meer belangrike impak is egter dat daar wêreldwys ‘n verskerpte besef gekom het dat die groen en blou energiebronne nou dringend verhoogde aandag verg. Dit beteken ook dat die tegnologie om hierdie energie optimaal te kan benut behoorlike aandag verg. Baie word reeds gedoen, maar ‘n volledige omskakeling lê nog te ver in die verskiet.

Maar nou gaan die wêreld eers asem ophou om te kyk of die lekkasie blywend gestuit is.

сколько стоит гипсовая штукатуркаФильчаков прокуратура харьков