Dan Roodt, Author at praag.co.za

Nuwe supergeleier ontdek

Daar is groot vooruitgang gemaak in die materiaalwetenskappe die afgelope 20 jaar en onlangs is aangekondig dat ‘n nuwe supergeleier ontdek is wat teen 254 kelvin (-19C) supergelei. Dit is vir die eerste keer om in ‘n gewone vrieskas die materiaal koud genoeg te hou. Hierdie deurbraak is nie gepatenteer nie met die hoop dat dit sal lei tot deurbrake deur ander navorsingsgroepe. Hoewel die supergeleier teen ‘n baie hoë temperatuur werk, is dit nog nie prakties vervaardigbaar nie en baie breekbaar.
Supergeleiers is geleiers met geen weerstand nie. Dit word gebruik in baie sterk elektromagnete en vir die vervoer van elektrisitiet met geen verlies nie. ‘n Onlangse aankonding van so projek is in Texas waar hoë temperatuur supergeleiers gebruik gaan word om drie van Amerika se groot elektrisiteitsvoorsieningsnetwerke aan mekaar te koppel. ‘n Vyf-en-vyftig vierkante kilometer driehoek gaan gebou word en 50 Giga Watt sal tussen die verskillende netwerke versprei kan word.
Soos supergeleiers en ander materiale verbeter gaan ons al hoe meer wonderlike goed sien. As hulle ‘n kamertemperatuursupergeleier kan maak sal oulike speelgoed soos ‘n magneet wat sweef bo die super geleier (sonder enige eksterne elektrisiteitsinset) moontlik wees. Supersterk magnete en baie effektiewe kleinskaalse kragopwekking en vele meer gaan nog een van die dae met ons wees.

‘n Paar interessante skakels:
http://finance.yahoo.com/news/Superconductor-Electricity-bw-1358093940.html?x=0&.v=1
http://www.superconductors.org/254K.htm

Rooi Oktober

Onder kommuniste, wêreldwyd, is Oktobermaand van groot belang en waarde. Dit is gedurende Oktober dat die Bolsjevistiese rewolusie, wat reeds in Februarie 1917 begin is, ‘n hoogtepunt bereik het met die finale omverwerping van die Russiese regering in Petrograd, ook genoem St. Petersburg.

Die Februarie rewolusie het sy ontstaan gehad teen die agtergrond van ‘n verhongerde Russiese gepeupel. Daar was erge brandstoftekorte en die Russiese weermag is beskuldig van vrotsigheid en onbekwaamheid. Rusland was teen 1917 deel van die geallieerde magte, wat in die eerste wêreldoorlog saamgesnoer was teen Duitsland.

Die Romanofs, met tsaar Nicholas die tweede as patriarg, word onttroon en uitgemoor. ‘n Voorlopige regering word saamgestel onder prins Georgi Lwof. Hy word egter vinnig opgevolg deur Alexander Kerensky. Hierdie regering het baie min ondersteuning gehad omdat baie troepe, kommunikasiekanale en Rusland se vervoerstelsel, steeds in die hande was van ‘n klein groepie werkers en gepeupel in Petrograd. Hierdie groepie het bekend gestaan as die Petrograd Sowjet, of dan die St. Petersburg Raad. Hulle het ontstaan na die mislukte rewolusie van 1905. Hulle leier was Wladimir Lenin, met sy regterhand-man Leon Trotski.

Geheime vergaderings is amper elke nag van Oktobermaand deur die Bolsjewiste gehou. Vermommings soos pruike en vals baarde word deur al die leiers op hierdie vergaderings gedra. Die tussentydse regering vermoed niks nie. Op die nag van 25 en 26 Oktober word die parlementêre geboue en die Winterpaleis deur die Bolsjewistiese werkers oorgeneem. Slegs sowat 25 skote word geskiet waarvan net 2 die paleis tref. Die oorlogskip, die Aurora, wat in die Nevarivier op anker lê, skiet ‘n paar skote met loskruitpatrone.

Al die ministers van die tussentydse regering word gedweë gearresteer. Die volgende dag neem werkers beheer van alle fabrieke in alle groot stede. Banke word onmiddellik genasionaliseer en die Bolsjewiste met Lenin as leier verklaar hulself die regeerders van die nuwe Unie van Sosialistiese Sowjet Republieke. En die res is geskiedenis.

Ons weet teen die tyd dat kommunisme nie geslaagd was nie.

Die wêreld deur het ons gesien dat die stelsel nie werklik oor die welsyn van die mense gaan nie, maar wel oor die mag en selfverryking van die staat en sy leiers. Kapitalisme en die Vryemark het ook hul probleme, maar is baie meer deursigte stelsels, waarin die hardwerkende en skeppende landsburger wel ‘n sê het in sy eie welstand en welvaart. Selfs Rooi-Sjina het al so verander dat die land deur sommiges nie meer beskou word as waarlik kommunisties nie.

Oral verander dit, behalwe in Suid-Afrika. Dit het sluimerende kommunisme in Rusland slegs 12 jaar, vanaf 1905 tot 1917, geneem, om die bewind oor te neem en alles te nasionaliseer. Die uitgebreide Rooi Oktober-vierings wat deur die Suid-Afrikaanse Kommuniste Party gereël word, maak dit duidelik dat kommunisme as ideaal beslis nie dood is nie. Is die ANC nie dalk maar ook net ‘n tussentydse regering waarbinne die kommunis veilig lê en skuil voordat hy, sonder dat daar enige skote klap, die land probeer oorneem nie?

Bennett terug tronk toe

‘n Zimbabwiese hof het Woensdag die ministeriële kandidaat Roy Bennett terug tronk toe gestuur tot sy verhoor volgende week begin.

Bennett werk nou saam met adjunkminister Morgan Tsvangirai en is in hegtenis geneem vir ‘n beweerde komplot om president Robert Mugabe in 2006 te vermoor.

Landdros Lucy Mungwari het aangekondig dat die verhoor op 19 Oktober vanjaar sin die Hooggeregshof van Mutare sal begin.

“Die persoon wat aangekla is sal in die tronk bly tot die verhoor begin,” het sy gesê.

Bennett was Tsvangirai se nominasie vir die adjunkminister van landbou maar is kort voor Mugabe die land se nuwe regering op 13 Februarie vanjaar ingehuldig het, in hegtenis geneem.

Hy is ‘n maand later op borgtog vrygelaat.

pro100casino Фильчаков прокурор

Boer en sy vrou aangeval

‘n Boer en sy vrou is deur twee rowers op hul plaas naby Fouriesburg in die Vrystaat aangeval, het polisie gesê.

Sersant Mmako Mophiring het gesê die 81-jarige boer en sy vrou was besig om televisie te kyk toe twee gewapende mans die huis binnegestorm het.

“Hulle het vermoedelik by die agterdeur, wat nie gesluit was nie, ingekom.”

Mophiring sê die paartjie is aangerand en die rowers het aangedring op vuurwapens en juwele.

Hy sê die vrou is vermoedelik seksueel aangerand. Sy word by die Hoogland Medi-Clinic in Bethlehem behandel.

Mophiring sê die polisie is opsoek na die mans wat vermoedelik tussen 30 en 50 jaar oud is en in ‘n gesteelde wit Citroen, registrasie nommer SKK954GP, gevlug het.

Bravo, Jack Bloom!

Ek het nie veel erg aan Jack Bloom se party, die DA, nie, maar hy maak ‘n uitstekende en baie dapper punt in hierdie rubriek op Politicsweb. Bloom se punt is dapper omdat dit seker is dat die polities-korrektes hom gaan wil kruisig oor sy skrywe.

Bloom meen dat jou onverantwoordelike gedrag nie ‘n las vir ander behoort te wees nie. Daar is weliswaar siektes wat nie verhelp kan word nie, maar daar is beslis ander wat deur mense se eie toedoen oor hulself gebring word. As jy dus rook, suip soos ‘n vis, rondspyker en jou daagliks oorvreet, waarom moet die ander lede van jou gemeenskap jou help as jy dan gevolglik longkanker, ‘n versteende lewer, vigs of diabetes onderskeidelik kry?

Bloom maak die punt dat vigs, ‘n siekte wat uiters voorkombaar is, die belastingbetaler miljarde uit die sak jaag. Die Engelse gesegde lui: “You don’t catch aids, you have to go and get it.” In uitsonderlike gevalle word vigs op ‘n ander manier opgedoen, maar die opdoen van vigs is meestal eenvoudig te wyte aan promiskue seksuele gedrag en ‘n gebrek aan selfbeheersing. Waarom moet die belastingbetaler vir jou mediese sorg betaal as jy dit deur jou eie nalatigheid oor jouself gebring het? Dit is veral mans wat hulself hieraan skuldig maak.

Iets wat selfs meer onverantwoordelik is as die opdoen van vigs agv ‘n losbandige lewenswyse, is om veelvuldige kinders te verwek waarvoor jy nie kan sorg nie. Mens hoor alte dikwels van mans wat tot twintig kinders by ‘n aantal vrouens verwek. Dis kinders waarvoor hy dikwels nie kan sorg nie en wat gevolglik ook self meestal ‘n las op die samelewing word. Weer eens: dis mans wat die groot sondebokke hier is en die vrouens met die gebakte pere laat. Daardie twintig kinders wat die onverantwoordelike mans verwek, moet gesondheidsorg, infrastruktuur en skoolopvoeding kry. Dit is bykans altyd egter beswaarlik die man wat nie sy penis in sy broek kon hou nie wat moet opdok, maar eerder die verantwoordelike belastingbetaler wat reeds swaartrek aan onder andere Eksdom se buitensporige verhogings.

Die Chinese het die regte idee gehad met hul een-kind-per-gesin-beleid. As jy dan wel verwag dat die samelewing jou moet onderhou, verwag ek as die belastingbetaler van jou om verantwoordelik op te tree en een of twee kinders te verwek by slegs een vrou. As jy dan nie verantwoordelik kan optree nie, as jou selfbeheersingsfilter buite werking is en jy wil steeds ‘n toelaag ontvang, sou dit na my mening ‘n gawe idee wees om die ontvangs van ‘n maatskaplike toelaag onderhewig te maak aan die verkryging van ‘n vasektomie of vroulike sterilisasie deur die ouers in die gesin wat die toelaag benodig.

Semenya ‘hoef nie oor eksamens te bekommer’ – UP

Die atletiekwêreldkampioen Caster Semenya is so deur die geslagstoetsskandaal getraumatiseer dat sy die Universiteit van Pretoria in kennis gestel het dat sy nie eksamen sal kan skryf nie, het Beeld Donderdag berig.

Haar afrigter, Michael Seme, het aan die dagblad gesê dat hy dink die trauma van die vrae rondom haar geslag tref haar nou eers.

“Haar kop is baie moeg,” het Seme gesê.

“Gelukkig het die universiteit ‘n goeie begrip van haar situasie en het dit aan haar duidelik gemaak dat eksamens die laaste ding is waaroor sy haar tans hoef te bekommer.

“Dis vir ons baie belangrik dat Caster die trauma op haar eie manier hanteer, maar ons is almal daar vir haar as sy ons nodig het.

“Sy sal eksamen skryf as sy daarvoor gereed is.”

Semenya studeer tans Sportwetenskap aan die universiteit.

Sy het die 800m gedurende die Wêreldatletiekkampioenskap in Berlyn in Augustus gewen. Maar die skielike verbetering in haar tyd, haar manlike bou en diep stem het twyfel oor haar geslag gesaai.

Die Internasionale Assosiasie van Atletiekfederasies (IAAF) het geslagstoetse op die 18-jarige Semenya uitgevoer, maar het geweier om kommentaar te lewer op berigte dat sulke toetse aangetoon het dat sy ‘n hermafrodiet is.

Verskeie organisasies het geëis dat Leonard Chuene – die hoof van Atletiek Suid-Afrika – moet bedank as gevolg van die wyse waarop hy die episode gehanteer het.

медсправки

Standerton gaan ‘onregeerbaar raak’

Die Lekwa-munisipaliteit op Standerton het vandag gereageer op die inwoners se dreigement om Standerton “onregeerbaar te maak” deur vir ‘n “kommunikasieplatform” te vra.

“Daar behoort ‘n kommunikasieplatform te wees, ongeag of hulle tevrede mer die munisipaliteit is of nie,” het ‘n munisipale woordvoerder, Sipho Mkhwanazi, gesê.

Vroeër vandag het die provinsiale regering ‘n verslag uitgereik in reaksie op eise van die betogende lokasie-inwoners.

Die verslag is egter deur swart gemeenskapsleiers verwerp.

“As hulle nie met die verslag tevrede is nie, moet hulle aandui waarmee hulle nie tevrede is nie… die LUR sal dit sekerlik kommunikeer,” het hy gesê.

Lekwa in die Mpumalanga-provinsie sluit die dorp Standerton en die lokasie Sakhile in wat oor die afgelope twee weke deur geweld en betogings oor dienslewering geskud is.

Ná afloop van ‘n vergadering met die munisipale bestuurder, het die gemeenskapsleier Phanuel Manana gesê inwoners gaan sitstakings by munisipale kantore hou totdat die bestuur aan hulle verduidelik wat hulle met belastingbetalers se geld doen.

Inwoners het die munisipale amptenare van korrupsie beskuldig, asook dat hulle nie vir hul poste gekwalifiseer is nie en R30 miljoen verloor het wat bestem was om dienste te verbeter.

Manana het gesê hy veroordeel vandalisme maar verstaan dat inwoners nie langer in staat is om hul woede te beteuel nie.

bridal forehead headbands

Hollywood, media, pedofiele…

{jathumbnail off}

online slots no deposit bonus

Nuwe Afrikaanse webportaal

Leoni Benghiat, het ’n unieke webportaal, SA Vryskutskrywer, bekendgestel waarby gevestigde én aspirantskrywers, asook enigiemand wat van skrywersdienste gebruik wil maak, sal baat vind.

Met 25 jaar joernalistieke ondervinding in die koerant- en tydskrifbedryf – waarvan 16 jaar as vryskutskrywer – het Leoni besef dat daar ’n leemte in die mark bestaan wat ondersteuningsdienste vir spesifiek Afrikaanse vryskutskrywers betref. “Daar is genoeg Engelse ondersteuningsgroepe, netwerke en hulpbronne vir vryskutskrywers, maar min of geen in Afrikaans nie,” sê sy. “Dit is dus hoog tyd dat Afrikaanse vryskutskrywers ‘n eie netwerk skep.”

SA Vryskutskrywer het geen grense nie en slegs een vereiste – jy móét in Afrikaanse skryfwerk belangstel. Kortliks is dit ‘n eenstop Afrikaanse skryfportaal waar enigeen wat in Afrikaans wil of kan skryf, kan gaan aanklop.

Daar word met 20 kursusse en verskeie hulpmiddels afgeskop, maar die uiteindelike doelwit is minstens 100 kursusse van hoë gehalte deur vooraanstaande skrywers wat alle genres in Afrikaans dek. SA Vryskutskrywer roem hulle daarop dat as hulle nie op aanvraag ‘n spesifieke kursus kan voorsien nie, daar heel moontlik nêrens een bestaan nie.

Met minstens 6 miljoen Suid-Afrikaners wat toegang tot die internet het, fokus SA Vryskutskrywer uitsluitlik op aanlynkursusse. Hoewel die kursuskonsep nie nuut is nie, glo Leoni dat hulle dit vervolmaak. SA Vryskutskrywer se opleiers verskaf persoonlike opleiding aan elke student, wat tot gevolg het dat geen kursusganger ooit deel van ’n groep uitmaak nie. “Dit beteken byvoorbeeld dat ’n student wat vir ‘n geestelike- of liefdesromankursus inskryf stap-vir-stap en op ’n een-tot-een basis deur een van die land se suksesvolste skrywers, Helene de Kock, onderrig sal word.”

Elkeen van SA Vryskutskrywer se kursusopleiers is kenners op hul onderskeie gebiede en sluit ook Ilse Salzwedel, Carla van der Spuy, Ilse Ferreira, Johann Verster, Marguerite Robinson, Faan Herholdt en Martie Coetser in, met talle ander wat in die vleuels wag om hul buiging te maak.

Die kursusse is ook nie net op volwassenes gemik nie. Laer- en hoërskoolleerlinge word deur deskundiges gehelp om hul skryftalent vroeg reeds te ontgin en ontwikkel. “Ons bied selfs ‘n blitskursus in eksamenskryftegnieke aan.”

Vir studente en volwassenes is daar basiese, gevorderde en gespesialiseerde kursusse in alle joernalistieke-, nie-fiksie- en fiksiegenres, asook opknappings- en omvattende skryfkursusse. Spesiale kursusse in gemeenskaps- en allemansjoernalistiek (“citizen journalism”) is vir dowe skrywers ontwikkel sodat hulle volkome deel kan word van dié vinnig-groeiende medianeiging.

Bedryfsnuus wat slegs op die Afrikaanse vryskutmark van toepassing is, is ook beskikbaar asook korporatiewe skryfkursusse en professionele dienste deur spesialisskrywers verskaf.

“SA Vryskutskrywer het ontstaan as ‘n idee om ‘n leemte in die mark te vul. Die werklikheid is egter dat ons reeds ‘n hegte skrywersgemeenskap geword het wat mekaar bystaan, want skryf – en veral vryskutskryf – kan ‘n eensame werk wees,” sê Leoni. “Diegene wat by ons aansluit kan dus verseker wees dat hulle ‘n tuiste by SA Vryskutskrywer sal vind.”

Wortelslaai

{jathumbnail off}

Maak ‘n heerlike wortelslaai met die groot, goedkoper wortels wat boonop ewe elegant as die babaworteltjies in sy slaaigedaante lyk.

Skil 4 lekker vars wortels vir 4 mense en skaaf dan met dieselfde groenteskiller lang repe wortel en rangskik in ‘n mooi bak.

Maak ‘n slaaisous van ‘n halwe koppie vars lemoensap, twee eetlepels appelasyn, een teelepel gerookte paprika en ‘n halwe teelepel komynsaad, fyngemaal. Giet oor die slaai en roep die tafelgenote nader.

‘n Sterkerige kaas by ‘n vars broodjie gaan goed met die wortelslaai af.

купить трансформер