Dan Roodt, Author at praag.co.za

Zambië se ekonomie kry hupstoot met SA-beleggings

Suid-Afrikaanse sakeondernemings beplan om ten minste R4-miljard in Zambië, hoofsaaklik in die mynbou en landbou oor die volgende twee jaar, te belê, het ‘n minister gister gesê.

Zambië se minister van handel en nywerheid, Felix Mutati, het dit aan ‘n afvaardiging van entrepreneurs uit beide lande, te midde van pres. Jacob Zuma se besoek aan Zambië, bekendgemaak.

Zuma is in die koperrykeland met ‘n afvaardiging van ministers en 60 sakemanne en sal sy besoek Donderdag afsluit.

“Ons sal beleggings uit Suid-Afrika, wat 600-miljoen dollar oorskry en wat binne twee jaar sal inkom, sien,” het Mutati gesê.

Mutati sê dat die beleggings in nywerhede, die mynwese insluit asook in landbou, vervaardiging en ander sektore.

Volgens die departement van handel en nywerheid het Suid-Afrikaanse uitvoere na Zambië gestyg van sewemiljoen rand in 2006 tot omtrent R16,3-miljoen in 2008.

Фильчаков прокурор

DA neem beheer oor Stellenbosch

Die DA en sy alliansievennote het beheer van Stellenbosch uit die greep van die ANC geworstel.

Hulle het die burgemeesters- en onderburgemeestersposisies tydens ‘n munisipale vergadering beklink, wat vir hulle die beheer van die munisipaliteit gee.

Die DA se Cyril Jooste is as burgemeester verkies en hy vervang Patrick Swartz wat deur ‘n mosie van wantroue verwyder is, tesame met die speaker, Gordon Pheiffer. Die onderburgemeester, Cameroon Mcako, het bedank.

social media лобановский харьков

Motsepe nie teen nasionalisering

Die sakeman, Patrice Motsepe, sal nasionalisering van die land se myne ondersteun indien dit in die land se beste belang is, het SAUK-radio gister gerapporteer.

“My opvatting was nog altyd dat as nasionalisering in die beste belang van Suid-Afrika is, ek dit sal ondersteun, of dit nou nasionalisering is, en of dit nou sosialisme is… indien dit die beleid is wat verbetering, opheffing en ‘n beter lewe sal skep, beter lewensomstandighede…” het die miljardêr en uitvoerende hoof van African Rainbow Minerals gesê tydens die oorhandiging van ‘n landelike opheffingskema in Limpopo.

Die ANC-Jeugliga se leier, Julius Malema, het onlangs ‘n oproep gedoen vir myne om in die hande van die staat geplaas te word, wat hom die argwaan van die opposisiepartye en georganiseerde sakewêreld op die hals gehaal het.

free slot games

VN sê Afrika-rebelle gebruik dwelmhandel om operasies te finansier

‘n Hooggeplaaste VN-amptenaar het gister alarm gemaak oor “terroriste en anti-regeringsmagte” in Afrika se Sahel-gordel wat toenemend inkomste uit dwelmsmokkelary gebruik om hulle operasies te finansier.

Antonio Maria Costa, hoof van die Verenigde Nasies se kantoor vir Dwelms en Misdaad (VNDM) wat in Wene gebaseer is, het aan die VN se Veiligheidsraad gesê daar is “twee strome van onwettige dwelms – heroïne in Oos-Afrika en kokaïne in Wes-Afrika – wat nou bymekaarkom in die Sahara, wat nuwe smokkelroetes oor Tsjaad, Niger en Mali skep.”

“Soos in die Andes en in Wes-Asië, put Sahel-terroriste en anti-regeringsmagte hulpbronne uit die dwelmhandel om hulle operasies te finansier, toerusting te koop en voetsoldate te betaal,” het hy tydens ‘n debat oor dwelmsmokkelary as ‘n bedreiging vir internasionale vrede en sekuriteit gesê.

Die VNDM-hoof het gewaarsku dat dwelmsmokkelary in die Sahel-streek, wat regoor die noordelike deel van die Afrika-vasteland strek, “nou groter in omvang is, vinniger met aflewerings en hoogs tegnologies” is, soos gestaaf deur die neerstorting van ‘n Boeing-straler, wat gebruik is vir die vervoer van kokaïne van Venezuela na Wes-Afrika, in November in die insypelaargeteisterde noorde van Mali.

“Dit is skrikwekkend dat hierdie nuwe voorbeeld van skakeling tussen dwelms, misdaad en terrorisme bloot per ongeluk ontdek is,” het hy opgemerk.

In die afgelope jare het Wes-Afrika ‘n belangrike deurgangspunt geword vir Suid-Amerikaanse kokaïne wat na Europese markte gesmokkel word.

In September het weermagverteenwoordigers van Algerië, Mali, Mauritanië en Niger – vier lande wat aan die Saharawoestyn grens – ‘n plan uitgewerk om gesamentlik teen terrorisme en oorgrensmisdaad op te tree.

Algerië deel ‘n grens met die drie ander lande en hulle veiligheidsmagte is onder druk weens aanvalle van Islamitiese militantes wat beweer hulle behoort an El-Keida in die Islamitiese Maghreb.

Die Sahel-streek is ook die toneel van smokkelary en roofhandel van alle soorte wat deur die misdaadgroepe geörganiseer word.

Maria Costa het beklemtoon dat geen staat hierdie transnasionale bedreiging op sy eie kan hanteer nie en het gepleit vir die skepping van ‘n “Trans-Sahara Misdaadmoniteringsnetwerk” wat as ‘n vroeë-waarskuwingskema kan optree om sake wat versigtige ondersoek regverdig, te help hersien.

Hy het voorts ‘n donker prentjie geskets van die dwelmbedreiging wat ander dele van Afrika in die gesig staar, insluitende roofhandel, produksie en verbruik.

Hy het opgemerk dat 50 tot 60 ton kokaïne elke jaar oor Wes-Afrika gesmokkel word, hoofsaaklik deur Guinee-Bissau, terwyl sewe laboratoriums onlangs in Guinee ontdek is, wat aandui dat die reeks ook besig is om te verrys as ‘n vervaardiger van sintetiese dwelms en kristalkokaïne.

pokie machine games топкарго

Los die Zoeloes uit!

Hierdie diereliefhebbers werk nou erg op my senuwees! Hulle kou seker heerlik aan ‘n stuk biltong terwyl hulle uitvaar teen die arme swartes se kultuur.

Wat verwag die mense? Dat almal dieselfde kultuur moet deel?

Ek het Sondagaand die swart besprekingsprogram op SAUK1 gekyk en my so vervies vir die wit Rooinek wat dink almal moet sy kultuur aanhang.

Het die Zoeloes nie die reg om wat hulle as belangrik beskou uit te leef nie? Niemand vra die Engelse om Zoeloes te word nie, maar die irriterende wit vent hou aan karring om die swartes se duisendjaaroue gebruike te verkleineer omdat hulle swart is.

Swart mense sukkel met Westerse waardes en gebruike. Dis die hoofrede vir die gemors in hierdie land. En nou moet hulle nog verder gedwing word om te verwesters!

So asof die leliewit Spanjaarde nie uitermatig wreed is om presies dieselfde aan ‘n bul te doen nie. Hulle ry ook lustig in blink BMW’s in die nuutste modes uitgedos om die wreedste matador te gaan toejuig. Bloedlus is nie ‘n eksklusiewe swart ding nie.

Dit is plein dom, agterlike rassisme om so teen die Zoeloes te kere te gaan. Los die swart mense tog in hemelsnaam uit!

прокурор Фильчаков

VF+ evalueer ANC

Die Vryheidsfront Plus sal more, Woensdag 9 Desember 2009, om 11:00 ‘n mediakonferensie hou waartydens die party sy jaarlikse evaluering van die ANC-regering bekend sal maak. Dr. Pieter Mulder, VF Plus-leier en adjunk-minister van Landbou, Bosbou en Visserye, sal die party se evaluering aan die media bekend maak by die party se hoofkantoor in Pretoria. Hy sal daarna meer besonderhede gee oor die rede vir die toekenning van spesifieke punte vir die ANC-regering se bestuur van die land.

free slotscasino games

Aardbewings skud Malawi

‘n Polisiebeampte in Malawi sê ‘n eenjarige kind is dood toe ‘n reeks aardbewings dié land die afgelope drie dae getref het.

Die mees onlangse aardbewing het Dinsdag die land getref.

Enock Levason, ‘n polisiewoordevoerder in die Karongo-nedersetting, sê die kleuter is Dinsdag dood toe ‘n kombuis inmekaar geval het. Ses ander mense is na ‘n hospitaal geneem.

Levason sê daar kan meer sterftes wees en dat meeste van die modderhuise wat rondom die episentrum van die aardbewing gebou was, verkrummel het.

Volgens geoloë is aardbewings en skuddings ‘n risiko in dele van Malawi wat op die Groot Skeurvallei lê.

Geoloë sê Dinsdag se aardbewing het 5.9 op die Richterskaal gemeet en was die grootste aardbewing van dié reeks wat die afgelope drie dae die land geruk het.

Vyf bomme ruk Bagdad

‘n Digte swart rookkolom hang oor Bagdad nadat ten minste 100 mense die lewe gelaat het in ‘n gekoördineerde reeks van vyf motorbomontploffings wat die stad Dinsdag geruk het. Volgens hospitaalpersoneel en polisiebeamptes is honderde beseer.

‘n Reeks van vyf bomontploffings waarvan een ‘n selfmoordbomaanslag was, het die universiteit, ‘n hof, moskee en ‘n mark by die ministerie van binnelandse sake geruk kort na 10 uur die oggend en het 50 minute geduur.

Die jongste terreur vloei waarskynlik voort uit die aankondiging van parlementêre verkiesings wat vir Maart besluit is. Irak se leiers het Sondag ‘n konstitusionele krisis afgeweer danksy druk deur president Obama en sy vise-president Joseph R. Biden.

Amerikaanse helikopters, onbemande tuie en vliegtuie het oor die stad gesirkel ná die aanval en sporadiese geweervuur is gehoor.

Drie polisielede is in Dora, in die suide van Bagdad, gedood deur ‘n motorbom asook studente van ‘n tegniese skool.

Dit is die ergste aanval sedert twee selfmoordbomaanvalle 155 mense in Oktober in Irak laat sterf het. In Augustus is 122 mense dood in soortgelyke aanvalle.

Na verwagting sal die intensiteit van anti-Amerikaanse aanvalle toeneem in aanloop tot die verkiesing.

betting system

Zimbabwiërs in Polokwane aangeval

Ses mans het ernstige beserings opgedoen en moes in die hospitaal opgeneem word nadat hulle deur inwoners van Westenburg in Polokwane aangeval is, het die polisie in Limpopo gesê.

Inwoners het Maandagaand die strate ingevaar opsoek na “verkragters en moordenaars” nadat ‘n moord Saterdagaand plaasgevind het, het insp. Llisi Ngoepe, ‘n polisiewoordvoerder, Dinsdag, gesê.

“Die mans, wat vermoedelik verantwoordelik was vir die moord op ‘n man van in die dertig, is gevang en aangeval. Hulle is in ‘n poel bloed in die straat gevind. ‘n Ander man is gevind waar hy in bosse gelê het.”

Ngoepe het gesê daar is tans ‘n groot polisieteenwoordigheid in die gebied.

“Ons is opsoek na die mense wat by die aanvalle betrokke was. Niemand is nog in hegtenis geneem nie,” het Ngoepe gesê.

Chris Botha, woordvoerder vir Netcare 911, het gesê sommige van die ses mans wat aangeval is, het aan paramedici gesê hulle is van Zimbabwe.

Hulle is met stomp voorwerpe geslaan.

Ngoepe het gesê die polisie beskou dit as ‘n geval van bende-geregtigheid.

“Ons weet nie eens of die beseerdes Suid-Afrikaners is nie, want hulle was bewusteloos. Ons kan nie spekuleer dat dit ‘n xenofobiese aanval was nie.”

Фильчаков Харьков

Brand eis 117 slagoffers in Rusland

Rusland het Maandag ‘n nasionale dag van rou verklaar en vlae by alle openbare geboue is halfmas gehang.

Die dodetal van ‘n verwoestende brand wat deur ‘n vuurwerkvertoning veroorsaak is het 117 lewens geëis.

Die aantal dooies is aanvanklik op 113 beraam en sowat 100 beseer het ‘n beampte gesê, maar intussen het nog vier mense in die hospitaal beswyk.

Sowat 130 mense is in dié brand, wat ontstaan het toe ‘n vuurwerkvertoning die Lame Horse-nagklub uitgebreek het, beseer.

Dit word beskou as een van dié land se ergste tragedies.

Blomme is oral in die land ter nagedagtenis van die slagoffers geplaas.

Wladimir Poetin, die Russiese premier, het laat Maandagaand die toneel van die brand besoek en aangekondig dat konsertsale en klubs se veiligheidsmaatreëls voortaan aan strenger beheer onderwerp sal word.

палатка купить киев депутат лобановский