Dan Roodt, Author at praag.co.za

Dit is hoe dit moet wees!

Dink ’n mens aan Mercedes-Benz, dan sien jy groot lomp karre vir oumense, maar die teendeel is egter in 2010 van die moderne Mercedesse waar.

Daar is werklik ’n rasegte Mercedes vir elke segment of smaak beskikbaar. Die ongelooflike is dat elke Mercedes wat by ’n handelaar se deure uit ry werklik soliede kwaliteitmotors is net soos dit ’n ware Mercedes betaam. Van die heel goedkoopste A180 tot by die duurste SL65 AMG Black Series is die bougehalte dieselfde. Baie keer kom ‘n mens teë dat die goedkoper modelle van ’n sekere vervaardiger se boukwaliteit of toerusting veel te wense oorlaat. Ons het die A180 CVT onder hande gehad. Die motor is nou wel die kleinste Mercedes beskikbaar, maar die standaardtoerusting sowel as die gevoel wat die motor bied, is werklik besonders. Baie ander vervaardigers maak motors wat heel kompeterend is en goeie gehalte en ekonomie bied, maar min het nog reggekry waarmee Mercedes met die A-klas geslaag het.

Bakwerk

Die motor is baie slim ontwerp met meer as genoeg spasie waar dit nodig is en met minimum oorhange voor en agter is daar ook nie onnodige bakwerk nie. Die motor is kort; om die waarheid te sê hy is 3,8 meter van stamper tot stamper, ’n hele 2 meter breed van spieël tot spieël en 1,6 meter hoog. Die wiele is reg op die hoeke gemonteer en die daklyn bereik sy hoogste punt waar die voorste windskerm en die dak bymekaarkom. Ons kan nie anders as om hierdie ontwerp as briljant te beskryf nie. Die gevolg is baie spasie binne-in die motor, die voorste sitposisie is hoog, maar nie ongemaklik nie, die agterste passasiers het werklik meer as genoeg been-, skouer- en kopruimte. Vergelyk die spasie in die A-klas met ander motors in sy segment soos die VW Golf 6 wat tans Suid-Afrika se motor van die jaar is en jou mond sal oopval. Dit is nie asof die Golf ongemaklik of klein is nie, maar die Benz doen dit net soveel beter. Die Golf is 4,2 meter lank; tog is die binneruim nie naastenby so ruim soos dié van die A-klas nie. Rondomsig vanuit die bestuurdersitplek is ook puik. Die groot glasoppervlaktes rondom die A-klas maak parkering en veral truparkering baie maklik.

Binneruim en toerusting

In egte Mercedes-styl is daar hope standaardtoerusting en ons toetsmotor was in die “Elegance”-pakket uitgedos. Daar is drie afwerkingspakkette beskikbaar op elke modelreeks in die Mercedes-Benz-stal. “Classic” is die gewone afwerking met niks wat blink of fyn is nie, “Avantgarde” is die sportiewe afwerking met meer sportiewe sierwiele, alluminium en koolstofafwerking en dan die “Elegance” wat ’n meer luukse tydlose afwerking met hout en chroom insluit. Die Elegance sluit ook 16-duim fynspeeksierwiele in wat die motor net nog meer spesiaal laat voorkom. Die binneruim van ons toetsmotor was uitgevat in ’n ligte roomkleur wat die motor nog groter laat voel as wat hy werklik is. Baie goeie gehalte matte en die plastiekinsetsels op die voorste paneel asook die greep op die stuurwiel is alles net soveel anders as in enige ander motor wat ons al bestuur het. Ek het werklik dieselfde gevoel wat jy in ’n E-klas of selfs ’n S-klas ervaar in hierdie motor aangetref en dit vir minder as R300 000 of anders gestel dieselfde as wat jy vir ’n Golf 6 met dieselfde spesifikasie sal betaal. Die been- en kopruimte vir al die insittendes is uitstekend, deure maak wyd oop en die vloer is relatief laag. Die A-klas is ’n vyfdeurluikrug, met ander woorde die groot agterste deur maak ook hoog en groot oop sodat groter begasie maklik gelaai kan word. Die drumpel vanaf die pad na die begasievloer is nie te hoog soos in sommige ander luikrûe nie. Met die agterste sitplekke wat nog kan platvou ook, het die A-klas hope laairuim vir groot stukke begasie. Die daklyn is hoog, amper in die klas van veel groter motors soos die Renault Scenic of VW Touran. Sitplekke in ons toetsmotor het meer as genoeg systeun en rug steungebied en dit was ten volle verstelbaar vir reik en hoogte. Al die instrumente is net reg geplaas, alles voel net reg, nie te ver en nie nie te naby nie, nie onder iets weggesteek of agter iets anders gemonteer nie. Met skoon instrumente wat duidelik leesbaar is en met satellietkontroles vir die telefoon en radio op die stuurwiel lyk en voel die baba Benz baie spesiaal.

Padgedrag

Kyk ’n mens na die motor se hoogte en lengte dan lyk hy met die eerste oogopslag effens ongemaklik regop, maar die gewigsverspreiding en die gewigsverplasing van die motor is so te sê perfek. Hy voel en bestuur soos’n groot motor. Min padgeraas , min windgeraas en ’n goeie terugvoer deur die onderstel bied eintlik baie meer as wat ’n mens in ’n motor onder R300 000 verwag. Die stuurwiel se terugvoer is regtig besonders en die motor doen wat jy wil hê hy moet doen. Rondomsigbaarheid is uitstekend en omdat die motor se wiele ver op die hoeke gemonteer is, draai hy regtig kort. In regte Mercedes-tradisie is al die veiligheidskenmerke in die motor ingebou: daar is ABS-remme, EBD-remverspreiding, ASR-glybeheer, lugsakke vir alles en almal. Die verrigting van ons toetsmotor was nou nie dié van ’n Golf Gti nie, maar vir ’n klein motortjie met ’n 1,6-literenjin is dit glad nie sleg nie. Ons kon ’n maksimumsnelheid van 190 km/uur haal en die 100 km/uur-merk het in 11,5 sekondes gekom. Ons toetsmotor is ook toegerus met die 5-spoed outomatiese ratkas wat dinge so effens stadiger doen as die handratmodel. Brandstofverbruik was bietjie teleurstellend vir dié tipe voertuig: ons kon slegs 10,8 l/km behaal en dit was heeltemal te onekonomies na ons mening vir ’n 1,6-liter stadsmotortjie. Weereens, die outomatiese ratkas het die syfer erg beïnvloed, maar aan die ander kant outomaties of nie, hy behoort baie meer ekonomies te wees.

Gevolgtrekking

Sal ons die Mercedes-Benz A180 outomaties met ons eie geld koop? Kyk bietjie rond en vergelyk wat anders kan jy koop wat vir jou dieselfde praktiese benutting kan gee, die VW Golf 6 1,4 TSi Highline? Ja, hy kos min of meer dieselfde, maar is nie outomaties nie en hy is die “Motor van die Jaar”, maar hy is kleiner binne en duurder. Jy voel ook nie heeltemal so spesiaal in ’n VW soos in ’n Mercedes nie. Die Audi A3 1,4 Tsi ( R257 000) is nader aan die kol, maar selfs met sy uitstekende boukwaliteit voel nie soos ’n Mercedes nie en hy is nie outomaties nie. Die A-klas het genoeg teenwoordigheid om in enige geselskap tuis te wees; óf jy nou by die golfbaan, skool, kerk óf by die Westcliff is, hy voel en lyk net reg. Teen R239 000 plus R15000 vir die CVT outomatiese ratkas en R10 700 vir die Elegance-pakket kom die A180 CVT Elegance in op R264 000 en die prys sluit Mercedes se MobilioDrive 120-onderhoudsplan ook in. Die Mercedes A180 is werklik soos dit behoort te wees: kompak, maar ruim, met uitstekende boukwaliteit en die gevoel van ’n groot motor. Die driepuntster op die neus en meer as genoeg aandklere om in enige geseldkap in te pas, maak ‘n wenner daarvan.

хамам в квартире topcargo отзыв

Lojaliteit en ‘n bisarre Suid-Afrika

Opposisiepartye is oor die algemeen nie konstruktief nie, en by implikasie nie lojaal nie. Dit is ‘n veralgemening dat Suid-Afrikaners nie positief oor die land is nie.

Dit is min of meer die kernagtige samevatting van pres. Jacob Zuma oor wat in die land aan die gebeur is – ‘n president met toenemende kenmerke van iemand wat homself in ‘n ivoortoring toesluit.

Terwyl dit blykbaar ‘n baie ernstige oortreding is om Zuma met oud-pres. Thabo Mbeki te vergelyk, word die ooreenkomste hieroor duideliker. Mbeki sal lank onthou word vir sy oogklap-optrede toe hy gemeen het peilings oor werkloosheid en armoede is oordrewe, want hy sien dit dan nie.

Zuma is ontevrede omdat die ANC nie soveel krediet kry vir prestasies as waarop die ANC aanspraak maak nie.

Die soort aansprake wat die ANC graag maak is die hoeveelheid gedienste persele wat beskikbaar gestel is, die hoeveelheid HOP-huise wat gebou is, en die hoeveelheid mense wat nou welsynstoelaes ontvang.

‘n Mens hoef nie die hulp van ‘n “negatiewe” opposisieparty te hê om te verstaan dat die instroming van miljoene onwettige immigrante – danksy onbeskermde grense en korrupte amptenare – die beskikbare werksgeleenthede dreineer, die dienste uitput en sommer op die koop toe Suid-Afrikaners op ‘n ongekende skaal aan dwelm- en prostitusiesindikate blootstel nie. Derduisende goed-opgeleide Suid-Afrikaners werk oorsee.

Pas het dit bekend geword dat die Vrystaat se haglike paaie eers na die komende sokkertoernooi aandag gaan kry. Intussen het die agterstand in finansies vir padinstandhouding tot ongeveer R75 miljard aangegroei. Klinieke sit gereeld sonder medikasie en hul erwe groei toe onder onkruid.

‘n Minister gaan verkla Skoor by die Speaker, haar broer, oor die parlement wat so ongeskik met haar is om hul grondwetlike oorsigplig oor haar te wil uitoefen.

Die land se komende waterkrisis blyk groter te wees as die kragkrisis, maar die minister sien geen krisis nie. Munisipaliteite is aldus die Ouditeur-generaal byna voor die voet in tamatiestraat, en heelwat hiervan in die rioolstraat.

Die terugtrek van die mees ernstige klagtes teen Julius Malema sal nog lank as ‘n klad teen die ANC staan.

Hierdie is maar enkele aspekte.

Teen hierdie agtergrond is dit pikant om opposisiepartye van dislojaliteit te beskuldig asof hulle onpatrioties is. Het dié toestande argumentsonthalwe in Nederland ontstaan, sou ‘n regerende party se ore veel meer getuit het, en bowendien sou so ‘n party se tassies al lankal gepak gewees het. ‘n Party met genoeg patriotisme, wat byvoorbeeld erns sou maak met die uitroei van korrupsie en onbevoegdheid, sou aan bewind gestel word.

Volgens Zuma jaag opposisiepartye net koerantopskrifte na.

Vandag is een van die treffendste opskrifte, sonder dat dit aan ‘n opposisieparty toegeskryf kan word Tim du Plessis se Brandpunt in Volksblad: “Onthul: ANC se nuwe DNS. Korrupsie en verryking die gom wat hulle deesdae bind.”

Mnr. Roy Jankielsohn, Vrystaatse leier van die DA, wel buite konteks aangehaal, verklaar in vandag se Volksblad: “Ek dink in ons demokrasie het partye nog nie die nodige politieke volwassenheid bereik nie en kiesers stem nog met hul emosies.” Die standpunt word lankal deur beginselgedrewe partye gehuldig.

Dié standpunt word blykbaar gedeel deur pres. Zuma gedeel in sy oproepe op swart kiesers dat hulle moreel verplig is om vir die ANC te stem.

Peilings en feite soos die emigrasie toon dat Suid-Afrikaners, en nie net die minderheid Afrikaners nie, oor die algemeen nie baie positief oor die land is nie. Die fout hiervoor lê nie voor die minder positiewe mense nie. Dit is gewoonlik juis mense wat trots op hul land is en skaam kry vir die misdaadkoers, die agteruitgang van die padnetwerk, HOP-huise wat gesloop moet word, riool wat in die strate afloop en ‘n onderwysstelsel wat nou as van ‘n laer standaard as dié van verskeie Sub-Sahara-Afrikalande insluitende dié van Zimbabwe beskou word.

Dit is mense wat graag deur arbeid en hul hardverworwe kwalifikasies vir hul gesinne wil sorg, maar wat weens hul velkleur nie geleentheid kry nie.

Dit is nie hulle wat nie hul dag in die hof gekry het nie, en dit is nie hulle wat ritse vroue aanskaf en dan nog boonop buite die huwelik gaan kinders verwek nie.

Dit is ook nie hulle wat vra dat die land se morele kodes opnuut bespreek en geformuleer word sodat ander waardes ook staanplek kan kry nie.

‘n Ware demokrasie is robuus en Zuma moet verlief neem dat ‘n ivoortoring die ideale teiken vir kleilatgooi is.

name slot machine selector

Miljoene pendelaars van Maandag gestrand

Metrorail se voorstedelike pendeldiens gaan van Maandag landwyd ook begin staak. Dit sal grootskaalse ontwrigting veroorsaak omdat ten minste 2 miljoen pendelaars sonder vervoer sal sit.

Die South African Transport and Allied Workers Union (Satawu) het aangekondig deur die Passasierspooragentskap van Suid-Afrika (Prasa), Metrorail se beheerliggaam, dat hulle ook gaan deelneem.

Die staking deur Transnetwerkers, wat treine en hawens raak, duur nou reeds vyf dae.

Tinzi Lubabalo, nasionale koördineerder van Satawu, sê hulle eis salarisverhogings van bykans 16%. Die huidige aanbod is ’n verhoging van 5%.

Geweld en intimidasie word glo by taxistaanplekke verwag.

тамбов установки

ET as vark uitgebeeld

Skilderye wat die vermoorde AWB-leier, Eugene Terreblanche, as ’n vark uitbeeld word tans by die Kasteel de Goede Hoop in Kaapstad tentoongestel.

Die kasteel word uitgehuur aan Good Hope Art, ’n organisasie wat werksessies aan agtergeblewe kunstenaars bied. Die organisasie word deur Truworths geborg.

Die bestuurder van Kasteel de Goede Hoop, kapt. Francois Morkel, was heeltemal uit die veld geslaan toe hy oor die skilderye ingelig is, berig die Volksblad.

Die skilder, Ayanda Mabulu, is onbeïndruk deur die kritiek wat sy werke intussen uitgelok het.

Lees meer.

постройка

Jeugliga gaan militêr opgelei word

Die ANC-Jeugliga se nasionale uitvoerende komitee, gelei deur hul leier Julius Malema, sal in September militêre opleiding ontvang, is Donderdag aangekondig.

Lindiwe Sisulu, die minister van verdediging, het ooreengekom om die nodige reëlings te tref, het die Jeugliga en die departement in ‘n gesamentlike verklaring gesê.

Hierdie ooreenkoms is gemaak terwyl Sisulu die ANC-Jeugliga se nasionale uitvoerende komitee toegespreek het en diensplig voorgestel het vir die werklose jeug, het hulle gesê.

Sisulu het die voordele van die program uitgelig en het insette van die Jeugliga ontvang oor hoe diensplig geïmplementeer moet word.

“Die diensplig sal werklose jongmense basiese militêre opleiding en belangrike vaardighede leer om hulle toe te rus vir hul toekoms,” het sy gesê.

“Terwyl hulle twee jaar se basiese militêre opleiding in een van die Suid-Afrikaanse verdedigingsmag se dienste – SA weermag, SA lugmag, SA vloot of SA mediese dienste – ondergaan, sal hulle ook verskeie vaardighede leer en praktiese werkservaring opdoen wat hulle in die toekoms kan gebruik.

Sisulu het bygevoeg dat die program deur tersiêre instellings erken sal word.

кабина хамам для дома

Afrikaners in die vierde wereld

Afrikaners bevind hulself met nóg politieke mag nóg ‘n land, is slagoffers van regstellende aksie en SEB, verarm by die dag en word uitgemoor. Afrikaners is ‘n volk met ‘n eie identiteit, taal en tradisies. Daar is ‘n segment van die Afrikanervolk wat streef na herwinning van politieke solidariteit met die doel om deur hulleself regeer te word. Die enkele groot probleem is grondgebied. Elke stukkie grond behoort aan ‘n staat waar meer as een volk deur ‘n enkele regering regeer word.

Ons kan nie grond koop nie want dit behoort reeds aan ‘n soewereine staat. Die Verenigde Nasies Handves verbied inmenging in die interne sake van ander state vir wat dit werd is. Die soewereine staat soos in die geval van Suid Afrika, sal baie moeilik grondgebied afstaan aan ‘n minderheidsgroep van die vierde wereld. Die eens vooruitstrewende Afrikanervolk bevind hom nou in die geledere van die vierde wêreld volke wat beskou word as verarmde volke met geen regte op natuurlike hulpbronne of enige ekonomiese vooruitgang nie.

Ongeveer ‘n derde van die wêreldbevolking is vierde wêreld volke wat geen internasionale erkenning geniet nie en ook nie oor eie grondgebied beskik nie. In die periode na die Tweede Wêreldoorlog tot 1994 was daar 250 oorloë. 145 van die oorloë was intern tussen volke en tussen ‘n volk en die regering. Meer as 75% van die 145 oorloë was omdat die regering nie die volk se selfbeskikkingsideaal wou akkomodeer nie (Seton. K. 1999. Center for World Indigenous Studies). Landsgrense in die geskiedenis is bepaal deur interne en eksterne oorloë.

Die Afrikaners het hul politieke mag en land verloor deur Afrikaners. Die ANC regering en sy instellings erodeer die ander magsbasisse tot so mate dat die Afrikaner sy identiteit gaan verloor. Daar is nog weinig onderhandel vir selfregering en sou daar onderhandel word, is die kanse baie skraal dat grondgebied vrywillig oorhandig gaan word. Opsies vir Afrikaner selfbeskikking is baie beperk. Dit is onwaarskynlik dat selfbeskikking deur onderhandelinge bereik sal word. Die Afrikaner se posisie en selfregeringsideaal moet aggressief en intens aan die internasionale gemeenskap opgedra word. Volksmoord moet deur die internasionale gemeenskap erken word om stukrag te gee aan toekomstige eise vir selfbeskikking.

Dit is egter noodsaaklik dat eers vasgestel word wat Afrikaners ondersteun. Is dit ‘n Volkstaat of erkenning as ‘n volk in die plurale samelewing van Suid Afrika? Dit is tiperend dat state wat oor meer as een volk regeer sal probeer om spesifieke kulture en tradisies te vernietig en ‘n nasiestaat te bou. Dit is prematuur om op die stadium te praat van ‘n Volkstaat of selfbeskikking alvorens daar nie duidelikheid is hoeveel mense die gedagte ondersteun nie. Die potensiele Volkstaat sal ook begrens moet word voordat enige eise gestel kan word. Die vraag is wie beskik oor die wil en infrastruktuur om die studie te onderneem?

Die ANC regering se swak prestasie skep geleenthede waarop kapitaliseer kan word. Realiteite in die verband is volop en strek van powere dienste tot volksmoord. Sonder ‘n verteenwoordigende struktuur vir Afrikaners gaan dit ook ‘n verlore geleentheid wees. Ons stryd is nie uniek nie. Daar is ongeveer 6000 vierde wêreld volke met wie die Afrikaner kan skakel. Terwyl die wêreld globaliseer is daar ook gelyktydige etniese fragmentering. Ten minste is daar internasionaal ‘n groterwordende bewustheid van minderheidsgroepe se strewe na selfbeskikking.

топкарго отзывы

Polisie meen terreurdreigemente hou geen gevaar in

Die Suid-Afrikaanse polisie dra geen kennis van enige terreur-dreigemente wat op die Wêreldbeker-sokkertoernooi gemik is nie, het Bheki Cele, die polisiekommissaris Donderdag gesê.

“Ons weet van geen dreigemente nie. Ons is reg om ons besoekers te beskerm,” het hy gesê.

Cele het verslaggewers by die King Shaka Internasionale Lughawe toegespreek gedurende ‘n geleentheid waar die polisie hul bevoegdheid voor die toernooi gedemonstreer het.

Hy het gesê beweerder terreur-dreigemente wat glo deur ‘n groep in Noord-Afrika gemaak is, is deeglik ondersoek en hanteer.

“Die dreigement is opgevolg en ons het gevind dat daar niks is om oor bekommerd te wees nie,” het Cele gesê.

Hy het gesê daar is beweer dat die groep daarvan sal hou om te sien hoe die stadion waar die Amerikaanse span sal speel, opgeblaas word.

Hy het ook gesê hulle gaan alle risiko-lande fyn dop hou.

Talle polisie-eenhede het gewys hoe hulle lewensgevaarlike situasies soos vliegtuig-kapings en gyselaarsdramas gedurende die Wêreldbeker sal hanteer.

Talle eenhede soos die bomeenhede, reddingseenhede, skerpskutters en gyselaar-onderhandelaars was op die toneel teenwoordig.

slot

Veerpyltjies na Malema?

Die VF+ Studente hou vandag ‘n verkiesing op die kampus van die UP. Stembriewe sal in die klas uitgedeel word wat ‘n paar kort vrae rondom Malema bevat. Die opskrif van die stembrief lui “Dilemma Malema”. Die stempunt sal in die Piazza wees waar studente se gevoel rondom Julius nagevors sal word.

Dawie Diamond, VF+ studente TUKS se voorsitter, het verduidelik dat Malema se onverantwoordelike uitsprake studente ook negatief beïnvloed en sorg vir rassepolarisasie op die kampus. “Malema se uitsprake is onverantwoordelik en studente moet ook in die debat tree om Malema se tirade te stuit,” het Diamond gesê.

Een van die stembrief-vrae lui dan ook as volg: “Sou u ‘n aksie ondersteun waar daar ‘n plakkaat van Julius Malema opgesit word en deur studente met veerpyltjies gegooi word?” VF+ studente meen dat dié ‘n metode sal wees om studente van hul spanning rondom Malema te verlig.

Diamond het ook verder gesê dat die VF+ studente ‘n mandaat van studente wil verkry om aksie en verdere optrede teen mnr Malema te bewerkstellig.

Данильченко Харьков

Blatter se gunstelingspan

справка в бассейн

Inheemse tale se stryd

Hoe nader ‘n verkiesing word, hoe belangriker word die handhawing van die ander tien amptelike tale se status. Skielik praat ministers wat voorheen nooit ‘n woord in Afrikaans gesprak het nie, met wisselende mates van vermoë die taal op TV.

Verder van ‘n verkiesing, en Afrikaans moes hom na die grondwethof wen om die regering se onwillige agterent in rat te kry om ‘n taalwet, wat die grondwet vereis, op die wetboek te kry. Dit was nie soseer die draling met die wet wat gepla het nie, maar die regering se repliek op die hofaansoek, naamlik dat Afrikaans self vir sy gebruiks-agteruitgang en juridiese onderploeging verantwoordelik gehou word.

Maar maak Afrikaanssprekendes hul stem bietjie dik, al is dit om vanuit gewoonlik uiters gematigde oord ‘n bietjie briek aan te slaan met die aftakeling van Afrikaans soos by die US, dan is dit nie lank nie of ‘n minister of twee spring iewers woedend op en pak uit oor diegene wat transformasie in die wiele ry. Soms word dit blatant gestel dat die aandrang op ‘n regverdige aandeel vir Afrikaans deur baie mense as ‘n politieke daad van aggressie teen hulle vertolk word.

Afrikaans se stryd om oorlewing is veelvlakkig. Verskeie eens Afrikaanse landboukolleges is dit glad nie meer nie. Die momentum was blykbaar om ook die ander volledig te verengels omdat, soos dit verklaar word, die primêre opleidingsteiken swart, bruin en Indiërboere is.

Afrikaanse studente by Potchefstroom se landboukollege, wat as die Pampoenboere bekend staan, kla al lank dat daar erg teen Afrikaans gediskrimineer word. Uiteindelik het Afriforum by die Departement van Landbou aangedring dat die hoof, na ‘n lang reeks insidente wat ook op ander vorme van moontlike wanbestuur dui, ontslaan word.

Toe volg die proses van Afrikaanse diskriminasie by die Grootfontein-kollege by Middelburg in die Karoo waar die oorgrote hoeveelheid studente Afrikaanssprekend is. Tot die Departement van Landbou se krediet is skaars stem dik gemaak, of die departement het onderneem om die proses te staak.

Die les is dat groot waaksaamheid aan die dag gelê moet word, en dat elke aksie van Milnerisme van die kleinste en laagste vlak, tot die hoogste vlak, aangespreek moet word. Geen steen mag onaangeroer gelaat word nie.

Dit is byvoorbeeld ook duidelik dat die entoesiasme waarmee op pleknaamveranderinge aangedring word, veel minder is as die name Engels is.

Ongelukkig is Pansat tandeloos, en die Kommissie vir die Beskerming en die Bevordering van die Regte van Taal-, Godsdiens- en Kultuurgemeenskappe disfunksioneel, wat in effek slegs die howe ooplaat.

Maar elkeen kan sy deeltjie doen. Maak dit duidelik waarheen ‘n mens se geld gaan, en as dit dan na ‘n instansie moet gaan wat teen Afrikaans diskrimineer, maak dit iewers, soos briewe aan koerante of op die internet, duidelik dat dit onder protes is. Die feit dat Afrikaans van die nuwe gedrukte note verwyder is, beteken nie Afrikaanssprekendes se koopkrag is opeens daarmee heen nie.

Burgerlike organisasies se rol as bemiddelaars, en as dit nie help nie, as drukgroepe, is onontbeerlik.

Die vragte Afrikaanse literatuur wat die lig sien, vertel nie die volle verhaal nie. Slegs ‘n klein persentasie word vir die uitgee van harde kopie gekeur. Die leeueaandeel byt in die stof wens ‘n verskeidenheid redes. Wat vaktaal betref, raak dit al moeiliker om Afrikaanse inligtingsbronne te bekom, in skrille kontras met die groot ywer waarmee Afrikaanse entoesiaste bykans onmiddellik na Afrikaans amptelike status verwerf het, vir ensiklopediereekse en ander vakboeke gesorg het.

Die internet het ‘n noodgedwonge aflaaiplek vir Afrikaans geword wat nie in harde kopie die paal haal nie. Ongelukkig veroorsaak dit dat spel- en taalfoute, wat danksy die skoolstelsel floreer, ongeredigeerd aan lesers opgedis word. Maar dit leef, al is daar nie soos by die gedrukte weergawe groot literêre en ander pryse ter sprake nie.