‘n Plakkaat uit die tagtigerjare toe die weermag se teenwoordigheid ongewens was vanweë apartheid. Die weermag is weer terug in 2012 en die sentiment in die plakkerskampe is steeds anti-wit. Apartheid is 20 jaar gelede afgeskaf. Die nuwe generasie klipgooiers was toe nog nie gebore nie.
Skrywer: Dan Roodt
DA ondersteun oproermakers in Kaya Sands
Die oproer in Kya Sands wat gelei het tot die versperring van paaie Maandag is nie ‘n politieke daad nie, het die DA-wyksraadslid gesê.
Die Demokratiese Alliansie beheer die wyk nadat hulle dit in die onlangse verkiesing ingepalm het.
“Of die protes nou wettig of onwettig is, hulle kommer is legitiem, hulle optrede is geldig, maak geen fout nie,” het die DA-raadslid Matome Mafokwane gesê.
Hy het nie kommentaar gelewer op gerugte dat die protes deur anti-wit sentimente aangevuur word nie. Verlede week het ‘n wit joernalis, Greg Nicolson, en ‘n wit motoris vir hule lewens gevlug tydens die oproer naby Heidelberg.
“Ek wil nie glo dat dit politiek is nie, ek wil politiek hier uithaal,” het Mafokwane gesê op die toneel in Malibongwerylaan, in die noorde van Johannesburg.
Intussen is die Suid-Afrikaanse Nasionale Weermag Dinsdagaand by Kya Sands, noord van Johannesburg, ontplooi.
Agt gepantserde voertuie is langs die hoofpad wat lei na Kya Sands opgemerk, terwyl soldate na Uitbreiding 3 ontplooi is.
Woensdag het inwoners ‘n optog in die gebied gelei, en het ingestem om hul protes op te skort totdat ‘n vergadering gehou word Maandagaand tussen raadslede en inwoners.
Mafokwane het gesê hy is nie seker wat tot die hernude betogings gelei het nie.
“Dit is duidelik dat iets moes gebeur het,” het hy gesê.
Die moontlike verskuiwing van die inwoners van ‘n plakkerskamp of “mini-nedersetting” by die Inadan tot die groter Kya Sand-lokasie was die aanvanklike rede vir die protes.
Die griewe het blykbaar geëskaleer in eise vir behuising en basiese dienste.
“Dit het begin met ‘n grief, nou word dit bo-op ander gestapel,” het Mafokwane gesê.
Lt-kol Lungelo Dlamini het gesê die betogers blokkeer Malibongwerylaan sedert 5 uur vanmore.
Geen beserings is nog aangemeld nie en die skare is glo vreedsaam. Die polisie het die situasie gemonitor en die paaie is afgesper.
Dlamini het gesê die betogers sal na verwagting verdaag nadat ‘n behuisingsamptenaar hulle toegespreek het. Dit is nie duidelik wanneer dit sal wees nie, of wie die amptenaar is nie.
‘n Woordvoerder vir die lokasiebewoners, Efraim Lifuwas, het gesê werkgewers sal waarskynlik die las van die protes dra omdat werkers nie in staat is om by die werk te kom nie.
Die bedoeling is om die regering te druk om in te gee aan hul eise.
“Huise bou. Dit is wat ons nodig het,” het hy gesê.
Ten opsigte van die verskuiwing van die inwoners, het Mafokwane gesê, is hy as ‘n raadslid, nie seker van die situasie met betrekking tot die hervestiging nie.
“Ek het nodig om hulle antwoorde te gee, maar selfs ek weet nie wat aangaan nie.
“‘n Vergadering was vir vanaand beplan, maar het nou die situasie ons ingehaal, en ons praat oor ‘n groot skare wat dadelik wil antwoorde hê.
“Dit is nie meer oor die verskuiwing nie, dit is nou oor die water, behuising, sanitasie.”
Gautengse regeringsamptenare het intussen op die toneel aangekom en sal die betogers toespreek.
Die Kya Sand-oproer is die jongste in ‘n aantal van brandpunte regoor die land in die afgelope 10 dae, wat die klipgooiery in Heidelberg in Gauteng en Hangberg in die Wes-Kaap insluit.
Afgesien van ‘n protes teen ‘n kerk in Evaton, wat glo gekoppel is aan bewerings van Satanisme, is die ander betogings vir behuising, water, elektrisiteit en onderwysklagtes.
Nathi Mthethwa, minister van polisie, het Heidelberg verlede week besoek. Die ANC het ‘n beroep op mense gedoen om geduldig te wees met die regering se tempo in die verskaffing van dienste en behuising.
Die Kya Sandlokasie is midde-in ‘n ligte nywerheids-en kleinhandelsone.
OB moet Zuma-lyfwagte ondersoek
Die Vryheidsfront Plus het die Openbare Beskermer, adv. Thuli Madonsela, versoek om die bevorderings van ses lyfwagte van pres. Zuma in die polisie se BBP-eenheid te ondersoek. Dit het aan die lig gekom dat die huidige waarnemende polisiehoof, lt.-genl. Nhlanhla Mkhwanazi, ses lyfwagte van die president bevorder het wat strydig is met die reëls en riglyne van die Polisie.
Volgens ‘n berig in Rapport het twee BBP-wagte ses range gespring van sersant tot kolonel, twee met vyf range van adjudant-offisier tot kolonel en twee met drie range van kaptein tot kolonel. Die reëls bepaal dat iemand minstens sewe jaar ononderbroke diens in elke rang moet verrig om bevorder te kan word van luitenant tot kaptein en van majoor tot luitenant-kolonel. Range mag nie oorgeslaan word nie en die poste moet geadverteer word.
“Hierdie bevorderings het ernstige implikasies vir die belastingbetaler, aangesien ‘n sersant se salaris R137 000 per jaar is en die van ‘n kolonel R496 000 per jaar. Dit sou beteken dat die belastingbetaler in die geval van die sersante se bevorderings R718 000 (2x 359 000) per jaar meer moet betaal. Die poste is nie geadverteer nie en daar is meer ervare en kundige lede wat wel aan die vereistes voldoen en kon hulle eerder aangestel word. Hierdie kan beskou word as ‘n verskuilde vorm van korrupsie waar die belastingbetaler se geld onreëlmatig aangewend word om staatsamptenare onregverdig te bevoordeel. Juis daarom het ek die Openbare Beskermer gevra om enige moontlike onreëlmatighede en wanpraktyke met die hierdie bevorderings te ondersoek,” sê mnr. Pieter Groenewald, hoofwoordvoerder vir Polisie van die Vryheidsfront Plus.
Halssnoermoorde in Kaap wek kommer
“Die halssnoermoorde van beweerde misdadigers in Khayelitsha die afgelope twee weke deur die gemeenskap, laat die gevaarligte flikker en skep anargie.
“As lede van die gemeenskap sê hulle het vertroue in die Polisie en die strafregstelsel verloor en daarom neem hulle nou reg in eie hande, moet dit as ‘n wekroep gesien word en is ‘n klad op die naam van die Polisie. Die minister van Polisie, Nathi Mtethwa, sal dringend moet ingryp,” sê mnr. Pieter Groenewald, hoofwoordvoerder oor Polisie vir die Vryheidsfront Plus.
Luxolo Mpontshane (25), Mabhuti Matinise(20) en Sivuyile Rola (28) was voorverlede week Donderdag in Khayelitsha gedood weens die beweerde diefstal van ‘n plasma-televisie en verlede week is drie vermeende misdadigers met die halssnoer-metode gedood weens die beweerde diefstal van ‘n opwekker by ‘n kerk.
“Die Vryheidsfront Plus sal in die parlement die minister vra watter stappe geneem is om reg en orde te herstel en om weer vertroue by die gemeenskap te wek in Khayelitsha,” het Groenewald gesê.
Swart groep wil burgermag stig
Lede van die New Black Panthers Party, ‘n swart militantegroep, betoog gereeld teen ”neo-Nazi’s”. Na ‘n naweek van toenemende spanning in Sanford, Florida, oor die dood van swart tiener Trayvon Martin, het die party nou ‘n $10 000 beloning vir die “vang” van Martin se moordenaar uitgeloof.
George Zimmerman, ‘n bruin buurtwagvrywilliger wat die ongewapende seun geskiet het toe dié hom aangeval het, is nog nie aangekla nie en die Panthers soek sy bloed.
Die Panthers dreig om tot 10 000 swart mans op te kommandeer wat bereid is om ‘n burgermag te vorm om Zimmerman te vind en “geregtigheid te laat geskied”. Dié aangekondiging is Sondag deur Mikhail Mohammed, die leier gemaak.
Sedert president Obama se verkiesing is die Panthers blykbaar bo die wet.
Die Departement van Justisie het ‘n ondersoek na die lede van die paramilitêre beweging wat wit kiesers in Philadelphia in 2008 geïntimideer het, laat vaar.
Gevra of hy in aanhitsing van geweld glo, het Mohammed geantwoord: “‘n Oog vir ‘n oog, ‘n tand vir ‘n tand.” Onder die gejuig van volgelinge, wat swart uniforms gedra het, het hy belowe: “As die regering nie die werk wil doen nie, sal ons dit doen.”
Die voorval beklemtoon die toenemend polariserende aard van die omstredenheid rondom Trayvon se dood.
Die 17-jarige wat op 26 Februarie geskiet is, se dood het tot betogings in Los Angeles, Washington, Chicago, New York en verskeie ander Amerikaanse stede oor die naweek gelei.
Zimmerman bly wegkruip. Hy vrees glo vir sy lewe.
Drie groot rewo-illusies
Ons word deesdae doodgegooi met geskiedvervalsings en propaganda wat aanwys dat ons die beliggaming van pure slegtheid is. Nie net gaan dit oor optredes uit die verlede nie, maar selfs op kulturele gebied lyk ons fundamenteel besmet te wees. Alles wat ons opgerig en gefinansier het moet ten onder gaan in ‘n golf van barbaarse transisie.
Die Suid-Afrikaanse “transisie” kan allerwee in dieselfde asem genoem word as die ander twee voorloper-rewolusies op hierdie gebied, te wete die Franse Rewolusie van 1787 en die Oktoberrewolusie van 1917. Hierdie drie aardskuddende bewegings het inderdaad ‘n aantal dinge met mekaar in gemeen gehad. Elkeen het byvoorbeeld ‘n element van Kommunisme bevat; elkeen was teen Christendom gekant en elkeen was gekenmerk deur uiterste bloeddorstigheid en barbarisme. Ook het elkeen wereldwyd skokgolwe veroorsaak.
Die Franse Rewolusie was bekend gewees vanwee sy belangrikste wapen, die guillotine. Daarbenewens was die gemeengoed gewees om Christendom te belaster, soos Voltaire op ‘n stadium geskryf het “Geen God geen meester” en “Ruk die bastaard van Sy kruis af!”
In 1917 onder die Bolsjewiste het die aantal kerke afgeneem van 29 584 tot minder as 500 in die periode 1927 – 1940, en wyle Aleksandr Solzjenitsyn skat die aantal hoofsaaklik Christene wat omgekom het op 66 miljoen. Origens kon diegene wat gewaag het om indertyd ‘n sinagoge te vandaliseer op die doodstraf reken.
Die situasie in Suid-Afrika is welbekend en hoef nie al te veel aandag hier te geniet nie.
‘n Ander interessante eienskap wat hierdie drie rewolusies in gemeen gehad het, is dat hulle onnodig was.
Wat die Franse Rewolusie aanbetref kan ons verwys na De Tocqueville se analise in Ancien Regime. Die algemene lewensstandaard van die gepeupel was in elk geval besig om te verbeter. Daar was ‘n gesonder bevolkinggroei, en mense het gemiddeld langer geleef. De Tocqueville argumenteer dat hierdie verbetering die oorsaak van die Rewolusie was aangesien die bevolking meer energie gehad het om uiteindelik hul griewe in aksie om te sit.
Die Oktoberrewolusie was ook onnodig gewees om min of meer dieselfde redes. Aan die gewone mens word vertel dat die korrupte, oorlogsugtige Tsaar Nikolai die Rewolusie in die hand gewerk het by die gepeupel. Wat min mense egter weet is dat Nikolai ongeveer ses maande voor die Rewolusie al geabdikeer het. Die Russiese regering was oorgeneem deur die Mensjewiek (‘n kleiner party) Kerensky, en onder sy bewind het hy meer regte vir minderhede begin waarborg.
Suid-Afrika is nie anders nie: vanweë die demografiese oorverteenwoordiging van swartes in die stede sou apartheid in elk geval ten onder gegaan het. Die Verwoerdiaanse apartheid het nie realiseer nie, en Vorster het na oorname al begin om apartheid af te breek kort na Verwoerd se dood.
Wat het hierdie bloedige rewolusies dan veroorsaak? Ons kan in elk geval konkludeer dat hulle, vanweë die intense propagandaveldtog, koördinasie en omvang, van buite-af opgelê is, en inderdaad kos dit ‘n astronomiese bedrag om ‘n rewolusie te finansier.
Ek dink ons kan die volgende hipotetiseer: Die barbarisme wat gepaardgegaan het met hierdie rewolusies was deel van die taktiek gewees. Mense het bepaalde sedes, gewoontes en opvattings voor die rewolusie gehad, en hierdie moet verander. Ervaring in die verlede het geleer dat gewoontes en opvattings baie hardnekkig is, en die beste manier om dit te verander is om die bevolking te skok en te traumatiseer. Mense wat getraumatiseer is, is meer vatbaar vir suggestie en meer bereid om nuwe aksies te onderneem om hul situasie te wysig. Die doel van herhaalde propaganda is om die getraumatiseerde bevolking te indoktrineer met nuwe gewoontes en sedes om as’t ware ‘n nuwe mens te skep. Die rewolusionêr Leo Trotski het selfs so ver gegaan as om te beweer dat daar ‘n permanente rewolusie moet wees, sogenaamd om te sorg dat daar geen nuwe heersersklas kan ontwikkel nie. In werklikheid is dit om die bevolking voortdurend in ‘n staat van verwarring, skok en dus onderwerping te hou. Sommige analiste meen dat Frankryk nog steeds nie van hul Rewolusie herstel het nie, gesien die minagting wat die Franse nog vir geloof koester.
En as die rewolusie eenmaal voltrek is en mense begin uiteindelik wel ‘n “nuwe” waardesisteem te ontwikkel, bevind hulle hulself in ‘n situasie wat Churchill omskryf het as “onmoontlike gelykheid, opgeskorte ontwikkeling en kwaadwillige jaloesie”.
‘n Beter omskrywing word gegee deur die filosoof José Otega y Gasset waarin hy meen dat ‘n massa-mens die gevolg is. ‘n Massa-mens word gekenmerk deur sy anti-mentaliteit en homself verset teen alle vorme van tradisie terwyl hy tegelykertyd nie in staat is om ‘n eie goed gefundeerde moraal te ontwikkel nie.
Onthou dus die volgende keer wanneer iemand trots en selfingenome die “struggle” verheerlik, tesame met die daaropvolgende valse oorwinning wat hulle bekom het: Hulle stryd was ‘n leuen gewees met ‘n Pyrrusoorwinning as resultaat. Hul rewolusie was eintlik ‘n rew-illusie gewees.
Soos Albert Camus gesê dat het elke rewolusie slegs tot meer staatsmag gelei met minder vryheid vir die gepeupel as voorheen.
ANC-hemp nie welkom in die Wes-Kaap nie
Ek was onlangs in St Helenabaai tuis, en wou ‘n kroeg besoek.
Ek het ‘n ANC T-hemp aangehad. Die eienaar het na my gekom en gesê ek moet van T-hemp verander want hy soek nie ‘n bakleiery nie.
Mag ‘n mens nie dra wat jy wil as jy uitstap by jou deur nie? Wat maak die kroeg as Marthinus van Schalkwyk daar kom kuier?
Toe verlaat ek maar die kroeg en gaan na die winkel toe. Toe ek by die winkel kom, is dit gesluit en ek besluit om maar weer kroeg toe te gaan want my baadjie en drankie was nog daar.
Toe ek die kroeg wil ingaan, is die hek gesluit. Ek roep toe en vra of ek kan inkom want my goed is nog binne. Die jong wit meisie sê toe ek moet nie inkom nie en sy gee als wat myne is deur die hek aan. Die drankie bly agter.
Ek voel ek is nie welkom in hierdie Wes-Kaap nie. Ek is hier gebore en het hier groot geraak.
Vier keer meer psigopate in bestuursposte
Psigopate floreer in bestuursposte teen ‘n koers van vier keer hoër as die normale bevolking. Nuwe navorsing toon dat die aantal styg as gevolg van swak ekonomiese tye, en hulle teenwoordigheid sal waarskynlik ook verhoed dat vroeë oplossings vir die globale finansiële krisis gevind word.
Só sê Liza van Wyk, uitvoerende hoof van nasionale bestuursopleiding by die maatskappy AstroTech vandag in Johannesburg. “Die onlangse hoëprofiel bedanking van ‘n Goldman Sachs-handelaar, die Suid-Afrikaanse Greg Smith, wat sy afgryse uitgespreek het oor praktyke wat kliënte minag, is ‘n voorbeeld van hoe traumaties sulke “base” kan wees vir hul personeel.”
Nuwe navorsing uit Brittanje wat diagnostiese toetse vir psigopatie in 1980 ontwikkel het, toon dat die 2007-2008 finansiële krisis gelei het tot ‘n toename van psigopatiese persoonlikhede in die hoekkantoor.
Kanadese navorsers het bevind dat sowat vier persent van senior bestuurders in die wêreld nou psigopatiese neigings toon, van die een persent wat die norm onder die algemene bevolking is, sê van Wyk.
“Daar is tekortkominge in emosionele intelligensie, goeie mensebestuursvaardighede, en empatie of werklike spangees – nie net lawaaierige clichés nie – in die werkplek “.
Sy het bygevoeg: “Die goeie nuus is dat maatskappye dit weet. Hulle word deurgaans getref deur bedrog, swak verdienste, trae groei en ‘n ongelukkige werkmag.”
‘n Novemberverslag van Pricewaterhouse Coopers toon ‘n 13%-verhoging in werkplekmisdaad sedert 2009, met ‘n gemiddelde koste van $5 miljoen per maatskappy: 56 persent van maatskappye sê die oortreders was werknemers.
En in die Verenigde Koninkryk woed kontroversie oor die opleiding van die Britse bestuurders volgens die Financial Times. Daar word gesê dat byna die helfte van Britse bestuurders dink hulle onmiddellike hoof is oneffektief. Dit het gewaarsku dat ‘n “kultuur van swak bestuur” die Britse ekonomie is skade berokken.
Die FT het gesê slegs ‘n vyfde van die Verenigde Koninkryk bestuurders het ‘n professionele kwalifikasie, ‘n laer persentasie as in Duitsland of Frankryk. “Ons het aansienlik laer vlakke van bestuurskundigheid in Suid-Afrika en dit is geen wonder dat hulle onderpresteer en rebelse personeel kweek nie,” het Van Wyk gesê.
Die reaksie van baie swak opgeleide bestuurders, het Van Wyk gesê, was om personeel te boelie. Dit maak werknemers uiteindelik fisies siek, het sy gesê.
Van Wyk het gesê psigopate is besonder suksesvol in die werkplek, want hulle is sjarmant en sonder gevoelens. “Hulle sal lieg, steel, en omkoop om te kry wat hulle wil hê. Hulle het geen empatie of gewete nie. Hulle sal iemand anders as die sondebok uitwys terwyl hulle base met sjarme verblind. Probleem is dat by nadere ondersoek is hierdie mense nie regtig van enige waarde nie. Hulle praat ‘n storm los, maar kan niks skep nie. Hulle is swak implementeerders. Hulle raak verveeld en beweeg aan.”
‘n Onlangse CNN-ondersoek het uitgewys: “Hulle steel krediet vir prestasies en verplaas skuld vir foute. Psigopate het oppervlakkige, korttermyn seksuele verhoudings, dikwels in die werkplek, en word maklik verveeld. Hulle neem risiko’s sonder kommer vir die gevolge.” Dit is ‘n speletjie, sê van Wyk.
‘n New Yorkse bedryfsielkundige Paul Babiak, wat die wêreldwye topverkoper geskryf het oor psigopate in die werkplek, Snakes in Suits, sê psigopate voel aangetrokke tot invloedryke mense en posisies . “Hulle speel kopspeletjies met mense en maak goeie geld daaruit,” sê Babiak, “Hulle is nie dom nie. Hulle kan ontsyfer wat van hulle verwag word en die rol speel.”
Verander Grondwet oor eiendom sê ANC
Gwede Mantashe, ANC-sekretaris-generaal, het Sondag ná ‘n vergadering van die party se nasionale uitvoerende komitee gesê die Grondwet moet as ‘n “transformatiewe” dokument beskou word.
“Dis ‘n lewende dokument. Dis belangrik dat ons [oor die bepalings in die Grondwet] praat en weer daarna kyk.”
Mantashe het art. 25, die eiendomsklousule, uitgesonder.
Mantashe voel duidelik die druk van swart verwagtinge soos verwoord deur die Jeugliga en die adjunkpresident, om wit bates te vervreem.
Volgens hom sal die kwessie oor grondbesit “hersien” moet word om herverdeling te versnel. Die aanvaarde wysheid in die ANC asook die Jeugliga is dat wit eienaars swart grond deur die bank “gesteel” het.
Mantashe het gesê die stadige herverdeling van grond moet weer ondersoek word. “As ons dit nie doen nie, sal ons die rewolusie te verraai. Gaan kyk na die struggle-geskiedenis: Grond is die basis vir elke ANC-leier se stryd.”
Die ANC sal egter glo nie ‘n “Zimbabwe-tipe” grondhervormingsbeleid nastreef nie, maar hy het bygevoeg dat “mense sonder grond, ‘n resep vir ‘n rewolusie is”.
Dave Steward het namens die F.W. de Klerk-stigting gewaarsku dat ‘n verandering aan art. 25 verreikende gevolge vir privaateiendomsbesit sal hê.
Motlanthe vra Jeugliga om by rewolusie-plan te bly
Julius Malema en adjunkpresident Kgalema Motlanthe het altwee by ‘n byeenkoms van die Jeugliga opgetree ter viering van die ANC se honderdjarige bestaan in die Nkowankowa-stadion buite Tzaneen.
Motlanthe het gesê rewolusie is met opset en planmatig, nooit lukraak nie.
Hy kon skaars gehoor word bo rumoer van die skare in die stadion.
“Die ANC het nie nut vir ‘n passiewe jeugliga nie. Ons het nodig dat ons jeugliga militant, kreatief en gedetermineerd moet wees. Wanneer die oproep gemaak word, moet die jeug vinnig antwoord,” het hy gesê.
Die jeug moet ruimte gegun word om nuwe idees te genereer.
Die ANC verwag van die ANCJL om jeugdiges te werf en om relevant vir die jeug te bly.
“Dit is die ANC se plig om die ANCJL te lei as daar van die pad af gedwaal word. Ons moet hulle die hele tyd lei. Hulle kan nie van die pad af dwaal en op hul eie aangaan nie,” het Motlanthe gesê.
Die ANCJL is deur die ANC gevorm om die jeug voor te berei om ANC-lede te word, het Fikile Mbalula, minister van sport en voorheen president van die Jeugliga, by die saamtrek gesê.
“Niemand sal die ANCJL vernietig nie,” het hy gesê.
“Julle is hier om nuwe idees te skep. Sodra die ANCJL ophou dink, is ons in die moeilikheid. Sodra hulle aan politieke verdwerging begin ly, sal die rewolusie in gevaar wees.”
Malema, het Sondag gesê hy sal hom tot die hof wend as hy uit die party geskors word. Hy is steeds president van die Jeugliga, hangende sy appèl teen ‘n besluit deur die ANC se nasionale tugkomitee (NTK) om hom te skors.
Tot nou toe het hy die idee daarvan om die ANC hof toe te sleep, verwerp.
“Ek het gesê ek sal nie hof toe gaan nie, maar nou het ek besluit om dit wel te doen,” het hy gesê.
“Ek het geen mandaat nodig nie en tree op as ‘n individu wie se regte geskend is.”
Hy het ‘n beroep op die skare gedoen om nie die ANC te verlaat nie en het gesê die ANC is die enigste hoop vir die land se armes.
Hy het die skare herinner dat individue sal kom en gaan, maar dat die ANC sal aanhou.
“Ek sal nooit in die ANC verwelkom word nie. Ek is afgedank in die ANC. Maar ek het geen probleem daarmee nie,” het hy gesê.
Hy is nie spyt oor enigiets wat hy gedoen het nie, het Malema gesê.
“Ek het gedoen waarin ek geglo het en ek het dit op my eie gedoen. Ek is nie deur enigiemand opgesteek om enigiets te doen nie.
“Ek is nie uit die hemel uit gejaag nie, maar uit die ANC deur ‘n faksie wat alleen so kan optree omdat hulle nou die mag het.”
Die ANCJL word deur sy eie leiers geviktimiseer, het hy gesê.
“Hulle probeer enigiemand wat met die liga assosieer straf asof dit ‘n onwettige assosiasie is.”
Hy sal dit nie aanvaar om deur enigiemand geviktimiseer te word nie, het hy gesê.
Dié wat veronderstel is om die ANCJL te ondersteun en te beskerm, is bang om dit te doen.
“Ons is weeskinders wat alleen staan. Ons leiers is bang. Hulle verkies hul poste bo om op te staan vir wat reg is,” het hy aan die skare gesê.
“Daar is nie meer ‘n jeugliga van die ANC nie. Hulle het daarin geslaag om ons dood te maak.”