Dan Roodt, Author at praag.co.za

Ryksdienaar wil weet of sy ‘kaffer’ is

Lulu Xingwana, minister van vroue, kinders en mense met gestremdhede, se terugreis van die Commonwealth Africa Regional Colloquium uit Ghana, het haar duidelik onder die indruk gelaat dat sy die Empaaier dien en dienooreenkomstig behandel moet word.

Die geleentheid wat Xingwana bygewoon het, Women Leaders as Agents of Change is gereël deur die Statebondsekretariaat se genderafdeling en die regering van Ghana onder die aanvoering van die Britse regering.

Volgens dié reëling kan ‘n land soewerein wees én ‘n gewillge slaaf van die Britse Ryk.

Xingwana het medepassasiers Donderdag op ‘n SAL-vlug vermaak toe sy op ‘n wit lugwaardin begin skel het omdat dié nie haar ekonomiese klassitplek na sakeklas wou opgradeer nie.

“Hou jou bek! Hou jou bek! Is dit omdat ek ‘n kaffer is?” Die beswaarde minister was duidelik ongelukkig dat haar Gemenebesstatus nie genoeg indruk kon maak nie.

Die vlug het Donderdagaand van Accra in Ghana na Johannesburg vertrek. Me. Dileseng Koetle, SAL-woordvoerder, het die onsmaaklike voorval bevestig en om verskoning gevra vir die wit lugwaardin se optrede.

“SAL is spyt en vra die minister om verskoning dat dit nie moontlik was om haar ‘n plek in sakeklas te gee nie. Die SAL het ‘n beleid van geen verdraagsaamheid teenoor enige vorm van rassisme.”

Xingwana is ‘n platinumkaarthouer van SAL se program vir gereelde passasiers. Dit beteken sy kan ‘n opgradering van haar ekonomiese klas-kaartjies na sakeklas kry mits daar ‘n sitplek beskikbaar is.

Die minister het die “ongeskikte en disrespekvolle houding van die wit SAL-personeellid” veroordeel en gesê die optrede en woorde aan haar toegedig is ‘n versinsel. Sy het nooit die woord “kaffer” gebruik of geskree soos kamtige “ooggetuies” beweer nie, sê sy.

Rugby: Haaie skraap deur teen Brumbies

Haaie 29, Brumbies 26

Ag, sal iemand tog met die Haaie, veral hulle agterste driehoek, hulle voorspelers en hulle losskakel praat? En ek bedoel, praat stadig met groot gebare en, indien nodig, teken prentjies. Want blykbaar verwar die regstreekse uitskopreël hulle. Telkens, wanneer hulle die bal met die afskop ontvang, dryf die voorspelers waaghalsig tot net oor die kwartgebiedstreep, gee die bal terug tot in die kwartgebied en dan moet die arme ontvanger die bal binneveld hou. Dit beteken dat hulle sekondes later hulle doellyn met mag en mening moet verdedig.

Hierdie eenvoudige wanbegrip het vanoggend (Boeretyd) hittete veroorsaak dat die Haaie verkleineer is met een van voetbal se vernuftigste Houdini-toertjies. Die Natallers was 29-19 voor met minute op die stophorlosie oor. Riaan Viljoen, heelagter, ontvang ’n diep bal in sy eie kwartgebied. Hy moet: A) Die bal terugsool, regstreeks oor die kantlyn naby of oor die middellyn skop waar die Haaie die lynstaan kan betwis, of B) Hy moet die bal gryp en terwyl daar geen druk op hom is nie tot buite die kwartgebied storm en die bal luglangs oor die buitelyn skop. So wat doen Riaan, hmm? haa? Natúúrlik! Hy B verskriklik en nou is daar ’n Brumbie-lynstaan net buite sy kwartgebied. Die Wildeponies val uitgelate aan, die Haai-verdediging stotter en die skrumskakel Nick White glibber deur vir ’n drie wat sy span binne vyf punte van die Haaie bring. Te midde van die jubelinge gryp iemand die bal en vervyf dit sommer met ’n skepskop. Oomblikke later tjank die sirene en die Haaie móét afskop en mág nie die bal regstreeks uitskop nie. Die Brumbies val van 85 meter af aan en op die ou end is dit net ’n diep aanslaan in die Haaie se kwartgebied wat die eindfluitjie laat lawaai. Maar dit was net te naby…

Die Haaie se taktiese skopwerk was, om presies te wees, van meet af pateties. Veral Frederic Michalak het die Haaie se verlange na die beseerde Patrick Lambie baie akuut gemaak. Of hy gejaag is en of hy tyd het, Michalak het die een bisarre skop na die ander met ’n boepensboog die middelveld in gepos. Die Brumbies het die bal gul ontvang en het met die een diep aanval na die ander losgebrand. Dit was net hardekwasverdediging deur veral die voorspelers en ’n paar keer wat die Haaie die Brumbies se bal op die grond vervreem het, wat die Natallers se aanspraak in die wedstryd lewend gehou het. Hieruit het hulle twee interkontinentale drieë gedruk, die een regoor die maksimum afstand toe hulle die balle uit Brumbie-hande oor die Haaie-doellyn geruk het. Slot Sykes het langs die kantlyn afgerammel en is uitasem gejag deur die buitesenter en Jesse Mog, die heelagter. Hy het kop en bal gehou totdat die verdedigers se hande omtrent om hom was voordat hy met ’n netjiese aangee vir Lwazi Mvovo gevind het. Dié het gehardloop asof twintig Dobermanns agter hom aan was en het ’n drie gedruk wat die Brumbies swaar gekwes het.

Vroeër het Odwa Ndungane ’n mog’t-troffe aanslag op die bal tussen twee Brumbie-aanvallers geloods en dit onderskep. ’n Jonger Ndungane sou net daar ontvlam het om die resies na die hoekvlag te wen, maar die 2012-model het binnekant toe gedryf en vir Riaan Viljoen gevind wat genoeg ratte gehad het om deur te spaander vir ’n drie. ’n Derde van die Haaie se vier drieë is gedruk toe Speight, die Brumbies se vleuel nie ’n tollende, wippende bal in sy eie kwartgebied bymekaar kon maak nie en Willem Alberts van alle mense, soos ’n seekoei wat ballet, hom van agter bekruip het, die bal met ’n delikate toon vorentoe geknikker en toegeval het. Drie van die Haaie se vier drieë dan, was nie oorwegend die resultaat van goeie afronding van skrander planne nie.

Die Brumbies self het net twee drieë gedruk; die een dié van Nick White en dan ’n skitterende skop-, jaag- en vangpoging deur heelagter Jesse Mogg, ’n drie wat nog merkwaardiger sou gewees het as hy nie die bal met ’n blatante vorentoe-aangee ontvang het nie.

Die Haaie maak meer staat op hulle brekers soos Bismarck du Plessis, Willem Alberts en Marcel Coetzee as op ’n goedingestudeerde wedstrydplan. Die Brumbies, daarenteen, is goed afgerig en planmatig, veral vinnig en akkuraat op die aanval. Dit is net die Haaie se verbetenheid wat die Canberra-span in toom gehou het.

Die Haaie het nog nie hulle persoonlikheid as span ontdek nie. Is hulle ’n aanvallende span of is hulle een wat beter toegerus is om ’n telling te verdedig? Dis moeilik om vas te stel. Hulle het nie die Vrystaat se flair op die aanval, die vermoë om soos die Bulle die vyand met skoppe en offensiewe verdediging in hulle eie kwartgebied onder kwarantyn te hou of om soos die Stormers hulle lyn onbepaald te verdedig nie. Hulle gaan bitter gou hulle sterkpunte moet ontdek en uitwerk hoe om ’n wedstryd rondom dit te smee.

Tog, met die twee Du Plessis’s, ’n Willem Alberts, ’n Marcel Coetzee en ’n paar ander spelers wie se baarde begin hard word, sal geen span hulle as sawwe prooi beskou nie.

Die vraag is of die Haaie bestendig genoeg goeie voetbal oor lang periodes kan speel. Vandag het hulle dit net met tye reg gekry en dit het gewerk. Maar tans lyk dit nie goed genoeg om ’n ferm aanspraak op die titel te hê nie.

лобановский политик

Petrol voor Paasnaweek duurder

Die petrolprys sal voor die Paasnaweek styg met tussen 66c en 71c per liter. Die styging tree Woensdag in werking.

Die departement van energie het die maandelikse brandstofprysverhogings by ‘n mediakonferensie in Midrand bekend gemaak.

Motoriste sal in die binneland 71c per liter meer meer betaal vir 95 oktaan-petrol Dit sal nou R11,94 per liter kos. Diesel sal 51,9c meer per liter kos.

Die prys van 95 oktaan-petrol aan die kus sal met 66c per liter en dié van diesel met 47,6c opgaan.

Лобановский

Basson het geen regte oortree nie

Kardioloog Wouter Basson het nooit menseregte of mediese etiese standaarde oortree toe hy die hoof van Suid-Afrika se chemiese oorlogvoering was nie, het die Raad vir Gesondheidsberoepe Vrydag gehoor.

Voormalige geneesheer-generaal Niel Knobel het gesê hy stem nie saam met die siening van die Amerikaanse mediese etiekdeskundige Steven Miles dat Basson verskeie Wêreld Mediese Vereniging (WMV) regulasies oortree het nie.

Basson staar vier aanklagte van onprofessionele en onetiese gedrag in die gesig.

Die aanklagte hou verband met sy optrede as ‘n mediese dokter toe hy die hoof van die land se chemiese en biologiese oorlogvoeringnavorsingsprogram vir die weermag in die 1980’s en vroeë 1990’s was.

Hy word daarvan beskuldig dat hy oneties opgetree in die 1980’s deur samewerking in die grootskaalse vervaardiging van mandrax en kokaïen, en traangaswapens en die verskaffing daarvan aan rebelleleier leier Jonas Savimbi tydens die Angolese oorlog.

Hy word ook daarvan beskuldig dat hy oneties optree het deur die verskaffing van stowwe vir oorgrensontvoerings en sianied-kapsules vir selfmoord.

Knobel sê Basson was ontplooi as ‘n spesialemagsoldaat gedurende daardie tyd en nie ‘n mediese dokter nie.

“As hy as ‘n soldaat ontplooi word en hy dra ‘n wapen, is hy geregtig om homself en sy kollegas te verdedig in ‘n geveg as hy deel van ‘n gevegseenheid is en daar is geen dokter-pasiënt-verhouding nie,” het hy gesê.

“As een van sy kollegas gewond raak en hy gee aandag aan hom, dan het hy opgetree as ‘n mediese dokter.”

Hy het gesê die oorlog in Angola was nie konvensionele een nie, want die opponerende magte het nie internasionale verdrae en konvensies erken nie.

“Omstandighede kan lei tot ‘n situasie waar etiek in ‘n tyd van oorlog nie altyd dieselfde is as in ‘n tyd van vrede nie.”

Hy het gesê hy beskou dit nie as oneties vir ‘n mediese dokter wat ‘n soldaat van ‘n sianiedkapsule onder sekere omstandighede voorsien nie.

Knobel het aangevoer dat mediese konvensies en etiek verander het met die ontwikkeling van nuwe tegnologie.

“In ons land was dit heeltemal onwettig om ‘n aborsie uit te voer. Vandag as ‘n dokter in ‘n staatshospitaal weier om ‘n aborsie uit te voer, sal hy of sy waarskynlik afgedank word. Ons etiese reëls verander soos wat ons aangaan,” het hy gesê.

“Ek is ‘n lid van die WMV, maar ons moet besef dit nie ‘n perfekte wêreld is waarin ons leef nie. Houdings verandering en die wêreld waarin ons leef verander saam daarmee.”

Hy het gesê die doel van die chemiese oorlogvoeringsprogram was nog altyd om ‘n defensiewe vermoë te ontwikkel sonder die gebruik van dodelike of skadelike stowwe.

Hy het getuig dat die navorsingsmateriaal wat onder die program versamel is, nog steeds beskou word as ‘n nasionale bate en dat die voormalige president Nelson Mandela die veilige bewaring van die materiële en die voortsetting van die verdedigende chemiese oorlogvoeringsprogram in 1997 goedgekeur het.

Die verhoor is uitgestel tot 25 September.

прокурор Фильчаков

Rugby: Cheetahs vang die Hurricanes

Dis nou maar eenmaal hoe ’n jagluiperd jag: Hy laat die prooi glip en dan haal hy hom van agter af in. Die gevolglike hoëspoedbotsing is so ontsenuend dat die slagoffer verdwaas en verwilderd gelaat word, reg vir die finale wurgslag. Wel, dit ís ’n metode, maar die sukseskoers is wisselvallig want soms as die prooi voor is, bly hy voor. Maar vanoggend (Boeretyd) kon die Hurricanes nie lank genoeg, ver genoeg voor die Cheetahs bly nie en het hulle tot hulle groot skok getuimel.

Die Vrystaters het deesdae hulle eie eenvoudige wedstrydplan – wat ontsaglike vaardigheid en finesse vat om uit te voer: Hulle val bloot aan. Hulle is soos Genghis Kahn se ruitery. Van orals kom hulle, vinnig en dodelik, uit verrassende hoeke, met skokgeweld. Die Vrystaters het ’n onweerstaanbare vermoë om die verdediging heen en weer tot op die uiterste te rek asof dit kougom is en dan, wanneer die gate daarin val, klop hulle daardeur. Hulle het ook die behendigheid om keer op keer te hamer teen ’n verdedigingsmuur totdat daar ’n sagte plek in ontstaan en dan wen hulle meters veld.

Dit is ’n totale aanslag, maar met voluitaanval is daar een risiko: Verloor die bal en jou eie verdediging is uit posisie en ongestruktureerd. Johan Goosen het vir ’n sekonde afgewyk van die plan en het die bal veldop geskop waar die regtervleuel Corey Jane dit gevang het. Die Hurricanes is een van die beter spanne op die teenoffensief en binne sekondes was hulle op volle vaart diep in die Cheetah kwartgebied en die terugskarrellende Cheetahs kon nie Polyfilla gou genoeg in al die krake smeer nie. Die Hurricane-haker, Dane Coles, elke vierkante sentimeter ’n moderne nommer twee, het gestorm, gepypkan en gedruk.

Die Cheetahs het nie die kop gekrap nie; net die tande gekners, die bal afgerokkel en van vooraf aangeval. Hennie Daniller se strooptogte teen die linkerflank af het die Hurricanes se verdediging daar gekonsentreer en hulle yl aan die regterkant gelaat en toe die bal daarheen is na ’n losgemaal voor die pale, was dit eenvoudige, skoon, vernuftige hand-tot-hand sake en Andries Strauss het oor die laaste verdedigers getuimel vir ’n drie (wat, as dit nie vir kykweertegnologie was nie, waarskynlik nie toegeken sou wees nie.)

Strafskoppe gewissel tussen losskakels Goosen en Barrett het die Hurricanes op ’n 10-8 voorsprong gelaat.

Die Cheetahs het met hulle manier van dinge voortgegaan, eenvoudig beslag op die bal gelê en van bakboord na stuurboord en terug na bakboord gedryf en toe, net so eenvoudig, die bal in die vyandelike kwartgebied aangeslaan. Die Hurricanes het die sneller getrek en het deur die flarde van die Cheetah-verdediging gehardloop en dit was die vroomgesiglosskakel Beauden Barrett wat op ’n uitgerekte kurktrekkerlopie gegaan en self gaan druk het. Die Hurricanes het die bal skaars twee keer in besit geneem, maar was nou 17-3 voor.

Die terugslag het binne minute ’n noodtoestand geword. Na nog twee langafstandaanvalle wat gelanseer is na hanteerfoute van die Cheetahs, het die Hurricanes drieë deur heelagter André Taylor en Peranara, die skrumskakel, gedruk. In teenkanting was daar slegs ’n Goosen-strafskop en met tien minute in die helfte oor, was die Cheetahs se prooi doer, ver voor hulle met die telling 32-11 in die Hurricanes se guns.

Dit het nie gevorderde calculus geverg om te besef dat die Vrystaters 21 punte en dus drie doele agter was nie. Maklik. Druk drie drieë en laat Goosen hulle vervyf. En jou wragtag, dis toe presies wat hulle nog voor die halftydfluitjie doen. Met die eerste aanval waarin hulle nie die bal afgestaan het nie, is genoeg ruimte vir Hennie Daniller geskep om sy lang lyf deur te dryf vir ’n vyfpunter. Dit kon nie iemand meer verdienstelik toegekom het nie. Die groot heelagter was die hele eerste helfte vernietigend op die aanval. Hy het meters ruimte in verkeersknope gevind en het die vermoë om die aanvalshoek vinnig en venynig te verander. Dis veral aan die linkerkantse steelkant wat hy die Hurricanes oorbluf het en na hartelus diep tot in hulle gebied gehardloop het.

Minute later was dit die Hurricanes wat nie gou genoeg sandsakke in die rivierwal kon kry nie en Rayno Benjamin het laag gevlieg en hard gedruk vir nog ’n drie wat Goosen vervyf het.

Weer het die wit golf gekom en verstommend genoeg het die Cheetahs nogmaals ’n front op die Hurricane-doellyn opgestel. Hulle keuse vir die deurslaggewende aanvaller was die kolossale Coenie Oosthuyzen en die loskop het sy direkte verdediger met al die grasie van ’n Bariesjnikof gepypkan en oorgedonder vir die Cheetahs se vierde en gelyktrekkende drie.

Na die frenetiese harwar van die eerste helfte, sou die tweede helfte aansienlik makker wees. Die Hurricanes sou nie weer in die Cheetahs se doelgebied teenwoordig wees nie. Sonder afrokkelbesit het hulle niks gehad om die Vrystaters mee te kasty nie en die Cheetahs het die bal onbeskaamd gemonopoliseer. Hulle het nog twee drieë gedruk, een elk vir die stutte, en met Goosen se strafskopbydrae was hulle met tien minute oor 47-38 voor. Hulle het doeltreffend verdedig en dit was uiteindelik die finale telling.

Die Vrystaat is nou eenmaal die Frankryk van Suid-Afrikaanse rugby. Hulle kan toor op die aanval en dan verstom met die ongeërgdheid waarmee hulle punte afstaan. Die opponerende span kan nooit seker wees dat hulle gewen het of dat hulle verloor het nie. Die Cheetahs kan groot agterstande uitwis, maar ook ewe maklik groot voorspronge laat vaar.

Coenie Oosthuyzen het die volkome wedstryd vir ’n stut gespeel. Hy het die verdediging telkens met kort, harde lopies verskuif, goed geskrum en kop gehou vir twee drieë. In die laaste minute het hy sy lyf Heinrich Brüssow gehou en ’n onheilspellende Hurricane-aanval ontlont toe hy die bal by hulle geroof het. Brüssow self bewys nou elke naweek dat hy, benewens sy besitafrokkelry, sy werk as flank baie goed verstaan. Hy het ’n onverbeterlike instink vir die verwisselinge in die spel. Hy verdedig dodelik en is altyd ’n faktor naby ’n bal op die grond. Wat werklik beïndruk is die skakelwerk wat hy tussen voorpak en agterhoede vorm. Hy is die een wat dikwels die rathefboom van dryfaanval tot agterlynoffensief stoot. Hy is vinniger as wat hy lyk en hy ken die kortpaaie op die veld en is daarom gedurig in die hoogoond van die aksie.

Om die jagluiperd in volle vaart op die jag uit te sien, is altyd opwindend. Die Cheetahs, as hulle vir die grootste deel van ’n wedstryd dinge reg doen, kan enige span klop. Maar hulle speel hoërisikovoetbal en wanneer dinge verkeerdloop kan hulle teen enige span verloor.

Watter Cheetah-span gaan in hulle volgende wedstryd opdaag? Weet nie, maar ek kan nie wag om te sien nie.

Данильченко

Malema loods hernude Zuma-aanval

Die ANC-Jeugliga is getraumatiseer en word onderdruk deur president Jacob Zuma se leierskap, het Julius Malema Vrydag voor ‘n volgepakte saal by Wits gesê.

“Onder president Zuma, het ons die jeug van die ANC getraumatiseer en uit hul huis uitgejaag,” het ‘n vurige Malema tydens ‘n ANC-eeufees lesing in Johannesburg gesê.

Met sy stem wat geleidelik in volume toegeneem het, het Malema gesê Zuma se leierskap het die stem van die jeug onderdruk en demokrasie vervang met diktatorskap.

“Ons het onverdraagsaamheid gesien. Mense is ongeduldig met die jeug, mense waardeer nie nuwe menings nie. Hulle onderdruk nuwe opinies,” het hy gesê onder dawerende applous van ‘n volgepakte saal by die Universiteit van die Witwatersrand.

Malema het weer die stryd vir “ekonomiese vryheid” opgehaal, en gewaarsku teen die risiko om bestuur te word deur ongeletterdes.

“Ons kan nie ekonomiese vryheid bestuur met ongeletterdes sodat die regering in duie stort nie … Dit sal wees soos outomatiese stuur omdat jy nie weet waarheen om hierdie regering te neem nie,” het hy gesê.

“Ons het gesofistikeerde mans en vroue nodig, en dit is die rede waarom onderwys baie belangrik is.”

Die toekomstige leierskapsdebat sal nie oor prestasies gaan nie maar oor of ‘n persoon kan verstaan wat inflasie beteken, het Malema gesê onder applous en ‘n dawerende gelag.

Hy beskuldig die ANC van selektiewe besluite, veral met betrekking tot die dissiplinêre prosedures wat ingestel is teen Jeugligaleiers.

Malema het gesê die liga word geprys as militant wanneer hulle sekere individue kritiseer, maar weer veroordeel as swak gedissiplineerd wanneer hulle kritiek oor ander uitspreek.

“Dit kan nie wees dat een gekritiseer kan word en ‘n ander kan nie.”

Malema het gesê nie al die ANC-leiers was progressief nie, met verwysing na diegene soos John Dube, die stigtingsvergaderingspresident van die African National Congress wat uiteindelik uitgeloop het en ‘n ander organisasie gevorm het.

Malema het gesê menings van die jeugligaleierskap is moontlik gesien as ‘n bedreiging deur die moederliggaam.

“Dit is ons waarneming. Dit is dalk nie heeltemal korrek nie. Ander mense kan verskil,” het hy gesê.

Verwysende na die ANC se tesourier Mathews Phosa, het Malema gesê dit is niks persoonliks nie, maar die leierskap moet kritiek aanvaar.

“Ons moet eerlik wees en nie voorgee nie. Ons moet ‘n ware weerspieëling van wat gebeur wees,” het hy gesê.

“As jy ‘n rol wil speel, dan het jy die verkeerde loopbaan gekies.”

Malema het gesê leierskap moet altyd oop wees vir kritiek, want dit bou hulle as sterk leiers.

“Pasop kameraad Mathews, wanneer mense ophou kritiseer, moet jy bekommerd wees, maar wanneer hulle jou kritiseer, beteken dit dat hulle omgee.”

Malema bevraagteken die logika agter die dissiplinêre prosedure teen hom en ander ligaleiers.

“Wat is so swak-gedissiplineerd aan denke? Kom ons debatteer daaroor. Jy het die reg om te dink selfs al dink ons aan die verkeerde dinge,” het hy gesê.

“Jy hoef nie toestemming te kry om te dink nie, jy is gebore met dit. Dit is jou geboortereg en jou eie baba om te versorg.”

Malema het gesê dat die liga nie gestraf kan word vir denke nie.

Alhoewel die liga uitsprake gemaak het om Botswana se regering omver te werp, het hulle dit nie gedoen nie.

Dit was net ‘n gedagte, het hy gesê, en bygevoeg dat die leierskap van die African National Congress hulle liewer tot orde moes roep in plaas van skors.

Malema is skuldig bevind aan die saai van verdeeldheid binne die party, deels oor sy verklarings ivm Botswana.

Phosa, wat sit en luister het na die Malema-aanval op Zuma se leierskap, het saam met Malema ‘n uur laat opgedaag by die Universiteit van die Witwatersrand se Great Hall waar groot opgewondenheid en ‘n karnavalatmosfeer geheers het.

Hy sou saam met die nasionale uitvoerende komiteelid en sportminister Fikile Mbalula optree, wat gekanselleer het weens ander verpligtinge.

Phosa het beklemtoon dat dit net regverdig is dat ANC-lede die vryheid om menings te deel sonder vrees behoort te geniet.

“Die ANC moet op die voorpunt wees om ander se regte te beskerm, en dit is deel van die beweging om waar nodig is, te verskil.”

‘n Situasie waar daar onwilligheid is om te verskil, selfs in die openbaar, stel die bevryding en die Grondwet in gevaar, het hy gesê.

“Idees is spiese van môre. Ons moet nie dié spiese stomp maak nie.”

Oor leierskap, het Phosa gesê die krag lê nêrens anders as by die takke van die organisasie nie.

Malema het Phosa geprys vir sy behandeling van die jeugliga wat verskil van “diegene wat dink dat ons aan politieke melaatsheid ly”.

“Mense is bang om te assosieer met ons. So wanneer iemand uit die leierskap kom wanneer dit versoek word, dit inspireer hoop,” het hy gesê.

“Dit vertel ons nie almal is verlore nie en dat ons nog steeds ‘n dapper leierskap het.”

‘n Hele aantal studente kon nie sit- of staanplek in die Great Hall kry nie want dit was stampvol.

Dié groep studente moes met die portaal tevrede wees waar hulle verrigtinge op monitors wat aan die mure gemonteer is, kon volg.

Vroeër, het jeugliga-ondersteuners gesing en gedans op die maat van strydliedjies terwyl hulle gewag het.

Sommige liedjies was ter ondersteuning van Malema, met ‘n paar wat spot met Zuma as ‘n “lastige stortmens” en die ANC-sekretaris-generaal, Gwede Mantashe, as die “lastige bokbaardjie”.

Die liga het voortdurend hul voorkeur vir adjunk-president Kgalema Motlanthe uitgespreek om Zuma te vervang en Mbalula om Mantashe te vervang.

VF+ veg voort teen e-tol

Adv. Alberts onderhandel met die polisie

Die Vryheidsfront Plus se protes-aksie teen die tolstelsel het binne ure so uitgekring dat mense wat die nuus oor die radio gehoor het, spontaan na die vergaderplek gery het om ook hul ontevredenheid uit te spreek.

Mnr. Jaco Mulder, Gauteng leier van die VF Plus, het by die Ultra City op die N1-hoofweg tussen Johannesburg en Pretoria gesê die protes-aksie teen die aktivering van die Gauteng se tolstelsel het daarin geslaag om die ontevredenheid van die publiek opnuut onder die aandag van die regering te bring.

“Die grootskaalse ontplooiing van lede van die SAPD en Johannesburg Metro polisie met voertuie, getuig daarvan dat die owerhede die proeflopie as ‘n groot bedreiging beskou. “Vandag se aksie was slegs die eerste van ‘n reeks wat gaan volg”, sê Mulder.

“Die aandag van die publiek is opnuut op die kwessie gevestig en die VF Plus gaan voort met die organisasie van ‘n reeks optogte op die snelweë van Gauteng totdat die e-tolstelsel gestaak word.” Die VF Plus het reeds in 2010 die aksie teen die tolstelsel begin deur meer as 130 000 handtekeninge met ‘n aanlynpetisie te werf.

Adv. Anton Alberts, organiseerder en VF Plus LP, het kort voor die spontane optog met motorfietse, motors en woonwaens sou begin, in ‘n hewige argument met die polisie betrokke geraak. Hoë offisiere van die polisie het adv. Alberts beveel om nie voort te gaan met aksie planne nie waarop Alberts gesê het dat die regering se oor regulering van die wet nou mense se regte strem.

Adv. Alberts sê die polisie sal nie sy party se entoesiasme stuit nie. “Die VF Plus veg lank al reeds vir die afskaffing van die e-tolstelsel en sal binnekort weer ‘n protes aksie reel.” Die VF Plus was gesteun deur die SA Woonwavereniging, die Nasionale belastingbetalers vereniging en verskeie motorfiets klubs.

Selfs Johan van der Merwe, alias “Mal Jan” van Jacaranda 94.2 se ontbytsessie was daar geklee in ‘n Arabiese uitrusting en vals baard. Aan sy sy was ‘n kameel, gereed vir aksie. Die regering beplan om die e-tolstelsel op 30 April te aktiveer.

Straatnaamgeveg raak warm

Die straatnaamverandering gaan miljoene rand uit die sakke van gewone Pretorianers jaag wat nou adresse, kaarte, bemarkingsmateriaal ens. op hulle eie koste sal moet verander. Die VF Plus het die verandering van straatname in Pretoria by gister (29 Maart 2012) se raadsvergadering van die Tshwane-metroraad teengestaan en gesê dat die DA sy Afrikaner-kiesers in die steek gelaat het deur nie teen die naamsveranderinge te stem nie.

Die VF Plus het gesê dat dit jammer is dat die ANC besluit het om oorhaastig met die straatnaamveranderinge voort te gaan voordat gesprekke en onderhandelinge hieroor behoorlik deurgevoer is. “Waarom 18 jaar nadat die ANC in 1994 oorgeneem het, nou skielik die haastigheid? Duidelik word kort termyn ANC voordeel met die oog op hulle leiersverkiesings later vanjaar bo die belange van gewone Pretorianers gestel,” het dr. Conrad Beyers, die VF Plus raadslid in die Tshwane Metroraad gesê.

Volgens dr. Beyers, wat by die onderhandelinge betrokke was, het die ANC homself weereens bewys as ‘n oneerlike onderhandelingsvennoot. Tydens onderhandelinge het die ANC, in die persoon van die Burgemeester, aan die VF Plus ‘n aanbod gemaak dat Pretoria se naam behoue kan bly terwyl ‘n oplossing rakende die straatname gevind moet word. Hiervan het niks gekom nie.

Die VF Plus se uitgangspunt bly dat dat dit ‘n fout is om histories sensitiewe name te verander. Daar is genoeg neutrale straatname en nuwe strate waar die ANC hulle helde kan benoem. Die VF Plus het dit deurgaans in die onderhandelinge duidelik gemaak dat teen hierdie agtergrond, die partye tot ‘n kompromis as ‘n pakket, met die nodige waarborge, bereid is. Terwyl hierdie gesprekke nog aan die gang was, het die VF Plus verneem dat die ANC besluit het om eensydig met die straatnaamveranderinge voort te gaan.

“Tydens gesprekke het ek genoem dat daar ‘oorlog’ sal wees as die ANC byvoorbeeld histories sensitiewe name soos Pretorius- en Paul Kruger-strate sou verander. Daarna het die ANC besluit om daardie twee name te behou – en verkeerdelik aangeneem dat die VF Plus slegs met daardie twee name tevrede sou wees – daar was op geen stadium ‘n finale ooreenkoms nie en die VF Plus het nog nooit openbaar aangekondig dat ‘n kompromis bestaan (soos Ramokgopa beweer) nie”, het Beyers gesê.

Die DA het tydens die raadsvergadering geargumenteer dat die meeste Afrikaners vir die DA stem en dat dit beteken dat die meeste Afrikaners saam met die DA die naamsveranderinge ondersteun – iets wat die VF Plus as belaglik afgemaak het. Die DA se steun vir die naamsveranderinge in Pretoria en in Kaapstad gaan ‘n groot deel van sy Afrikaner-kiesers vervreem.

‘Nederlanders moet gaan kak’

‘n ANC-LP me. Vytjie Mentor het Woensdag op Facebook uitgevaar teen die Nederlandse politieke party wat hulself teen straatnaamsveranderinge in Pretoria uitgespreek het. “Die Nederlanders moet gaan kak,” het sy gesê.

Martin Bosma, LP van die regse Partij voor de Vrijheid (PVV), het ‘n vroeër ‘n verklaring uitgereik waarin hy sê die Nederlandse ambassade in Koningin Wilhelminalaan in Pretoria, behoort die huidige naam te behou.

Bosma het ook gesê Afrikaners se anti-koloniale verlede en hulle lyding in konsentrasiekampe aan die hand van die Britte, moet nie uit die oog verloor word nie.

Mentor het op Willie Spies, regsadviseur van AfriForum, se Facebook-blad haar onomwonde mening gegee. Spies het by navraag aan Beeld gesê dit is Mentor se reg om haar standpunt te huldig.

“Laat hulle gaan kak! Wie se land is SA? Hulle gaan nou te ver! Moet ek nou iets gaan sê oor watse name gee hulle vir hul strate in Nederland? Hulle dink hulle is nog onse masters? Kak!”

Sy het voortgestoom oor die “rightwinger fascists” wat dankbaar is oor die Nederlanders se houding.

Die DA is tans besig om die straatnaamkwessie te probreer systap in ‘n poging om swart inwoners ter wille te wees. Hulle het aangedui dat hulle buite stemming sal bly oor die aangeleentheid.

Hertzogprys is ‘dwase politiekery’

Die raad van die SA Akademie vir Wetenskap en Kuns het op Vrydag 23 Maart die Hertzogprys vir 2012 aan die digter-dramaturg-skrywer, Adam Small, vir sy drama-oeuvre toegeken. Dié besluit is ‘n politieke een en dwaas, sê skrywers en uitgewers.

Adam Small vier vanjaar sy 75ste verjaardag. Hy het reeds in 2009, die SA Akademie se eeufeesjaar, ook die Akademie se Eeufeesmedalje vir sy hele oeuvre ontvang.

Die aankondiging van die toekenning is met min entoesiasme by die lesende Afrikaanse publiek begroet. By die Akademie egter, het die vreugdevure glo hoog gebrand oor ‘n “eenparige besluit”.

Dr Michael le Cordeur stel dit duidelik: “Ek was verlede week die eerste keer in my lewe deel van die Akademieraad se vergadering. En ek het my stem helder en duidelik laat opklink ten gunste daarvan dat die Hertzogprys aan Adam Small toegeken word. Ons kon kwalik ons blydskap beteuel.

“In sy literatuurgeskiedenis het JC Kannemeyer Kanna hy kô hystoe vermeld saam met die belangrikste internasionale dramaturge in die wêreld. Die Hertzogprys is die hoogste literêre onderskeiding wat die SA Akademie kan toeken.”

Nicol Stassen, uitgewer, het intussen beswaar gemaak oor die toekenning. Stassen sê die reglement maak net voorsiening vir werke wat die afgelope drie jaar verskyn het.

Le Cordeur is briesend vir die uitgewer wat “dink soos ’n kapitalis”. Hy het Stassen daarvan beskuldig dat hy sy boeke wil bevorder vir eie gewin en uit ‘n apartheidsverlede argumenteer.

“Ons moet die foute van die verlede regmaak,” meen le Cordeur. Hy het nie uitgebrei oor die stand van die Afrikaanse drama as die Hertzogprys aan ‘n 75-jarige persoon toegeken word wat jare laas ‘n nuwe werk geproduseer het nie.

Skrywers wat nie aan die Akademie se onverkwiklike en “dwase politiekery” wou deelneem nie, het aan Praag gesê die instelling is deur bruin intellektuele oorgeneem onder leiding van dr. Dioné Prinsloo.

Dr. Prinsloo dien ook op Afriforum se direksie.