Dan Roodt – Bladsy 1011

15 000 wit polisiemanne moet waai

’n Interne dokument van die SAPD wat onlangs uitgelek het, bepaal dat ongeveer 15 000 blanke polisiemanne voor 2010 uit die SAPD geskop moet word ten einde plek vir swartes te maak ingevolge die ANK-regering se beleid van “gelyke indiensneming”.

Die inhoud van die verslag is glo deur Jackie Selebi goedgekeur. Gegewe die huidige misdaadgolf wat oor Suid-Afrika spoel, is dit weereens ’n duidelike teken van die absurde rassebeleid wat die ANK volg. Daar is absoluut geen logika daarin om wetstoepassers met 10 jaar en meer ondervinding met persone met geen ondervinding te vervang nie. Dit is verder duidelik dat die ANK-regering nie ernstig is om plaas- en huisrooftogte te bekamp of te voorkom nie. Ongelukkig is dit die gewone, hardwerkende en eerlike man op straat/plaas wat die wrange vrugte van die ANK se rassebeleid gaan proe.

no deposit win

Voormalige RAU: slegs 2 uit 31 raadslede nog Afrikaners

RAU: Afrikanerkerkhof?

Slegs 2 uit 31 raadslede (waaronder 8 blankes) van die voormalige Randse Afrikaanse Universiteit in Johannesburg is nog Afrikaners. Ook die rektor van die universiteit is ’n ondergekwalifiseerde bruinman, Iron Rensburg, wat hom by voorkeur in Engels uitdruk. Die skouspelagtige ineenstorting van Afrikanerinvloed aan dié universiteit is deels te wyte aan wat personeel aan dié universiteit die “kapitulasie” van die vorige bestuur noem en deels aan Kader Asmal, die vorige anti-Afrikaanse onderwysminister, se kwaadwillige samesmeltingsprogram.

Die RAU is in die vroeë sewentigerjare opgerig om in die vraag na tersiêre onderrig in Afrikaans aan die Rand te voorsien. Geldinsamelingsveldtogte is regoor die land, maar veral in Johannesburg, asook die Oos- en Wesrand deur Afrikaners gehou om die droom van ’n Afrikaanse universiteit in Johannesburg te verwesenlik. Ook die voormalige Broederbond het ’n groot rol gespeel om die destydse Nasionale Partyregering te oorreed om ’n Afrikaanse universiteit in Johannesburg op te rig.

Kader Asmal

Weens die nabyheid van dié universiteit, kon laermiddelklasouers aan die Oos- en Wesrand vir die eerste keer hul kinders universiteit toe stuur en het ’n hele geslag Afrikaners sodoende toegang tot universiteitsonderrig verkry.

Die verbeeldingryke moderne argitektuur van die RAU is indertyd deur kenners geloof as die versinnebeelding van die moderne, stedelike Afrikaner. Sommige Engelstalige kritici het dit egter as ’n “betonlaer” afgemaak.

Sedert Asmal se vyandige samesmelting van die RAU, die Witwatersrandse Technikon en die Vista-universiteit in Soweto, is die RAU herdoop tot die “University of Johannesburg” en het die voertaal insgelyks Engels geword, hoewel sommige klasse nog in Afrikaans aangebied word terwyl dié taal uitgefasseer word.

UJ verkies Indi?rs of swartes

Op die webblad van die University of Johannesburg word die tipiese student deesdae as hetsy ’n Indiër, hetsy ’n swarte, uitgebeeld (sien foto links).

Die meerderheid van die doserende personeel, tot sewentig persent, bestaan egter steeds uit Afrikaners. Die RAU bied daarom ’n studie in Afrikanerondergang, hoe ’n eens trotse instelling wat Afrikaans voorop gestel het, binne slegs enkele jare ’n radikale “transformasie” ondergaan het.

Toenemend word daar ook van Afrikanerpersoneel verwag om ondergeskikte posisies teenoor swart akademici in te neem, terwyl hulle steeds “die werk moet doen”. In een so ’n voorval is ’n Afrikaanse vrou gevra om terwille van “transformasie” ’n swart dekaan te aanvaar, met dien verstande dat sy al sy administratiewe en bestuurspligte moet uitvoer. Sy het egter geweier en aangebied om te bedank. Hierna is sy in die dekaanspos aangestel, ’n rare voorbeeld van Afrikanerverset aan die voormalige RAU waar die gees van oorgawe spookagtig deur die blink gepoleerde gange sweef.

Van waar die Tambo-miljoene?

Adelaide Tambo

Die weduwee van die voormalige ANC-hoofman, Oliver Tambo, het so pas gesterf. Woordvoerders uit die regerende party soos Thabo Mbeki bring tans hulde aan die ontslape Adelaide Tambo as “heldin van die nasie”, maar groot nuuskierigheid heers oor die waarde van die Tambo-boedel.

Oliver Reginald Tambo het Suid-Afrika in die sestigerjare verlaat en as ‘n ryk man teruggekeer, terwyl hy sy lewe lank in die ANC se diens was. Die Tambo-kinders, waaronder Dali Tambo wat in die luuksebuurt Saxonwold in Johannesburg woon, beskik al drie oor ’n uitspattige lewenstyl.

In die doodsberig oor Adelaide Tambo word vermeld dat sy ná 1976 vir die International Defence and Aid Fund gewerk het. Dié fonds was die voorwerp van ondersoeke deur die destydse inligtingsdienste aangesien geheime somme geld van die Sweedse regering deur hierdie fonds na die ANC gekanaliseer is.

Dit was wel bekend dat die Sweedse parlement onder Olof Palme finansiële steun aan die “bevrydingsbeweging” gestem het, maar die presiese bedrae is nooit bekend gemaak nie. In April 2004 het die Sweedse ambassadeur in Suid-Afrika in ’n onderhoud oor RSG gespog dat “die ANC nooit sonder ons hulp die bewind sou oorgeneem het nie”. Die bedrag wat gewoonlik genoem word as daar van destydse Sweedse hulp aan die ANC gepraat word, is $100 miljoen per jaar.

Olof Palme

Olof Palme is op 28 Februarie 1986 in ’n sluipmoord gedood. Hy is in Sveavägen, ’n straat in die middestad van Stockholm, doodgeskiet terwyl hy en sy vrou, Lisbet, besig was om huis toe te loop nadat hulle gaan fliek het. Daar is selfs gespekuleer dat die SA veiligheidsdienste agter die sluipmoord kon gesit het.

Feit is egter dat groot bedrae Sweedse geld in die vorm van geheime fondse na die ANC gevloei het onder die destydse Palme-regering wat ‘n sterk linkse en anti-Westerse inslag gehad het. Dis in die aard van geheime fondse dat daar moeilik beheer daaroor toegepas word.

Oliver Tambo het, soos menige Afrikaleier voor hom, ryk geword uit die politiek. Met die dood van sy vrou Adelaide, wat haar loopbaan in 1944 as ’n bode vir die organisasie begin het, word ’n hoofstuk in die Tambo’s se finansiële opgang afgesluit. Ná 1994 het ANC-politici immers nie meer Swede vir ’n bron van inkomste nodig gehad nie, maar het hulle direkte toegang tot die Suid-Afrikaanse staatskas verkry, asook swartbemagtigingstransaksies waaruit figure soos Sexwale en Ramaphosa miljoenêrs geword het.

games kazino

Misdaad: ENB plaas druk op Mbeki

Een van die vier groot Suid-Afrikaanse banke, Eerste Nasionaal, gaan binnekort druk op Mbeki plaas om sy siening oor misdaad te verander. Volgens die bank gaan hy van dié naweek af met ‘n groot anti-misdaadveldtog in die media begin om die ANC-bewind onder die indruk van die erns van die probleem te bring.

лобановский обыск

Fort Hare weier om sy naam te verander

Die Pan African Congress (PAC), het onlangs ‘n beroep op die Universiteit van Fort Hare gedoen om die instelling se naam te verander na dié van Robert Sobukwe, die stigter van die PAC en ‘n alumnus van die instansie.

Die naam van die universiteit verwys na ‘n Britse soldaat van koloniale tye, ene Generaal Hare. Die universiteit het die versoek egter van die hand gewys en sal die naam Fort Hare behou, ten spyte van die presedente wat elders met naamsveranderings geskep is. Bogenoemde universiteit kan kwalik van rassistiese motiewe of weerstand teen transformasie beskuldig word, siende dat dit ‘n tradisioneel swart universiteit was en is, en ‘n sleutelrol in die "Struggle" gespeel het.

Dit is andersyds uiters insiggewend dat Afrikaanse name soos Pietersburg, Potchefstroom, Pretoria en die RAU, op groot skaal verander word, onder die voorwendsel dat sulke name die sogenaamde euwels van kolonialisme of apartheid sou vergestalt, maar dat name soos Queenstown en Fort Hare wat terugverwys na Britse kolonialisme, onaangeraak bly, selfs al word daar voorstelle gemaak soos in hierdie geval.

Uit hoofde van bostaande moet die gevolgtrekking noodwendig spruit dat naamsveranderings absoluut niks te make het met kolonialisme nie. Britse kolonialisme en koloniale name is klaarblyklik heeltemal aanvaarbaar vir die regime. Daar is weliswaar ‘n spesifieke, politieke doel met die verandering van Afrikaanse name, naamlik om Afrikaans en Afrikaners stelselmatig etnies uit die sogenaamde reënboognasie te reinig.

game of thrones

Steve en Kallie voer verkeerde stryd

As daar oor die afgelope paar maande een aanduiding was van presies hóé ’n groot leuen die mitiese reënboognasie is, moet dit die debakel rondom die ANC se Vryheidspark wees.

Die ANC-vryheidspark verteenwoordig ’n skandalig uitspattige en groteske vermorsing van belastingbetalersgeld in Pretoria, wat deur die ANC regime opgerig is ter nagedagtenis aan “helde” van die “vryheidstryd”. Oor die soort gespuis wat die ANC vir helde aansien hoef ek nie uit te wei nie – Tony Yengeni en Robert McBride is twee pragvoorbeelde.

Daar is uiteraard ook ’n fundamentele konflik tussen die konsep vryheid en dít waarvoor diegene wat in die Vryheidspark vereer word, baklei het. Díé wat tans in die park vereer word, het geveg en gesterf in die naam van kommunisme. Hulle het hulself beywer vir ’n nagmerrievisie van Stalinistiese onderdrukking wat tans besig is om in die Nuwe Suid-Afrika te realiseer.

Die voorsitter van die ANC-vryheidspark, Wally Serote, het dit verlede jaar onomwonde gestel dat blanke soldate wat aan die grens en elders in die stryd teen kommunisme gesneuwel het, se name onwelkom is by die monument, terwyl Kubaanse soldate wel vereer sal word. Daarmee is ek dit met hom roerend eens. As ’n voormalige dienspligtige beskou ek steeds diegene wat in die park vereer word, asook Serote en die regime as my vyande, en beskou ek dit as my plig om my en my volk te bevry van die onderdrukking wat ons aan die hand van die Marxistiese regime en vreemde volke ervaar.

Ek is baie dankbaar dat my mede-krygers van destyds se name nie aan die ANC se skandmuur verskyn nie, want ek wíl nie met lafhartige bomplanters en kriminele skuim vereenselwig word nie. Ek is dit voorts eens met die implikasies van Serote se uitlatings, dat daar geen gemene grond is tussen my volk en diegene wat die ANC verteenwoordig nie, en is eintlik baie dankbaar dat Serote dit op so ’n treffende wyse te kenne gegee het dat die gevoel wedersyds is.

Na my mening is beide Steve Hofmeyr en Kallie Kriel van Afriforum egter besig om hulself en ander Afrikaners te verneder deur daarop aan te dring dat ons soldate by die park ingesluit word, in die aangesig van die feit dat hulle en ander lede van hul volk duidelik onwelkom is.

Menere Hofmeyr en Kriel se mooi praatjies oor inklusiwiteit en nasiebou is totaal misplaas, en spreek van beide ’n ontkenning van die realiteit asook ’n soort kruiperige politieke korrektheid. Hulle ignoreer naamlik die onomwonde boodskap wat konstant uit die mond van die regime vloei, by monde van spreekbuise soos onder andere Serote. Daardie boodskap is dat die sogenaamde Nuwe Suid-Afrikaanse reënboog eenvormig swart is; dat daar geen plek is vir die Afrikanervolk nie; dat hy, sy geskiedenis, kultuur en taal eenvoudig onwelkom is in die mislukte piesangrepubliek wat die Nuwe Suid-Afrika is.

As ’n trotse lid van die Afrikanervolk doen ek ’n beroep op Steve Hofmeyr en Afriforum om op te hou om hulself te verneder, om op te hou om hulself neer te buig voor die vreemde volkere wat Afrikaners op ’n vyandige wyse onderdruk, om op te hou aandring om ingesluit te word dáár waar hulle nie welkom is nie. Menere Hofmeyr en Kriel: u tree waarskynlik met goeie bedoelings op, maar is besig om die verkeerde stryd te stry. Dit sou veel beter wees om kennis te neem van die skrif aan die muur. Die reënboognasie is dood. Dit was van meet af aan onwerkbaar en fundamenteel tot mislukking gedoem. U en ek as Afrikaners sal nooit in die swart reënboog welkom wees nie.

Mag ek voorstel dat u eerder u energie en invloed gebruik om ’n vreedsame oorgang na vryheid vir die Afrikaners te help bewerkstellig?

{mos_mb_discuss:13}

поильник для детей

Vrek in vrede!

Anton Barnard se skrywes het my aandag daarop gevestig dat dieselfde Johan Pienaar wat my nog laas van haatspraak aangekla het by die Menslike Onregkommissie dit nou op hom geneem het om namens Anton Goosen sy onwrikbare steun aan die demokrasie te bevestig. Al is Goosen onlangs aangeval en beroof.

Terwyl die media volgens hul gewoonte nêrens na die ras van Anton Goosen se aanvallers verwys het nie, het Johan Pienaar in sy brief namens die sanger op Litnet wel geïmpliseer dat hulle swartes was. Soos ek reeds in “Pas aan en sterf” aangetoon het, is kritiek op misdaad besig om die teenkritiek van “rassisme” te ontlok. Indien Anton Goosen deur blankes aangeval was, sou ons hulle as liederlike geweldenaars kon verdoem. Omdat die liedjieskrywer egter deur swartes aangeval is, moet ons ons woorde tel.

Volgens Johan Pienaar, “wil (Anton Goosen) die volgende baie duidelik stel. Die aanval op hom het niks met ras, geloof velkleur of oogkleur te doen gehad nie. Soos baie ander goeie mense in die land, wit en swart was hy ‘n slagoffer van slegte dade gepleeg deur mense wat hulself die besittings van ander wil toeëien sonder om daarvoor te werk. Misdaad word gepleeg deur wit en swart mense en die slagoffers daarvan is wit en swart.”

Hierna word daar uitgewei oor die aantal roofkopieë van Anton Goosen se CD’s wat deur sy aanhangers gemaak word en wat van dieselfde orde sou wees as om iemand met geweld te beroof en sy lewe in gevaar te stel deur ‘n vuurwapen op hom te rig.

Iewers is daar ‘n digbundel deur die Nederlandse Vyftiger, Lucebert, met die titel Die dieren der democratie. Hy het dit seker anders bedoel, maar skielik het die begrip vir ons inheemse betekenis verkry: die diere van demokrasie, wat veral toegelaat moet word om hul gang te gaan en hul dierlike luste en vryhede uit te leef.

In ons demokrasie is daar egter – soos in die natuur – twee soorte diere: roofdiere en die grasvreters wat gewoonlik hul prooi uitmaak. Ook Lucebert gebruik as motto voor in sy digbundel die volgende woorde deur Ter Haar: “de vrede graast de kudde voor”.

As mens die digter se Nederlandse woordspel moes parafraseer: Die vrede geniet voorrang by die kudde omdat hulle bloot wil voortwei. En sport op TV kyk, wil mens byvoeg.

Ek het ‘n paar jaar gelede ‘n stuk geskryf oor “Amy Biehl en Euromasochisme” (tans beskikbaar in Aweregs). In die aanvalle die afgelope paar dae op Anton Barnard op Litnet, asook uit Johan Pienaar se verklaring, blyk dit dat die Euromasochiste geensins tot die Biehl-gesin beperk is nie. Nie net het Amy Biehl se ouers, Peter en Linda, hul kind se moordenaars vergewe en hul hande geskud nie, maar hulle het agterna vir twee van hulle werk aangebied by die Amy Biehl-stigting.

Dit waarop Johan Pienaar en sommige Litnet-skrywers afstuur, is van dieselfde orde. Hulle boodskap is: moenie jouself teen misdaad verset nie, verduur dit eerder. Beloon die persoon wat jou beroof of verkrag of ‘n familielid vermoor het. Dit lei tot “versoening”, “nasiebou” en al die ander goeie dinge wat die ANC-bewind aan ons voorhou. Omdat swartes (en bruines) in 99% van gevalle diegene is wat geweldsmisdaad pleeg, kan die blote kritiek teen misdaad tot “verdeeldheid” lei. Johan Pienaar, wat namens Anton Goosen praat, druk ook die universele Euromasochistiese credo uit as hy sê: “Die misdaadprobleem in die land kan nie opgelos word deur ekstra polisiemanne op straat te plaas as die algemene burgery se eerste verbintenis nie is om op te hou misdaad pleeg nie. Om enige aksie te neem wat die verdeeldheid in die land nog verder te onderstreep is nie ‘n oplossing nie.”

Wie is “die algemene burgery”? Is dit die jong blanke tieners wat roofkopieë van CD’s maak? Is daar ‘n kousale verband tussen die aantal blanke tieners wat onwettige kopieë van liedjies maak en die aantal jong swart en bruin mans wat gewapende roof, vekragting en moord pleeg? Die Euromasochis is by uitstek ‘n kuddedier, dus moet ons nie te veel logika van hom verwag nie.

In die Noord-Transvaal is daar ‘n groep boere en lede van TLU-SA wat hulself in sogenaamde “steunkringe” georganiseer het om hulself teen misdaad te verset. Waarskynlik dra dit nie Johan Pienaar en Anton Goosen se goedkeuring weg nie, omdat dit tot “verdeeldheid” mag lei. Maar oud-kol. Gideon Meiring wat aan die hoof staan van TLU-Veiligheid het ‘n gepaste uitdrukking vir diegene wat nie by gemeenskapsveiligheidsaksies betrokke wil raak nie: “vrek in vrede”.

Meiring vergelyk hulle gedrag met dié van ‘n rooiboktrop waarvan lede af en toe deur roofdiere soos leeus of luiperds gevang en opgevreet word. Aan die kante van die kudde word hulle uitgedun, terwyl die res anderpad kyk en hoop dit gebeur nie met hulle nie. Trouens, om af en toe ‘n lid van die kudde aan die roofdier af te staan, sorg natuurlik dat die hele kudde nie uitgewis word nie. Met elke roofdieraanval trek ‘n kortstondige rilling deur die kudde as hy op die vlug slaan, maar kort daarna bedaar almal weer en wei rustig voort asof niks gebeur het nie.

Dit mag wees dat die diere van die demokrasie, sowel die roofdiere as die prooi en Euromasochiste, in ekologiese balans verkeer. Soos enige besoeker aan die Krugerwildtuin sal opmerk, is daar immers meer rooibokke as leeus of luiperds. Die probleem is egter dat die roofdiere in ons samelewing besig is om gevaarlik in aantal te vermeerder. By watter punt gaan die roofdiere hul prooi uitput sodat die hele stelsel in duie begin stort?

Die Afrikanervolk beleef tans die grootste krisis in sy bestaan sedert Van Riebeeck in die Kaap aangekom het. Daar is ‘n verskriklike uitdunproses aan die gang waardeur duisende van ons mense vermoor, vermink en verkrag word deur die roofdiere van die demokrasie. Die gelukkiges kry dit reg om te emigreer. Tans is ‘n klein minderheid besig om hulself daadwerklik te bewapen en te beveilig teen geweldsmisdaad.

Onder aansporing van die Euromasochiste soos Johan Pienaar, Antjie Krog en die res is daar egter ‘n groep wat die leuse “vrek in vrede” hul eie gemaak het. Die rassetaboe intimideer hulle so geweldig dat hulle nie gaan reageer nie. Die feit dat misdaad elke dag voorbladnuus is, skeel hulle nie. Solank dit met iemand anders gebeur, gee hulle ook nie om nie.

Dis egter nodig dat diegene van ons wat wíl oorleef en wat nie langer met hierdie barbaarse geweldsbestaan gediend is nie, alles in ons vermoë sal doen om soveel Afrikaners as moontlik van ondergang te red.

Die eerste ding wat moet gebeur, is dat ons onsself in ‘n burgerlike netwerk met eie kommunikasie en reaksievermoëns moet organiseer ten einde die misdadigers die stryd aan te sê.

PRAAG, TLU-Veiligheid en ander organisasies is reeds besig met gesprekke in dié verband en u kan binnekort ‘n aankondiging verwag. Binne die volgende maand wil ons ‘n groot openbare vergadering in Pretoria hou waar die publiek se steun vir so ‘n inisiatief gevra sal word. Dit sal gevolg word deur verdere byeenkomste elders in die land. As ons oor die volgende jaar genoeg mense in stedelike en landelike kommando’s kan saamsnoer, sal die diere van die demokrasie nie langer na willekeur op ons kan jag maak nie.

{mos_mb_discuss:13}

топкарго кидалы

WB se veiligheidshoof is korrupte tronkbaas

Linda Mti, vorige DKD-hoof

Die plaaslike reëlingskomitee van die internasionale sokkerliggaam FIFA, het aangekondig dat Linda Mti, voormalige hoof van die Departement van Korrektiewe Dienste, aangestel is as die hoof: veiligheid van die Wêreldsokkerbeker in 2010. Mti moes by die DKD bedank weens aanklagte van korrupsie en dronkbestuur.

Mti is ook anti-Afrikaans. In 2001 is studente van die DKD se Zonderwater-opleidingskollege met die dood gedreig deur amptenare van die departement omdat hulle hul eksamens in Afrikaans wou aflê. Mti het die gedrag van sy amptenare verdedig.

Kritiek is reeds uit die geledere van die DA se mnr. James Selfe uitgespreek. Volgens Selfe is Mti se aanstelling “ten beste voortydig en ten ergste swak oordeel”.

Die gewese gevangenishoof word sedert November verlede jaar deur die Staatsdienskommissie ondersoek weens ‘n botsing van belange. Mti het naamlik bande gehad met maatskappye wat terselfdertyd verskaffers van die DKD was. Ook in November 2006 het Mti onder die invloed agter in ‘n ander voertuig vasgery in die Johannesburgse spitsverkeer. ‘n Saak van dronkbestuur is teen hom aanhangig gemaak, maar intussen van die hofrol geskrap weens die departement van gesondheid se gesloer met die tersaaklike bloedtoetse.

Данильченео

Dan Roodt in debat oor Afropessimisme

{enclose Rekenskap1204200616bis.mp3}

май литл пони игрушки топкарго отзыв

Kommunikasie maak weerbaar

Die eerste en belangrikste stap tot weerbaarheid is kommunikasie.

1) Spoed. Om vinnig en doeltreffend te kan kommunikeer is van kardinale belang. Kommunikasie moet uiters vinnig kan geskied want in situasies van nood is tyd krities en ons praat van sekondes nie minute nie.
2) Effektiwiteit. Om met die regte mense te praat is net so krities. Dit help nie jy kontak die polisie nie want hulle is die beskermengele van die bende in die buurt. Dit help nie jy kontak jou familie nie want hulle bly te ver. Jy moet al jou buurmanne kontak.

Die beste oplossing vir altwee hierdie kriteria bly maar die tweerigtingradio. Nie selfoonoproepe of SMS'e kan kompeteer met die spoed en doeltreffendheid van 'n radio nie. Met die druk van een knoppie kan jy tegelykertyd met al jou bure praat.
Stap dus vanaand oor na jou Afrikanerbuurman en oortuig hom om ook 'n tweerigtingradio te kry.

Misdaad is nie ‘n natuurverskynsel nie

Misdaad is een van die woorde wat gebruik word om menslike aksie te beskryf. Dus is misdaad nie ŉ natuurverskynsel nie.

Om oor misdaad te dink in terme van metafore dien geen doel en misdaad moet gesien word as die gevolg van menslike aksie. Die enigste oplossing is dus om of daardie mens wat jy glo ŉ misdadiger is tydelik of permanent uit jou gemeenskap te verwyder.

Buiteland toe!

Die Afrikaner het geen bedingingsmag in hierdie land nie!

Ek is van mening dat ons Afrikaners geen inspraak by die huidige regering het nie. Ons gaan ook vorentoe geen inspraak hê nie. Om as Afrikaners of wat ook al met hulle te gesels, is 'n mors van tyd.

Die ANC-hiërargie se ideologiese denke is destyds deur hul Marxistiese leermeesters in veral Rusland en Oos-Duitsland gevorm. Hulle het nog nooit afgesien van die uitgediende denke en metodes wat hulle in Moskou en Leipzig aangeleer het nie.

Die revolusie wat die diktatuur van die proletariaat vooraf moes gaan, is gefrustreer met die oorgawe van De Klerk, Wessels, Meyer en die ander patete.

Daardie rewolusie is egter tans besig om te ontwikkel met die moorde op boere en al die ander besittersklasse ("have's"). Die verwoesting wat tans aan die gang is, sal voortgesit word en sal vererger – met die stilswyende goedkeuring van die regering. Die uitsprake en optredes van siele soos Mbeki, Selebi, sy minister en die ander klomp bevestig die feit dat daar niks van hul kant sal kom om die verwoesting te stop nie, inteendeel.

Wat kan ons doen? Ek dink ons kan baie doen om die proses te vertraag en hopelik om dit uiteindelik tot stilstand te dwing. Ons kan egter dit nie doen deur ons na die regering te wend nie. Ons redding is slegs by diegene te vinde wat die politieke, maar veral die ekonomiese spiere het wat hierdie regime dermate kan bedreig dat hulle geen ander keuse het as om gehoor te gee nie.

As voorbeeld. Indien die Duitse regering en/of BMW, VW en Siemens sou sê dat hulle verdere beleggings en betrokkenheid hier gaan beëindig, tensy die volksmoord en verwante misdrywe gestaak word, is ek oortuig dat die klokke hier sal begin lui.

Dieselfde tipe druk kan positiewe gevolge inhou op die internasionale politieke terrein. Dit is 'n baie sensitiewe gebied vir enige swart leier, soos ons duidelik kan sien met Mbeki se beheptheid oor sy buitelandse beeld en om altoos sy neus oral in te druk. Indien die lede van die internasionale politieke gemeenskap begin om vir die vent die deur te wys, omdat hy o.a. die misdadigheid, vigs, ens., in sy eie land nie kan beheer nie, sal daar myns insiens deeglik van kennis geneem word.

Hoe bereik mens die punt waar sulke druk op die regime geplaas word? Die enigste manier is deur toegang te bewerkstellig tot die teikenstate en die groot maatskappye, die internasionale media, politieke groeperinge en partye in die state wat politieke en ekonomiese invloed in die NSA het.

Dit sal ook noodsaaklik wees om die steun, finansieel en ,te verkry van rolspelers in die NSA, soos Johan Rupert en soortgelyke invloedrykes. Sulke mense se insette, veral wat toegang en finansiële spiere betref, is bykans onontbeerlik.Die strategieë, taktieke en metodes is omvangryk en moet haarfyn beplan en geesdriftig ten uitvoer gebring word. Terugslae moet omskep word in welslae en toegewydheid is 'n ononbeerlike vereiste.

Makliker gesê as gedaan?

Nee, vir seker nie! Die huidige regering het met groot vrug van hierdie metodes gebruik gemaak. Ek weier om te aanvaar dat ons nie opgewasse is vir so 'n taak is nie. Ons land en die buiteland is vol wonderlike Afrikaners wat hierdie taak op verskillende wyses en met kundigheid kan verrig. Ons het reeds duisende vrywillige werkers in al die state wat saak maak! Wat ook kundiges is en van groot hulp kan wees om benaderingswyses te bepaal en selfs om toegang tot teikens te bewerkstellig.

Kan Praag nie asb die voortou neem en so 'n inisiatief aan die gang kry nie? Dit is myns insiens ons enigste hoop.

Bismarck

Александр Фильчаков

Nasiebou: die verlies van ‘n volk

Die verlies van ’n volk toe ons ’n nasie wou bou!

Ek skryf die brief as 'n nuweling by die Afrikanerselfbeskikingsveldtog. Rapport verlede Sondag (28012007) was 'n baie goeie weerspieëling van die Afrikaanssprekende blanke Suid-Afrikaner se frustrasie met ons huidige situasie. Ek is geen politikus, leier, regse militant of doemprofeet nie, maar net 'n doodgewone Afrikaner.

Lees asseblief die brief tot op die einde en as jy saamstem met wat ek te sê het, stuur dit aan sodat ons as ’n volk kan aanbeweeg!

In Rapport lees ek vir die eerste keer Lets Pretorius se naam raak. Onmiddellik is ek op die net om te sien of die man nie dalk die leier is waarna ons op soek is nie. Jammerlik vind ek, wat ek glo sy webtuiste is met ‘n argument tussen hom en ene Frikkie. In een gesprek word uit die Bybel aangehaal en later sommer gevloek. Nee regtig, die mense gee ons ’n swak naam – word wakker manne! Haal daai snert asseblief van die net af, ons het baie mense in die land leer lees!!!!!

Ek kry ook ander webtuistes wat handel oor die Boerebevryding en vra myself die vraag af – wie het ons volk in aanhouding? (Dit is nou hier wat dit belangrik raak om tot die einde van die brief te lees.) Sover ek weet is ek vry om my huis te verlaat, oorsee te gaan, kos te koop en die internet te besoek. Nou vir wat skryf ons ’n hele koerant vol stories en
doen 'n beroep op mense om saam te staan?

Ek glo ons volk het sy probleme by die vorige regering geërf. Ander groepe in die land het destyds nie die regering van die dag as hulle leiers beskou nie. Die Indiërs, Zoeloes en Jode byvoorbeeld, het hulle kulturele leierskap behou. Gewoonlik was die leiers van die kerk sommer ook die leiers van die volk. Met ons was dit anders. Dit was ons wat die land regeer het, en al was ons ’n paar partye wat van mekaar verskil het, was hulle tog ons leiers. Hulle het vir ons op alle vlakke gesorg: kultuur, geloof, opvoeding ens. Nie noodwendig so goed vir die ander groepe nie. Ons sou seker dan nie die probleme gehad het wat ons vandag het nie. Ek moet byvoeg dat nie almal in die Afrikanervolk het die regering 100% ondersteun nie. Ek glo ook nie dit kan so wees nie. Moet asseblief nie dink dat dit beter gaan by die ander volke nie. Ons Afrikaners is baie gou om ons eie volk af te takel oor die feit dat ons nie kan saam staan nie. Ek glo dit bring balans as ons ’n leierstruktuur in plek het (chaos as ons dit nie het nie). Dit is ook afgesaag as almal altyd ja en amen.

Met die vervanging van ons vorige regering is ons volksleiers toe ook daarmee heen. Hier kry ons toe ’n groep volksvreemdes om oor ons volksake te besluit. Mense wat vandag nog sukkel om oor die wel en wee van hulle eie volke te besluit! Nie te min het ons nie ons probleem besef nie en het aangehou kla oor die verandering van alles wat eie aan ons volk was. Die grond wat ons besit, die taal wat ons praat, ons geloof, ons skole, ons kerke, ons kultuur en ons besighede. Die bitter pil het al hoe erger geword om te sluk, tot vandag toe.

Vandag wil ek vra, watter volk, man, ouer, besigheidsman sal toelaat dat iemand anders oor die welslae van sy besgiheid, kinders en alles eie aan hom te besluit. Hoe het ons onself in so ’n gemors laat beland? My voorstel is: neem beheer terug oor ons eie sake, nie stop transformasie nie. Ek glo nog steeds dat daar vir elkeen ’n plekkie in die son is. As daar 25% van ons grond weggegee moet word, waarom besluit ons nie self oor watter, hoe en vir hoeveel nie. Ek glo ons is volwasse genoeg om regverdig te wees, slim genoeg om toe te sien dat die persone wat dit ontvang weet hoe om dit te bewerk en dan het ons ook nog genoeg dryfkrag om toe te sien dat dit alles voor die sperdatum sal gebeur. Die arme dame wat nou in beheer is daarvan sal nooit die pyp kan rook nie en dit klink vir my of sy daarby ook verskuilde agendas het.

Hoe het dit gebeur dat ek vandag in ’n stad met meer as 1 miljoen Afrikaanse gesinne met die naam van Tshwane bly, terwyl daar miljoene swartes in ’n plek met die naam Vosloorus bly? Plus ons bure van Diepsloot is nog vreeslik gelukkig met hulle dorpie. Wie gee hulle die reg? Die antwoord is ONS. Ons het hulle die reg gegee om oor ons te besluit, daar was niemand anders om dit tedoen nie.

Vandag moet dinge maar verander. Ons moet beheer terugneem oor ons leierskap. Ons moet self besluit oor ons skole. Hoe kan hulle ’n skool waarin daar net Afrikaanssprekende kinders is, in ’n woonbuurt waar daar slegs Afrikaanssprekende mense bly na ’n Engelsmedium verander? Net omdat daar dalk ’n swarte in die gemeenskap bly wat dalk Engels verkies. Basta met dit. As die Duitsers in die land hul kinders in ’n Duitse skool wil sit, dan sorg hulle dat hulle in Pretoria bly naby die Duitse skool. As jy vandag ’n huis soek, is die feit dat daar ’n goeie skool vir jou kinders is die eerste oorweging!. Ons probleem is wel weer dat ons verwag van die regering om die skole aan ons te verskaf wat ons kultuur ondersteun en dit gaan nie gebeur nie. As ons wil he ons kinder moet in Afrikaans skoolgaan, in Afrikaans aan ’n universiteit studeer is dit mos ons plig om dit te verskaf. Die regering kan sorg vir die res. Koop die verdomde skole en universiteite. As Afrikaner sal ek nie skroom om soos die Jode 10% van my salaris aan ons leiersbeweging te gee om toe te sien dat dit wel gebeur nie. Moet net nie van daardie Indiër verwag om dit vir ons te doen nie, hulle moes al die jare dit vir hulle eie nasie doen. Sou daar nou een Zoeloetjie in Afrikaans wil leer, is hy welkom. Betaal die skoolfonds en daar gaan ons.

Besluit wat ons vir ons kinders wil leer. Ek stel geensins belang in wat die Zoeloe- of Vendamoeder vir haar kinders wil leer van hulle leiers, geskiedenis of toekoms nie. So behoort hulle ook geen insae te hê in wat ons ons kinders leer nie. Dit behoort in ons hande te wees.

Almal gaan nou sê, maar ons betaal belasting, wel hulle ook. Stig ’n Afrikanerbelastingbetalersvereniging. Kontroleer die besteding van belasting, nie noodwendig op ons nie, maar op die Reënboognasie. Maak die struktuur ons tradisionele leiers en dan kan hulle ook uit belastinggeld betaal word! As die staat die belasting mors of wanbestee betaal ons nie meer todat hulle die kriminele toegsluit het nie. Ek glo ons betaal nog die meerderheid van belasting so ons behoort tog nog ’n sê te hê!

Ons radio en TV. Jy weet, maak die hele SAUK 1 tot 20 swart dis reg met my. Ek is seker daar is ’n Boer daar buite wat ’n satelliet in die ruimte kan sit. Die arme radio. Van Springbok Radio, Radio Jakaranda tot RADIO JACARANDA. Meeste omroepers is Afrikaans, meeste luiteraars is
Afrikaans, maar arme Maartin en Reeva moet spook met die Engels, dag in en dag uit. Daar is nou wel RSG maar daar kan jy net na Afrikaans luister as ’n swarte of ’n kleurling dit aan jou oordra. O ja en daardie ongeskikte man van "Sê wie". Regtig, ek sweer hulle hou hom aan as marteling om ons te laat betaal vir die apartheidsondes. Dis definitief ’n komplot! Wel, bring
Springbok Radio terug en bied daardie oulikke mense van Jacaranda poste aan. (Gaan maak ook ‘n peiling van hoeveelkeer Bok Van Blerk se treffer oor die stasies gespeel is, gemeet aan die verkope daarvan).

Swart ekonomiese bemagting en PDI-aanstellings is rassisties, geen tese meer daaroor nie. Die regering moet die geld gebruik wat hulle sou spaar op ons skole om die mense op te lei. Dis nie ons taak nie. Ons het nie soveel tyd nie. Selfs ’n wel opgevoede man soos Mbeki steier onstabiel sonder rede met een uitspraak!

Beskerm onsself. Ontwerp 'n stelsel waaraan ons almal behoort wat blitsvinnig hulp by ons kan uitbring. Ons weet waar die probleme lê, ons grense en binnelandse sake. Irriteer hulle todat hulle gehoor gee of maak ’n sperdatum. Sou hulle nie luister nie, dan neem ons beheer oor dit ook totdat die situasie stabiel is, soos ’n EU mag!

Wel om op te som, Afrikaners, leer om vir julleself te sorg en julleself te lei en hou op teem omdat die regering dit nie doen nie. Dis nie hulle plig nie, hulle is nie Afrikaners nie. Hulle motief is anders. Dit het Mbeki nou die dag met sy stellings bewys. Staan op julle eie regte en neem beheer terug en besluit self oor julle toekoms. Hou op inmeng in die toekoms van die ander volke. As ons onself eers op die been het, kan ons hulle help. Dis in elk geval ’n taak wat ons in 400 jaar nie kon baasraak nie.

Al wat oorbly, is die 22 manne in die tronk. Ek glo nie aan geweld nie en sal dit nooit goed praat nie. Ek sê, laat die ouens in die tronk sit vir dieselfde tyd persentasiegewys vir hul oortredings, gemeet aan die oortredings wat ons huidige parlement aangerig het. Lewe vir lewe, bom vir bom en ontwrigting vir ontwrigting. Ek is seker almal het dan al baie jare te lank in die tronk gesit. Regtig, kan ’n mense tronk toe gaan oor 'n uitspraak wat jy maak? Wat is die waarde van ’n grondwet?!!

how to play slots at a casino топкарго кидалы

Mense moet hulleself weerbaar maak

Mense moet hulleself weerbaar maak. Mans moet self uitgaan en woongebiede patrolleer, verdagtes aftrek, deursoek, agtervolg, ens. As ons nie die verassingselement van hierdie ouens af wegvat nie, gaan ons slagoffers bly.

Dit is 'n gewapende stryd, al het ons dit nie gekies nie; dit help nie ons beveg vuur met swart strikkies nie.

Terloops, het julle gesien dat die DA oopgelvlek het dat 'n klomp vuurwapens wat die wetsgehoorsame inwoners van die land goedsmoeds by polisiestasies gaan inhandig het (a.g.v. 'n vyandige wapenwet), op geheimsinnige wyse in die hande van kriminele beland het?

Seef le Roux