Dan Roodt, Author at praag.co.za

Ope brief aan Tony Ehrenreich

Beste Tony Ehrenreich,

Ek is vanaand baie hartseer terwyl ek hierdie brief sit en skryf. Ek is ‘n 40-jarige wit boer. Danksy jou is ek vandag een van ‘n groep mense wat gehaat word in hierdie land. Meneer Ehrenreich, in 1994 het ons almal onderneem om ‘n nuwe Suid-Afrika te bou.

‘n Beter, nie-rassistiese, gelyke, reënboognasie. Ons het so mooi begin, met die beste leier in die wêreld. ‘n Man wat na 27 jaar in die tronk steeds besef het ons moet die verlede vergeet en saam vorentoe ‘n nasie bou.

Maar meneer Ehrenreich, vanaand pyn hierdie wit boer se hart. Dieselfde kleur hart as joune.

Hier rondom my brand die land. Hierdie land waarvoor ek so lief is. Meneer Ehrenreich, ek bestuur ‘n besigheid wat opgebou is oor 150 jaar. Ja, hierdie besigheid is ouer as die ANC, so dit is iets werd vandag.

Hierdie besigheid is egter uitgelewer aan die internasionale vryemark.

Ondanks die feit dat die regering van Suid-Afrika die grootste deel van die inkomste kry (14% BTW en 30% inkomstebelasting), kry my besigheid geen beskerming teen invoere, oorsese ge-subsidieerde

produkte of natuurrampe nie.

Tog produseer ek jaarliks genoeg kos vir 1500 Suid-Afrikaners. Vyftig siele leef permanent vanaf hierdie boerdery. Vyftig mense wat elke aand warm bad en met ‘n vol maag in ‘n warm bed gaan slaap.

Vyftig mense wat nie bekommerd hoef te wees wat môre vir hul en hul kinders inhou nie. (Ongelukkig moet hulle van vandag af baie bekommerd wees oor wat jy, Tina en Marius Fransman kwytraak.)

Meneer Ehrenreich, dit mag dalk vanuit jou perspektief lyk of ek ‘n ryk boer is, maar gaan vra gerus my bankbestuurder hoeveel geld daar in my bankrekening is teen die tyd dat my oes klaar voorberei is.

Vra gerus die ekonome van Suid-Afrika hoeveel is die skuldlas in die landbou-sektor. Dis nie omdat boere sleg met geld werk nie, inteendeel, dis die aard van die natuur en voedselproduksie waarin ons moet werk.

Ja, meneer Ehrenreich, nes my voorvaders en my mede-boere neem ek elke jaar ‘n groot risiko om die oes voor te berei, sonder enige waarborg. Ek gaan leen geld by die bank, gaan koop kunsmis, diesel,

onkruiddoder en betaal lone, sonder die versekering dat ek ‘n opbrengs op daardie lening gaan kry. Dis hoekom almal boerdery ‘n dobbelspel noem.

Jy en jou mede ANC-leiers sal egter nie hierdie beginsel verstaan nie want julle gebruik mos regeringsgeld om al jul planne uit te voer. Daardie geld wat vir die armes bedoel was, wat gebruik moes word om

werk te skep in Suid-Afrika. Hoekom doen jy en jou kamerade nie ook dieselfde as ons boere nie? Hoekom gaan leen julle nie ook by die bank geld en woeker daarmee nie?

Hierdie plase en eiendom wat julle nou afbrand was opgebou uit niks. Hoekom wil jul net altyd bestaande bates afbreek of verdeel en belastinggeld mors? Ons moet tog die koek groter maak sodat daar vir almal ‘n happie is,

nie kleiner nie.

Dis entrepeneurs en bouers soos ek wat dit kan doen, landbouers. Hoekom sweep jy nie ook die werkloses op as ANC-leiers R250 miljoen op ‘n huis spandeer nie? Hoekom is jy tjoepstil as die arm kinders van hierdie land

nie skoolboeke kry nie, terwyl jou landsleiers in vliegtuie rondrits, van die een partytjie na die ander, om tenders aan vriende en familie uit te deel?

Hoekom hoor ons nie dan van jou of Marius nie? Nee, meneer Ehrenreich, jy verkies eerder om armes en oningeligtes op te sweep om werkplekke af te breek. Die kinders van Suid-Afrika sal eendag van jou lees in die

geskiedenisboeke, maar nie soos jy jou verbeel nie.

Die groot ironie is dat daar vele leiers soos jy in die verlede was. Leiers wat burgers van ‘n land teen mekaar opgesweep het. Leiers wat mense aangemoedig het om af te breek, eerder as op te bou. Hoe gaan dit nou in

daardie lande? Waar werk hulle nou? Jou naam sal in dieselfde hoofstuk as Robert Mugabe se naam geskryf staan.

Sy land se mense werk nou in jou kinders se plek hier in Suid-Afrika. Waar gaan Suid-Afrika se mense heen trek as julle al die werkplekke hier afgebrand het? Jy het duidelik nie na meneer Mandela geluister nie! Gaan

vra hom môre-oggend of hy trots is op wat jy doen vir die mense van hierdie land.

Meneer Ehrenreich, ek wens die kinders van hierdie land sien jou vir wat jy is en kan my sien vir wat ek is. Ek is lief vir hulle en hierdie land, jy is nie. Jy en jou mede ANC leiers voel niks vir hulle of hierdie land nie. Ek hoop die

armes van hierdie land sien dat hul net pionne in jul siek magspel is.

Dat jy en Marius Fransman net aan jul eie politieke posisies, met die gevolglike finansiele vergoeding, dink. Dat niemand meer vat by armes en op hulself spandeer as die ANC leiers van hierdie land nie.

Meneer Ehrenreich, ek is ‘n beter Suid-Afrikaner as jy. Ek is nie ‘n rassis nie, jy is. Ek het nie ‘n verskuilde agenda nie, jy het. Ek wil hierdie land opbou, ek wil kos produseer en vir mense ‘n werk gee. Wat wil jy doen?

Wit Boer

ANC lê klag van aanhitsing teen Zille

Die ANC in die Wes-Kaap het Woensdag ‘n klag van aanhitsing tot geweld teen die premier van die provinsie, Helen Zille, gelê en voer aan dat sy die onlangse onluste in die Wes-Kaap aangeblaas het.

Songezo Mjongile, provinsiale sekretaris van die ANC in die Wes-Kaap, Pierre Uys, provinsiale hoofsweep en Pat Marran, die party se voorsitter in die Boland, het die klag Woensdagmiddag ‘n polisiestasie in Kaapstad ingedien.

Die gewelddadige betogings, wat in De Doorns begin het, het tot grootskaalse saakbeskadiging en die dood van twee mense gelei.

Die ANC het Zille gekritiseer vir haar optrede en uitlatings op sosiale netwerke tydens die onluste.

Zille het glo op haar Twitter-profiel getweet dat die betogings deur skeuring tussen seisoenale werkers van Lesotho en Zimbabwe aangevuur is.

Die ANC voer aan dat Zille ook gesê het dat ‘n politieke agenda die oorsaak van die betogings was.

Zak Mbhele, Zille se woordvoerder, sê die premier is nie skuldig aan aanhitsing nie.

“Niks wat die premier oor De Doorns gesê het was aanhitsing nie. Sy het bloot die feite van die situasie weergegee.”

Intussen het Cosatu in die Wes-Kaap die ANC en opposisiepartye gevra om ‘n mosie van wantroue teen Zille in te stel.

Данильченко

Die FAK kan en moet ‘n positiewe rol speel

In ‘n artikel “Blomtyd vir Afrikaans” (Beeld, 20 November 2012) skryf Danie Goosen en Danie Langer ‘n bykans volbladartikel oor die veranderde kulturele landskap en nuwe kulturele vennootskappe wat in SA onder nuwe kulturele leierskap voltrek. Opmerklik is die feit dat die kopskrif praat van “Blomtyd vir Afrikaans”, in plaas daarvan “Blomtyd vir die Afrikaner” as onderdrukte gemeenskap. Neem die FAK dus nou die funksie van die Afrikaanse Taalraad in?

Belangrike argumente in die artikel sluit die volgende in:

·Nuwe denkruimtes is oopgemaak wat van die ou politieke orde bevry is.

·Die ou “establishment” het platgeval.

·Die FAK is ‘n tuiste vir talle groeperings wat in die nuwe ruimtes ontstaan en wat mekaar opsoek en vennootskappe met mekaar sluit.

·Afrikanerleiers kan mekaar binne die FAK hoor.

Wat natuurlik ooglopend waar is, is dat belangrike komponente van die FAK juis in die verlede ‘n noue verbintenis met die NP gehad het, waaronder die FAK self. Dit lyk asoof die ou establishment nie platgeval het nie, maar sigself nuut geposisioneer. Insgelyks is die FAK net oop vir diegene wat volgens die FAK se subjektiewe oordeel deel van die nuwe netwerk kan wees. Uitgesluit is wat Danie Goosen in ‘n sms aan my verwoord as die “gek-versameling … onder die vaandel van die Broeders”. Dit is, onder meer, nou daardie 200 plus persone wat op 3 November 2012 ‘n suksesvolle beraad in Pretoria gehou het en waarheen Goosen genooi is, maar nooit opgedaag het nie.

Van die “groot aantal” organisasies wat in die Beeld-artikel gelys word, is die frontorganisasies van SoliForum aan die voorpunt. Dit sluit in Solidariteit Beweging, Solidariteit Helpende Hand, AfriForum, Sol-Tech, Akademia en die Suid-Afrikaanse Sentrum vir Nederland en Vlaandere.

Ander organisasies wat lede van die “nuwe alliansie” is, sluit in SAOU, GHA, die SA Vroue Federasie, die Erfenisstigting en die Afrikaanse Taalraad. In hierdie verband is dit merkwaardig dat ‘n Raad, soos die Afrikaanse Taalraad, lid van die FAK kan wees. Insgelyks word ‘n aantal instellinge gelys wat sake-ondernemings is en moeilik as organe van die burgerlike samelewing te tipeer is. Dit sluit in: Protea Boekhuis en Kraal Uitgewers.

Burgerlike instellinge wat skitter in hulle afwesigheid as deel van die konstellasie is, onder meer: Die Afrikaner Bond, die ATKV, Praag, Afrikaner Alliansie, VVK en die AWB, onder veel meer voorbeelde.

Dat die genoemde konstellasie van organisasies formidabel voorkom, is onteenseglik waar, maar wat nodig is, is om vas te stel wat hierdie “nuwe denkers” sedert 1996 reggekry het om elke moontlike grondwetlike middel en meganisme te gebruik en uit te put, ten einde ‘n beter bedeling vir die Afrikaner te beding.

·Die FAK was ‘n party in ten minste drie pogings om ‘n verteenwoordigende Afrikanerraad, in terme van grondwetlike bepaling 185, sonder sukses tot stand te bring.

·Die FAK beraad dikwels oor kulturele selfbeskikking in terme van artikel 31(1)(b) maar het nog nooit presies, in terme van artikel 234 uitgespel, wat daaronder verstaan word nie.

·Die FAK het klaarblyklik artikel 235 nog nooit so ernstig opgeneem dat oorgegaan is om uit die burgerlike samelewing die ANC te konfonteer met ‘n konsepwet op selfbeskikking nie; welke wet ‘n voorwaarde vir selfbeskikking is.

In hierdie verband reageer Christo Landman soos volg in ‘n brief wat in die Beeld van 21 November gepubliseer is:

“Geagte Redakteur

Danie Goosen en Danie Langer se artikel “Blomtyd vir Afrikaans” (Beeld, 20 November 2012) laat my dink aan ‘n volstruiseier wat deur ‘n kapokkie uitgedruk is en maar net nie wil uitbroei nie. Wat opmerklik van die FAK-netwerk van organisasies is, is die feit dat die ATKV en Afrikanerbond asook ‘n duisternis volkstaatsorganisasies nie lid van die FAK is nie. ‘n Mens sou wou weet: waarom nie? Kort gelede is die Afrikaner Netwerk ontbind, waarvan die FAK ‘n gespreksgenoot was! Waarom sou ‘n mens wou vra?

Dan is daar die vraag waarom die FAK dan nie nou na al hierdie sg. regse organisasies uitreik en oorgaan om ‘n verteenwoordigende Afrikanerraad tot stand te bring nie. Die Grondwet van SA maak sedert 1996 voorsiennig vir verteenwoordigende kultuurrade wat as segsliggame vir die etniese verskeidenheid kan optree. In hierdie verband was die FAK by ten minste drie mislukte pogings betrokke.

Die groter vraag is waarheen die FAK met die Afrikaner wil gaan? Waar staan die FAK mbt die sg. territoriale selfbeskikkingsartikel 235 van die Grondwet en mbt die skryf van ‘n konsepwet op selfbeskikking, soos in artikel 235 genoem word.

Enige organisasie wat sy sout werd is moet die ideologiese breuk in Afrikanergeledere kan heel, tussen organisasies wat die NP van ouds ondersteun en nie ondersteun het nie.

Intussen is daar die suggestie dat die FAK inderdaad deur Solidariteit finansieel en administratief oorgeneem is. Is dit so?

Christo Landman”

Hierop reageer Danie Goosen in ‘n elektroniese boodskap skerp oor die “ongevraagde aanval op die FAK” wat syns insiens in hulle gemoedere bevestig dat Landman by implikasie deel is van ‘n “gek-versameling … onder die vaandel van die Broeders”. Voorts verwys Goosen na die “selfdestruktiewe tendens wat nou reeds jare voortduur” en belowe hy dat die FAK niks met hierdie groeperinge te doen sal wil hê nie.

Hierop reageer Landman soos volg:

“Ek is jammer jy sien dit as ‘n aanval. Raak inklusief dan steun ek julle. Ek is krities ongebonde aan enige organisasie. Ek stel voor ons normaliseer verhoudinge en werk saam aan ‘n artikel 185 verteenwoordigende Afrikanerraad, artikel 234 in sake ‘n handves van kultuurregte, en artikel 235 oor ‘n konsepwet in sake selfbeskikking.”

Die tyd is inderdaad verby dat Afrikaners kan bly praat en praat sonder dat sy regte in terme van die politieke ooreenkoms van 1992 met die ANC opgeëis kan word. Sinvolle vrae is aan Danie Goosen gevra, waarop ons, die lesers, geregtig is om die antwoorde te hoor.

Данильченко Харьков

Franse kla dat VSA op Sarkozy spioeneer

Die Verenigde State het VSA-Israeliese spioenasie sagteware gebruik om in die Franse presidensiële kantoor in te breek vroeër hierdie jaar, het die Franse kuberoorlogagentskap bevestig, volgens die nuustydskrif L’Express.

Die tydskrif het laat Dinsdag berig dat die rekenaars van ‘n paar intieme adviseurs van die voormalige president Nicolas Sarkozy – insluitend die Hoof van Personeel Xavier Musca – gekompromitteer is in Mei deur ‘n rekenaarvirus wat die kenmerke van Flame dra. Flame is na bewering geskep deur ‘n VS-Israeliese span om Iran se kernprogram te teiken. Anonieme Franse amptenare wys die vinger na die Verenigde State.

“Jy kan op baie goeie terme met ‘n “vriendelike” land wees en nog steeds hulle onwrikbare ondersteuning wil verseker – veral tydens die oorgangsperiode,” het ‘n amptenaar aan die tydskrif gesê. Die beweerde spioenasieaanval het plaasgevind ‘n paar dae voor die tweede ronde van die Franse presidensiële verkiesings, wat Sarkozy teen Francois Hollande, ‘n Sosialis, verloor het.

Die sekretaris vir binnelandse veiligheid van die VSA Janet Napolitano het nie die berig ontken oor die bewerings toe sy direk daaroor uitgevra is nie.

“Ons het geen groter vriend as Frankryk nie, ons het geen groter bondgenoot as Frankryk nie,” het Napolitano glo geantwoord, tydens ‘n onderhoud met l’Express. “Ons werk saam in baie veiligheidsverwante gebiede. Ek is hier om dié bande te versterk en nuwes te skep.”

In die onderhoud, het Napolitano ook gesê dat die Flame en Stuxnet virusse “nog nooit gekoppel is aan die Amerikaanse regering nie.”

Die Withuis het ‘n versoek vir kommentaar geweier.

Данильченео

‘Leerlinge se toegang tot wapens moet beperk word’

Die Gautengse LUR vir Onderwys, Barbara Creecy sal samesprekings voer met haar eweknie vir Gemeenskapsveiligheid, Faith Mazibuko, om wyses te bespreek om leerlinge se toegang tot polisievuurwapens te beperk.

Dit volg ná ‘n skietery vroeër die week by die Phineas Xulu sekondêre skool in Vosloorus aan die Oos-Rand toe ‘n leerling sy ma, wat ‘n lid van die metropolisie is, se dienspistool skool toe gebring het en na bewering ‘n leerling doodgeskiet het.

Die graad 11 leerling is na bewerig herhaaldelik geboelie. Hy is in hegtenis geneem toe hy huis toe gegaan het om die vuurwapen terug te besorg.

Grondwethof die hoogste hof

‘n Langverwagte verandering aan die Grondwet wat die Konstitusionele Hof as die hoogste hof in die land bevestig, is deur die Parlement aanvaar.

Die 17de grondwet-wysigingswetsontwerp is met 276 stemme teen 25 aanvaar, ondanks besware deur Cope en die IVP. Ingevolge die wysiging is die hoofregter die hoof van die regbank, wat aanspreeklik is vir die geregtelike funksies van die howe.

Dié bepaling is verwelkom deur die DA wat sê dit skep ‘n onafhanklike regbank soos wat vereis word vir die skeiding van magte. Die status van die Appèlhof as appèlhof vir algemene sake, is ook bevestig.

SA-vredesmag in DRK in doodsgevaar

‘n Klein afdeling van die Suid-Afrikaanse vredesmagte is deur swaar gewapende rebelle omsingel, in die stad van Goma, in die ooste van die Demokratiese Republiek van die Kongo (DRK), gister.

Sowat 300 Suid-Afrikaanse soldate, van die 121 Infanteriebataljon in Mtubatuba, KwaZulu-Natal, is van die meer as 1000 VN-vredestroepe gestasioneer in Goma as deel van die VN se stabilisering-missie in die land.

Ontploffings en masjien-geweervuur het die stad gister geskud terwyl die M23-rebelle vorentoe gebeur het op twee fronte: na die sentrum van die stad en langs die pad wat lei na Bukavu, ‘n provinsiale hoofstad na die suide. Burgerlikes het op Goma se sypaadjies afgehardloop op soek vir dekking en kinders het uit vrees gegil.

Die rebelle se senior bevelvoerders, wat deur die VN van ernstige misdade beskuldig word – insluitend die werwing van kindsoldate, summiere teregstellings en verkragting – paradeer tans in die strate.

Hoewel geen vredestroepe beseer is tydens die offensief nie, het sowel die Presidensie as die SANW hulle kommer uitgespreek vir die veiligheid van die Suid-Afrikaanse vredesmagte.

Terwyl die Suid-Afrikaanse troepe gewapen is met ‘n ligte infanterie wapens en hulle Indiese eweknieë met liggepantserde voertuie en aanvalshelikopters, word hulle deur die rebelle, wat toegerus is met swaar-kaliber wapens, insluitend 120mm mortiere, oorheers. Die rebelle word ook ondersteun deur tenks en artillerie.

Soos die rebelle vorder, om Goma se internasionale lughawe oor te neem en in die rigting van ander provinsiale stede, het dit aan die lig gekom het dat nóg die SANW of die VN hul troepe vinnig kan ontruim indien nodig.

‘n Suid-Afrikaanse soldaat in Goma het gister van wydverspreide pandemonium berig.

“Dit is ‘n krisis. Die situasie is sleg en gaan nie beter raak nie. Daar is min wat ons kan doen. Ons het probeer om te doen wat ons kan, maar die vrees is dat indien die M23s sien ons raak betrokke, sal hulle draai teen die burgers.

“Met ‘n bevolking van meer as ‘n miljoen mense kan ons dit nie waag nie. Ons probeer hoflik te wees en glimlag en waai,” het hy gesê.

Die val van Goma het die hele oostelike gebied gedompel in ‘n sekuriteitskrisis.

Presidensiële woordvoerder Mac Maharaj het gesê President Jacob Zuma is bekommerd oor die troepe se veiligheid.

Die VN het meer as 20 000 vredesmagte in die DRK, met 800 Suid-Afrikaanse soldate in die oostelike streek ontplooi.

Die woordvoerder vir Internasionale Betrekkinge en Samewerking Clayson Monyela het gesê Suid-Afrika se soldate in Goma is veilig en gaan voort om hul pligte uit te voer, maar die verdedigingsontleder Helmoed Heitman het gesê die Suid-Afrikaners en die res van die VN-vredesmagte is in ernstige moeilikheid.

“Dit wys presies hoe onvoorspelbaar so ‘n situasie is en wat kan gebeur wanneer ‘n vredesending versuur.”

Heitman het gesê die situasie is meer onseker omdat die VN-troepe, met inbegrip van die Suid-Afrikaners, aan die kant van DRK se regeringsmagte dien en gesien word as die vyand.

“Rebelle se bevelvoerders het glo gesê hulle sal nie aanval nie, maar ek sou nie die belofte as evangelie aanvaar nie.”

Daar is geen manier waarop die Suid-Afrikaanse regering die troepe betyds sal kan bereik om hulle by te staan selfs al wou hulle nie. Die SANDF het geen toepaslike beplanning gedoen om dit moontlik te maak nie.

‘Boere agter geweld en verdeeldheid in Wes-Kaap’

Plaaseienaars in die Wes-Kaap probeer werkers verdeel en moedig xenofobie in die provinsie aan, het Cosatu en Passop Dinsdag gesê.

“Ons is geskok dat die plaaseienaars in De Doorns… vandag [Dinsdag] ernstige pogings aangewend het om anargie, xenofobie en gewelddadige verdeeldheid onder die werkersgemeenskap te veroorsaak,” het die twee groepe in ‘n gesamentlike verklaring gesê.

Die nie-regeringsorganisasie People Against Suffering, Oppression and Poverty (Passop) en Cosatu het gesê boere en hul bestuur hou vol dat dit nie plaaswerkers is wat die afgelope week vir die anargie verantwoordelik was nie.

Die twee groepe het gesê hulle het bewys dat die boere self die geweld en anargie veroorsaak het. Hulle het egter nie meer inligting oor die beweerde bewyse verskaf nie.

Plaaswerkers was Dinsdag weer op hulle pos ná hulle besluit het om hul staking op te skort terwyl verteenwoordigers van die onderskeie groepe oor lone en werksomstandighede onderhandel het.

Protesoptrede oor lone het aan die begin van November in De Doorns begin en later na 15 ander dorpe in die Wes-Kaap versprei.

Veiligheidsraad bereik dooiepunt oor Gasa

Die Veiligheidsraad het ‘n dooiepunt bereik Maandag oor ‘n verklaring mbt die Gasa-konflik. Die Verenigde State het gesê hulle is gekant teen enige optrede wat pogings om ‘n wapenstilstand te bereik, kan ondermyn.

Rusland het egter gewaarsku dat tensy ‘n voorgestelde Arabiese verklaring oor die Israel-Hamas vyandelikhede goedgekeur word Dinsdagoggend, hulle sal druk vir ‘n stemming van die volle Raad. Dit sal waarskynlik lei tot ‘n potensiële vetobotsing met die Verenigde State.

Die Verenigde State, Brittanje, Frankryk en Duitsland het almal voorbehoude oor ‘n teks wat verlede Donderdag voorgestel is deur Arabiese lande, weens die tipering van Palestynse militante in Gasa, het diplomate gesê. Duitsland stem nie in die Veiligheidsraad nie.

Al die Westerse lande het gesê dat Israel die reg het om homself te verdedig, terwyl die Europeërs Israel tot selfbeheersing gemaan het. Die sterfteverhouding tussen die Israeli’s en Palestyne is tans 16:1. In 2008 -2009 was dit 100:1 toe die Iron Dome-stelsel nog nie operasioneel was nie.

Die Palestynse gesant by die VN, Riyad Mansour, het die groeiende frustrasie van die Palestynse Owerheid en sy bondgenote beklemtoon terwyl die konflik uitbrei en die raad niks sê nie.

Die Veiligheidsraad kan nie “op die kantlyn bly nie,” het hy aan verslaggewers gesê. Hy het gesê dat dit nou dringend is vir “die Veiligheidsraad om sy verantwoordelikheid op te neem en hierdie aggressie teen ons mense te stop”.

Die Amerikaanse ambassadeur by die VN en gunsteling om Hillary Clinton se pos te vul, Susan Rice sê ‘n skietstilstandooreenkoms tussen die Israeli’s en Hamas kan alleen sonder geweld tot stand kom om “betekenisvol of volhoubaar” te wees.

“Die Verenigde State van Amerika en die lande in die streek sal energiek werk deur al die diplomatieke kanale om te probeer om ‘n einde te maak aan die geweld, en ‘n de-eskalasie te onderhandel,” het Rice aan verslaggewers gesê na afloop van die gesprekke.

Duitse diplomatieke bronne het hul frustrasie met die toedrag van sake uitgespreek, aangesien die Duitse geheime diens ‘n aantal maande gelede ‘n ontmoeting tussen Israel en Hamas gereël het om die vredesproses weer aan die gang te kry.

Sommige ontleders meen die aanvalle op Hamas is deur Israel geloods om juis die Palestyne se voorlegging vir ‘n onafhanklike staat by die VN in November te kelder en vredespogings te ondermyn.

Rice het gesê dat president Barack Obama en Hillary Clinton gister “die hele dag” op die telefoon met die Midde-Oosterse leiers was.

Dit is “uiters belangrik” dat enige Veiligheidsraadaksie “die vooruitsigte vir ‘n skietstakingsooreenkoms bevorder en nie iets doen wat dit ondermyn nie”.

Die Russiese ambassadeur by die VN Vitaly Churkin het egter gesê die Arabiese voorstel, wat deur Marokko opgestel is, is “‘n baie goeie teks” en het die beste kans om tot ‘n onderhandelde skikking tussen die twee strydende partye te lei aangesien dit die enigste skriftelike voorstel tot dusver is.

Hy het gesê die teenvoorstelle is nie op skrif gestel nie, ten spyte daarvan dat alle lede reeds drie dae lank die Marokkaanse voorstel onder oë het. Die voorstel is selfs op die internet beskikbaar.

“Indien die voorstel nie aangeneem word om 09:00 [1400 GMT] môre nie sal ons gaan vir ‘n stemming oor ons konsepvoorstel” Woensdagmiddag, het hy bygevoeg.

Verskeie diplomate het gesê hulle verwag dat besware teen die voorstel gemaak sal word deur ten minste drie Veiligheidsraadlede.

Die Russiese besluit sal vra vir ‘n opskorting van geweld, ondersteuning vir die Egiptiese-geleide pogings om ‘n wapenstilstand te beredder en sal Israel en die Palestynse Owerheid aanmoedig om hul gesprekke te hervat, volgens ‘n afskrif wat verkry is deur AFP.

As die Russe besluit dat ‘n stemming deurgaan, sal dit waarskynlik met veto deur die Verenigde State begroet word, wat deurlopend alles wat teen Israel gemik is, blokkeer.

Landbou het vir goed verander in SA

“Die huidige landboustakings gaan landbou in Suid-Afrika vir altyd verander. Ons gaan in die volgende paar jaar ‘n ingrypende strukturele verandering in landbou sien,” het dr. Pieter Mulder, Adjunk-Minister van Landbou, Bosbou en Visserye op Willomore gesê. Dr. Mulder was die spreker by ‘n landboudag op die Oos-Kaapse Karoodorp.

Kommersiële landbouers is nie welsynwerkers nie, maar is in die eerste plek sakemanne wat ‘n wins moet maak. Eers hierna kan ‘n landbouer aandag gee aan sosiale kwessies soos wat tans deur die vakbonde van hulle verwag word.

Die boodskap wat ek van die landbouers reg oor die land kry, is dat dit nou tyd is om hulle afhanklikheid van plaaswerkers so ver as moontlik te beperk. In ontwikkelde lande soos die VSA en Australië, waar daar min plaaswerkers beskikbaar is, is boerdery implemente reeds so ontwikkel dat dit ‘n plaaseienaar help om sonder honderde werkers klaar te kom. Een oesmasjien kan die werk van honderde werkers doen.

‘n Buitensporige verhoging van die minimum loon mag op die kort termyn politieke voordele vir die regering inhou, maar sal op die langtermyn onafwendbaar tot groot werkverliese en meganisasie in die landbou lei.

In Suid-Afrika het plaaswerkergetalle van 1,1 miljoen in 2004 na 624 000 in 2011 gedaal. Dit is ‘n daling van 46%. Hoewel hierdie ‘n wêreldwye tendens is, het faktore soos grondhervorming, regeringsinmenging op plase en die algemene onsekerheid oor die toekoms van landbou gemaak dat hierdie syfer in Suid-Afrika baie hoër is as die daling in ander lande. Die verwagte verskuiwing na meganisasie na die landboustakings, gaan hierdie tendens in Suid-Afrika verder verhaas.

In Suid-Afrika is daar maar 12% kommersiële landbouers wat ‘n jaarlikse omset van meer as R2 miljoen het. Die ander 82% se omset is minder as R2 miljoen per jaar met 52% wat ‘n omset van minder as R300 000 het. Met die stygende pryse van elektrisiteit, water en brandstof kan hierdie landbouers nie ‘n skielike verhoging in arbeidkoste bekostig nie. Hulle keuse gaan bankrotskap of die vermindering van werkers wees.

Dr. Mulder het die geweld en intimidasie tydens die landboustaking asook die politiekery sterk veroordeel. Die afbrand van plase en die vernietiging van eiendom lei tot ‘n verloor-verloor situasie. Beide die plaaseienaars en die plaaswerkers gaan in die volgende jaar groot geldelike verliese lei as gevolg hiervan.