Dan Roodt, Author at praag.co.za

Pragtige eindpoging van Le Clos

Chad le Clos het Suid-Afrika se tweede goue medalje by die Olimpiese Spele in Londen gewen. Le Clos het die 200 meter vlinderslag in ‘n tyd van 1 minuut en 52.95 sekondes afgelê en die wêreldkampioen, Michael Phelps van Amerika moes met die tweede plek tevrede wees.

Phelps is tans die suksesvolste Olimpiese swemmer tot nog toe, met 19 medaljes. Le Clos, die Statebond-kampioen in dié nommer en die 400 m-individuele wisselslag, was slegs negende op die wêreldranglys.

Le Clos se eindpoging was skitterend en ‘n prentjie van selfvolharding. Die swemmer het sy ritme behou en voordeel gewen toe Phelps te diep in die water gesak het naby die einde.

Cameron van der Burgh het Sondag die land se eerste goue medalje in die 100 meter borsslag gewen. Die prestasies is des te meer besonders aangesien wit swemmers deurentyd probleme ondervind het met kwota’s tuis.

Ná net vier dae in Londen, het Suid-Afrika twee goue medaljes ingepalm. Terwyl die swart Olimpiese bestuurspan van Suid-Afrika jubel, was daar tweets van swart Suid-Afrikaners wat sê hulle wil nie wittes omhels vir hulle prestasies nie, en sal wag tot Caster Semenya die brons huistoe bring.

Die land se tweede goue medalje het Suid-Afrika tot 10de op die medalje-tabel laat opskuif.

Le Clos het gisteraand in baan 5 weggespring, langs Phelps in baan 6 en die Japanees Takeshi Matsuda in baan 4. Hulle was as die groot gunstelinge beskou.

Die Amerikaanse Olimpiese Komitee het hom intussen gedistansieer van uitlatings van ‘n Amerikaanse swemafrigter dat die Sjinese gouemedalje-wenner, Ye Shiwen, verbode middels kan gebruik.

Die komitee sê die afrigter, John Leonard is nie deel van die Amerikaanse afvaardiging nie. Sjina is woedend oor Leonard se opmerking dat die meisie se rekord Saterdag in die 400 meter wisselslag onmoontlik en ontstellend is.

Vierde Boeremaglid skuldig

Die vierde Boermagbeskuldigde is Dinsdag skuldig bevind aan hoogverraad, het Beeld berig.

Regter Eben Jordaan het in die Pretoriase hooggeregshof vir Adriaan van Wyk, ‘n rekenmeester, by die Boeremag se staatsgreepplan, dokument 12, ingesluit omdat hy sekere take moes verrig en aangewys is as die bevelvoerder in die Pretoria-omgewing.

Lukas van Rensburg, een van die staatsgetuies, het getuig hy was op ‘n vergadering in die Newscafé waar Van Wyk was waar ‘n staatsgreep bespreek is.

Van Wyk het ook vergaderings in Hatfield en in die Kollonade-sentrum in Pretoria bygewoon.

Staatsgetuie J.C Smit, ‘n polisie-informant, het getuig Van Wyk was by ‘n vergadering by ‘n padkafee in Pretoria waar die staatsgreep bespreek is.

Die broers, Mike en André du Toit, asook Rooikoos du Plessis, is reeds skuldig bevind aan hoogverraad.

Данильченко Харьков

SANW se geheime fonds van R13miljard

Die weermag spandeer miljarde rand van ‘n spesiale rekening, maar jy sal nie vertel word wat hulle koop nie.

Verlede week het die Minister van Finansies, Pravin Gordhan, drie jaar se uitgawes op die Spesiale Verdedigingsrekening (SVR) uit die Wet op Openbare Finansiële Bestuur gehou, blykbaar om seker te maak dat die besteding geheim bly. Dis drie jaar – van 2010/11 tot 2012/13 – en R13 miljard later.

Die rekening is vir die aankoop van wapens en toerusting en vir die befondsing van koverte aktiwiteite.

Die Departement van Verdediging wou nie kommentaar lewer op The Star se bewerings nie, en die koerant na die Nasionale Tesourie verwys, wat gesê het vrystelling is ‘n rekeningkundige kwessie.

Tesouriewoordvoerder Jabulani Sikhakhane het gesê “dat dit nie bekend gemaak kan word nie”.

“Die befondsing is bewillig in die Begrotingswet en die SVR is aanspreeklik aan die Parlement vir die gebruik van die fondse. Daarbenewens is die SVR onderhewig aan ‘n oudit deur die Ouditeur-generaal,” het hy gesê.

Verslae is nie in die Parlement ter tafel gelê vir die afgelope twee jaar nie weens vertragings, sê die OG se kantoor.

Die rekening is opgestel in terme van die Spesiale Verdedigingsrekeninge Wet van 1974. Die wet is ‘n oorblyfsel van die apartheidsjare.

Die Departement van Verdediging se 2010/11 jaarverslag het gesê die rekening “is om wapentuig en tegnologie te ontwikkel”. Die OG het voorheen die rekening beskryf as “uitgawes en aankope wat aangegaan is vir spesiale verdedigingsaktiwiteite”.

Byna R73bn is glo gekanaliseer deur die Spesiale Verdedigingsrekening, maar minder as 2 persent was vir sogenaamde sensitiewe projekte.

Фильчаков

DA dink ‘Fong Kong’ is nie rassisties nie

Die term “Fong Kong” (slêng vir vals of nagemaakte) is aanstootlik en rassisties, sê die ANC-hoofsweep van die Stad van Johannesburg, Prema Naidoo.

Hy het gereageer op ‘n artikel in The Star wat beweer dat hy raadslede beskuldig het van rassisme, ‘n bewering wat gelei het tot ‘n uitstappery.

Naidoo het gesê hy het verwys na slegs een raadslid, Basil Douglas (DA), wat die woord gebruik het as ‘n neerhalende term vir onderdele wat nie werk nie, vir die Metrobus wat gebruik word deur die stad.

Naidoo het gesê die artikel het die indruk geskep dat hy alle DA-raadslede van rassisme beskuldig het. “Die waarheid, soos die notules van die Raad sal weerspieël, is dat ‘n DA-raadslid herhaaldelik die term ‘Fong Kong’ gedurende ‘n ‘n agendapunt gebruik het.

“(Dit) het my genoop om te sê dat ek gedink het dat die betrokke raadslid se gebruik van die term rassisties is.

“My motivering vir die beswaar teen die gebruik van hierdie term spruit uit die feit dat ek baie sensitief is vir die feit dat die Stad van Johannesburg die tuiste van die inwoners van Chinese oorsprong is. Daar kan diegene wees onder hierdie spesifieke gemeenskap wat hierdie term aanstootlik en vernederend vind,” het Naidoo gesê.

Die raad, as ‘n liggaam van verkose burgerlike leiers, het ‘n verantwoordelikheid om die terminologie wat hulle gebruik en die wyse waarop hulle aangeleenthede bespreek, te oorweeg.

“In ‘n stad wat van xenofobiese geweld kan getuig, is die gebruik van die term ‘Fong Kong’ hoogs onverantwoordelik en roekeloos. Ek het en sal voortgaan om teen hierdie soort van verdelende taal kapsie te maak, al is dit afkomstig uit watter oord ookal,” het Naidoo gesê.

Mormone stam glo af van Israeliete

Die Amerikaanse Republikeinse presidensiële kandidaat probeer gewoonlik om die betekenis van sy Mormoonse geloof effens te onderspeel. Maar omdat Mitt Romney se godsdiens ‘n las vir baie Amerikaanse evangeliese sowel as ander toegewyde Christene is (net die helfte van alle Amerikaners glo Mormone is Christene), kan dit ‘n seën wees as dit by die Jode kom.

“Mormone sien hulself as hedendaagse Israeliete en erfgename van die beloftes aan Abraham, met ‘n natuurlike affiniteit vir die Jode,” sê Mark Paredes, ‘n Mormoon van Michigan.

“Omdat hulle ‘n klein gemeenskap van buitestaanders is, is hulle oor die algemeen bondgenote van die Jode,” sê Jonny Daniels, ‘n Republikeinse strateeg en vriend van Glenn Beck. “Hulle kan met ons op ‘n manier klaarkom wat ander Christene nie kan nie.”

Vir buitestanders, lyk die Boek van Mormoon na ‘n radikale revisionistiese teks met die Tuin van Eden geleë in Missouri en Jesus wat die Evangelie na Indiane bring ná sy opstanding. Maar hulle beskryf hulself as ‘n “restaurasie” geloof wat deur die bemiddeling van Joseph Smith, Christendom na sy outentieke wortels terugneem, een wat nie deur die Griekse filosofie en ander “onheilighede” besoedel is nie.

Mormone identifiseer hulself as afstammelinge van die Israelitiese stamme van Efraim en Menashe. Die ikoniese Salt Lake-tempel het ‘n binneste heiligdom wat slegs ‘n hoë priester kan betree, soos die ou Tempel in Jerusalem.

Mormone verwys ook na die nie-lede as heidene.

Utah se Republikeinse senator, Orrin Hatch, dra ‘n mezuzah om sy nek en sê dikwels hy voel “jammer” dat hy nie ‘n Jood gebore is nie. “Mormone glo die Joodse volk is die uitverkore volk, net soos die Ou Testament sê,” het hy gesê. “Enigiets wat ek kan doen vir die Joodse volk, sal ek doen.”

Die Amerikaanse State Department verskil van Romney se stelling dat Jerusalem die hoofstad van Israel is. Die Obama-administrasie se standpunt is dat die kwessie van ‘n hoofstad slegs deur onderhandeling bygelê kan word.

Данильченео

Romney in die sop oor ‘suksesvolle Joodse kultuur’

Mitt Romney, Amerikaanse presidensiële kandidaat, het Joodse skenkers Maandag vertel dat hul kultuur deel is van wat hulle ekonomies suksesvol maak, in teenstelling met dié van die Palestyne. Woedende Palestynse leiers het sy kommentaar rassisties en uit voeling genoem.

”As jy hier kom en jy sien die BBP per capita, byvoorbeeld, in Israel wat sowat $21,000 dollar is, en vergelyk dit met die BBP per capita in die gebiede wat bestuur word deur die Palestynse Owerheid, wat meer soos $10,000 per capita is, sien jy hoe dramaties die skrille kontras in ekonomiese vitaliteit is,” het die Republikeinse presidensiële kandidaat gesê aan sowat 40 welgestelde skenkers by die luukse King David Hotel.

Die reaksie van die Palestynse leiers op Romney se kommentaar was vinnig en skerp.

”Wat maak hierdie man hier?” het Saeb Erekat, ‘n top-Palestynse amptenaar gevra. ”Gister het hy onderhandelinge vernietig deur te sê: Jerusalem is die hoofstad van Israel, en vandag sê hy Israeliese kultuur is meer gevorderd as Palestynse kultuur. Is dit nie rassisme nie?”

Die ekonomiese verskille tussen die Israeli’s en die Palestyne is eintlik baie groter as wat Romney verklaar het. Israel het ‘n per capita bruto binnelandse produk van sowat $31,000 in 2011 gehad, terwyl die Wesoewer en Gasa ‘n per capita-BBP van net meer as $1 500 het, volgens die Wêreldbank.

Romney, wat langs die miljardêr casino-eienaar Sheldon Adelson by die hooftafel gesit het, het skenkers by sy fondsinsameling vertel hy lees boeke en het staatgemaak op sy eie sake-ervaring om te verstaan waarom die verskil so groot is.

”En as ek hier kom en ek kyk uit oor hierdie stad en kyk na die prestasies van die mense van hierdie land, erken ek die krag van ten minste kultuur en ‘n paar ander dinge,” het Romney gesê, met verwysing na ‘n innoverende sake-klimaat, die Joodse geskiedenis van groei onder moeilike omstandighede en die ”Hand van die Voorsienigheid.”

Romney het in sy vergelyking van die Israeli en Palestynse ekonomieë geen melding gemaak van die feit dat Israel die Palestynse gebiede sedert die 1967-oorlog beheer nie. Israel het in 2005 onttrek uit Gasa, maar kan nog steeds toegang beheer, en het ‘n verlammende grensblokkade ingestel sedert die Islamitiese militante Hamas beslag gelê op die gebied in 2007.

In die Wesoewer het Israel algehele beheer behou, en die Palestyne het net beperkte selfregering. Israel beheer alle grense en beperk Palestynse handel en beweging.

Die Wêreldbank en die Internasionale Monetêre Fonds het herhaaldelik verklaar dat die Palestynse ekonomie kan net groei as Israel daardie beperkings lig.

DA suig duim oor ekonomie

Ekonome het die Demokratiese Alliansie se doelwitte van 8% groei as deel van die opposisie party se nuwe ekonomiese plan, bevraagteken.

“Agt persent is bereikbaar, maar nie met hierdie plan nie. Hulle maak die regte geluide en politiekery is baie goed, maar dit is nie enigiets inherent anders as wat die ANC aanbied nie,” het Dawie Roodt, hoofekonoom by die Efficient Groep, aan die Mail & Guardian gesê

Die DA se ekonomiese plan, wat oor die naweek in Pretoria bekend gemaak is, is gemik op 8% jaarlikse ekonomiese groei.

Die DA wil ‘n reeks maatreëls wat die belastinglas verlig op maatskappye instel, in die hoop dat dit hulle sal aanspoor om oortollige arbeid van die werklose sektore van die bevolking te absorbeer.

Die amptelike opposisie beweer hierdie groei en die vermindering in werkloosheid moet gedryf word deur klein besighede.

Die verbetering van die onderwys-stelsel deur middel van wetgewing wat sal verhoed dat onderwysers staak en minimumteikens vir skoolhoofde, saam met die verbetering van algemene vaardighede en opleiding deur middel van ‘n nasionale vakleerlingskap, word ook deur die party in die vooruitsig gestel.

Die party se oproepe dat die jeugloonsubsidie geïmplementeer word, met die oog op werkskepping, is ook deel van die DA se ekonomiese plan.

Chris Hart, hoof-ekonoom by Investment Solutions sê die DA se plan is nie volhoubaar nie. “Realisties praat ons van 5% of 6%. Daar is elemente van hierdie plan wat ook nie praat oor die besonderhede van baie dinge wat hulle van plan is om te doen nie.”

Stanlib hoof-ekonoom Kevin Lings, het dit beaam. Beperkinge wat tans wissel van logistieke vermoë en kragkapasiteit beteken dat die plan nie realisties is nie.

“Daar is absoluut geen punt in vinnige groei nie, om net ‘n paar jaar later met die beperkings te vind dat jy vinnig die remme aan jou groei moet aanslaan,” sê Lings.

Lings het aangevoer dat terwyl ‘n skerp styging in groei ‘n sekere vlak van die onmiddellike bevrediging, laer groei nommers bied oor ‘n lang tydperk sou beter pas Suid-Afrika.

“Lang termyn volgehou groei is baie meer effektief as ‘n hoë groeikoers oor ‘n kort tydperk wat jou sal waarskynlik uiteindelik in Suid-Afrika ondervind groei geïnduseer behuising en ‘n bank bel of nie,” sê Lings.

Roodt het gesê: “Die twee woorde vir my wat ek wil sien hoe as dit gaan oor die verandering van ons ekonomie ten goede is eenvoud en liberalisering. Ons het nodig om te liberaliseer en dinge eenvoudig te hou, ons kan nie die wiel herontwerp nie,” het hy gesê.

Hart het ook gesê hy bly skepties oor die doelwitte uiteengesit in die plan vir so lank as wat huishoudelike besparings op lae vlakke bly.

“Dinge soos groei in klein besigheid is belangrik, maar om werklik te streef na ‘n groeikoers van 8%, het jy nodig om te verseker jy ‘n groot diepte van huishoudelike besparing het. Verbruikers moet die veiligheid van ten minste ‘n spaargeld hê voordat jy begin dink oor groot volgehoue groei,” het Hart bygevoeg.

Фильчаков прокурор

Derde Boeremaglid skuldig bevind

Rooikoos du Plessis, ‘n ingenieur van Brits, is Maandag in Pretoria ook skuldig bevind aan hoogverraad, berig Beeld.

Du Plessis is die derde lid van die sogenaamde Boeremag wat aan hoogverraad skuldig bevind is, tesame met Mike en André du Toit.

André Wessels, ‘n staatsgetuie, het getuig dat Du Plessis gesê het sy organisasie het nie ‘n naam nie sodat dit nie uitgeken kan word nie.

Regter Eben Jordaan het in sy uitspraak gesê Du Plessis was aktief betrokke by die werwing van mense in die Vrystaat vir ‘n staatsgreep.

Jordaan het gesê Du Plessis was betrokke by die stigting van skadukommando’s wat sou optree wanneer swart mense op ‘n “rampage” of plundertog gaan.

Du Plessis het gesê sowat 8 000 skadukommandolede is nodig vir ‘n staatsgreep, “wanneer dit die tyd reg is”, verwysende na ‘n toestand van chaos in die toekoms.

Du Plessis het ook ‘n hof om volksverraaiers te verhoor in die vooruitsig gestel. Oudpres. FW de Klerk en genl. Constand Viljoen sou “boaan dié lys staan”.

Nog ‘n staatsgetuie, kol. Koos Holtzhausen, het Du Plessis as die brein in die ontmoeting met hom en ander in Nelspruit in September 2001 uitgewys. Volgens Holtzhausen wou hulle hom vir hulle planne werf.

Du Plessis het die pantserskool en Bloemspruit-lugmagbasis in Bloemfontein besoek, want Bloemfontein sou ‘n sentrale punt in die “oorname-fase” wees.

Jeugliga prys ANC omdat hulle nasionalisering en grondgryp aanvaar het

Suid-Afrika se myne gaan genasionaliseer word en die grond sal onteien word sonder vergoeding, het die ANC-jeugliga se adjunk-president Ronald Lamola, Maandag gesê.

“Leierskap van die ANC mag bang wees om die terme “nasionalisering” en “onteiening van grond sonder vergoeding” te gebruik, maar die beleidskonferensie het duidelik die mag en die mobiliteit van die jong leeus gewys,” het Lamola in Johannesburg gesê.

“Die beleidskonferensie van die ANC wat in Junie gehou is, het eenparig dit duidelik gestel dat die strategiese myne van Suid-Afrika genasionaliseer moet word vir die voordeel van alle Suid-Afrikaners.”

Lamola het terugvoering van die ANC se konferensie gegee, die rol van die Jeugliga, en ook besin oor die voormalige president Nelson Mandela se bydrae tot die stryd.

“Comrades, ons het die debat oor nasionalisering gewen,” het hy gesê by die liga se Dr Mxolisi Majombozi-tak by die Universiteit van die Witwatersrand.

“Selfs die African National Congress … hulle sê ons is by die punt waar ons moet kyk in terme van watter minerale om te nasionaliseer.”

Lamola het jong professionele mense aangemoedig om hul rol te speel deur te suggereer wat minerale in die staat se hande geplaas moet word as deel van die stryd vir “ekonomiese vryheid”.

“Ons het gesê met hierdie geleentheid wat aan ons gegee is dat ons nou strategiese minerale moet identifiseer wat genasionaliseer moet word,” het hy gesê aan die juigende skare.

Hy het gesê grond moet gegee word aan die “regmatige eienaars”.

“Die polisiekonferensie het dit duidelik gestel dat onteiening van grond wat onwettig deur die Boere en die Britse kolonies beset is, sonder vergoeding onteien moet word,” het Lamola bygevoeg.

“[Ons] takke van die ANC moet bedank word dat hulle nou dit op hulself geneem het om te veg vir ekonomiese vryheid.”

Lamola het gesê dat die jeugliga sy standpunt moet verdedig en verseker dat dit beleid word by die ANC se elektiewe konferensie in Mangaung in Desember.

Vroeër Maandag, het die ANC se sekretaris-generaal, Gwede Mantashe grootskaalse nasionalisering verwerp.

“Groot nasionalisering is nie ‘n opsie nie, dit is duur, dit is nie volhoubaar nie.”

Die party het egter ingryping deur die staat in die ekonomie ondersteun.

Heksejag teen wittes by KSUT duur voort

Die heksejag teen wittes by die Kaapse Skiereiland Universiteit van Tegnologie (KSUT) duur voort. Twee oud-studente moes die Suid-Afrikaanse Menseregtekommissie (SAMRK) om verskoning vra vir rassistiese aanmerkings wat hulle in Mei op Facebook gepos het.

Dit is duidelik dat die media ingespan word om die heksejag teen wittes te dryf, aangesien die oorsprong van die hele petalje blykbaar nie swart studente van die kampus was nie, maar ‘n swart rubriekskrywer.

“Ek wil graag om verskoning vra indien ek vir u of enigiemand anders aanstoot gegee het,” het een van die studente volgens die SAMRK gesê. Die student se identiteit is nie bekend gemaak nie.

Die twee voormalige studente van die KSUT het in Mei kommentaar gelewer op ‘n Facebook-boodskap van Ken Sinclair, waarin hulle swart mense beledig het.

Die kommissie het bevind dat die kommentaar wat opgelaai is, as haatspraak gesien kan word, en dat die studente se aanmerkings “kwetsend is en inbreuk maak op die waardigheid van swart Suid-Afrikaners”.

Die studente is gevra om ‘n vergadering wat deur die SAMRK-ondervoorsitter, Pregs Govender belê is, by te woon.

Die verskonings spruit uit ‘n voorval waar Ken Sinclair, ook ‘n student by KSUT, op Facebook gesê het: “Ernstig, ernstig, ernstig, het genoeg gehad van die swartes in hierdie land, arrogante fokken swyne. En ek sal dit my Facebook-status maak, want ek wil hê hulle almal moet weet. Julle is fokol sonder blankes, julle sou nog steeds in julle modder gehuggies gesit het. Gaan aan asof ons alles te danke het aan julle, ons skuld julle fokol! Verwag alles vir niks en het die aanmatigendste houdings wat ek nog ooit teëgekom het. Julle almal sal vroeër of later te kort skiet. karma.”

Sinclair het ook gepos dat swart mense “fokken breindood ape” is wat “altyd “Skinner (skinder) in hul vertraagde taal”. Sinclair het sy rekening intussen gedeaktiveer.

Die pos het gelei tot sy skorsing deur die instelling, het woordvoerder Thamie Nkwanyane aan City Press gesê.

Volgens Nkwanyane is Sinclair se houding nie ‘n weerspieëling van die ingesteldheid van die meerderheid van KSUT personeel en studente nie. Van die personeel het egter anoniem gesê die swart rassisme op die kampus is onhoudbaar en swartes werk onverpoos om wittes uit hule poste te dryf.

Alhoewel die universiteit gekla het dat Sinclair se aanmerkings “viraal” regoor die kampus versprei het, was niemand by KSUT glo bewus van Sinclair se pos nie.

Voormalige koerantrubriekskrywer Pinky Khoabane het glo ‘n klag teen Sinclair by die Menseregtekommissie gelê.

Vincent Moaga, MRK-woordvoerder, het gesê dat die klagtes is “deur studente en lede van die publiek” ingedien is.