Dan Roodt, Author at praag.co.za

Rusland veroordeel NAVO-optrede in Libië

Sergei Lawrof, die Russiese minister van buitelandse sake, het Navo se optrede in Libië veroordeel en sê dat vegvliegtuie van die alliansie, in teenstelling met die reëls van die Verenigde Nasies, besig is om burgerlike teikens aan te val.

“Daar is te veel oortredings van die VN-Veiligheidsraad se resolusie,” het Lawrof gesê. “Dit is heeltemal onaanvaarbaar.”

Navo het in die afgelope paar weke sy lugveldtog teen militêre magte van Muammar Gaddafi opgeskerp.

Die lugaanvalle, wat in Maart begin het, is veronderstel om te verhoed dat regeringsmagte burgers aanval en vermoor.

Navo het sedertien begin om Libiese regeringsgeboue en geboue waar wapens gestoor word te teiken.

услуги детектор лжи

Oneerlike kandidate sal uitgegooi word – Zuma

Die ANC het gemeenskappe geloof vir hulle keuses van kandidate omdat demokrasie daardeur versterk kan word, het President Jacob Zuma Sondag gesê.

“Die verantwoordbaarheid van ons openbare verteenwoordigers moet verbeter word. Die deursigtigheid van ons prosesse moet verhoog word,” het hy aan duisende ANC-ondersteuners by die party se finale verkiesingsaamtrek in die FNB-stadion gesê.

“Daardeur is die keuses vir ANC-kandidate baie beter. Die mense het kandidate met integriteit na vore gebring, wat daartoe in staat is om beter gemeenskappe te bou.

Zuma het toegegee dat daar probleme in sommige gebiede was en het gesê dit sal opgelos word.

“Ons het hard gewerk om hierdie probleme aan te spreek en te verseker dat die mense wat in ons plaaslike-, distriks- en metropool-munisipaliteite dien, dié is wat werklik gekies is met die deelname van die gemeenskappe.”

Hy het beklemtoon dat ‘n ANC-taakspan kwessies soos kandidate wat dmv oneerlikheid tot lyskandidate gevorder het, ná Woensdag se verkiesing sal ondersoek.

Betogings het vroeër landwyd uitgebreek weens probleme met dié lyste.

Zuma het ook klem geplaas op die vordering wat die ANC sedert 1994 gemaak het, maar het erken dat meer gedoen moet word.

Hy het gesê die ANC is die party wat die beste geplaas is om die ongelykhede wat die land steeds teister, in terme van behuising en armoede, reg te stel.

Zuma het ná sy toespraak na die verhoog teruggekeer om sy kenmerkende lied, Umshini Wam, te sing.

Julius Malema, leier van die ANC-Jeugliga, het neffens hom gedans.

free bonus slots

IMF-hoof vas na seksaanval

Dominique Strauss-Kahn, voorsitter van die Internasionale Monetêre Fonds, is in hegtenis geneem op aanklagte van ondermeer poging tot verkragting nadat hy daarvan beskuldig is dat hy ‘n hotelwerker sy ‘n hotel in Manhattan, New York, seksueel aangerand het.

Strauss-Kahn is Sondagoggend in hegtenis geneem nadat hy van ‘n Air France-vlug af vergesel is.

Paul Browne, ‘n polisiewoordvoerder, het gesê Strauss-Kahn het die hotel verlaat nadat die 32-jarige huishoudster uit sy luukse hotelsuite gevlug het.

“Die vrou het aan die polisie gesê sy wou die kamer skoonmaak toe Strauss-Kahn naak uit die badkamer kom.”

Sy het verder gesê hulle het ‘n gewelddadige struweling gehad, waarna hy haar gedwing het om orale seks met hom te hê. Strauss-Kahn het toe glo probeer om die vrou se klere uit te trek voordat sy losgebreek en ontsnap het.

Strauss-Kahn sal na verwagting aangekla word van ‘n kriminele seksuele daad, poging tot verkragting en onwetltige aanhouding.

Benjamin Brafman, Strauss-Kahn se regsverteenwoordiger, het gesê sy kliënt gaan onskuldig pleit, volgens Reuters.

betting sites free

Een mening wat almal pas?

Dit lyk of Naspers se koerante nou hulle hoofartikelkommentaar “gesentraliseer” het – net soos hulle met hul boekeredakteur gedoen het.

Beeld het Donderdag ‘n hoofartikel gepubliseer waarin die besluit van die Suid- en Wes-Kaapse sinode van die NG Kerk om die Belhar-belydenis te aanvaar, geprys en as die regte besluit bestempel is. Hierdie hoofartikel verskyn Vrydag in Die Volksblad woord vir woord as die mening van daardie blad se redakteur in die hoofartikelkolom!

En die interessante is dat in Dawie se weeklikse kolom in Saterdag se Die Burger gebruik gemaak word van feitlik presies dieselfde argumente as wat in die Beeld/Volksblad artikels gebruik is – veral ten opsigte van hulle siening dat die besluit om Belhar goed te keur, die begin is om die “onreg” reg te stel van die NG Kerk se besluit in 1857 (dis reg, 154 jaar gelede) om afsonderlike dienste vir anderskleuriges (bruines) te hou. Iemand is duidelik besig om vir iemand voor te skryf!

Ek het in kommentaar op Volksblad se webblad gevra wat nou aangaan? Is Naspers nou besig om hoofartikels ook te sentraliseer soos hy dit doen vir boekresensies?

Want dit is ‘n vreemde ding in die koerantwese. As redakteur van een van Perskor se vier Afrikaanse dagblaaie van die vroeë tagtigs, het ek nou nie elke dag self die hoofartikel geskryf nie, maar die Adjunkredakteur en ek het gewoonlik eers saamgesit en ons standpunte uitgepraat en geformuleer voordat een van ons dit gaan sit en skryf het – en ek het die finale weergawe goedgekeur. Ons het dikwels in die breë met ons kollegas saamgestem oor ‘n betrokke saak, maar dit in ons eie woorde en met eie beklemtonings of nie-beklemtonings gestel. En by geleentheid het ons soms sterk van hulle verskil oor sekere sake. (Ek kan voorbeelde gee as daarop aangedring word, maar eintlik is dit ou stories wat lank nie meer saak maak nie.)

Feit is dat die onafhanklikheid van ‘n koerantredakteur – natuurlik binne die breë riglyne van die koerantgroep – nog altyd ‘n ongeskrewe reg was – ook in die Engelstalige koerantwese en vandag steeds in die Britse koerantegroepe.

Maar as Naspers nou begin afwyk van daardie “reg” en sy koerante se hoofartikels begin sentraliseer, is die eerste vraag wat gestel word: Wie is dan die HOOFredakteur? Wie skryf voor wat in die gedeelde hoofartikels (en in verwante rubrieke en meningsartikels) moet verskyn en wat nie! Kan ons ‘n naam kry dat ons weet met wie ons te doen het? Is dit Tim of Ainsley Moos of Koos Bekker of dalk daardie Weideman-antie wat nie meer van Hofmeyr-tee hou nie maar nou hoofuitvoerende beampte van Media24 is?

Dit kan wees dat ek oorreageer en dat Moos van die Volksblad maar net so baie van Beeld se hoofartikel gehou het dat hy dit net so oorgeneem het as sy eie. Maar dit bly ‘n vreemde ding om te doen. Dit is afstanddoening van jou reg op ‘n eie vertolking – of sommer net bleddie luigeid!

Ek wou hierdie vrae ook op Beeld se webblad vra, maar die afgelope tyd laat Beeld nie sommer ruimte op sy webblad toe vir kommentaar op sy hoofartikels – en dikwels op meningsartikels van sommige van sy omstrede redaksielede nie. Ek dink dit is omdat hulle so kwaai deur hulle eie lesers gelooi is oor goed wat hulle kwytraak – soos juis weer oor hierdie Belhar-besluit. Die NG-lidmate looi daai sinode – en sommer ook veral Die Burger vir sy steun aan die besluit.

Naskrif: En toe ek pas op Volksblad se webblad inskakel sien ek dat die inset wat ek daar geplak het en dieselfde vrae stel wat ek hierbo gestel het, verdwyn het! Ek het gevra vir ‘n verduideliking, maar teen die skrywe hiervan nog nie een gekry nie.

Medupi-kragstasie in chaos gedompel

‘n Ingeligte bron het aan ‘n internetwebwerf vertel wat werklik by die twee Eskomkragstasies, wat nog in aanbou is, gebeur het. Die media verswyg die gebeure en hou die publiek skaamteloos oningelig, volgens werknemers.

By die Kusile-kragstasie in Mpumalanga naby Witbank, het die swart werkers Dinsdag 3 Mei 2011 begin staak oor dinge waaroor hulle ontevrede was, hulle is in kennis gestel dat die staking onwettig is en dat hulle moet terugkeer werk toe.

Die swartes het toe op Vrydag 6 Mei 2011 weer by die werk aangemeld, maar toe verneem dat die stelsel “geen werk, geen betaling” (no work no pay) van toepassing is. Hulle was toe ontevrede omdat hulle nie vergoeding sou kry vir die dae wat hulle gestaak het nie. Die situasie het onmiddelik handuit geruk en die swartes het begin plunder, twee van die konstruksiefirmas by die kragstasie se kantore is afgebrand, so ook ‘n reuse-mobiele kraan en verskeie voertuie, talle ander voertuie is deur die woedende swartes erg beskadig.

Volgens die Hoofbestuurder van Eskom, Brian Dames is die skade in daardie stadium beraam op R60 miljoen. Vanoggend 10 Mei 2011 het chaos ook uitgebreek op die Medupi-kragstasie op Ellisras, wat ook nog in aanbou is, toe die 15 000 werkers daar ter ondersteuning van die swartes by Kusile-kragstasie tot geweld oorgegaan het.

Binne enkele minute is die kantoorgeboue, mobiele krane en twee voertuie van Kentz-konstruksie op Medupi aan die brand gesteek; voertuie op hulle dakke omgerol en verskei bakkies en karre se ruite uitgeslaan.

In een stadium was daar 5 brandweerwaens op Medupi, met nog op pad, dit het gewemel van polisie, maar onder die omstandighede kon hulle seker nie veel meer doen as om handtekeninge te vra nie.

In die loop van die oggend het 6 ambulanse en 3 noodvoertuie by die kragstasie opgedaag. Swartes wat nie aan die geweld wou deelneem nie, is aangeval, en van hulle het soos besetenes by die hekke uitgevlug, die vlaktes in, nog met die gereedskap in die hand waarmee hulle besig was, ander het op voertuie en waterkarre geklim net om uit die kragstasie te kom. Die skade hier kan soveel as R100 miljoen of meer beloop.

Teen vroegmiddag het die polisie die ingange na Ellisras afgesper en bewaak, aangesien hordes swartes op pad is dorp was om die blanke werkers van Kentz aan te val in die wooneenhede wat deur Kentz gehuur word.

Alle blankes in Kentz se diens, waarvan my broer een is, het opdrag ontvang om met hulle Kentz-werknemerkaarte hulle voertuie op Kentz se rekening vol brandstof te maak en onmiddelik die dorp te verlaat. Volgens Kentz se topbestuur sal Medupi om veiligheidsredes gesluit wees tot na die verkiesing.

Kyk mens na die verloop van gebeure, is dit duidelik dat daar geen begrip is nie, maar net opgehoopte haat teen die blankes. Die regering kerm oor werkskepping, maar die wat werk het, wil nie werk nie, en vernietig alle strukture met hul optrede, hoe verder die konstruksiewerk aan Medupi vorder, hoe meer werkgeleenthede sal daar wees, maar mense besef dit nie.”

магазин игры Лобановский

VF Plus lê klag teen Zuma

Die Vryheidsfront Plus gaan vandag ‘n klag by die Onafhanklike Verkiesingskommissie (OVK) teen president Zuma lê vir sy uitsprake wat hy in die Vrischgewacht-township naby Delareyville aan kiesers gemaak het.

Zuma het volgens Beeld (13/05/2011) gesê dat diegene wat hulle rug teen die ANC draai, teëspoed sal moet trotseer en aan die ANC-voorvaders verantwoording sal moet doen wanneer hulle sterf. Volgens dr. Pieter Mulder, VF Plus-leier, is hierdie optrede van Zuma ‘n duidelike verbreking van die OVK se verkiesingskode. “Zuma se gedrag is eerstens intimiderend van aard deurdat hy vrees by kiesers inboesem oor die gevolge van ‘n stem anders as vir die ANC en tweedens misbruik hy sy posisie van tradisionele gesag om kiesers te beïnvloed om ‘n stem vir die ANC uit te bring,” het dr. Mulder verder gesê.

Die verkiesingskode is ingevolge artikel 9(1)(a)(ii) baie duidelik dat intimiderende gedrag ontoelaatbaar is en ingevolge artikel (9)(2)(e) is enige gedrag waar gesag misbruik word om kiesers te beïnvloed om op ‘n sekere wyse te stem, verbied.

Hierdie klagte teen Zuma word gebring teen die agtergrond van verskeie uitsprake deur Zuma en ander senior ANC-lede wat kiesers gereeld bombardeer met godsdienstige boodskappe en vergelykings met die Christelike Godheid. Hierdie gedrag is vir meeste Christene, insluitende die VF Plus, ‘n steen des aanstoots en kan beskou word as godslasterend. Dit is ‘n aanduiding van die ANC se desperaatheid om stemme te werf en te behou vir die komende verkiesing.

“Die ANC se optrede is ‘n gevolg van een-party wat regeer en te sterk geword het. Dieselfde sal gebeur indien enige ander party alleen in bewind kom en al die verskillende groepe en oortuigings moet verteenwoordig. Koalisiepolitiek, waar meer as een party saam regeer, hou die voordeel van meer wigte en teenwigte teen magsmisbruik in,” het dr. Pieter Mulder bygevoeg.

play online casino

Jeugliga vies omdat Zuma hulle isoleer

President Jacob Zuma se opmerking dat die menings oor grondhervorming uitgespreek deur ANC-jeugligapresident Julius Malema sy eie is, isoleer die jeugleier, het die ANC-jeugliga Donderdag gesê.

Die liga het gereageer nadat Zuma die ANC van die sieninge gedistansieer het.

“Om die sienings wat in die… liga se besprekingsdokument uitgedruk word aan…Malema toe te skryf, is nie van hulp nie en kan net dien om hom (Malema) van die organisasie (ANC) te isoleer,” het die liga se nasionale werkkomitee Donderdag in ‘n verklaring gesê.

Zuma het na berig word, gereageer op besorgdheid wat uitgespreek is deur boere oor grondhervorming deur te sê: “Malema is op ‘n leerkurwe en die boerderygemeenskap moet nie ontsteld word deur sy uitlatings nie. Wat hy sê, is bloot sy (Malema se) sienings.”

In die liga se besprekingsdokument, wat met die oog op die liga se komende verkiesingskonferensie uitgereik is, stel die liga wysigings voor aan die eiendomsklousule van die Grondwet om die regering toe te laat om “in die openbare belang” op grond beslag te lê.

Die liga meen dat die onteiening van grond sonder vergoeding ‘n beleidsvoorstel deur die liga is en nie dié van ‘n individu nie.

Die verhouding tussen Zuma en Malema, sy eens getroue ondersteuner, het intussen versleg. Malema se naam is ook genoem in ‘n beweerde komplot wat glo beplan word vir die ANC se nasionale verkiesingskonferensie in 2012 om Zuma uit die kussings te lig.

бани внутри прокурор Фильчаков

Munisipale verkiesing: Die tokkelossie sal jou gryp

As iemand steeds getwyfel het dat die misbruik van godsdiens vir politieke gewin deel van die ANC se strategie vir volgende week se verkiesing is, het pres. Jacob Zuma dit self finaal uit die weg geruim. Na Zuma tevore deur godsdiensleiers oor die kole gehaal is oor hy kiesers met ontevrede voorvadergeeste gedreig het sou hulle weg van die ANC stem, het hy dit pas weer gedoen. Hy kan hom immers lank nie meer op onkunde beroep nie.

Reeds voor sy vorige gebruik hiervan, was hy en van sy meelopers al deur kerkleiers en Christelike organisasies oor die kole gehaal oor ‘n rits uitlatings, soos dat mense Zuma moet volg soos hulle Jesus gevolg het. In ‘n stadium het die Afrikaanse susterkerke ‘n gesamentlike verklaring uitgereik om die ANC tot orde te roep. Ander kerke soos die AGS en die APK het dit ook gedoen, en die VGK het selfs lidmate afgeraai om hieroor vir die ANC te stem. Zuma is selfs persoonlik deur dr. Izak Burger van die AGS hieroor aangespreek.

Die NG Kerk het dit na nog voorvalle nodig geag om die ANC te vermaan dat ook hierdie kerk sy lidmate gaan vra om nie ANC te stem nie sou die ANC nie dadelik ophou nie. Die ANC gaan steeds voort, met onder andere ‘n vergelyking tussen die Vryheidsmanifes en die Bybel.

Die plaas Christen-demokratiese Partye in ‘n baie moeilike posisie, en die ANC buit dit ook uit deur daarop te wys dat die gebruik van die woord “Christen” in die naam van ‘n party op dieselfde neerkom. In sommige gevalle is daar moontlik ‘n element van waarheid in, maar die basiese beginsel is dat ‘n Christen in sy hele lewe, nie net in sy kerk nie, as werktuig van Christus moet optree – dus ook in die politiek. Hy dwaal egter as hy Christus vir politieke gewin begin inspan, al is sy motiewe suiwer.

Hoe dit in die praktyk neerslag vind, is die werklike toets. Het die ANC te midde van al die aansprake oor hoe Christelik dit sou wees, byvoorbeeld ‘n piep gemaak dat dit onbybelse wette soos dié van aborsie op aanvraag gaan skrap? Is daar enige planne om die Lotto te skrap? Kerke is eendragtig in hul teenstand hierteen.

Baie Suid-Afrikaners sal nog onthou hoe die kerke hul profetiese stem so sterk laat hoor het oor die bonusobligasies dat die vorige regering dit moes skrap. Die bonusobligasies was nie eens werklike dobbel nie, aangesien die deelnemers steeds sy geld met rente teruggekry het. Die element van die geluksgodin in die bonus-gedeelte was genoeg om die kerke te laat rug styfmaak tot die vlakke van totale onbuigsaamheid.

Om die woord “Christen” in ‘n party se naam aan te bring plaas ‘n groot verantwoordelikheid op so ‘n party.

Juis daarom is dit teleurstellend dat die ACDP in die Vrystaat weer kiesersgidse van die Christian Action Network, met die ACDP se kontakbesonderhede daarop, in die provinsie gaan versprei het. Die Christian Action Network staan onverbonde tussen die land se Christen-demokratiese Partye en tree gereeld op as fasiliteerder om samesmelting of minstens samewerking tussen hierdie partye te bewerkstellig. Toe die ACDP in die Vrystaat in die vorige algemene verkiesing begin het om hierdie gedokterde gidse te versprei, het die Christian Action Network hulle gelas om dit te onttrek, en die ACDP het onderneem om dit te doen. Daar is egter voortgegaan om dit te versprei. Nou word dit weer saam met ACDP-pamflette versprei. Dié keer word Christian Acton Network egter ook in die verleentheid gestel omdat die ACDP se kontakbesonderhede daarop verouderd is – dit bestaan nie meer sedert die ACDP sy setel in die Vrystaatse Wetgewer verloor het nie.

Dit is belangrik dat die ander CDP’s nie beeldskade lei deur die optrede van die ACDP nie, wat tot dusver die samesprekings vir samewerking laat misluk het.

Intussen staan kerke voor ‘n uitdaging: Dit is duidelik dat die ANC hul vermanings uitdaag en ongesteurd voortgaan om van die Here, en tussenin sommer van die voorvadergeeste, as politieke foefies gebruik te mak. Sou die kerke nie hul profetiese stemme duidelik laat hoor nie, en daarin faal om te toon dat sy nee sy nee bly, gaan die ANC hiermee wegkom.

free sots топкарго

Twee mossies vir ‘n stuiwer

By die eerste kennismaking van minister Pik Botha met Wynand du Toit, na sy vrylating, het die Minister aan Du Toit ‘n pennie/stuiwer gegee. Dit is na analogie van die Bybelse beeld van twee mossies vir ‘n stuiwer. Du Toit is toe vrygelaat – ja uitgeruil – vir die Nederlander, Klaas de Jonge. My vermoede is dat die twee Mossies Du Toit en De Jonge is.

Du Toit was tot sy vrylating 835 dae in eensame aanhouding in Angola in gevangenis en De Jonge vasgekeer in die Nederlandse Ambassade, toe in die middestad van Pretoria.

Du Toit was ‘n recce in Angola en De Jonge tot sy gevangneming deur die Suid-Afrikaanse veiligheidsdienste ‘n ANC-koerier.

Daar is egter ‘n storie agter die storie van beide se vrylating. Dit was ‘n Vrydag in die Suid-Afrikaanse Ambassade in Den Haag/Nederland. Op my dagboek, so kwartvoor-twaalf het die naam van mev. Zoutendijk geskryf gestaan. Sy was ‘n gesiene en belangrike dame in die Liberale Party van Nederland. Haar man was die leier in die Eerste Kamer.

Ek het haar ontvang en sit gemaak. Koffie is aangebied. Sy het ‘n versoek aan my, het sy gesê. Haar beste vriendin het ‘n dogter met die naam Helena Pastoors. Pastoors, het sy gesels, het beide ‘n Belgiese en Nederlandse paspoort. Sy reis van tyd tot tyd na Suid-Afrika. Sy, wat mev. Zoutendijk aanbetref, vermoed vuilspel. Pastoors is in by die Nederlandse anti-apartheidskliek. Haar versoek is dat ek ‘n visum aan haar weier. Sy wil enige konflik met die Suid-Afrikaanse veiligheidsdienste uitsluit.

Ek het notas geneem. Selfs die paspoortnommers afgeskryf. In ‘n gees van “ek sal kyk wat ek kan doen” het ek haar by haar motor afgesien. Ek het terug gestap kantoor toe. Op my lessenaar het die papier met die gegewens gelê. Ek was honger en wou iewers in die stad gaan eet. Ek het die papier netjies gevat, opgefrommel en in die asblik gegooi.

Zoutendijk se storie het soos wolhaarstorie geklink. Ek het geëet en van die storie vergeet.

Terug in my kantoor het ek na die papier-afvalbak, wat gereeld gesnipper word, gekyk … om een of ander rede die vervrommelde papier uitgehaal en netjies oopgestryk.

Ek het ‘n nota aan my hoofkantoor oor die gesprek geskryf en ‘n profiel oor Helena Pastoors aangevra. Insgelyks het ek aan die Suid-Afrikaanse konsulêre afdelings in Brussels, met ‘n afskrif aan ons eie gestuur, met die versoek: “As Helena Pastoors aansoek doen om ‘n visum, lig my dadelik met reistye in en reik die visum onverpoos uit.”

‘n Tyd en nog ‘n tyd het verby gegaan. Toe skielik kry ek ‘n foonoproep van die konsulêre afdeling. Helena Pastoors is daar. My reaksie was: reik die visum uit.

Met die reisbesonderhede in my besit het ek my hoofkantoor dringend versoek om die veiligheidsdienste in te lig. Pastoors het vertrek. Op Jan Smuts Lughawe aangekom, is sy gevolg. Pastoors het die Veiligheidsdienste na Klaas de Jonge gelei. Een aand in daardie tyd is Pastoors en De Jonge gevolg na ‘n wapenopslagplek iewers in bosse waar die Rooi Baron, ‘n “diplomaat” (of was hy van die Nederlandse veiligheidsdienste?), met ‘n Peugeot 504 Sedan met diplomatieke nommerplate op hulle gewag het. Wapens is uit die agterste sitplek van die motor in ‘n grondgat oorgelaai en met grond toegegooi. Alles was op video vasgelê. Natuurlik deur die Suid-Afrikaanse owerhede! Kort hierna is volledige foto’s van die gebeure in ‘n Nederlandse dagblad gepubliseer.

Pastoors en De Jonge is gevange geneem. Nog later het De Jonge die polisie na ‘n gebou in Pretoria geneem. Dit was die Nederlandse Ambassade. Ons veiligheidsmanne het nie die implikasie besef nie. Daar aangekom het De Jonge die voorportaal van die Ambassade ingespring. Die polisie het hom wederregtelik uit Nederlandse grondgebied verwyder. Na die wisseling van diplomatieke notas, oor en weer, moes Suid-Afrika De Jonge terugneem na die Nederlandse Ambassade.

Op ‘n dag kry ek ‘n telefoonoproep van minister Botha. Op daardie stadium was ek die Saakgelastigde van Suid-Afrika in Nederland. Ek moes ‘n uitruiltransanksie tussen De Jonge en Du Toit help onderhandel. Ek moes persoonlik aan die Minister oor vordering rapporteer. Ek vermoed dat diplomatieke notas van Suid-Afrika ook deur die diplomatieke kanale in Pretoria na die Nederlanders gestuur sou gewees het.

My kontak by die Nederlandse Ministerie van Buitelandse Sake was ‘n Ambassadeur in Spesiale Dienst. Hy sou die transaksie inisieer en het Angola toe gevlieg om die knoop deur te haak.

Intussen het die nuwe Ambassadeur, die politieke aanstelling van die eerste bruin man, dr. Frank Quint, by ons ambassade diens aanvaar. Dit was sy prerogatief, hoe jammer dit ookal is, om die saak uit my hande te neem en verder te hanteer.

Dit is die storie van Klaas de Jonge en van Wynand Du Toit. Twee mossies vir ‘n stuiwer … wat dit ook al mag beteken?

ультразвук топкарго развод

DA-, OD-lede loop oor na VF Plus

‘n Aantal sleutelrolspelers van die Demokratiese Alliansie en die Onafhanklike Demokrate in Gauteng is vandag amptelik deur die VF Plus in hul nuwe politieke tuiste verwelkom.

Mnr. Christo Smith het kort voor die OVK se afsnytyd vir die nominasie van kandidate as sittende raadslid van die DA in Midvaal bedank en hom by die VF Plus aangesluit.

Volgens die leier van die VF Plus in Gauteng, mnr. Jaco Mulder, vorm die Midvaal en Kaapstad munisipaliteite ‘n steunpilaar vir die DA-verkiesingsveldtog terwyl ‘n donker wolk oor Midvaal hang vanweë ondersoeke na korrupsie.

Ander prominente lede wat hulself by die VF Plus aangesluit het is mnr. Craig Bennetts wat as sittende raadslid van die DA in die Ekurhuleni-metroraad aan die Oos-Rand bedank het en ‘n DA-genomineerde kandidaat van Suidheuwels, Johannesburg, me. Tess.

‘n Voormalige leier van die OD in Gauteng, mnr. Brian Power, staan ook as kandidaat vir die VF Plus in Johannesburg.

Mense keer die liberale raas en blaas politiek van die DA en OD die rug toe en keer terug na hul wortels. Die VF Plus word toenemend gesien as die natuurlike politieke tuiste van mense wat met ‘n Christelike waardestelsel wil bydra tot werklike oplossings.

Die Vryheidsfront Plus se navorsing onder die meer as 130 000 persone wat sy tolhekpetisie geteken het, dui daarop dat die party gaan groei in die komende plaaslike owerheidsverkiesing. Daar is vasgestel dat tussen meer as 70% van die ondertekenaars bereid sal wees om die VF Plus in die verkiesing te steun. Volgens adv. Anton Alberts, VF Plus-parlementêre woordvoerder oor Kommunikasie, is die steun ‘n mengsel van ou en nuwe ondersteuners. “Heelwat van die petisielede het aangedui dat hulle vir die eerste maal die VF Plus gaan steun weens sukses wat die party behaal met die beskerming van die belastingbetaler teen uitbuiting.

Die VF Plus is tans die derde grootste opposisieparty in Gauteng naas die DA en Cope. Met die binnegevegte in Cope asook groei in steun vir die VF Plus kan die party dalk na die verkiesing van 18 Mei 2011 groei tot die tweede grootste opposisieparty in Gauteng.

Die VF Plus sal na die verkiesing bereid wees om saam met ander opposisiepartye koalisies te vorm soos die party in 2006 in Kaapstad en George gedoen het.

Die VF Plus gee op hierdie wyse aan Afrikaners, minderhede en kiesers wat sy waardestelsel deel, inspraak in plaaslike regering.