Peetpa Buys lem die Vryheidsfront

Vandeesweek het dit vir jou behoorlik gegons rondom Willie Spies se skielike bedanking by die VF Minus. Tot die orakels van Mediapark het twee dae laat die lamppale in J.G. Strijdomlaan (dit heet nou een of ander onuitspreekbare naam) in Johannesburg met plakkate versier wat lui:

VF PLUS SE

WILLIE VAL

OP SY EIE SPIES

Met die e-posse wat vlieg en die riemtelegramme wat gons, lyk dit toe al minder na ‘n politieke selfmoord. Eerder ‘n geval van ‘n bevel van Bo. En hier raak ek nou nie godslasterlik nie, maar volgens binne-inligting het Willie Assegaai op aandrang van Kallie Kriel van Afriforum bedank. Soos ene Vorster hier op die PRAAG-werf geskryf het: “In elk geval, ek dink Willie sal verseker in die geskiedenis kan afgaan as die eerste en waarskynlik laaste en enigste leier wat uit ‘n politieke party bedank het oor dit in die openbaar genoem is dat hy verbonde aan die party is!”

Selfs dr. Pieter Mulder, leier van die VF Positief, het – immer positief – per mediaverklaring laat weet dat daar nie sprake is van mededinging tussen die VF en Afriforum/Solidariteit nie. Luidens Mulder: “Enigeen wat spanning tussen Afrikanerorganisasies skep, is onverantwoordelik en verloor die groter saak uit die oog.”

Mmmm, op hierdie sondige onderaardse van ons is daar maar bitter min harmonie, veral tussen Afrikanerorganisasies. Daar bestaan mos ‘n ou spreuk in die Afrikanerpolitiek: “Die vyand is nie dóér voor jou nie, maar hier langs jou.”

Terwyl daar nou so oor Willie se spies geskinder word, kom die rol van Peetpa Flip (“the Godfather”) Buys toe ook ter sprake. Iemand sweer hoog en laag dat die bevel om Willie uit die Vryheidsfront te verwyder van Heel Bo in Solidariteit moes gekom het. In Willie Assegaai se bedankingsboodskap wat wyd gesirkuleer is, praat hy dan hoeka van ‘n “koue oorlog” tussen die uitvoerende dagbestuur van die VF+ en Solidariteit/Afriforum : “Terwyl hierdie koue oorlog onder die oppervlak gevoer word, skroom die party nie om na buite deurlopend en ten onregte by AfriForum en Solidariteit aan te klamp nie.”

Vir diegene wat nie met die term “aanklamp” bekend is nie, dit beteken iets soos “om met iemand anders se kallers te ploeg”. Dit klink nogal baie asof dit van Peetpa Flip af kan kom, want vir iemand wat self agter die deur staan, is hy besonder sensitief vir iemand wat dalk kan lyk asof hy met ‘n Buys-vers mog ploeg. En al sy teksversies kom glo uit sulke Amerikaanse boeke oor bestuur… van die soort met titels soos: “Wie het my kaas geskuif?” en dergelike.

Gerugte dat Solidariteit/Afriforum ‘n politieke party wil begin en dus die Vryheidsfront Plus as ‘n lastige oorblyfsel uit die Afrikanerverlede sien, word ook gereeld ontken. Nog ‘n skinderstorie is dat Peetpa Buys op ‘n keer gesê het: “Man, ek het veel groter ambisies as om ‘n politieke party te begin.” Nou wonder Bertijn, wat kan sulke “groter ambisies” wees: Voorsitter van Anglo American? President van die Afrika-unie? Die man in sy gebruiklike mosterd-en-bruin monderings prikkel jou nuuskierigheid genadeloos!

Enigiemand wat dink dat Bertijn vir Buys onbillik as “Peetpa” bestempel, het nie die taamlik uitgebreide (outo?)biografiese ode aan hom tydens vandeesweek se “scenario”-konferensie op Garsfontein onder oë gehad nie. Moedswilliges sal seker sê: Eers is die Afrikaner bestook met “wigte en teenwigte” in Kemptonpark en nou word ons bewierook met scenario’s in Garsfontein. Bertijn het nogal ‘n voëltjie hoor fluit dat Dirk Hermann van Solidariteit/Afriforum en FW de Klerk (voorheen van die Broederbond en Nasionale Party) deesdae erg hand om die blaas is. Dirk vlieg glo gereeld af Llandudno toe om FW se partytjies by te woon.

Bertijn kyk nie so baie TV nie, maar die SAUK, daardie nare ANC-beheerde orgaan, is amper so dolverlief op die Solidariteitstyl as Naspers. As dit nie mosterd-en-bruin Buys is nie, is dit Dirkie die Kondensmelkseun met sy groen das en swart leerbaadjie. Bertijn dag Solidariteit/Afriforum se kleure is groen en oranje?

Hoe dit ook al sy, soos Buys deur homself of deur een of ander mbongi van Solidariteit beskryf word:

“Flip is tans Uitvoerende Hoof van Solidariteit.

Flip demonstreer sy leierskap in sy diens aan die gemeenskap in verskeie direksies en rade, waaronder:

  • dien as ‘n direkteur van die Mynpensioenfonds; die Rand Mutual Versekeringsmaatskappy; die Dagbreek Trust; die Erfenisstigting;
  • raadslid en lid van die uitvoerende komitee van die Noordwes-universiteit;
  • direkteur en lid van die UK van die Rapport Onderwysfonds (ROF) en ‘n lid van die Suid-Afrikaanse Akademie.
  • Hy is voorsitter van Solidariteit se Sakebeen, die vakbond se burgerregte-inisiatief Afriforum en nou ook voorsitter van die ABN.”

Dis rof, selfs sonder ‘n onderwysfonds! En as u nou gewonder het wat die ABN is… Eers was daar ‘n AB, oftewel Afrikanerbond en nou ‘n ABN, alias die Afrikaner Burgerlike Netwerk. Soos ‘n bitterbek dit gister teenoor Bertijn stel: “Daar ís ‘n nuwe Broederbond!”

Bertijn voel sommer nou gerus: ons is bepaald, soos hulle sê, in goeie hande. Die AB en FW het vir ons dié pragtige bestel ontwerp en Peetpa Buys se scenario’s sal sorg dat, soos die ABN se dokument dit onder andere stel: “waarde toegevoeg word in terme van risiko-beoordeling en -bestuur”. As jy iemand met ‘n AK 47 in jou inrypad gewaar, reik na die ABN se handleiding waar wenke vir elke situasie gevind kan word!

Die geskiedenis, soos Buys se sêgoed wat uit sulke slapband- Amerikaanse boeke kom, herhaal homself, nie waar nie? Veral Peetpa se konneksies met Potchefstroom is nogal, om ‘n bertijnse adjektief te gebruik, frappant. Het FW en Ouboet Wimpie nie ook sulke hegte bande met die rustige Dopperkampus gehad nie? Daar is amper net soveel Doppers in die onlangse, roemryke – of rampspoedige, afhangand van u “scenario” – Afrikanergeskiedenis as wat daar Jode by die Rivoniaverhoor of Indiërs in die wapenskandaal was.

Dat Nasionale Pers doer vanuit die Wes-Kaap vir Peetpa Buys as “Onse Leier” – om die gepaste Kaapse vorm te gebruik – gesalf het, spreek ook die spreekwoordelike boekdele. Tim du Plessis skryf juis verlede week in hul noordelike spreekbuis, Beeld, oor die (hoor u die Wagner-musiek in die agtergrond?) “seldsame Flip Buys”: “Sy brein werk in toekomsprentjies, baie strategies. Hy’s heeltyd besig om scenario’s te sien en plannetjies te maak.”

Eers was daar by Kemptonpark en Kodesa, in Z.B. du Toit se gevleuelde woorde, “Boere sonder planne”. Nou het ons “Afrikaanses met plannetjies”.

As u dus ooit oor u toekoms in dié land getwyfel het, ontspan en handig sommer u handwapen by die naaste polisiestasie in! Daar word namens ons “plannetjies gemaak”. U en ek word nie na sulke belangrike plannetjiepartytjies uitgenooi nie, maar teen die einde van Augustus 2010 kan ons uitsien na ‘n verslag wat deur prof. André Duvenhage van die NWU (Pochefstroom-kampus) opgestel sal word en deur “onderskeie organisasies en instansies vir strategiese besluitneming… gebruik” sal word.

Miskien lyk die fameuse scenario’s so:

  1. Volkselfmoord.
  2. Emigrasie.
  3. Pas aan, verengels en assimileer.
  4. Trek na ‘n blanke plakkerskamp en ontvang kospakkies van Solidariteit se Helpende Handfonds.

Soos wat die scenario’s met fanfare bekendgestel word, sal Bertijn u op hoogte van u toekoms hou.

все для скважинtopcargo отзывы сотрудников

Regering wil nou privaatpensioene begin tap

Ebrahim PatelDie ANC-minister van ekonomiese ontwikkeling gaan maniere bekyk waarop die R1,5 triljoen wat in privaat- en regeringspensioene belê is, vir “ontwikkeling” gebruik kan word. Waarskynlik sal sulke “ontwikkelingsprojekte” deur begungstigdes van Swart Ekonomiese Bemagtiging en swart sakemanne na aan die ANC bedryf word.

Die sakekoerant Business Day berig in vandag se uitgawe dat die minister van ekonomiese ontwikkeling, Ebrahim Patel, afreefondse wil gebruik om sy strategiese plan, wat vandeesweek in die parlement ter tafel gelê is, te verwesenlik.

‘n Idee wat die rondte doen, is dat pensioenfondse verplig kan word om ‘n gedeelte van hul bates in ‘n sogenaamde “ontwikkelingseffek” te belê. Veral Cosatu is ten gunste van so ‘n maatreël om aftreefondse te dwing om in swart ondernemings te belê.

Patel se strategiese plan sluit verder die herontplooiing van fondse wat deur die Openbare Beleggingskorporasie bestuur word in. ‘n Gedeelte van aftreefondse van staatsamptenare en die Werkloosheidsversekeringsfonds sal sodoende vir “ontwikkeling” aangewend word. Volgens die strategiese plan, “beheer privaatsektoraftreefondse ‘n uitgebreide bateversameling en beleggings in alle sektore van die ekonomie. Daar is ruimte om die vlak van ontwikkelingsbefondsing te verhoog wat uit dié bate- en beleggingsversameling afkomstig is.

“Beskikbare opsies sluit ‘n regeringsontwikkelingseffek in; asook ander meganismes wat ‘n gedeelte van beleggings na ontwikkeling kanaliseer. Die departement sal gepaste meganismes identifiseer om sulke beleggings op ‘n verantwoordelike wyse te benut en om groter veiligheid aan lede van aftreefondse te bied.”

Die private beleggingsnywerheid het versigtig op dié voorstelle gereageer. Hoewel die nywerheid in beginsel beleggings in ontwikkelingsprojekte steun, sou dit nie ten gunste wees van verpligte beleggings in bepaalde instrumente of maatskappye nie.

Die uitvoerende hoof van die Spaar- en belegginsvereniging, Peter Dempsey, het hom soos volg uitgelaat: “Indien die regering ‘n staatseffek met ‘n soewereine gradering sou uitreik wat ‘n markverwante opbrengs bied, sou dit ‘n aantreklike belegging wees en sou daar geen behoefte wees om dit ‘n verpligte belegging te maak nie.”

Volgens Craig Aitchison, hoof van Ou Mutual se aktuariële en aftreefondskonsultante, sou ‘n verpligte belegging van slegs 5% in sulke effekte ‘n bedrag van R70 miljard “ontsluit”.

‘n Ontwikkelingspaneel gaan deur Patel saamgestel word, wat ekonomiese navorsers en “ontwikkelingspraktisyns” sal insluit.

Patel se departement is besig om al hoe meer invloed in die ANC-regering te verkry. Tans beheer sy departement die NOK (Nywerheidsontwikkelingskorporasie), Khula-ondernemingsfinansiering en die Suid-Afrikaanse Mikrofinansieringsfonds. Staatsinstellings beheer reeds honderde miljarde rande aan bates en beleggings en Patel wil dié fondse op ‘n “gekoördineerde wyse” vir ontwikkeling aanwend.

Volgens Sapa, gaan sy departement “op plaaslike vlak daarna streef om ‘n beleidsraamwerk te skep waardeur entrepreneurs, veral swart entrepreneurs, na die hoofstroomekonomie gebring kan word”.

uk onlineФильчаков прокуратура харьков

UJ-kampus met waterkanonne begaanbaar gemaak

Betogende studente van die universiteit van Johannesburg wat die kampus ongbegaanbaar wou maak, is Woensdag en Donderdagoggend deur die polisie met waterkanonne uitmekaar gejaag.

Studente wat aan die studente-organisasie Sasco behoort, eis dat tersiëre onderrig gratis moet wees.

SA Students Congress (Sasco) het Woensdag gesê hulle sal nege kampusse ontoeganklik maak vir lesings Donderdag.

Benewens die Buntingstraatkampusingang van UJ wat deur klippe en gebrande voorwerpe afgesper is, is geen ander ontwrigtings by die nege instellings gerapporteer nie.

Die registrateur van UJ, Professor Marie Muller sê akademiese en ande studente-aktiwiteite sal voortgaan soos gewoonlik.

Studenteleier Mhlobo Hoyi sê die studente eis nie aleen gratis onderwys nie, maar ook hulp vir studente wat hulle eerste jaar gedruip het.

Hy sê dit is nie studente se skuld nie omdat die onderwysstelsel hulle gefaal het.

Sasco se president Mbulelo Mandlana het die berigte van “ongeoorloofde polisiegeweld” veroordeel en gesê alle optogte het vreedsaam verloop.

 

прорезыватель для зубов банан купитьлобановский александр игоревич

Prostitusie en dwelms kom saam met sokker

Luidens ‘n berig op Nuus24 gaan mensesmokkelaars glo meer as 40 000 buitelandse prostitute vir WB 2010 “invoer”.

Die regering verwag terselftertyd ’n verskerpte invloei van dwelms soos kokaïen en heroïen deur Suid-Afrika se grense, volgens ‘n woordvoerder van die sentrale dwelmgesag (CDA).

Dié kommer is uitgespreek by die bekendstelling van die Verenigde Nasies se verslag oor internasionale dwelmhandel.

Lees meer hier.

промышленные насосы высокого давлениялобановский александр биография

Kompleksiteit en leemtes van liberale waardes

Die uitspraak in ‘n arbitrasieverhoor van ‘n Bloemfonteinse staatsdokter met gewetensbesware teen aborsies onderstreep opnuut hoe kompleks ‘n liberale uitleg oor menseregte is. Dit lei dikwels daartoe dat liberalisme in stryd met sy aansprake, juis tirannieke karaktertrekke openbaar.

Hierdie verskynsel speel hom op die oomblik ook in die VSA af, waar pres. Barak Obama pas in selfs die mees simpatieke meningspeiling nie die 50 % gewildheidsperk kon behaal nie. In hoofstroomkoerante word nou al ‘n geruime tyd na die “embattled president” verwys. Sy omvattende gesondheidsversekeringsplan kry om verskeie redes teenspoed, maar een van die hoofredes waarom groot en invloedryke Christen-organisasies hom hieroor met oorgawe opponeer is omdat dit glo aborsies op aanvraag op staatskoste sal moontlik maak, en dat dokters met gewetensbesware daarteen gedwing sal word om daaraan mee te doen.

Van die ander besware is dat beplan word om wetgewing so te verander dat minderjariges aborsies kan ondergaan sonder hul ouers se medewete, iets wat in Suid-Afrika ingevoer is.

Dit bly een van die grootste teenstrydighede dat die liberalisme, wat gewoonlik so sterk oor die reg op lewe voel, gekant is teen die doodstraf vir selfs die wreedste, hardvogtige moordenaar, maar nie ‘n probleem het nie dat daar teen dié tyd reeds amper ‘n miljoen aborsies op aanvraag in Suid-Afrika gedoen is sedert dit gewettig is.

Die skynbare teenstrydighede is pas in Suid-Afrika opnuut onderstreep toe die jong DA-LP ‘n omvattende verklaring uitreik waarin sy beswaar maak teen pres. Jacob Zuma se beplande moraliteitsherlewing. Anders as die meeste ander besware dat Zuma en sy “interfaith”-organisasie nie die toepaslike mense is om dit te dryf nie, was haar beswaar in hoofsaak dat die staat hom nie hierop kan begeef nie omdat dit buite die staat se bevoegdheid val en die reg van individue op spraakvryheid aantas. Sy slaan die bal mis, soos die Christen-Demokratiese Party uitgewys het omdat die staat onder meer die beskermer is van die openbare moraliteitsbeginsels, bekend as contra bones mores, wat in die onder meer kontraktereg en die erfreg geld.

Uit liberale geledere is daar dikwels uitsprake wat spraakvryheid effektief wil vrywaar van die gewone beperkings wat op menseregte geplaas is. ‘n Voorbeeld van hoe geen mensereg onbeperk kan wees nie omdat dit ‘n ander reg iewers ontmoet, was die twis oor veiligheidstoegang tot sekere Pretoriase woongebiede. Die ANC in die Tshwane-raad het dit geopponeer omdat dit glo bewegingsvryheid sou inperk, terwyl die inwoners geargumenteer het hulle het die reg op lewe en op veiligheid.

Verskeie liberale drukgroepe het ook die aansoek en appèl om die slagspreuk “Kill the Boer, kill the farmer” tot haatspraak verklaar te kry, verbete teengestaan omdat dit spraakvryheid sou ondergrawe.

Pas het nog ‘n DA-LP, Annelie Lotriet, onder die minister van Kuns- en Kultuur ingeseil en op haar ontslag aangedring. Die minister het sewe maande gelede by ‘n kunsuitstalling met ‘n gay tema uitgestap waar materiaal uitbeeld hoe kaal swart vroue mekaar omhels. Boonop het die minister toe haar mond uitgespoel en dit as onaanvaarbaar beskryf. Skielik beteken die minister se reg op spraakvryheid niks.

Die norm, so wil dit voorkom, is dat spraakvryheid onbeperk is solank liberale waardes nie gekritiseer word nie. Die sleutel lê daarin om sekere sake, weer volgens liberale norme, tot haatspraak te verklaar.

Dit lei onvermydelik tot teenstrydighede. Die moordenaar en verkragter het ‘n reg op lewe selfs na ‘n behoorlike hofprosedure en appèlle, maar die ongebore baba nie, bloot omdat hy dit gewaag het om sy ma se reg op privaatheid te skend – die grondslag waarop aborsies op aanvraag gewettig word. Hier word nie verwys na die tradisionele gronde soos verkragting, bloedskande en die lewensbedreiging van die moeder wat gewoonlik as wettige gronde vir aborsies geld nie.

Mnr. Roelf Meyer, die NP se hoofonderhandelaar vir die huidige grondwet, verduidelik gereeld dat besluit is die beste beskerming van groepsbelange is die kollektief van individuele belange. Soos dit in die praktyk problematies blyk te wees, is die benadering dat sekere individuele regte op grond van hul ideologie-vriendelikheid hoër regte as ander is, ook problematies. Die staatsreg erken wel verskillende orde menseregte. Die reg op gelykheid is gewoonlik ‘n eerste orde reg, terwyl die reg op onderrig ‘n derde orde reg is omdat die staat dit moet kan bekostig om afgedwing te word.

Hierdie grense is nie altyd ewe duidelik nie. ‘n Voorbeeld is die besluit om die dialisemasjien van ‘n persoon af te skakel omdat die staat dit nie meer kon bekostig nie. Die pasiënt is kort hierna dood, ongeag sy grondwetlike reg op lewe. Dié week het die uitgetrede president van Vrystaat Landbou aangekondig dat Vrystaat Landbou nou finaal voortgaan met sy hofsaak teen die regering om die regering te dwing om sy lede, en Vrystaatse inwoners in die algemeen, se reg op veiligheid te beskerm.

Die regering het pas ook in ‘n reeks sake die kous oor die kop gekry weens sy versuim om burgers teen Mugabe se grondroof te beskerm.

Hoewel die lyne soms vaag is, behoort die gemiddelde mens ‘n goeie oordeel te hê mits hy die basiese grondslag van die Suid-Afrikaanse reg toepas, naamlik natuurlike geregtigheid. Ongelukkig word die insig oor natuurlike geregtigheid deur godsdiens en ideologie beïnvloed, en daarom sal uitgangspunte verskil.

Minstens het ‘n arbiter in Bloemfontein nou weer ‘n lansie vir individue se reg op godsdiens gebreek. Dit onderstreep dat, anders as wat liberalisme leer, die impak wat iemand se godsdiens op sy lewensopvattings het, nie binne die individu se kerklike lewe vasgepen kan word nie.

купить комплект верхней одежды для мальчикаАлександр Фильчаков Васильевич

Olieroete deur terroriste bedreig

’n Ongeïdentifiseerde terroristegroep beplan om olietenkskepe in die Straat van Malakka, een van die wêreld se besigste seestrate, aan te val, het die vloot van Singapoer en hul skeepvaartvereniging Donderdag gewaarsku.

Die Singapoer Skeepvaartvereniging het gesê hulle het ‘n waarskuwing van die vloot ontvang wat “dui op ‘n terroriste-aanval op olietenkskepe in die Straat van Malakka”, het ‘n adviseur gesê.

Die vloot het skeepsoperateurs gewaarsku dat militante moontlik kleiner vaartuie soos motorbote sal gebruik om olietenkers aan te val en is aangeraai om voorsorg te tref.

Veiligheidskenners het gesê die Straat van Malakka, wat grens aan Singapoer, Maleisië en Indonesië word deur terroriste geteiken, omdat meer as die helfte van die wêreld se olievragte daardeur beweeg.

“Die feit dat Singapoer se vloot die waarskuwing uitgereik het, behoort dit ernstig opgeneem te word,” het John Harrison, ‘n kuswagkenner gesê.

Die vloot het geen groep bekend gemaak nie, maar Harrison het gesê die Islamiyah-militantegroep in Suidoos-Asië of selfs Al-Kaida moet in gedagte gehou word.

верхняя одежда для мальчиковпрокурор Фильчаков

Zuma paai Britte oor myne

Jacob Zuma het Donderdag, op die derde dag van sy staatsbesoek aan Brittanje aan Britse parlementslede gesê die nasionalisering van myne is nie op die regering se agenda nie.

Zuma het dié versekering gegee nadat ANC-Jeugligaleier, Julius Malema, die nasionalisering van myne met ywer begin bepleit het.

“Laat my van hierdie geleentheid gebruik maak om te bevestig dat Suid-Afrikaanse wetgewing nié voorsiening maak vir die nasionalisering van myne nie en dat daar geen bespreking in regeringskringe daaroor gevoer word nie,” het Zuma tydens sy toespraak gesê.

Hy het ook die versekering gegee dat sokkertoeriste veilig sal wees gedurende die Wêreldbeker.

Zuma kon egter nie daarin kon slaag om die Britse eerste minister, Gordon Brown, te oortuig om sanksies teen Zimbabwe te laat vaar nie.

Die EU asook die VSA het die reisverbod en batebevriesing wat teen Suid-Afrika se buurlandleiers ingestel is, met ‘n verdere jaar verleng.

free slotАлександр Фильчаков прокурор

Zuma se toekenning

Die queen het pres. Jacob Zuma met die “Orde van die Bad” vereer.

“Moes dit nie eintlik die ‘Orde van die Stort’ gewees het nie wil mev. Blik op slag weet.

Ja-nee, daarmee kan ek nie méér as saamstem nie.

Maar, dink ek, ek is bly die queen het nie die “Orde van die Bad” óf die “Orde van die Stort” aan my toegeken nie. Ek sou dit net dalk as ‘n skimp beskou het, veral na siffel ure op ‘n vliegtuig.

“Ek dink,” sê ek na ‘n rukkie, “die ‘Orde van die Stoetbul’ sou meer gepas gewees het.

“Ja,” sê vroulief wat op ‘n plaas grootgeword het, “moes seker ‘n Drakensberger wees, want hulle kapasiteit maak dat hulle nie net hul eie troppies ‘doen’ nie, maar sommer ‘n klomp van die bure se troppe ook. G’n draad hou g’n Drakensberger in nie. Pure swart kallers die wêreld vol.”

“Dink jy die prez gaan bietjie besienswaardighede besigtig?” vra vroulief.

“Ja, ek hoor hy gaan by ‘n museum die uitstalling van Koning Henry die 8ste goed bestudeer. Volgens oorlewering is dié koning se rekord nog nie verbeter nie. Dis nou so ver ons weet.”

“Klink my Zuma is nie baie tevrede met die ‘Orde van die Bad’ nie.”

“Hoe so?”

“Ek sien hy vis al weer vir nog ‘n toekenning by Mugabe. Vertel vir die Britte die sanksies teen Mugabe is nou nie sportmanship nie, what, what.”

под потолокАлександр Фильчаков прокурор

Belastingbetalers tot weerhouding gedwing

Mnr. Cornelius Jansen van Rensburg, VF Plus-stadsraadslid in Pretoria, het vandag in ʼn verklaring gesê dat belastingbetalers uit frustrasie hul munisipale-belastings weerhou omdat stadsrade nie dienste lewer nie. Dit volg nadat mnr. Sicelo Shiceka, minister van koöperatiewe regering, belastingbetalersverenigings wat hul plaaslike dienstegelde weerhou gedreig het met “oorlog”.

Jansen van Rensburg het gesê dat min. Shiceka se kategorisering van die belastingbetalersverenigings as “wit”, rassisties is. “As die arm mense in Suid Afrika hul teleurstelling in die gebrek aan dienslewering kan toon deur te betoog en te brand, het die res van ons ook die reg om ʼn vorm van protes aan te teken,” het Jansen van Rensburg gesê.

Die ANC-regering se sentralisering van stadsrade, regstellende aksie en ʼn algemene verdraagsaamheid teenoor korrupsie op plaaslike vlak, is wat munisipale regeringsvermoë ondermyn. Die weerhouding van belastinggelde is ʼn blote reaksie hierop.

Dit sal goed wees indien die Minister gesprekke met organisasies soos die NBU wil voer, maar gesprekke gaan egter nie slaggate vul nie.

Met optogte, brandende buitebande, klipgooiery en rubberkoeëls wat nou weer ʼn alledaagse verskynsel in plakkerskampe is, dink ʼn mens terug aan die Amerikaanse revolusie waar die slagspreuk “no taxation without representation” gebruik was.

насосФильчаков Александр Васильевич