Lt.kol. André Traut sê die werkers betoog as gevolg van ‘n loon-dispuut.
Die snelweg tussen Touwrivier en De Doorns is as ‘n voorsorgmaatreël gesluit, met verkeer wat deur Ceres herlei is.
Niemand is tot dusver in hegtenis geneem nie.
Die polisie monitor nog die situasie.
Volgens die koerant word besoekers weggewys en sommige het buite die hospitale gekampeer tot die hekke oopmaak vir dagbesoeke.
Dié besluit is gemaak ná ‘n reeks aanvalle op dokters en verpleegsters, ten spyte daarvan dat die departement van gesondheid miljoene rande betaal vir sekuriteit by elke hospitaal.
Dr. Richard Nethononda van die Baragwanath-doktersforum het aan die koerant gesê om weg te doen met aandbesoeke is nie die oplossing nie.
“Mense werk, so om tyd af te kry om pasiënte in die dag te besoek is nie altyd moontlik nie. Ons moet aanpasbaar wees.”
Die Demokratiese Alliansie het die hospitale gekritiseer omdat hulle groot bedrae geld bestee aan onproduktiewe sekuriteitstelsels.
“Die departement bestee jaarliks sowat R140 miljoen vir sekuriteit by hospitale, maar kry baie swak waarde van sekuriteitsmaatskappye wat nie behoorlike werk doen nie,” het Jack Bloom, DA-woordvoerder, in ‘n verklaring gesê.
Die departement van gesondheid kon nie vir kommentaar bereik word nie.
Die merkwaardige globale grypsug van hierdie land is nie algemeen bekend nie. ‘n Nuwe studie het nou bevind dat die Britte byna 90 persent van alle lande regoor die wêreld al ingeval het.
Die analise van die geskiedenis van byna 200 lande in die wêreld het getoon dat net 22 nog nooit ‘n inval deur die Britte ervaar het nie.
Onder hierdie uitgesoekte groep is bestemmings soos Guatemala, Tajikistan en die Marshall-eilande, asook ‘n paar effens nader tuis, soos Luxemburg.
Die analise is vervat in ‘n nuwe boek, van al die lande wat nog ooit binnegeval is.
Stuart Laycock, die skrywer, het oor die hele wêreld, elke land alfabeties deur sy geskiedenis gaan ondersoek om vas te stel of hulle ooit ‘n inval deur Brittanje ervaar het. Die getuienis is vervat in sy boek All the Countries We’ve Ever Invaded: And the Few We Never Got Round To.
Slegs ‘n klein deel van die totale invalle op mnr Laycock se lys van lande het egter eintlik ‘n amptelike deel van die ryk gevorm.
Die res is ingesluit omdat die Britte ‘n soort militêre teenwoordigheid in die gebied van verbygaande aard wou handhaaf, as magsvertoon, om dmv die bedreiging van geweld, ten bate van onderhandeling of betaling op te tree.
Invalle deur Britse seerowers, private of gewapende ontdekkingsreisigers, op voorwaarde dat hulle met die goedkeuring van hul regering opgetree het, is ook ingesluit.
Dus is baie lande wat voorheen deel gevorm het van die Spaanse Ryk en min historiese verband met die Verenigde Koninkryk toon, soos Costa Rica, Ecuador, El Salvador, ook op die lys as gevolg van die herhaalde strooptogte waaraan hulle blootgestel is agv staatsgesanksioneer Britse matrose.
Onder sommige van die verbasende inskrywings op die lys is:
* Kuba, waar admiraal Edward Vernon in 1741 aan wal gestorm het by Guantánamobaai.
* Ysland, in 1940 deur die Britte binnegeval nadat die neutrale volk geweier het om in die oorlog teen die Geallieerde kant toe te tree. Die invalsmag van 745 soldate, is met ‘n sterk protes van die Yslandse regering begroet, maar geen weerstand nie.
* Vietnam, wat herhaalde invalle deur die Britte sedert die sewentiende eeu ervaar het. Die mees onlangse – 1945-1946 is later deur die Franse en daarna die Amerikaners oorskadu.
Dit is vermoedelik die eerste keer dat so ‘n lys opgestel is.
Mnr Laycock het die ongewone soektog begin nadat hy deur sy 11-jaar-oue seun, Frederick, gevra is hoeveel lande plundertogte deur die Britte moes ontbeer.
Na amper twee jaar van navorsing het hy gesê hy is geskok deur die antwoord. “Ek was absoluut oorbluf toe ek by die totaal kom. Ek hou daarvan om te dink ek het ‘n relatief goeie algemene kennis. Maar daar is plekke waar dit plaasgevind het waar mens nooit aan gedink het nie. Dit het my geskok.
“Ander lande kan soortgelyke boeke skryf – maar hulle sal baie korter wees. Ek dink nie enige iemand kan dit oortref nie, want die Amerikaners het later begin, al het hulle hard gewerk daaraan in die twintigste eeu.”
Die enigste ander land wat naby die Britse totaal kom, is Frankryk. Maar hulle hou ook die ongelukkige rekord vir die feit dat hulle die meeste Britse invalle moes verduur.
Laylock glo die werklike syfer kan selfs hoër wees en nooi die publiek om getuienis van ander invalle aan te stuur.
Die vroegste inval was ‘n inval in Gallië – nou Frankryk – aan die einde van die tweede eeu. Clodius Albinus het ‘n leër gelei, oor die kanaal in ‘n poging om beslag te lê op die imperiale troon. Die mag is in 197 verslaan by Lyon.
Suid-Afrika spog met die duurste Britse inval ooit en is ook die land waar konsentrasiekampe en geborgde swart plunderaars en verkragters ingespan is om die moed van die bevolking te breek.
Die lande wat nooit binnegeval is deur die Britte nie:
Andorra
Wit-Rusland
Bolivia
Boeroendi
Sentraal-Afrikaanse Republiek
Tsjad
Kongo, Republiek van
Guatemala
Ivoorkus
Kirgistan
Liechtenstein
Luxemburg
Mali
Marshall-eilande
Monaco
Mongolië
Paraguay
Sao Tome en Principe
Swede
Tajikistan
Uzbekistan
Vatikaanstad
Premier Cameron se diplomatieke toer na die Midde-Ooste het afgeskop met aanbiedinge van miljard-dollar-wapentransaksies aan lande met gebrekkige menseregterekords. Hy het mediadekking van die reis probeer beperk te midde van beskuldigings dat Brittanje met outokratiese regimes heul.
Tydens die toer sal Cameron poog om verhoudings met beide Saoedi-Arabië en die Verenigde Arabiese Emirate (VAE) te herstel, waar die Verenigde Koninkryk beduidende sakebelange in die olie-industrie nastreef. Daarbenewens, sal Brittanje ook poog om 100 Typhoon-vegvliegtuie in ‘n transaksie ter waarde van ‘n potensiële $10 miljard aan beide lande te smous.
Die Britse premier staar strawwe mededinging in die gesig, met die Franse president Francois Holland ook in die streek om militêre toerusting te verkoop.
Die Britse regering het gesê die doel van die reis is “om saam te werk met die Golfstate vir ‘n toekoms wat ryk is aan voorspoed, sterk in verdediging asook in die hantering en uitoefening van politieke en ekonomiese hervorming.”
Maar, in die nasleep van die Arabiese Lente, is bande met Saoedi-Arabië en die VAE onder druk weens hul twyfelagtige menseregtebeleidsrigtings en outoritêre regerings.
Die Verenigde Koninkryk se beduidende finansiële transaksies met die streek, sowat $27 miljard werd volgens die Britse koerant The Guardian, is ook op die rotse. Saoedi-Arabië het gewaarsku dat indien die Verenigde Koninkryk steun toon vir die anti-regimegroepe, sal hulle hulself na Asiatiese markte met winsgewende handel wend.
Die Britse regering gaan gebuk onder toenemende kritiek van menseregtegroepe wat voel die VAE en Saoedi-Arabië moet gedruk word om te hervorm. Tog, is Brittanje huiwerig om enige kritiek uit te spreek, uit vrees om ekonomiese bande in gevaar te stel.
Die haastige reisplanne kom nadat ‘n Saoedi-verteenwoordiger gesê het hulle voel beledig deur ‘n Britse parlementêre hersiening van verhoudings met Saoedi-Arabië en sy buurland Bahrain, wat reeds belangrike sosiale omwentelings teen die land se Sunniemonargie ervaar.
Die Britse parlementêre ondersoek het gevolg op ‘n verslag oor die Arabiese Lente wat gesê het dat die Verenigde Koninkryk “vreedsame hervormingpogings, waar moontlik, in Bahrain moet ondersteun,” maar dat dit “ook duidelik in sy openbare kritiek teen menseregteskendinge moet wees en nie skynheilig nie.”
Saoedi-Arabië ondersteun Bahrain se Sunniemonargie aktief, en het ‘n 1000 troepe verlede jaar oorgestuur om ‘n pro-demokratiese opstand te onderdruk.
Die Saoedi-Arabiese monargie meen Iran het ‘n hand in die onrus wat tans Bahrain teister.
Die Britse media bespiegel dat die Britse vegvliegtuie die VAE as ‘n basis kan gebruik vir ‘n moontlike aanval op Iran.
DA-leier, Helen Zille, se poging om president Jacob Zuma se Nkandla-woning Sondag te betree het te midde van dreigemente van klipgooiery en ander geweld geëindig.Sowat 120 ANC-lede van die party se Musa Dladla plaaslike tak, het ‘n uitdagende Zille gewaarsku om terug te gaan na die Wes-Kaap en met al die uitdagings daar te werk in plaas daarvan om op Zuma te kom spioeneer.
Met ANC-ondersteuners wat van Durban en Vryheid gereis het, en die teenwoordigheid van ongeveer 100 polisielede, sommige van die taktiese reaksie-span, het verhoed dat die dag in geweld eindig.
Zille en haar afvaardiging van ses, waaronder die voorsitter van die DA jeug Mbali Ntuli, Limpopo DA-leier, Jacques Smalle en DA se KwaZulu-Natal voorsitter Haniff Hoosen, is begelei na Zuma se huis deur 30 polisielede van die taktiese span wat saam met haar konvooi vanaf Eshowe, 50km vanaf Nkandla, gereis het.
Gewapende polisielede het Zille begroet, maar het haar verhinder om nader aan die komplek te beweeg.
Die woedende DA-leier het die polisie uitgedaag en aanhou probeer beweeg na waar ANC-ondersteuners gewag het om konfrontasie met hulle uit te lok.
“Die ANC-lede versper ‘n openbare pad,” het sy gesê. “Dit is ‘n demokratiese land. Ons het vryheid van beweging. Die polisie verdedig die ondermyning van die Grondwet en tas die oppergesag van die reg aan deur nie ons reg op vryheid van beweging toe te laat nie.”
‘n Verbale skermutseling met die polisie in die taktiese reaksie-span het gevolg en sy is deur ‘n menslike muur verhoed om verder te gaan. Die polisie het waarskynlik ‘n gewelddadige botsing verhoed tussen die twee groepe.
ANC-ondersteuners het haar uitgejou vir ‘n imperialis wat nie wil hê ander gebiede behalwe Wes-Kaap moet ontwikkel nie.
Zille en haar party kon slegs daarin slaag om Zuma se kompleks vanaf die hoofpad, sowat ‘n kilometer van die herehuis, te besigtig.
Ontsteld oor haar behandeling deur die polisie, het Zille daarna na ‘n polisiestasie gegaan om ‘n klag van oortreding van die Wet op Wettige Byeenkomste te lê.
“Ons het gevoel dit is belangrik vir ons om die kompleks vir onsself te sien voordat ons die hofgeding teen die president begin vir hierdie blatante misbruik van mag,” het Zille gesê. Sy het nie kommentaar gelewer oor die vermeende verduistering van miljarde deur Mandela en Mbeki nie.
“Dit is staatsgeborgde korrupsie op ‘n ongekende skaal. Ons kan nie hom laat wegkom daarmee nie.”
Sowat 50 ANC-ondersteuners het in die straat buite Zuma se woning in die nedersetting van KwaNxamalala betoog.
‘n Polisiehelikopter sirkel oor die gebied en beamptes het voertuie afgetrek en lisensies en die identiteite van mense nagegaan.
Verskeie njalas en ‘n waterkanon is ook in die gebied ontplooi.
Die DA het Donderdag gesê hy beplan om Zuma se privaatwoning te besoek, waar R200 miljoen se opknappingswerk tans gedoen word.
Zille en ander amptenare van die DA sal die paaie om die eiendom ondersoek, en ook probeer om die eiendom te betree.
Die ANC en sy bondgenote het dié besluit gekritiseer.
Die Suid-Afrikaanse Kommunistiese Party (SAKP) het Saterdag gesê Zille se beplande besoek is deel van ‘n regse, rassistiese agenda.
Zille moet haar planne om ‘n inspeksie by pres. Jacob Zuma se woning in Nkandla te hou, laat vaar, het die ANC Saterdag gesê.
“Ons beskou dit as onnodige uitlokking met die doel om die privaatheid van die president, sy familie en mense van eNkandla te skend,” het Jackson Mthembu, die party se woordvoerder, in ‘n verklaring gesê.
“Ons doen weer ‘n beroep op die DA om nie voort te gaan met dié inval nie, wat op uitlokking neerkom.”
Die DA het Donderdag gesê hy beplan om Zuma se privaatwoning te besoek, waar opknappingswerk van meer as R200 miljoen tans gedoen word.
Die Oos-Kaapse ANC het Vrydag gesê dié besoek is soortgelyk aan klopjagte wat in die apartheidsera uitgevoer is.
Die werk wat aan die president se woning gedoen word, kos volgens berigte R203 tot R238 miljoen.
Die twee staan tereg op aanklagte van poging tot moord nadat inwoners Saterdagmiddag verwoesting gesaai het toe hulle motorbande aan die brand gesteek en die polisie se honde-eenheid aan die brand gesteek het. Die honde is ongedeerd, maar twee beamptes is beseer terwyl hulle die honde gered het.
Sewe polisievoertuie en ‘n verkeersvoertuig is ook aan die brand gesteek. Maj.genl. Peter Jacobs, adjunk provinsiale kommissaris, sê die aanvalle op die polisie was beplan.
Daar is glo bewyse dat inwoners op die polisie geskiet het.
Onlangs is berig oor die inwyding van die Universiteit Stellenbosch (US) se landelike kliniese skool op Worcester (Die Burger, 26 Okt, p 13). Die geboue het R65 miljoen gekos; ‘n bedrag waarmee eerder heelwat op die Stellenbosch- of Bellville-kampus van die US vermag kon word. Naas hierdie nuwe Worcester-kampus word addisionele US-leersentrums op Caledon, Ceres, Hermanus, Robertson en Swellendam beoog. Dit is deel van die US se strategie om pleks van op sy universitêre kernfunksies, naamlik onderrig en navorsing, te konsentreer, eerder al hoe meer klem op gemeenskapsdiens te laat val. Dit is wat die ANC verlang, gevolglik is dit wat die US doen. Hierdie leersentrums word gevestig op dorpe waar daar ‘n groot konsentrasie bruin mense is. Op hierdie manier word uitdrukking aan die rektor, Russel Botman, se etniese voorkeur gegee.
Naas Botman is die inwyding deur Jimmy Volmink, die nuwe dekaan van die US se fakulteit geneeskunde en gesondheidswetenskappe, bygewoon. By diensaanvaarding het Volmink nie na sy primêre akademiese verantwoordelikheid, naamlik om die akademiese beste studente en die akademies beste dosente te trek, verwys nie. (Weens transformasie is dit in elk geval iets waaraan reeds jare lank nie meer gevolg aan die US gegee word nie.) As dekaan beskou Volmink sy taak as by uitstek van ‘n politieke aard, naamlik nasiebou. Studente gaan op Worcester in landelike omstandighede opgelei word, terwyl hulle terselfdertyd benut kan word om gemeenskapsdiens te verrig. (Maar dit is natuurlik moontlik om studente praktiese ondervinding in landelike gebiede te laat opdoen sonder om daar ‘n duur kampus te vestig.)
Wat my veral dwars in die krop steek, is Botman se kenmerkende blatante verpolitisering van die byeenkoms. “Botman het gesê die US erken sy deel aan die ongeregtighede van die verlede, maar die uitdaging is om dié verlede reg te stel.” Hier verwys Botman nie na die wandade (insluitende misdade) van die UDF, ANC, MK en hulle meelopers nie. Hierdie mense word geag so onskuldig soos ongebore babas te wees. Botman vra neerbuigend verskoning vir apartheid, dus vir die gedrag van wit mense. Die akademies voortreflike US van weleer word deur Botman as deel van die ongeregtighede van die verlede beskou. Die gedagte het blykbaar nog nooit by hom opgekom om dankie te sê vir wat wittes aan die US tot stand gebring het nie. Om by daardie punt te kom, sou Botman akademies pleks van polities geöriënteerd moet wees.
Maar wat is die naam van hierdie nuwe US-kampus? Om dit te verstaan, moet ‘n mens besef dat die US nie meer die eentalige Afrikaanse universiteit van weleer is nie. Sedert Engels as addisionele onderrigtaal ingevoer is om die universiteit ” meer toeganklik” vir veral nie-wittes te maak, is Afrikaans progressief afgeskaal. Maar dit het die US nie in ‘n tweetalige inrigting getransformeer nie. Die US is deesdae, soos Botman nooit moeg raak om te verkondig nie, ‘n meertalige inrigting. Dit is nie ook meer bloot ‘n Suid-Afrikaanse universiteit nie; dit word trots as ‘n Afrika-universiteit geparadeer. Volgens die webwerf studeer daar 76 doktorale studente uit Afrika aan die US. Die gedagte dat dit eties meer regverdigbaar sou wees om eerder Suid-Afrikaanse studente te befonds en op te lei, word blykbaar nie ernstig deur die ideologie-gepreokkupeerde Botman & kie oorweeg nie.
Amptelik is Afrikaans veronderstel om steeds by verstek (of outomaties) die US se taal van voorkeur te wees. In die praktyk het Engels, onder Botman se leiding, egter die voorkeurtaal geword. Die afkorting van Universiteit Stellenbosch is nie US soos ‘n mens sou verwag nie, want dan sou dit lyk asof die so gesogte transformasie agterweë gebly het. Anders as bv by die Universiteit Pretoria (UP), word Stellenbosch University as die amptelike naam beskou, met SUN as die afkorting. Dit is dus soos Ou Mutual net Old Mutual, die Poskantoor net die Post Office, Eerste Nasionale Bank net First National Bank, ens, in die nuwe Suid-Afrika geword het. Die amptelike afkorting wat vir internetdoeleindes gebruik word, is sun. Dit lyk en klink Engels, soos die bewindhebbers dit wil hê. Deesdae heet die universiteit se uitgewery Sun Press. Die webwerf Vryematie het pas sy naam na Bonfire verander. Die nie-inklusiewe, rassediskriminerende US-beursskema heet Rachel’s Angels. Net nie-wittes mag engeltjies wees. Enige beurse wat eksklusief vir wittes bedoel is, word egter geweier.
Die Botman-US se weersin in Afrikaans strek selfs verder as die duidelike voorkeur vir Engels. Die US-kommunikasiesatelliet wat in 2009 gelanseer is, se naam is Sumbandila, wat glo “lead the way” in Venda beteken. Dus, wat sou ‘n geskikte naam vir die US se Worcester-kampus wees? Klaarblyklik enige naam behalwe een in Afrikaans, die US se verstektaal. Daar is ‘n Xhosa-woord gevind, wat glo “to grow, to develop” beteken. Die naam wat dus gekies is, is Ukwanda. Dit is ‘n naam waarmee die getransformeerde US en die ANC hoogs tevrede behoort te wees. Die Maties het Transformaties geword. Die Universiteit Stellenbosch het, pleks van ‘n universiteit, die Diversiteit Stellenbosch geword. Geen haan kraai hieroor nie.
Die kort boek deur Anton Harber oor Naspers en Koos Bekker, Gorilla in the room, is so pas opgelaai by PRAAG se ebiblioteek. Dit kan gratis deur betalende PRAAG-lede uitgeneem word.
‘n Resensie daarvan sal binnekort hier verskyn.
Ons is ook besig om vele ander eboeke beskikbaar te maak, onder andere klassieke Afrikaanse speurverhale uit die veertiger- en vyftigerjare wat ons besig is om te digitaliseer. Steun asb. vir PRAAG in hierdie broodnodige bewaringsprojek, om die rykdom van Afrikaanse boeke en kultuur vir die huidige geslag deur eboeke te ontsluit.
Terwyl ‘n intekening op ‘n enkele koerant veel meer kos, bied lidmaatskap van PRAAG en Klub digiTAAL, ons ebiblioteek, toegang tot ‘n magdom boeke en inligting wat voortdurend bygewerk word. Teen slegs R60 per maand verkry u nie net lidmaatskap van ons ebiblioteek nie, maar ondersteun ook vir PRAAG, die mees dinamiese Afrikaanse organisasie wat sal sorg dat Afrikaners en Afrikaans in die een-en-twintigste eeu oorleef. Sluit hier aan by:
PRAAG (ons lede is outomaties ook lid van Klub digiTAAL)
Klub digiTAAL (vir mense wat slegs lid van die ebiblioteek wil wees en nie ook van PRAAG nie)
Vlak 8 van Volksmoord soos beskryf deur GenocideWatch handel oor die ontkenning van die volksmoord. Die realititeit vir duisende blankes is dat hulle vermoor word omdat hulle wit is, dat hulle weerhou word van werk omdat hulle wit is en dat die swaard van hervorming en transformasie oor ons hang omdat ons ‘n wit volk is.
Media 24 het sowat ‘n jaar terug die VVK verbied om ‘n advertensie te plaas (ter waarde van R80 000). Die doel van die advertensie was om mense te registreer vir ‘n volksverkiesing om te voldoen aan die VN se vereistes.
So paar maande gelede het ek ‘n hele aantal briewe aan die redakteurs van die Afrikaanse koerante gerig om hulle te nooi om in die publiek ‘n vergadering aan te bied sodat ons, ons griewe kan lig oor die media wat swyg oor die aanvalle op ons volk. Hulle het my botweg ignoreer.
Met projek 4020 het ons gepoog om iets ekstreems genoeg te doen met die hoop dat die media weer die saak op die tafel sal sit. ‘n Joernalis van die Beeld het selfs bevestig hy sou opdaag en het toe nie.
Die nuutgestigde politieke party, die FVP, word net so ignoreer deur die media. HIerde party wat die belang van die volk wil verteenwoordig word eenvoudig ignoreer.
Wat moet ons nog doen om gehoor te word? HIerdie volk wat Naspers opgebou het word nou vermoor en Naspers swyg…
Hiermee vra ek dat Media24 daadwerklik toetree tot die gesprek. Indien julle nie eers bereid is om die gesprek aan te voer nie, sal dit ons as volk dwing om julle mede-aanspreeklik te hou vir die slagting op ons mense. Dan is die bloed op julle hande…
