Dan Roodt, Author at praag.co.za

Facebook se dae is getel

Facebook gaan verdwyn as ‘n groot webmaatskappy in minder as ‘n dekade, het Eric Jackson, stigter van Ironfire Capital Maandag gesê op CNBC.

“Binne sewe tot agt jaar sal hulle verdwyn soos wat Yahoo verdwyn het,” het Jackson gesê. “Yahoo nog steeds besig om geld te maak, dis nog winsgewend, het nog 13 000 werknemers, maar dit is 10 persent van die waarde wat dit was op die hoogte in 2000. Vir alle praktiese doeleindes, het dit verdwyn.”

Jackson het gesê daar is drie geslagte van webmaatskappye. Die eerste geslag was groot webportale, soos Yahoo, waar inhoud saamgevoeg is in een plek. Die tweede was die sosiale webwerf Facebook. En die derde geslag maatskappye fokus geheel en al op die waarde in die mobiele platform, iets waarmee Facebook sal voortgaan om te sukkel, het Jackson gesê.

“As jy kyk oor die drie generasies, maak nie saak hoe suksesvol jy is in een geslag nie, lyk dit onmoontlik om te vertaal in sukses in die tweede generasie, maak nie saak hoeveel geld jy in die bank het nie, maak nie saak hoe baie slim PhD’s wat vir jou werk nie,” het Jackson gesê. “Kyk hoe Google gesukkel het om in te beweeg in die sosiale sfeer, en ek dink Facebook gaan dieselfde soort uitdagings teëkom om na die mobiele platform te beweeg.”

Verlede maand het Facebook erken sy mobiele uitdaging lê in regulerende liassering. Die maatskappy het gesê dat die groeiende aantal mobiele gebruikers dit vir Facebook moeilik maak om geld te verdien en “ons inkomste en finansiële resultate negatief beïnvloed.”

Jackson se kommentaar oor die toekoms van die sosiale netwerk kom op ‘n slegte tyd vir Facebook. Onrealistiese verwagtings is by beleggers geskep toe Facebook met die derde grootste notering in die Amerikaanse geskiedenis op Wall Street opgedaag het.

Ontleders en beleggers was erg teleurgesteld dat Facebook se aandeelprys op sy openingsdag skaars met 0,61% gestyg het ná ‘n rekordverhandeling van 575 miljoen aandele. Dit dui tans grootste twee-week verlies sedert 1995.

“Die wêreld beweeg vinniger, dit raak meer mededingend nie minder nie, en ek dink dat diegene wat in hul vorige geslag dominant was regtig ‘n harde tyd gaan hê om in hierdie nuwe geslag te beweeg,” het hy gesê. “Facebook kan ‘n klomp van die selfoonmaatskappye koop, maar hulle is nog steeds ‘n groot, lomp webwerf en dit verskil van ‘n foon app.”

Polisie folter kind

Polisiebeamptes in Noordwes word ondersoek vir aanranding nadat hulle na bewering ‘n kind gemartel het omdat hulle geglo het hy het inligting oor ‘n neef wat verdwyn het, het die polisie Maandag gesê.

Die polisie het die saak van aanranding geopen nadat die familie gehuiwer het om ‘n klag in te dien, aangesien hulle vergelding gevrees het, het brig. Thulane Ngubane gesê.

Die 12-jarige seun is na bewering met ‘n gordel geslaan en gedwing om in koue water te swem om te soek na sy vierjarige neef, Otlotleng Morake, het Ngubane gesê.

Hy is na bewering op die ore geslaan. Dit het sy gehoor verswak. Hy gil nou saans en vind dit moeilik om te slaap of om met die polisie te praat. Hy moes ook skooltyd inboet.

Ngubane, wat sy teleurstelling met die bewerings uitgespreek het, het gesê die kwessie is by die Onafhanklike Polisie Ondersoekdirektoraat (OPOD) aangemeld. Die OPOD se bevindinge sal bepaal watter stappe geneem sal word.

Die polisie is ook besig met hul eie interne ondersoek, het hy gesê.

Moses Dlamini, OPOD-woordvoerder, kon nie vir kommentaar bereik word nie.

Данильченко

Tuinier vermoor baas ‘oor lone’

‘n Voormalige swart tuinier beweer hy het sy bejaarde werkgewer vermoor tydens ‘n woede-uitbarsting omdat die werkgewer geweier het hom sy lone te betaal en glo gedreig het om hom dood te maak.

Jacob Pantsi Mmekwa (32) van Stinkwater het Maandag erken hy het sy 68-jarige werkgewer, Sarel Koekemoer, vermoor, maar het ontken dat hy hom van ‘n selfoon en vuurwapen beroof het.

‘n Tweede beskuldigde, die 21-jarige Levy Mthombeni, het erken dat hy op die toneel was en gesien het hoe Mmekwa Koekemoer doodsteek, maar het enige betrokkenheid by die moord of die roof ontken.

Koekemoer se dogter, Anja Swart, het getuig dat sy haar pa se lyk in sy badkamer gevind het nadat sy ondersoek gaan instel het, aangesien hy nie vir ete by haar huis opgedaag of sy telefoon geantwoord het nie.

Mmekwa het in ‘n pleitverduideliking gesê Koekemoer het nie sy salaris betaal nie en hy het leë beloftes gemaak om hom te betaal.

Dit het daartoe gelei dat sy vrou hom daarvan beskuldig het dat hy die geld uitgedrink het.

Op die dag van die misdaad het hy soos gewoonlik werk toe gegaan en ‘n sloot begin grawe, maar hy het Koekemoer toe oor die salaris gekonfronteer.

Hy was verras toe Koekemoer hom daarvan beskuldig het dat hy ‘n slypmasjien en ‘n boor gesteel het. ‘n Argument het gevolg.

Hy het beweer Koekemoer, wat met ‘n tuisgemaakte mes gewapen was, het probeer om sy honde op hom los te laat, hom aan die hemp gegryp, hom ‘n “k****r” genoem en gesê hy sal hom doodmaak.

“‘n Struweling het gevolg en ek het daarin geslaag om die mes by die oorledene af te vat.

“Hy was nou ongewapen, maar ek was woedend en het met die mes na hom geslaan. Die mes het hom iewers in sy keel getref,” het hy gesê.

Mmekwa het gesê hy het die perseel verlaat toe Koekemoer by sy huis ingehardloop het en nie weer teruggekeer het nie.

Mthombeni het egter ‘n totaal ander storie vertel in sy pleitverduideliking.

Volgens hom het Mmekwa hom gevra om hom daardie dag na Koekemoer se huis te vergesel.

Hulle het gaan drink nadat Koekemoer Mmekwa weggestuur het, maar hulle het later teruggekeer.

Mmekwa het die huis binnegegaan terwyl Mthombeni sigarette gaan koop het. Toe hy teruggekeer het, het Mmekwa hom by die huis ingenooi en gesê hy het Koekemoer vermoor, wie hy in die kombuis sien lê het.

Volgens Mthombeni het Mmekwa hom met ‘n vuurwapen gedreig en aan hom gesê om die huis te deursoek.

Toe hy teruggekeer het, het hy gesien hoe Mmekwa die oorledene na die badkamer sleep, op hom sit en hom in die nek steek.

Hy het gesê hy wou seker maak sy slagoffer is dood, aangesien die man hom geken het.

Die verhoor duur voort.

Tshwane se groen GOP

“Die Geïntegreerde Ontwikkelingsplan (GOP) van die Tshwane Munisipaliteit wat op 31 Mei 2012 tydens die maandelikse raadsitting bespreek is, is ‘n indrukwekkende en omvattende dokument”, het Kol. Piet Uys, raadslid vir die Vryheidsfront Plus in die Tshwane Metro, gesê.

Vryheidsfront Plus is veral tevrede met die aanduiding dat die munisipaliteit van plan is om sy fokus op die Groen Ekonomie te verskerp. Dit sluit die herwinning van afvalmateriaal in. Die GOP stel dit dat huishoudings aangemoedig sal word om afvalmateriaal by die huis en by besighede volgens soort en tipe te skei.

“Wanneer ons begin om dit te doen, sal ons voldoen aan die regulasies” het raadslid Uys gesê.

Tshwane genereer 3 miljoen ton afval per jaar . Tot 40% van die afval word deur huishoudings veroorsaak, nog 40% is organiese materiaal soos tuinafva, en die res bestaan uit bourommel en ligte industriële afval. ‘n Groot persentasie van hierdie afval kan en moet herwin word, soos dit beskryf is in die Wet op Afvalstowwe: Wetnommer 59 van 2008 en soos dit gereguleer word in Staatskoerant nommer 33935 van 21 Januarie 2011. Paragraaf 4.1 van die Regulasies lui soos volg: “Die skei van afval by die bron van die afval moet aangemoedig word en ondersteun word ooreenkomstig die relevante

afvalbestuursplanne. Verder:

a. Alle huishoudelike afval moet geskei word by die bron daarvan; die huishoudings in alle metropole en kleiner stede;

b. Die munisipaliteit moet duidelike riglyne aan huishoudings verskaf rakende die soorte afval, die sortering van die afval, die toepaslike houers en verwyderingskedules vir elke soort afval; en

c. Gemeenskapsbetrokkenheid in herwinning moet aangemoedig word”.

Indien Tshwane slegs ‘n derde van ons jaarlikse afval kan herwin, beteken dit 1 miljoen ton afval wat nie by die stortingsterrein afgelaai word nie.

Die stortingsterreine van die munsipaliteit is besig om al vinniger opgevul te word. ‘n Nuwe stortingsterrein word dringend in die suid-westelike streek benodig aangesien die afvalterrein in Valhalla reeds gesluit is. Kwaggasrand is in die laaste fase van sy lewe en Garskloof is reeds oorvol, maar word steeds gebruik.

Om ‘n nuwe stortingsterrein van ongeveer 50 ha te skep, sal tussen R1 miljoen en R10 miljoen per hektaar kos. ‘n Verdere R100 miljoen is nodig om die terrein te ontwikkel en die nodige infrastruktuur te skep.

Raadslid Uys het benadruk dat Tshwane Munisipaliteit nog nie ‘n beleid op die herwinning van afval opgetrek het nie, ten spyte van Wet 59 van 2008.

“Die VF Plus versoek dringend dat die hele kwessie van afvalbestuur wat die herwinning daarvan insluit as ‘n prioriteit beskou moet word, en dat ‘n konsep beleid op herwinning opgestel moet word voor die einde van 2012 sodat dit geproseseer en gefinaliseer kan word, vroeg in 2013”, het raadslid Uys gesê.

Лобановский

Vier swartes in Israel beseer na rasse-aanval

Vier swartes is in die hospitaal opgeneem in Israel, na aanleiding van ‘n brandstigtingaanslag op die gebou waarin hulle woon, volgens die polisie.

Die voorval, wat deur die polisie beskryf word as “baie ernstig,” het plaasgevind in ‘n ou twee-verdieping gebou in ‘n arm omgewing.

Polisie het gesê die brand is gestig in ‘n smal ingang wat lei tot verskeie woonstelle binne-in die gebou, waar 18 swart immigrantegesinne woon. Op die buitemure van die gebou, het iemand in Hebreeuse graffiti geskryf: “Verlaat die buurt.”

Die polisie woordvoerder Micky Rosenfeld het aan AFP gesê al die inwoners was van Afrika-oorsprong.

“Dit is duidelik dat die mense wat daar woon geteiken word en nie net die gebou nie,” het hy gesê, en bygevoeg dat ten minste vier mense na die hospitaal geneem is vir brandwonde en rookinaseming.

‘n Skerp styging in rassespanning het reeds gelei tot ‘n oproer in die suide van Tel Aviv, waar tien duisende swartes woon, nadat ‘n parlemenstlid na swartes as ‘n “kanker” verwys het.

topcargo кидалы

Israel bewapen Duitse duikbote

Israel bewapen duikbote wat verskaf en grootliks gefinansier word deur Duitsland met kernbewapende kruisermissiele, het ‘n invloedryke Duitse nuusweekblad Der Spiegel Maandag berig.

Die tydskrif sê in ‘n voorbladstorie Berlyn het tot nou toe ontken dat hy kennis daarvan dra dat Duitse duikbote gebruik word as deel van ‘n Israeliese atoomarsenaal.

Maar voormalige hoë amptenare van die Duitse Ministerie van Verdediging het aan Der Spiegel gesê dat die regering altyd aanvaar het dat Israel kernplofkoppe op die Dolphin-klas bote sal gebruik.

Die artikel, wat volg op ‘n maande lange ondersoek, het uit dokumente van die buitelandse ministerie in Berlyn aangehaal, wat aandui dat die Wes-Duitse staat so vroeg as 1961 bewus van die praktyk was.

In Israel, het die buitelandse ministerie se woordvoerder Yigal Palmor gesê: “Ek kan bevestig dat ons Duitse duikbote het. Dit is geen geheim nie.

“Wat die res betref, ek is nie in ‘n posisie om te praat oor hul kapasiteit nie,” het hy aan AFP gesê.

Israel is die Midde-Ooste se enigste as onverklaarde kernmag.

Duitsland het Israel reeds voorsien van drie van die duikbote en nog drie is gereed om gelewer te word teen 2017 onder ‘n getekende kontrak.

“Die Duitsers kan trots wees op die bestaan van die staat van Israel wat hulle verseker het vir die volgende paar jaar,” het Ehud Barak, Israeliese minister van Verdediging, aan Der Spiegel gesê.

Die opposisie Sosiale Demokratiese Party het Sondag vir kanselier Angela Merkel se regering vir ‘n verduideliking gevra.

“Die federale regering sal inligting moet verskaf sodat ons weet as die duikbote wat deur Duitsland verskaf word, potensieel toegerus kan word met ‘n atoomkop,” het party-woordvoerder Rolf Muetzenich aan Der Spiegel gesê.

Merkel se woordvoerder, Steffen Seibert het gesê al die duikbote wat afgelewer is, was ongewapen.

“Die federale regering sal nie spekuleer oor die daaropvolgende bewapening nie,” het hy gesê.

Duitsland is Israel se naaste bondgenoot in Europa, maar kritiseer eerste minister Benjamin Netanyahu se pro-nedersettingsbeleid in die Wesoewer en Oos-Jerusalem as die ondermyning van vredespogings met die Palestyne.

Spanning tussen Duitsland en Israel het opgevlam in April toe die Nobelpryswenner, die Duitse skrywer Günter Grass, ‘n kritiese gedig die lig laat sien het as waarskuwing dat ‘n kerngewapende Israel “die Iranse mense kan uitwis met ‘n eerste aanval.”

‘Wit’ bankrower toe swart

Owerhede het gesê ‘n Afro-Amerikaanse bankrower is in aanhouding nadat hy homself as ‘n bejaarde wit man vermom het en verskeie banke oor Noord-Kalifornië beroof het.

San Leandro Polisie se Jeff Tudor sê die 34-jarige Deron Williams het glo 11 banke beroof, terwyl hy ‘n “gesofistikeerde volle gesigmasker wat aan hom die voorkoms van ‘n bejaarde wit man gegee het,” opgehad het.

Alameda County het Williams vasgevat op verskeie aanklagte van roof, aanranding met ‘n dodelike wapen, voertuigdiefstal en wapenoortredings. Hy is Dinsdag in Oakland in hegtenis geneem nadat die polisie ‘n gesteelde bakkie wat hy na bewering in ‘n paar van die rooftogte gebruik het, gevind het.

Tudor sê die polisie het Williams met behulp van DNA-bewyse gekry na ‘n rooftog by ‘n bank in San Leandro in Oktober.

Williams word in Santa Rita tronk aangehou. Sy borg is oor ‘n miljoen dollar gestel.

DA gaan regses by MRK verkla

Die Demokratiese Alliansie in Mpumalanga het Sondag gesê hy wil verskeie verregse groepe by die Menseregtekommissie verkla.

Dít volg op ‘n betoging Donderdag in Delmas.

Betogers het plakkate vasgehou wat gelui het: “Swart lafaards – los ons vroue en kinders uit”, “Steel, verkrag, moord: Ons is klaar met Swart Suid-Afrika” en “Barbare los ons kinders uit”, het die DA in ‘n verklaring gesê.

“Ons glo dat hierdie aanhitsende slagspreuke teen die verklaring van regte is,” het Anthony Benadie, DA-woordvoerder, gesê.

Die slagspreuke is ook in teenstryd met die grondwetlike imperatief dat “geen persoon direk of indirek onregverdig mag diskrimineer teenoor enigiemand [op grond van ras] nie,” het hy gesê.

Die party sal die Boere-Afrikaner Volksraad, die Volksraad Verkiesingskommissie (VVK), die Verkenners, die Republikeinse Vrouebeweging, die Kommandokorps, die Herstigte Nasionale Party (HNO) en die Afrikaner Weerstandsbeweging (AWB) Maandag by die Menseregtekommissie verkla.

Die optog is georganiseer in protes teen die moord op ‘n versorger en ‘n baba in Delmas.

“Tragiese voorvalle” soos die dubbele moord moet egter nooit gebruik word om haatlike en diskriminerende ideologieë te promoveer nie, het Benadie gesê.

Suid-Afrikaners wat oor misdaad bekommer moet liewer vra dat gespesialiseerde misdaadbestrydingseenhede van die polisie ingestel word, het hy gesê.

Wes-Kaapse gemeenskappe in opstand teen DA

Die polisie in die Wes-Kaap is Vrydag ontplooi teen ‘n diensleweringsbetoging op Duinefontein-weg naby Guguletu, volgens Eyewitness News.

André Traut van die Suid-Afrikaanse polisiediens sê hy het inligting ontvang dat sowat 1 000 mense die strate ingevaar het.

“Die polisie is in die omgewing ontplooi. Sowat 1 000 mense veroorsaak ontwrigtings. Ons verneem dit is ‘n dienslewering-betoging.”

Die gemeenskappe van Botrivier in die Overberg het ook gesê hulle gaan in opstand kom teen die DA-munisipaliteit se gebrekkige dienslewering.

Skermutselinge tussen die polisie en die gemeenskap van Theewaterkloof het verlede week uitgebreek.

Die plaaslike raadslid Anton Bredell het Sondag ‘n vergadering belê, maar niemand het opgedaag nie. Gemmenskapsleier Wilfred Herman sê die raadslid moet bedank.

Herman sê die Botriviergemeenskap is siek en sat vir die DA wat gedurig politiek speel. Die raadslid se foon is altyd af en sy beantwoord nie oproepe nie, sê hulle.

Лобановский

Goue-hoofweg deur oproermakers versper

Verskeie inwoners van Orange Farm in die suide van Gauteng het dele van die Goue-hoofweg Maandag tydens ‘n oproer oor dienslewering versper, het die polisie gesê.

“Die betogers gebruik klippe en buitebande. Die betoging het omstreeks 01:00 begin en dit duur steeds voort,” het lt.kol. Lungelo Dlamini gesê.

“Ons het polisie op die toneel om die situasie te monitor en daar was nog geen geweld nie.”

Hy sê die betoging hou verband met dienslewering, maar kon geen verdere besonderhede verskaf nie.

Die woordvoerder vir die Johannesburg-metropolisie, supt. Wayne Minnaar, het motoriste aangeraai om die N1-hoofweg as ‘n alternatief te gebruik.

топкарго отзыв