Die goue medaljes wat by die Beijing-spele uitgeloof word, is meesal van silwer gemaak.
Elke medalje bevat slegs 6% suiwer goud, het die sekretaris-generaal van die spele, Wang Wei, gesê.
Die meeste metaal is silwer. Wang het gesê dat die bewerings van internetskrywers dat die medaljes lood bevat vals is.
Die rustowwe vir die medaljes is van Australië afkomstig en is deur 'n staatsgekeurde owerheid getoets om seker te maak dat hulle uit edelmetale bestaan.
Die uitblinkervleuel Bryan Habana sal waarskynlik nie aan Saterdag se drienasieswedstryd teen Australië kan deelneem nie.
Hy ly aan 'n eerstegraadse skeur in sy dyspier.
Dit is Maandag by 'n perskonferensie in Durban aangekondig dat hy tot tien dae buite aksie mag wees.
Verdere toetse sal vandag gedoen word, maar die kanse dat hy fiks gaan wees om teen Australië te speel, is nie goed nie.
Die regering het niks gedoen om die slagoffers van etniese geweld te help om in hul vorige gemeenskappe te herintegreer nie.
Fourie het verskyn vir buitelandse burgers en die Konsortium vir vlugtelinge en immigrante in Suid-Afrika.
Hulle het die Grondwethof gevra om 'n plan op te stel en te publiseer vir die herintegrasie van slagoffers van etniese geweld binne 30 dae.
Hulle het ook die hof gevra om die regering te beveel om so 'n plan binne 60 dae toe te pas.
Die hofsaak gee die inwoners van die kampe 'n blaaskans.
Consumer Assist, Suid-Afrika se grootste skuldberadingsorganisasie, sê 'n beraamde 6 miljoen Suid-Afrikaners is diep in die skuld.
André Snyman, die uitvoerende hoof van Consumer Assist sê die lae rentekoerse het 'n valse sin vir rykdom geskep en toe rentekoerse begin styg het verbruikers hulself in die moeilikheid bevind.
Snyman sê die Reserwebank se besluit verlede week om nie rentekoerse te verhoog nie is welkom.
Maar hy het bygevoeg dat dit gevaarlik sou wees om te aanvaar dat rentekoerse nie gaan aanhou styg nie.
11:20:06 Die ANC en die Inkatha-vryheidsparty blameer mekaar vir wat blykbaar politiese gemotiveerde moorde in KwaZulu-Natal sou wees.
Sy het het gepraat, kort nadat Bhekisisa Mthethwa, die IVP-takvoorsitter by die Jacobs-hostel, oor die naweek doodgeskiet is.
Intussen het die LUR vir vervoer en gemeenskapsveiligheid Bheki Cele beweer dat die moord op 'n prominente ANC-lid in Umlazi oor die naweek ook 'n politieke sluipmoord was.
08:24:29 Die fanatiese toepassing van regstellende aksie deur die afdwing van rassekwotas by die Suid-Afrikaanse Lugdiens (SAL), het reeds die potensiaal vir vliegongelukke geskep. Die Amerikaanse Lugvaartadministrasie (FAA) en die Internasionale Burgerlugvaartowerheid (I-BLO) het in April vanjaar aanbeveel dat die Suid-Afrikaanse Burgerlugvaartowerheid (SA-BLO) afgegradeer word van kategorie 1 na ‘n kategorie 2. Dit sou beteken dat daar beperkte internasionale erkenning sou wees vir Suid-Afrikaanse vlieënierslisensies en lugvaardigheidsertifikate.
“Die vaardigheidstekorte by SAL Tegnies (SALT) is die direkte gevolg van die regering se beleid van regstellende aksie. Hierdie tekorte skep ‘n gevaar vir passasiers van veral SAL, deurdat tegniese kundigheid verlore raak en standaarde vir die hersiening van vliegtuie verlaag word. Dit word bevestig deur twee senior bestuurders wat bedank het by SALT omdat albei sê hulle kan nie meer met hulle gewete saamleef nie. Die vereiste dat SALT 19 senior NDI-inspekteurs in diens moet hê, maar slegs drie het, is ‘n ernstige aanklag teen die regering en getuig van onbevoegdheid. Dit beteken daar is ‘n ongeluk wat wag om te gebeur”, sê mnr. Pieter Groenewald (LP), hoofwoordvoerder van Openbare Ondernemings vir die VF Plus.
“Die VF Plus het al in April vanjaar die regering gewaarsku en optrede gevra. Toe reeds het ons gesê die tekort aan kundiges in die lugvaarbedryf het die potensiaal om die SA Lugdiens tot stilstand te dwing. Lugrederye moet voldoen aan internasionale standaarde en verskonings deur plaaslike amptenare sal nie aanvaar word nie. Om 300 werkers in twee jaar te verloor, bewys die onvermoë van bestuurslui om op te tree. Die begin van die uittog moes al die alarms laat afgaan het. Die minister van Openbare Ondernemings, Alec Erwin, en die minister van Vervoer, Jeff Radebe, moet dadelik ingryp anders gaan ons gekonfronteer word met ‘n katastrofe wat baie lewens gaan eis”, sê Groenewald.
Facebook oortref Myspace met die meeste lede as die snelgroeiendste sosiale netwerk werf.
Daarteenoor het Myspace met slegs 3% gegroei en het 117 miljoen gebruikers.
Die suskses van Facebook is toe te skryf aan die werf se pogings om meer sosiaal en kutureel relevant te wees buite die Amerikaanse mark.
Die verslag toon dat die grootste gebruikerbasis nog steeds in Noord-Amerika is met 'n total van 49 miljoen gebruikers en die groei in die mark was maar 'n skamele 38% teenoor die globale groei van 4 keer meer.
Groei in Afrika en die Midde-Ooste is ook stewig en die 403% toename in lede bevestig dit. Die Suid-Afrikaanse netwerk beskik oor tussen 400 000 en 700 000 gebruikers.
Die Latyns-Amerikaanse groei was die hoogste en die gebruikersgetalle het met 1 055% toegeneem.
Die groei gaan egter teen 2009 sy hoogtepunt bereik en sal afplat teen 2012.
Asië beskik oor meer as 35% van die sosiale netwerk lidmaatskap, terwyl Afrika, Europa en die Midde-Ooste 28% beslaan en die Karribiese eilande en Latyns-Amerika saam 12%.
'n Groot deel van die land se rugby-ondersteuners sit in sak en as ná die Springbokke se skokvertoning Saterdag op Nuweland. Vir die eerste keer sedert 1903 het 'n Springbokspan geen enkele punt tydens 'n toetswedstryd op Nuweland kon aanteken nie.
Ek is geen bewonderaar van Jake White nie. Die sukses wat die Springbokke in die Wêreldbeker behaal het, kan grootliks toegeskryf word aan 'n enorme gelukskoot, naamlik 'n blatante vorentoe-aangee wat Frederick Michalac in staat gestel het om die All Blacks verrassend uit te skakel op die Milleniumstadion in Wallis. White se bra beteuterde rekord as afrigter is ook gevlei deur die tegniese kundigheid van sy hulpafrigter, Eddie Jones. As iemand die dank moet kry vir die onlangse oorwinning in Nieu-Seeland, moet dit sekerlik die nadraai van Jones se kundigheid wees.
Ons kan ook nie Saterdag se neerlaag alleenlik op politieke inmengery blameer nie. Die span was een van die witste spanne in die afgelope tyd. Die spelers het eenvoudig swak gespeel en kop verloor. Hulle het waansinnige risiko's geloop, soos om kortlynstane binne hulle eie kwartgebied aan te durf, of om wilde aangeë naby die doellyn te slinger.
Wat het dan skeefgeloop? Het die ervare Springbokke skielik kop verloor en heeltemal vergeet dat Springbokrugby tradisioneel gebou is op rotsvaste verdediging en die stelselmatige vernietiging van jou opponente? Het hulle 'n kollektiewe waansin begin beleef, en begin hallusineer dat hulle almal David Campese is? Ek glo nie. Dit is geen geheim dat die instruksie vir die sogenaamde nuwe spelpatroon regstreeks van die afrigter, Pieter de Villiers, afkomstig is nie.
Dit is Pieter de Villiers wat aanhoudend hoog opgee oor hoe daar in sy era hardlooprugby gespeel gáán word, wen of verloor.
Om dit prontuit te stel: Pieter de Villiers is 'n taktiese suigeling. Jy kan nie die Wallabies en All Blacks met hulle eie spel troef, as hulle dit al vir 60 jaar doen maar jy slegs vir 6 weke nie. Pieter de Villiers verstaan klaarblyklik nie die fondament waarop Springbokrugby gebou is nie, maar het desnieteenstaande die feite en dít waarmee die spelers hulself gemaklik voel, sy onkunde op die spelers probeer afdwing.
Die netto resultaat is 'n verbouereerde Fourie du Preez (die wêreld se beste skrumskakel as sy span toegelaat word om tradisionele Springbokrugby te speel) wat soos 'n amateur in die derde span lyk. Dit het gelei tot 'n aantal gekkespulle op die doellyn en drieë vir die All Blacks.
Ewe voorspelbaar is dat die senior spelers, alhoewel hulle dit nie durf sê nie, geen vertroue het in De Villiers se afrigtingstyl nie. Jy sit as senior speler met 'n dilemma. Jou afrigter is 'n kuikentjie. Jy weet dit. Hy moet dit sekerlik self besef, maar weier jy om aan sy malligheid deel te neem, word jy vervang. Daarom tjommel jy maar voort en maak asof jy speel volgens 'n spelpatroon waarin jy geen vertroue het nie.
Soos die voormalige Britse Leeuspeler John Robbie dit vanoggend op Radio 702 stel: "We were lucky to get 0."
Ek is al die laaste klompie jare geïnteresseerd in alternatiewe kragbronne, en lees gereeld oor dié onderwerp op die internet. Die slotsom wat ek bereik, is dít: die alternatiewe bestaan, en ons moet dit net raaksien en aanwend. En nie alles wat as alternatiewe beskikbaar is, is nuwe goed nie.
Dit is veral die vermoë om te kan dink – en dan uit die weggooigoed iets wat werk te kan prakseer – wat ons Boerenasie so suksesvol in die verlede gemaak het. Wat hier volg, pas ook by jou gewone knutselaar se begroting en gaan beslis niemand veel geld uit die sak jaag nie.
Verder maak ek nie die stelling dat mens nie volledig die kragnetwerk vaarwel kan sê nie, maar ons kan alreeds besparings teweegbring, en as mens eers begin het, kan mens daarop voortbou. Ek glo nie dis onmoontlik om sonder die kragnetwerk klaar te kom nie, maar dit gaan meer geld en vaardigheid verg as waaroor die meeste van ons beskik. Om dinge soos ligte, rekenaars en TV-stelle van die netwerk te kan afhaal, gaan reeds besparings meebring. En ons voortbestaan as Afrikaner gaan na my mening in die toekom grootliks afhang van ons vermoë om te kan improviseer.
Daar is heelparty maniere om ons koolstofvoetspoor te verminder, en ek wil hier van hulle noem.
1.Windkragopwekkers. Word gebruik om batterye te laai wat dan met omskakelaars die 12- of 24-volt-gelykstroom na 220 tot 240 volt-wisselstroom om te skakel. Die standaardomskakelaar is nie die mees effektiewe bron van krag nie, maar dit kan wel krag lewer sodat donker aande lig word en dat rekenaars werk wanneer die krag af is.
Die windkragopwekker is seker die eenvoudigste manier om mens se afhanklikheid van ‘n reeds oorlaaide kragnetwerk bietjie te verminder.
2. Sonpanele. Word ook gebruik as kragbron om batterye te laai en sodoende kan dit saam met windlaaiers ingespan word vir ‘n kontrolestelsel om ‘n batterybank vol te hou as die wind byvoorbeeld minder waai. Die koste van sonpanele veroorsaak egter dat dit nie binne almal se begroting pas nie.
3. Biogasontwikkelaars. Dis seker een van die duurder items wat ek hier noem, want die koste daaraan verbonde om so ʼn stelsel sisteem te laat bou is redelik hoog, maar die voordele daarvan is weer groot. Dit leen hom daartoe dat menslike afval (asook dierlike afvalstowwe) die bron word wat mens gebruik om gas mee te produseer, en die gas is dan die brandstof wat stowe verbruik. In sommige gevalle kan krag met die gas opgewek word. Die opwek van krag uit die biogas is redelik duur, aangesien mens ‘n gaskragopwekker vanaf oorsee moet invoer.
4. Sonwaterverwarmers. Selfs die regering en Eskom dreig nou al hoe lank om weens die kragtekorte sulke toestelle in groot getalle in huishoudings te laat insit. Die beginsel van sonkrag wat water warm maak, kan maklik aangewend word om die een groot kragdief in elke huishouding se steelgewoontes hok te slaan. Die warmwatergeiser een van die dinge wat die swaarste op krag is.
5. Omskakelaars (inverters). Dis die elektroniese kassie wat die gelykstroomkrag van batterye af intrek en dan in wisselstroom omskakel, wat die vereiste is vir rekenaars, televisiestelle en ander huishoudelike goedere. Die omskakelaars kom in verskeie groottes of eerder sterktes en is die een belangrike komponente wat mens in ‘n stelsel met sonpanele en windlaaier móét hê.
6. Sterling-masjien (warmlugmasjien). Dié tipe masjien is van baie waarde as mens die toepassing daarvan kan bemeester, en dit wil blyk as ek op die internet gaan rondkrap asof daar reeds mense is wat dit wel verfyn het. Wat hom so ʼn aantreklike opsie maak, is dat hy geen brandstof benodig nie, behalwe warm lug, en dis redelik maklik om te produseer. Al wat dan verder nodig is, is om ‘n reservoir te bou wat die hitte kan opgaar waarmee die lug warm gemaak word.
Die Stirling-masjien kan aangewend word in samewerking met ‘n lae OPM-generator wat deur die krag van die masjien gedraai word om sodoende krag op te wek sonder dat moontlik onooglike windlaaiers elke woonbuurt se lugruim volstaan. Verder is dié tipe masjien ook baie stil, omdat daar geen ontploffing in ‘n ontbrandingskamer is wat uitgelaat word nie. Die geruis van die masjien wat teen soms astronomiese snelhede draai, is iets om te beleef.
Daar is mense wat klaar baie van die huiswerk vir ons gedoen het. Die gevolg is dat ons net moet oplees oor hul ontwikkelings sodat ons die inligting wat reeds op die harde manier bekom is, kan toepas en daarop voortbou.
Twee dinge wat ons wel gratis in dié land ontvang, is wind en sonlig. Hoewel die wind nie ewe konstant orals in die land waai nie, is dit selfs in sommige stedelike gebiede moontlik om windkrag te kan hê as mens ‘n windopwekker net hoog genoeg kan monteer.
Verder kan die aanwending van afvalstowwe ook in gedagte gehou word as mens reken dat elke huis oor ‘n septiese tenk of iets verwants beskik.
ʼn Lae OPM-opwekker is ook ʼn wesentlike element. ʼn Motor se alternator of die ouer weergawe, die generator, se OPM-vereistes is te hoog, en kan nie met wind bereik word nie, behalwe in plekke met baie wind en ook redelik konstante sterk wind.
Dus is die lae OPM-generator of alternator die antwoord, en dis ook hier waar die groen mense oorsee reeds baie van die huiswerk vir ons gedoen het. Die webwerf waar mens heelwat kan leer oor die bou van lae OPM-opwekkers is hier beskikbaar en dis ‘n goudmyn van inligting, wat dié van ons wat handvaardig is, kan benut.
Een voordeel van dié tipe opwerkker is dat heelwat van die komponente wat daarvoor nodig is, uit skroot herwin kan word. Magnete, transformators en metaalplaatjies wat as dele van die opwekkers gebruik word, is alles dinge wat uit ou elektriese toestelle herwin kan word. Die transformators verskaf geïsoleerde draad waarmee die spoele van die opwekker gedraai word op ‘n handgemaakte vorm wat maak dat mens mooi eenvormige spoele kry.
Luidsprekers wat gebreek het en uit ou radio’s en ander klanktoerusting kom, is ‘n bron van magnete, maar die hoeveelheid wat mens benodig, bring mee dat dit dalk makliker is om magnete te koop. As mens dit wel koop, kan mens dan ook sulke magnete in een grootte en sterkte aankoop, wat die bou en ontwerp van so ʼn toestel baie makliker maak.
Hier kan mens redelik stap vir stap sien hoe die een persoon sy eie windlaaier gebou het en sodoende sy afhanklikheid van ʼn netwerk reeds verminder het. Dié spesifieke werf is baie interessant en kan die leser tot groot voordeel strek as mens die inligting wat gratis beskikbaar is net inspan.
Die volgende webwerf bevat baie inligting met vrae wat mens eerstens moet beantwoord alvorens mens so ʼn projek aanpak, want daar is ʼn sekere hoeveelheid huiswerk wat wel gedoen moet word.
Hierdie is net baie basiese inligting wat mens kan aanwend en met bietjie dink kan dit aangepas word. Met Boere-innoverendheid kan dit verder uitgebou word na iets wat ons sal kan help om te bespaar en om beter, groener lewens te kan lei.
Sterkte en mag die ligte selfs deur die kragonderbrekings brand!
Die duikbote wat deur die SA Vloot aangekoop is, is wat die SA Nasionale Weermag nodig het.
Hy het in 'n ope brief gesê aan alle vlootwerknemers gesê dat die mag altyd verantwoordelik in die gebruik van sy vermoëns opgetree het en dit sluit duikbootoperasies in.
Teuteberg het gesê dat die Vloot se tipe 209 Duits-vervaardigde duikbote deur 'n internasionaal erkende skipklassifikasiestelselmaatskappy ondersoek is, wat baanbrekerswerk verteenwoordig.
Teuteberg het egter erken dat die Vloot sukkel om duikbootoperateurs te behou vanweë die internasionale tekort aan tegniese vaardighede.
