Dan Roodt, Author at praag.co.za

Huureiendomwysigingswet ongrondwetlik

“Die beoogde belastingwysigings aan die Wet op Munisipale Eiendomsbelasting kom neer op niks anders as ‘n ongrondwetlike welvaartsbelasting wat deur plaaslike owerhede gehef word nie,” het mnr. Jaco Mulder, VF Plus-LPW en provinsiale leier vir Gauteng, gesê.

Die VF Plus het in die verlede reeds sy kommer uitgespreek oor die feit dat eiendomsbelasting gehef word op beide die waarde van die grond asook die verbeterings daarop aangebring. Eienaars van verbeterde eiendom het reeds inkomstebelasting aan die SAID betaal op die geld wat aangewend word om die eiendom aan te koop en te verbeter. Boonop is belasting op toegevoegde waarde (BTW) reeds aan diensverskaffers oorbetaal.

Indien ‘n verdere belasting op verbeterings, waarop daar reeds belasting aan die Suid-Afrikaanse Inkomstediens betaal is, dan deur hierdie beoogde wetgewing ingevoer word, sou dit op niks anders neerkom as ‘n welvaartsbelasting wat in terme van die Suid-Afrikaanse grondwet ontoelaatbaar is nie.

“Dit het tyd geword dat die Suid-Afrikaanse regering vir eens en altyd in die bek geruk word met sy volgehoue pogings om die aandag af te lei van die werklike rede waarom swak dienslewering in Suid-Afrika plaasvind,” het Mulder gesê.

Dienslewering in plaaslike owerhede sal verbeter sodra kundige en bevoegde amptenare aangestel word om munisipaliteite te bestuur. Die blote hef van meer belasting gaan niks help nie.

Die VF Plus loods binne die volgende dae ‘n webwerf waar die publiek deur middel van ‘n petisie hul misnoeë oor die beoogde wysigingswet kan lig. Die VF Plus spreek die hoop uit dat die reaksie en weerstand van grondeienaars oorweldigend soos ‘n vloedgolf oor die beoogde wetswysiging sal stroom

online slots

Gautrein bots ná remme misluk

Mislukte roetinetoetse op remstelsels het daartoe gelei dat die Gautrein gebots het en erg beskadig is.

Dié onrusbarende ongeluk het tot nog toe geen nuusdekking ontvang nie. Die ongeluk het op die aand van 16 Junie plaasgevind.

Gedurende toetse wat gereeld by dié trein se depot onderneem word om passasierveiligheid te waarborg, wou die remstelsels van die Gautrein nie na behore funksioneer nie.

Twee treine het teen mekaar gebots toe daar tydens die toets gekyk is of treinwaens tot stilstand sal kom indien die deure nie behoorlik sluit in beweging nie.

Dié funksie het nie ingeskop nie. Met die daaropvolgende botsing, is die twee treine wat vir die toets gebruik is, beskadig. Twee ander treine het ook deurgeloop en daar is altesaam aan vier treine skade aangerig.

игры детскии

Lasbriewe onnodig sê polisie

‘n Dagblad het onlangs ‘n artikel geplaas wat handel oor ‘n man wat op ‘n lasbrief aangedring het toe polisielede sy perseel wou deursoek.

Volgens Randfontein SAPD woordvoerder, kaptein Appel Ernst, benodig polisie nie ‘n lasbrief om enige perseel, persoon, of voertuig te deursoek nie.

“Ons werk volgens Artikels 25, 26 en 27 van die Strafproseswet, wat ons die magtiging gee om enige persoon, perseel, of voertuig te deursoek,” sê Ernst.

“Polisielede is geheel en al binne hul reg om enige perseel wat hulle vermoed bewysstukke kan lewer in ‘n ondersoek, te deursoek.

Ernst sê dat alle klagtes wat teen die polisie gemaak word wel ondersoek word, maar kla dat TV-programme mense onder die verkeerde indruk skep, wanneer dit kom by polisiepresedure.

“Geen persoon het die reg om die polisie te verhinder om enige persoon, perseel of voertuig te deursoek nie,” sê Ernst.

“Ons doen net ons werk en deursoek nie mense se huise vir die pret daarvan nie.”

Neels Jackson se Damaskus-openbaring

Neels Jackson as verloopte Afrikaner in diens van die ANC-regering se koerant Beeld, dra sy deeltjie ook nou by om die renaissance van die Afrikanervolk doelbewus te probeer help onderdruk met sy kondisionerende skrywe vandag onder die opskrif ‘n Wit man in dié land…

Desperate situasies vereis desperate optrede, in so ‘n mate dat hy skaamkwaad is vir sy toevallige wit vel wat hy nie self gekies het nie. Hy voel ook dat as gevolg van hierdie wit vel, moet hy nou die verantwoordelikheid dra vir samemsmelting en vrede met die swart mense in “hierdie land”. Mens kan nou vra hoe Jackson dit wil regkry met die swartmense wat regeer maar op hul beurt geen verantwoordelikheid hoef te dra nie.

Dit grens aan tragedie as daar verder gelees word wie hy as blanke mense beskou waarop na sy mening die blankes moet trots wees: mense soos Koos Kombuis, Antjie Krog, François Pienaar, Anton Rupert en Chris Barnard darrem ook. ‘n Mens kan wonder hoekom FW de Klerk, Pik Botha, Roef Meyer, die groot bevryders en selfs Nobelpryswenners, nie ook genoem word nie?

Terwyl hy nou so skuldig voel oor sy wit vel en al die skuld van ‘n vervalle Suid-Afrika op die brood van die blankes smeer, is Jackson nie dalk n bietjie naïef om te glo dat deur ‘n paar swart vriende te maak die voortgesette moord van swart-op-wit, die diskriminasie teen blankes deur werkresevering net vir swartes, die afneem van plase, die korrupsie in die regering en so meer beëindig gaan word nie?

Of die swart Sionistebeweging sy voorstel van eenheid met die “blanke kerke” sal onderskryf, is insgelyks ‘n ope vraag!

люстры хрустальные

Suid-Soedan kan prooi van Weste word, waarsku Zuma

Pres. Jacob Zuma het gewaarsku dat Suid-Soedan, die wêreld se jongste land, dalk die prooi kan word van lande wat bystand verleen met die uitsluitlike doel om dié nuwe land te oorheers.

Hy het Dinsdag aan die einde van die samesprekings met Jakaya Kikwete, die Tanzaniese president, in Pretoria dié uitlatings gemaak.

Zuma het die prominente rol wat sommige Europese lande gespeel het tydens die onlangse onafhanklikheidsfeesvieringe in Juba, die Suid-Soedanese hoofstad, bevraagteken.

Die Tanzaniese president het Suid-Afrika intussen gevra om voort te gaan om die voortou te neem om konflikte in Afrika op te los.

Kikwete het gesê Suid-Afrika het die vermoë om die rol te speel weens sy politieke, ekonomiese en militêre vermoëns.

Opstande nadat Britte hulpgeld weerhou

Opstande oor prysverhogings wat deur opposisiegroepe uitgebuit word, het reeds die lewens van 12 mense in Malawi geëis. Kantore en winkels op verskeie plekke is in brande verwoes.

Opposisiepolitici sê dat net “demokrasie” laer pryse sal waarborg.

In Blantyre, die Malawiese hoofstad, is verskeie mense beseer in botsings tussen die polisie en betogers. Inwoners wat die owerhede goedgesind is, het glo die polisie bygestaan.

Betogers is woedend omdat pres. Bingu wa Mutharika skynbaar niks doen aan stygende kospryse nie. Die president se pogings om die optog van Woensdag te verhoed, het glo misluk.

Volgens bronne het die ontevredenheid begin nadat Mutharika Fergus Cochrane-Dyet, die Britse ambassadeur, in April uitgeskop het omdat hy die Malawiese president as ‘n diktatoriale leier beskryf het.

Die Britse regering het in antwoord daarop Malawi se hulp opgeskort en sý ambassadeur gevra om die land te verlaat.

Malawi is vir 60% van sy begroting op Brittanje aangewese. Kos- en ander verbruikersspryse het daarna die hoogte in geskiet weens die gebrek aan hulpgeld.

для насосов

Vloedskadeverslag is onakkuraat

‘n Verslag oor skade wat vroeër vanjaar deur vloede aangerig is, is onakkuraat, het Agri SA Woensdag gesê.

Die verslag is namens die Nasionale Rampbestuursentrum (NDMC) deur onafhanklike assessors saamgestel wat geen kennis van ingenieurswese of infrastruktuur dra nie, het dié landbou-vereniging gesê.

Die vloede, wat sewe provinsies in Januarie vanjaar en Desember verlede jaar geraak het, het minstens 40 lewens geëis en meer as 6 000 mense ontwortel.

In die verslag word die omvang van die skade op ongeveer R1, 136 miljard geskat.

Die skatting vóór die assessering was ongeveer R3,8 miljard.

Volgens Agri SA het die assessors nie die verlies aan oeste in ag geneem nie en het hulle ‘n steekproef-metode gebruik om gemiddelde koste te bepaal.

Die vereniging het ‘n vergadering met die NDMC aangevra om die verslag te bespreek.

все для бани и сауны Данильченко

Shell sê skaliegas is SA se enigste energie-antwoord

Volgens Jan-Willem Eggink, hoofbestuurder van Shell in Afrika, is die ontginning van skaliegas deur hidroliese breking die enigste oplossing om Suid-Afrika se koolstofspoor aansienlik te verbeter. Dit kan ook ‘n antwoord bied op die land se stygende energie-aanvraag.

Suid-Afrika se verbintenis tot die beperking van kweekhuisgasse is reeds deur pres. Jacob Zuma tydens die beraad oor klimaatsverandering in Denemarke bevestig, het Eggink gesê.

Eggink was ‘n spreker by die Afrika-gaskonferensie in Johannesburg.

Shell beplan om dié projek as een van die mees ekologiesvriendelike gasontginningsprojekte ter wêreld te bestuur. Eggink sê Shell sal nie die Karoo se waterbronne aantas nie en bestudeer reeds ander maniere om water in te bring.

Jonathan Deal, voorsitter van die Treasure Karoo Action Group (TKAG), het Shell en ander oliemaatskappye gedurende sy aanbieding by die konferensie nogtans versoek om nie voort te gaan met dié ontginning nie.

Volgens Deal bestaan daar steeds nie genoeg bewyse dat die potensiële voordele die risiko’s van “fracking” of hidrouliese breking oorskadu nie. Suid-Afrika behoort eerder ondersoek in te stel na hernubare energie vanweë klimaatsverandering en ‘n dreigende waternood.

Deal het die minister van energie, Susan Shabangu, gevra om die taakspan wat sy aangewys het om hidrouliese breking te ondersoek, te ontbind. Hy sê daar heers onduidelikheid oor die taakspan se doelwitte.

Die Karoo sal geweldige skade ly indien lisensies vir gasprospektering en gasproduksie toegestaan word omdat die voor- en nadele van die hidroliese breking steeds nie behoorlik opgeweeg is nie, sê hy.

Lei ons dommes na die beloofde, liberale land!

Die titel van hierdie stuk was amper-amper “Moenie Afrikaners se intelligensie onderskat nie.” Ek het my egter bedink. Afrikaners en intelligensie in dieselfde sin is immers soos militêre intelligensie; ‘n teenstrydigheid, sou jy kon sweer.

Kom ek gee dus toe: Helfte van Afrikaners se intelligensie, gemeet teen ander Afrikaners s’n, is onder die groep se mediaanintelligensie. Laasgenoemde feit het George W Bush terloops glo verskriklik verbaas toe hy dit van Amerikaners moes verneem.

Ons is ook ongetwyfeld veel minder intelligent as die selfaangestelde meesterras, die blanke liberaal, ‘n superieure skepsel wat dikwels ‘n identiteits- en volklose, blanke Engelssprekende Suid-Afrikaner is, maar eweneens soms ‘n Afrikaner wie se enorme breinkrag (wel, vergeleke met die res van ons s’n) hom na sy beskeie mening in amper dieselfde klas as die Engelssprekende liberaal plaas.

Só weet ons, want daardie rugby-genie, Luke Puke Watson, het ons mos hoeka “thick Dutchmen” genoem. Athol Trollip, ‘n vername Ingelsman en parlementêre leier van die DA, het ook ‘n histeriese tirade per epos geloods waarin hy Afrikaners op ‘n Milner-agtige wyse as “idiots” bestempel het.

As Trollip kon, sou Afrikaners stellig nie gedwing wees om geel sterre te gedra het nie, maar eerder ‘n donkiestert of dan wat die immer-klasbewuste Ingelse so sjarmant ‘n “dunce cap” noem. Wat was nou weer daardie oulike woordjies van my jeug wat die geniale Engelse ons toegesnou het? O, ja. “Rock spider.” “Hairyback” en soortgelyke troetelnaampies.

Ek het aan bostaande gedink na aanleiding van die voorval van die ses manne wat dit op hulself geneem het om Nelson Mandelarylaan in Pretoria na Clive Derby-Lewislaan te herdoop dmv plakkers. Dit was asof daar stukkies sagteware in sommiges se skedels loop, wat outomaties aangeskakel is en wat sommige kommentators op nuuswerwe en Facebook, asof dit ‘n refleks was, maak tik het: “Verkramptes!” en “Klippies en Coke!”

Selfs ons, die ou dom Afrikaners, verstaan die beledigings opgesluit in bostaande woordjies. Verkramp dui op ‘n soort agtergelatene, een wat nie die realiteite van ‘n veranderde omgewing wil aanvaar nie. Ek weet ek as een van die dom Afrikaners is nou nie eintlik veronderstel om sulke vrae te vra nie, maar is die meerderwaardige liberale wat desperaat bly vaskleef aan die hersenskim van die sogenaamde reënboognasie, en wat nie die realiteit van swart regerings wil aanvaar nie, nie die eintlike verkramptes hier in 2011 nie? Dit is immers hulle wat eenvoudig nie wil aanvaar dat hulle verkeerd was in 1994 nie, en wat elke dag verneder word soos nog wanbestuur, verval en korrupsie aan die lig kom en in die proses nog ‘n spyker in die doodskis van hulle mislukte NSA kap.

Laasgenoemde skelwoordjie, een wat verwys na Klipdrift-brandewyn, is eweneens ‘n verwysing na wat ek en my ou kômmin gabbas op die Oosrand (ek sê) ‘n 1-2-3 persoonlikheid sou noem: 1 liter brandewyn, ‘n 2-liter Coke en ‘n 3-liter Ford Cortina.

Uiteraard dien die toesnou hiervan dus om die volslae meerderwaardigheid van diegene wat dit uiter opnuut in hulle eie koppe te bevestig, hulle wat hulself tog so verhewe voel bo die Klippies-drinkers. Ek sal myself weerhou daarvan om te vra waarom hulle hulself so genoodsaak voel om mekaar deurlopend hiervan te verseker.

Daar is wel een, klein, tegniese puntjie waarop ek daardie verhewe indiwidue wel wil wys: Beeld, een van Naspers se publikasies wat self lekker onder die ou dom verkramptes inklim, het self berig dat dié ses manne ook ingenieurs en rekenmeesters ingesluit het. Goed, ek weet, enige Julius Malema en sy maat gee hulself deesdae as ingenieurs uit, maar ek verstout my om te sê die ou dommes hierbo genoem se brûe gaan nie soos sekere houtwerk-savante s’n in duie stort nie.

Kom ek gee daardie superieure, verhewe, hiper-intelligente liberale egter weer eens gelyk, en sê dat die liberaal se stereotipe akkuraat is. Selfs ‘n Afrikaner-rekenmeester, as sy politieke oortuigings regs van aard is, is per definisie dommer as Julius. Ek weet dis nie my plek om te vra hoe hierdie soort veralgemenings klop met die einste liberales so links en regs opgee oor hoe mense juis nié op grond van hul etnisiteit gestereotipeer mag word nie. Ek is kennelik te dom om te verstaan wat vooroordeel eintlik vir die liberaal beteken.

Wat was die komiese ou woordjie wat die een anderdag gebesig het tydens ‘n bekgeveg? O, ja: “nuanse.” Ek verstaan nie die fynere nuanse daarvan wat die superieure liberaal wel kan toelaat om Afrikaners as rassiste, Klippies-suipers en verkramp te mag stereotipeer nie.

Dit word egter wel toenemend duidelik dat alle klasse van ons Boetmanne, ons as “idiots” en “thick Dutchmen”, die bliksem in is. Dis nie net die armes of ongeskooldes nie. Abel Malan is ‘n gegradueerde, nes diegene wat die straatnaam na bewering wou verander. Ons is weliswaar dom, te dom om te verstaan waarom ‘n terroris wat geweier het om geweld af te sweer en wat lank voor Malema gesing het Kill the Boer, kwansuis vir ons ‘n held moet wees.

Ook is ons te dom om te verstaan hoekom werkreservering vir blankes verkeerd was, maar rassistiese regstellende aksie glo nie. Ons kan ook nie verstaan waarom ons onder dwang Skandinawiese vlakke van belasting moet betaal, maar geen seggenskap oor die besteding daarvan het nie. Ek is veral persoonlik te dom om te verstaan waarom die Suid-Soedannese hul eie land mag verkry, maar alle Afrikaners wat dieselfde verlang, doodgeskree word met die term “rassis!”

Ek nooi dus hierdie immer-hovaardige, superieure intellektuele uit om vir ons te sê wat hulle oorlewingsplan vir blankes in die Nuwe Suid-Afrika is, ‘n land waaran almal se menslike ontwikkelingsindeks, maar veral swartes s’n, tussen 1995 en 2010 totaal in duie gestort het, volgens die VN.

Skyn die lig van julle geweldige intellek op ons, en lei ons na die beloofde land van liberale naasteliefde en voorspoed. Vae konsepte soos om “hande te vat” of wensdenkery soos opposisie-koalisies in ‘n land met ‘n 80% persent swart oormag, gaan egter nie eens vir my, die ou dom Afrikaner-verkrampte, of jou deursnit Klipdrift-liefhebber, oortuig nie.

Abel Malan op borg vrygelaat

Kaapstad – ‘n Boer wat van aanranding beskuldig word op prof Anton van Niekerk van die Universiteit van Stellenbosch, is Woensdag deur die plaaslike landdroshof op R5 000 borgtog vrygelaat.

Abel Albertus Malan, 47, is die kleinseun van Danie Malan, ‘n prominente sakeman wat betrokke is by die versekeraar Sanlam.

Malan, van die Nelspruitomgewing, het na bewering die professor in sy kantoor gekonfronteer op 14 Julie oor ‘n artikel wat op 5 Julie in Die Burger verskyn het.

In die artikel, wat Malan aanstootlik gevind het, het die professor geskryf dat die gevolge van apartheid nooit sal eindig nie en daarom beskik alle blankes oor ‘n swaar skuldlas. In die hitte van die konfrontasie, het Malan na bewering die professor se lessenaar omgegooi.

Malan staar twee aanklagte in die gesig – intimidasie omdat hy na bewering gedreig het om die professor aan te rand, asook aanranding met die opset om ernstig te beseer.

Malan het vlugtig voor landdros Anita Potgieter verskyn, wat as die borgtogvoorwaardes beveel het dat hy sy paspoort by die polisie inhandig en teen 20:00 op Woensdag uit Stellenbosch padgee.

Ander voorwaardes is dat hy weer in die hof op 25 Augustus moet verskyn, wanneer die saak oorgedra sal word na die Stellenbosch-streekhof.

Malan is gewaarsku om nie enige kontak, direk of indirek, met Van Niekerk te hê nie.

Hy moet die ondersoekbeampte in kennis te stel van enige verandering van adres, en mag nie in die Stellenbosch-landdrosdistrik sonder toestemming wees nie, behalwe om die hofverrigtinge by te woon.

‘n Laaste voorwaarde was dat hy elke Vrydag tussen 6:00 en 20:00 by die Nelspruitpolisiestasie moet aanmeld.

Malan is gewaarsku dat hy weer in hegtenis geneem sou word, en sy borgtog teruggetrek sou word indien hy enige van sy borgvoorwaardes oortree.

Kaapstad – ‘n Boer wat van aanranding beskuldig word op prof Anton van Niekerk van die Universiteit van Stellenbosch, is Woensdag deur die plaaslike landdroshof op R5 000 borgtog vrygelaat. Abel Albertus Malan, 47, is die kleinseun van Danie Malan, ‘n prominente sakeman wat betrokke is by die versekeraar Sanlam.

Malan, van die Nelspruitomgewing, het na bewering die professor in sy kantoor gekonfronteer op 14 Julie oor ‘n artikel wat op 5 Julie in Die Burger verskyn het. In die artikel, wat Malan aanstootlik gevind het, het die professor geskryf dat die gevolge van apartheid nooit sal eindig nie en daarom beskik alle blankes oor ‘n swaar skuldlas. In die hitte van die konfrontasie, het Malan na bewering die professor se lessenaar omgegooi.

Malan staar twee aanklagte in die gesig – intimidasie omdat hy na bewering gedreig het om die professor aan te rand, asook aanranding met die opset om ernstig te beseer.

Malan het vlugtig voor landdros Anita Potgieter verskyn, wat as die borgtogvoorwaardes beveel het dat hy sy paspoort by die polisie inhandig en teen 20:00 op Woensdag uit Stellenbosch padgee. Ander voorwaardes is dat hy weer in die hof op 25 Augustus moet verskyn, wanneer die saak oorgedra sal word na die Stellenbosch-streekhof. Malan is gewaarsku om nie enige kontak, direk of indirek, met Van Niekerk te hê nie. Hy moet die ondersoekbeampte in kennis te stel van enige verandering van adres, en mag nie in die Stellenbosch-landdrosdistrik sonder toestemming wees nie, behalwe om die hofverrigtinge by te woon. ‘n Laaste voorwaarde was dat hy elke Vrydag tussen 6:00 en 20:00 by die Nelspruitpolisiestasie moet aanmeld.

Malan is gewaarsku dat hy weer in hegtenis geneem sou word, en sy borgtog teruggetrek sou word indien hy enige van sy borgvoorwaardes oortree.