deur Karel Combrinck
Van al die dooie katte wat deur die Franse Rewolusie aan ons nagelaat is, is die konsep van gelykheid een van die onwelriekendste. ‘n Groot aantal dooie mense is ook nagelaat deur daardie glorieryke gebeurtenis, maar kom ons bepaal ons vireers by hierdie besondere kat.
Ons word daagliks gebombardeer met gelykheidspropaganda van allerlei aard, dermate dat ons net kan hoop, in die woorde van Shakespeare, that surfeit the appetite may sicken and so die.
Regstellende aksie, Swart ekonomiese bemagtiging, Transformasie, Positiewe diskriminasie, alles eufemismes vir omgekeerde rassisme en ‘n program om wittes te tap en uit te mergel. Asof daar iets soos « positiewe » diskriminasie kan wees. Hoekom dan nie sommer positiewe diefstal, positiewe moord, positiewe verkragting, positiewe onbevoegdheid en positiewe korrupsie ook nie ?
In die nastrewe van «gelykheid» word witmense in Amerika, daardie vesting van vryheid, asook in SuidAfrika (sy klakkelose skoothondjie) universiteitstoelating geweier ten gunste van swartes; dít natuurlik sonder inagname van verdienste. Van die feit dat hierdie soort praktyk op die langeduur glad nie in die belang van swartes is nie, eerder die teendeel, is die ideoloë skynbaar salig onbewus.
Onthou u nog die school busing in die VSA ? Gedurende die sewentiger- en tagtigerjare en selfs nou nog, word skoolkinders oral in Amerika soos troppe ganse met busse aangery van bakboord na stuurboord na swart skole sodat almal «gelyk» kan wees. Dis natuurlik ‘n gesonde beginsel van onderwysadministrasie om kinders te laat skoolgaan in die skool die naaste aan hulle woonplek.
Nog beter sou wees om hulle te huisves in die skool van hulle keuse. Maar nie in Amerika nie, die sg «mees vrye» land. Vry, maar die willose slaaf van ideologie.
Om besorg te wees oor ons minder bevoorregte broers en iets daaromtrent te doen, is goeie Christenmoraliteit. Die minder bevoorregte broers hoef natuurlik nie noodwendig swart, soos baie weldoeners skynbaar dink, te wees nie. Die einddoel hoef ook nie te wees om almal gelyk te maak nie. In die hande van politici, ideologies gedrewe akademici en joernaliste, met hulle betaalmeesters in die finansiële wêreld, word sulke besorgdhede snel verwring tot sinisme, eiebelang en geveinsdheid. Om geld uit staatsfondse in die naam van gelykheid en geregtigheid te pomp na die sakke van die massas in die derde wêreld is ‘n handige manier om markte te skep vir verbruikersgoedere en sodoende die rykes verder te verryk ten koste van die belastingbetaler. Iewers langs die pad het filantropiese en handelsoorwegings deurmekaar begin loop. Die «regte» ding word gedoen ten einde daaruit wins te maak.
Daar is diegene wat ons graag wil laat glo dat die ideologie van gelykheid christelik van oorsprong is. Christus het wel gesê : «Verkoop alles wat jy het, gee dit vir die armes en volg my». Die belangrike punt hier is egter nie «gee vir die armes» nie, maar «volg my». Hy het wel bedelaars en kreupeles liefgehad (of moet ons liewer die eufemismes gebruik?) en so ook die rykes en die armes en die slegte vrou. Hy het selfs die belastinggaarder liefgehad en dit wil gedoen wees! Daar is egter geen aanduiding dat Hy ‘n soort sosiale rewolusie wou ontketen en almal wou omvorm tot ‘n amorfe, massa insekte nie. Het Hy dan nie self êrens gesê nie, «Die armes sal julle altyd by julle hê». Feite van die lewe! Daar is sterk aanduidings vandag dat die kerke eerder ‘n blaadjie uit die boek van die gelykheids- sosiale rewolusie wil neem as andersom. Vir die Christen is die ideale koninkryk waar ons almal voor God gelyk sal wees, in die hiernamaals. Vir die sosiale rewolusionêr en die marxis is daar geen hiernamaals nie en moet die ideale koninkryk hier en nou geskep word. Dis ‘n verskil wat nooit uit die oog verloor moet word nie.
Daar is in elk geval geen aanduiding dat grootboetieregerings die rol van indiwidue moes oorneem en naasteliefde namens hulle moes beoefen nie. Naasteliefde en omgee vir ander is streng beperk tot verhoudings tussen indiwidue en sulke verantwoordelikhede kan nie aan die staat gedelegeer word nie. Die oogmerk van die Christelike leer is nie om aan indiwidue ‘n voorwendsel te verleen om hulle hande in onskuld te was en hulle verantwoordelikhede aan die staat oor te maak nie.
Ons weet almal wat geword het van die poging om ‘n gelyke staatsoorheerste samelewing in die Sowjetunie tot stand te bring: Geen vryheid, geen ekonomiese vooruitgang, hongersnood, korrupsie, verdrukking, miljoene dooies. Die kommunisties geëinspireerde stelsel in Suid-Afrika lyk vasberade om hierdie katastrofiese eksperiment voort te sit, maar minstens is hulle geslepe genoeg om ‘n mate van ekonomiese vryheid toe te laat vir ‘n handjie vol skeppende en produktiewe mense. Daar moet ten slotte ‘n belastingkoei wees om te melk sodat die vetkatte kan floreer en ‘n regter sewe jaar lank sy volle salaris kan trek sonder om ‘n vinger te verroer en ‘n hoof van die SABC ‘n salaris van 2,5 miljoen rand kan «verdien» sonder matriek en sodat ministers plase verniet kan kry waar hulle diere van verwaarlosing vrek.
Agter die rookskerm van stories oor die regstelling van «ongeregtighede» van die verlede, dring «ontluikende» lande knaend daarop aan dat ontwikkelde lande hulle ekonomieë moet rugsteun ten einde ongelykhede tussen die eerste en die derde wêreld uit te stryk. (Lees: pasellas uit te deel aan die vetkat- regerende elite.) Tog is daar geen groter ongelykheid as binne hierdie «ontluikende» lande self nie. Klein klieks met politieke mag in die hande word fabelagtig ryk binne die bestek van enkele jare soos sedert 1994 in SuidAfrika gebeur het, terwyl die massas, wat hulle so histeries op die hande dra, hoegenaamd nie «ontluik» nie en trouens steeds net nog armer word. Die vooruitsig dat die demokratiese utopie die towermiddel sou wees om die verwagtings van die massas te bevredig, was toe ook maar ‘n mite.
In hulle soeke na gelykheid, strewe die ideoloë konsekwent na gemiddeldheid (mediocrity). Uitnemendheid is byna ‘n vloekwoord. In sommige lande is daar agitasie dat skoolkinders nie meer eksamens moet skryf nie en wanneer hulle dan wel eksamens skryf, moet die uitslae nie bekend gemaak word nie omdat dit «ongelykheid» in die hand sal werk ; ‘n sprekende voorbeeld van die neiging van ideoloë om wanneer die feite nie met hulle obsessies strook nie, die feite «reg» te maak, te verwring of toe te smeer.
Uiteindelik bly die ideologie van «gelykheid» en «gelykmaking», beoefen as as ‘n soort van religie, net maar die doodste van alle katte.
Goeie more Karel. Nog ‘n uitstekende rubriek uit jou pen !
In die besonder, dankie vir die enkele teksverse uit DIE WOORD !
So effens van die berig af – lees ek netnou daar is ‘n nuwe SA-fliek wat binnekort begin draai in teaters. Hoe veragtelik, en ek kan my net voorstel die leuens daarin vervat en versprei. Ek hoop hierdie gemors sal geboikot word, alhoewel, die liberales sal stroom na teaters en selfs snesies saamneem …
– | –
Winnie, Pik saam in nuwe fliek
“Pik Botha groet Winnie Madikizela-Mandela eergisteraand by die bekendstelling van Plot for Peace, ’n nuwe dokumentêre fliek oor die einde van apartheid.
’n Nuwe dokumentêre fliek oor die einde van apartheid vertel die “geheime storie” van ’n Fransman wat ’n onsigbare onderhandelaar geword het in die stryd om apartheid te beëindig.
Pik Botha, ’n oudminister van buitelandse sake, en Winnie Madikizela-Mandela verskyn in Plot for Peace oor Jean-Yves Ollivier (Monsieur Jacques).
Dié fliek bevat ook onderhoude met huidige en voormalige staatshoofde, onder wie oudpress. Thabo Mbeki en Joachim Chissano van Mosambiek.
“(Hulle) dra intense getuienis van die geheime onderhandelinge.”
Ai as n ou se geld deur jou keel gaan is jy baie vinnig daarsonde rmoes seker maar plan maak vir n inkomste.
Foeitog, ja.
Die toonbeeld van ‘n moordenaar en ‘n verraaier. Ek kyk graag so diep in jou oë…………………………….
Hel, al wat ek kan sê is bly van my lyf af.
Karel die regering besef nie hoe maklik hulle dit vir ons maak om vir skoolkinders en jong volwassenes te oortuig dat ons nie dieselfde is nie.
Jammer my kind dat jy nie in jou rigting kan gaan studeer nie – die regering hou die plekke oop en betaal net vir swartes. Maar mamma ons mense betaal ook mos belasting? Nee kind ek weet nie hoekom die regering ons belasting alles net vir swartes gebruik nie. Maar Mamma……………
Hoekom is mamma en pappa hartseer? Pappa het nie die werk gekry nie oor sy vel wit is en hulle hou die werk net vir mense met swartvelle.
Hoekom net Jonas vir oupa en ouma dood gemaak? – Swartes hou nie van ons mense met witvelle nie.
Skitterend!
“Vir die sosiale rewolusionêr en die marxis is daar geen hiernamaals nie en moet die ideale koninkryk hier en nou geskep word. Dis ‘n verskil wat nooit uit die oog verloor moet word nie.”
Daardoor is in feite geen enkele spirituele verantwoordelijkheid, gekoppeld aan hogere moraliteit, te ontdekken in de levensovertuiging en houding van de Linkse, liberaal linkse, christelijk linkse, ultra linkse, zelfvoldane leidende kliek, die dan ook alleen maar blijven hameren op voorgeschotelde ‘technische vooruitgang’ welke in zich grotendeels hoogst twijfelachtig en hebzucht bevorderend is.
Ook is genoegelijk bekend dat evt. mooi opgepoetste productiecijfers t.m. van andere bijeen gelogen statistiek echt niet 1 op 1 ten goede komen aan welzijn en welvaart,
Ook in het rijk van grote gelijkheid met 70 miljoen doden vanaf 1917 de SU met topbeulen in de top, mochten enkele gelukkigen wel een klein stukje grond voor zichzelf bewerken en de producten onder elkaar verhandelen in een zeer bescheiden marktsituatie. (naast kolchoz en sovchoz)
Amper kan men hierbij om de recentelijke schrijnende aanmoediging een eigen groentetuintje te bewerken heen van rooie Partij voor destructieve Armoede Jette Kleinsma in Holland. Om het leed van de bejaarden die nog kunnen lopen en een volkstuintje ter grootte van een graf hebben, die stelselmatig worden verarmd en ook ‘uitgewist’ als Bolsjewistische etnische zuivering, na 50 jaar onverschrokken socialistisch leiderschap gedreven door multi culti tot de laatste gevende(genomen wordende) Nederlander boven alles, te verzachten.
Uiteraard hebben de socialistische bestuurspensionado’s ZELF een rijk bestaan in een klimaat van ” verraad jij mij of ik jou, eet jij mij of ik jou, èèn van ons twee moet de bajes(tronk) in of geëxecuteerd worden. (conform de woorden van Alexander Solzjenitsyn)
Ca va.
“Vir die sosiale rewolusionêr en die marxis is daar geen hiernamaals nie
en moet die ideale koninkryk hier en nou geskep word. Dis ‘n verskil
wat nooit uit die oog verloor moet word nie.”
Ek het nog altyd aan hierdie premis getwyfel. Die premis ondresteun nie die gevolgtrekking nie. As daar geen verantwoordbaarheid en hiernamaals is nie is daar ook geen rede om behoudend en versigtig op te tree nie. Die een wat dus die mag vir eie doeleindes en gebruik gryp kan doen net wat hy wil om dit reg te kry, want hy sal nooit hoef te antwoord nie. Ek dink dit handel meer oor selfsug, maar ek glo ook dat daar ‘n geestelike deel is. Ek glo ook dat ons almal ‘n geestelike meester het en die Bybel vertel ons mos dat die stryd nie tussen vlees en bloed is nie, maat tussen die geeste in die lug. Hierdie ouens stry net vir die ander span. Kyk maar na hul metodes (vrugte).
“Daar is in elk geval geen aanduiding dat grootboetieregerings die rol van indiwidue moes oorneem en naasteliefde namens hulle moes beoefen nie. Naasteliefde en omgee vir ander is streng beperk tot verhoudings tussen indiwidue en sulke verantwoordelikhede kan nie aan die staat gedelegeer word nie. Die oogmerk van die Christelike leer is nie om aan indiwidue ‘n voorwendsel te verleen om hulle hande in onskuld te was en hulle verantwoordelikhede aan die staat oor te maak nie.”
Goeiemiddag Hans – n Raakvat perspektief. Dit is presies wat gebeur – Baie dankie vir hierdie waarheid wat nog nooit raakgesien is of by die naam genoem is nie.
goedemiddag ook Riempies.
Altijd weer een genoegen ook om heldere realistische PRAAG schrijvers te kunnen lezen.
“In hulle soeke na gelykheid, strewe die ideoloë konsekwent na gemiddeldheid (mediocrity).” Hierin lê ‘n groot waarheid – dit geld vir enige “verstands” dinge – bv denke, akademiese prestasie ens. As dit egter by die sportveld kom dan word die vinnigste en die sterkste en die mooiste verafgod. (Ja selfs in ons skole)
Ongelukkig is die nastreef van hierdie ideaal dat almal “gelyk middelmatig” moet wees onmoontlik – alles verval gewoonlik na die kleinste gemene deler – in my opinie alles verval na die laagste vlak van prestasie – dis nou maar eenmaal menslike natuur. Kyk maar in ‘n werksomgewing waar party hard werk en ander lui is maar tog dieselfde salaris verdien. In meeste gevalle val almal se produktiwiteit tot die van die luiste. My punt is – dinge word gewoonlik veel swakker as die “gemiddelde” as uitenemendheid nie nagestreef word nie.
100% korrek Rooikop. As ‘n mens jou gemiddeldheid ten doel stel, dan bereik jy die laagste.
Vryheid, gelykheid en broederskap was die onhaalbare/onwerklike slagspreuk van die ongeletterde gepeupel wat deur die Katolieke kerk en aristokrasie mislei en uitgebuit is.
Vandag vroegoggend het RSG dit goedgedink om aan n engelse iemand n seepkissie aan te bied om lofsange vir die vatikaan te sing oor hulle wonderlike liefdevolle uitsprake, dat almal gelyk en dieselfde is, en almal vir almal moet lief wees want eintlik is hulle almal net dieselfde mense.
Ja dis waar – en die Vrymesselaars het daarmee die Franse Revolusie veroorsaak.
Dink net hoedat die skelm VM die Zulus en die Boerevolke in bloedige onderwerpings oorloe en verskroeide aarde verdelg het.
Nou kan die Zulus en Afrikaners saamstaan met ons grondeise – of hoe.?
Dat alle mense die reg het op gelyke menseregte en geleenthede – Ja daarmee stem ek saam.Om egter te sê dat alle mense eenders is – is op die minste gesê kranksinnig.
Niemand verduidelik dit beter as die NSA se ANC regering deur self onderskeid te maak deur van die anderste blankes weg te neem en vir hulle eie swartes te gee.
U het seker gesien dat die Suid-Afrikaanse Onderwysersunie nou wil hê dat die name van die toppresterende skole en leerlinge nie meer bekend gemaak moet word nie. Middelmatig, vaal, univormig, saai. Dit is die lied van die “nuwe” Suid-Afrika.