Etiket: kindertoelaes

Swart ma gooi kind in veld weg

‘n Een-en-twintigjarige swart ma verskyn na verwagting vandag weer op Christiana in die landdroshof nadat sy glo haar pasgebore baba in ‘n veld weggegooi het.

Die vrou, wat tereg staan op aanklagte van poging tot moord en kinderverwaarlosing, bly in aanhouding.

Volgens Noordwes-polisiewoordvoerder, Pelonomi Makau, het sy die plek waar sy die seuntjie gelos het aan die polisie uitgewys.

Makau sê die seuntjie is op 22 Desember in die hospitaal gebore en twee dae later saam met sy ma ontslaan. Sy het egter nie met die kind huis toe gekeer nie.

Teen 22:00 die aand het sy oumagrootjie die polisie van die verdwyning laat weet.

Die swart ma is ondervra, waarna sy die polisie na haar baba, wat verlate in struike gelê het, geneem het. Die baba is as voorsorgmaatreël hospitaal toe geneem. Hy het geen sigbare beserings nie.

Talle sulke gevalle word aangemeld waar die ma steeds kindertoelaes ontvang, maar nie meer vir die kind hoef te sorg nie.

Twintigduisend, ook laerskoolkinders swanger in 2014

Die ANC se kindertoelaes vernietig onderwys, sê kenners, omdat skoolkinders deur die maandelikse uitkerings gelok word om kinders te baar.

Meer as 20 000 leerlinge het verlede jaar swanger geraak. Dit is nie bekend hoeveel wit kinders swanger geraak het nie.

Volgens die departement van basiese onderwys was 223 van dié leerlinge nog in laerskole.

Die hoogste aantal swangerskappe was in Gauteng waar 5000 leerders swanger geraak het, gevolg deur die Oos-Kaap met 3000.

Die Seme hoërskool in Mpumalanga het die meeste swangerskappe gehad met 77 leerlinge wat swanger geraak het.

Die KT Twala-laerskool in Mpumalanga het 13 swangerskappe gehad – die hoogste getal onder laerskole in die land.

Zuma vaar uit teen tienerswangerskappe

President Jacob Zuma het in ‘n toespraak in die Parlement beklemtoon dat swart tienermoeders geskei moet word van hul babas, totdat hulle hul skoolopleiding voltooi.

“Hulle moet geneem word en gedwing word om skool te gaan, ver weg,” het hy gesê in sy reaksie Dinsdag tydens die debat oor sy toespraak voor tradisionele leiers.
 
“Hulle moet opgevoed word deur die regering totdat hulle bemagtig word en hulle kan sorg vir hul kinders. Neem hulle na Robbeneiland of enige ander eiland, laat hulle daar sit, studeer totdat hulle gekwalifiseer is om terug te kom om te kyk na hul kinders.”
 
Zuma het erken dat toe hy die eerste keer die mening uitgespreek het tydens sy 2009-verkiesingsveldtog, dit omstredenheid veroorsaak het, maar het gesê tienermoeders wat die skool verlaat blyk ‘n onhoudbare las op die samelewing en die staat se welsyn te wees.
 
“Die vroue het gekla ek wil hul kinders weg van hulle wil neem en bla, bla, bla,” het hy gesê.
 
Hy het gesê kinders word só die ouers van kinders, en “hulle weet niks daarvan nie”.
 
Hy het gesê deur tienermoeders te dwing om skoolopleiding te voltooi, sal ‘n tendens om grootouers se pensioen te misbruik vir kindersorg, keer.
 
“Die werklikheid is jy het kinders het met kinders. Hulle weet nie hoe om ‘n kind op te voed nie, hoe om te kyk na hulle nie. Hulle is ‘n las vir oumas, vir die samelewing. So hoekom moet ons net sit en kyk?”
 
Die president het gesê tienerswangerskappe was iets vreemds in vroeër tye toe tradisionele kulture nog gerespekteer was.
 
“Daar was geen swangerskappe van tieners nie en mense het gesinne op die regte tyd gevestig. Hoekom kan ons dit nie doen nie?”
 
Hy het ook voorgestel dat welsyntoelaes nie in kontant betaal word nie, maar as koepons om te voorkom dat ouers dit misbruik.
 
Hy het gesê die koepons moet vir kos, skoolklere of skoolgeld aangewend word, sodat die geld nie gebruik sal word vir enigiets behalwe die behoeftes van die kind nie.
 
“Dit is ‘n kwessie om oor te praat… want geen moeder sal ‘n koepon neem na… wat is daardie plek vir hare? ‘n Salon nie.”