Internasionale nuus – Bladsy 100

Brittanje vra vir Veiligheidsraadsessie oor humanit?re toestand in Zimbabwe

Brittanje se VN-ambassadeur het gister vir ’n Veiligheidsraadvoorligtingsessie oor die humanitêre situasie in Zimbabwe gevra, met verwysing na die onlangse aanval op die land se opposisieleier, aanhoudende verdrukking en ’n ekonomiese ineenstorting.

Emyr Jones Parry het gesê dat hy voorligting van die VN-sekretariaat aanvra vanweë “die onmoontlikheid van die situasie”, wat ’n inflasiekoers van 1740 persent insluit, asook die implikasies vir die gewone mense van Zimbabwe en potensiële invloed op die streek.

In ’n ander verklaring het hy gesê dat Brittanje – Zimbabwe se vorige koloniale heerser – ook ’n volle bespreking oor onlangse gebeure in die land by die VN-menseregteraad in Genève aanvra.

Zimbabwe se opposisieleier, Morgan Tsvangirai, wat verlede Sondag na bewering ernstig deur die polisie aangerand is, het gister huistoe gegaan na sy ontslag uit die hospitaal maar het steeds aan floutes gely, volgens sy personeel. Hy en ander leiers en aktiviste is gearresteer terwyl hulle ’n gebedsbyeenkoms van ’n opposisie-alliansie van kerklike, studente- en burgerlike groepe bygewoon het.

President Robert Mugabe se kritici beskuldig hom van verdrukking en korrupsie, en blameer hom vir ernstige voedseltekorte, asook die wêreld se hoogste inflasiesyfer. Sondag se geweld het die toenemende spanning in die stedelike vestings van die opposisie verhoog en het vrae oor hoe lank die 83-jarige leier nog sy stywe greep op politieke mag kan behou, opnuut aan die orde gestel.

Mugabe het uitgevaar teen Westerse ondersteuning vir wat hy gewelddadige opposisie-aktiviste noem en het sy toenemende aantal kritici aangesê om “hulleself te gaan ophang”. Hy het opposisie-militantes teen aanhitsing gewaarsku een ook gedreig: “As hulle dit weer doen, sal ons hulle weer looi.”

Jones Parry het gesê dat “in die lig van die ekonomiese ineenstorting tesame met die politieke situasie en nou hierdie brutaliteit, dink ek dis reg dat ons so ’n voorligtingsessie aanvra”.

Hy het gesê dat daar geen teenkanting teen sy versoek was nie en “my veronderstelling is dat dit gaan gebeur”. Volgens Jones Parry is Zimbabwe formeel op die Veiligheidsraad se sakelys geplaas.

Suid-Afrika se ambassadeur, Dumisani Kumalo, die huidige Veiligheidsraadvoorsitter, het gesê sy regering glo nie die Zimabwe-kwessie hoort by die Veiligheidsraad nie. “Dis nie ’n saak wat internasionale vrede en veiligheid bedreig nie,” het hy gesê. “Daarom is dit ongewoon om dit na hierdie raad te verwys. Maar al waarvoor daar gevra word is dat die sekretariaat die raad oor die situasie inlig sodra dit gereed is.”

Лобановский Харьков

IMF pleit vir “voorspelbare” hulp aan Afrika

Rodrigo Rato

Die direkteur-generaal van die Internasionale Monetêre Fonds (IMF), Rodrigo Rato, het vandag in Kaapstad gepleit vir hulp aan Afrika wat meer “voorspelbaar” sal wees.

“Die verskillende voorwaardes wat aan hulp gekoppel word, verteenwoordig ‘n ongelooflike en toenemende las (vir die Afrikalande) en sulke hulp is boonop nie voorspelbaar nie,” het mnr. Rato tydens ‘n simposium in die Kaap verklaar.

“Dis dikwels baie moeilik vir lande wat bronne van buite nodig het om in staat te wees om te beplan… as daar nie genoeg voorspelbaarheid aan die vloei van hulp is nie,” het hy bygevoeg.

Volgens die minister van finansies, Trevor Manuel, het hulp aan Afrika suid van die Sahara oor die afgelope jare merkbaar gedaal: in 2005 het sodangie hulp 30% van die wêreldtotaal verteenwoordig, teenoor 35% twee jaar tevore.

светодиодный уличный

VN voorspel grootskaalse migrasie

Luidens ‘n berig in die Britse dagblad, The Telegraph, raam die VN dat die ryk Noorde elke jaar tot en met 2050 deur ‘n konstante stroom van 2,2 miljoen immigrante aangevul gaan word. Die VK se bevolking sal in dié tydperk van 60 miljoen na 69 miljoen toeneem uitsluitlik te danke aan nuwe aankomelinge.

Dit volg uit die jongste verslag wat die VN se bevolkingsafdeling gister bekend gestel het oor die volgende vier dekades se migrasiestrome en hoe die globale prentjie vir altyd daardeur geraak en verander gaan word.

Daar sal in Afrika, Asië en die Midde-Ooste miljarde mense meer as in Europa en Amerika wees, terwyl inheemse bevolkings in ryk lande sal afneem of stagneer.

Die wêreldbevolking sal met 2,5 miljard toeneem en teen 2050 sal daar 9,2 miljard mense op aarde wees. Net die toename self is reeds gelykstaande aan die wêreldbevolkingtal soos dit in 1950 daar uitgesien het.

Sommige lande gaan sodoende eksponesieel groei en ander gaan dramaties krimp. Die VN voorspel dat die oostelike dele van Europa en die eertydse kommunistiese wêreld danksy emigrasie en knaend lae geboortesyfers gaan ontvolk.

‘n Land soos Bulgarye sal teen 2050 meer as ‘n derde van sy bevolking afstaan, terwyl die Oekraïene ook met nagenoeg ‘n derde sal krimp. Rusland se inwoners sal met 25% verminder en Pole met 20%. In Duitsland word 10% minder Duitsers vir die toekoms voorsien en in Italië 7%.

Die vloei van immigrante sal egter veroorsaak dat ontwikkelde lande se bevolkings deur vreemde besetting sal groei soos nog nooit tevore in die gekiedenis nie. Die bevolkingstal van die ontwikkelde wêreld word geraam op ‘n stabiele 1,2 miljard indien netto-immigrasie nie ‘n ingereken word nie.

Tussen 1970 en 1980 het ryk lande ongeveer ‘n miljoen immigrante ingeneem, maar vir die komende 43 jaar gaan daardie getal verdubbel.

‘n Halfmiljoen van die nuwe burgers sal uit Afrika kom en 1,2 miljoen uit Asië. Verskille in rykdom sal die vernaamste aantrekkingskrag wees. Die druk wat groeiende bevolkings egter binne hulle eie lande sal uitoefen, sal ook ‘n rol speel om die massaverskuiwing teweeg te bring.

Teen 2050 sal Indië die grootste bevolking op aarde hê met 1,7 miljard mense in totaal. Lande soos Pakistan en Nigerië sal net duskant 300 miljoen te staan kom. Oeganda sal styg tot 93 miljoen, groter as sy bure Kenia en Tanzanië.

Waterskaarste en arm landbougrond sal van die gevolge van hoë bevolkingsdruk wees. Tans sukkel Malawi byvoorbeeld om 13 miljoen mense te voed omdat die grond toenemend uitgeput raak en minder drakrag bevat.

Malawi sal, volgens die VN se vooruitsig, teen 2050 met ‘n bevolking van 32 miljoen opgesaal wees, meer as dubbel soveel mense wat water en voedsel vra. Om te kan oorleef sal Malawiërs dan ongetwyfeld op internasionale voedselhulp aangewese wees.

registration no

Duisende betoog in China

Duisende ontstoke Chinese boere en afgedankte plaaswerkers het Maandag in die Hunan-provinsie van sentraal-China tot geweld oorgegaan en polisievoertuie bestorm en aan die brand gesteek in ‘n reeks van vele optogte.

Nege polisievoertuie is uitgebrand toe nagenoeg 20 000 mense 1000 gewapende polisielede bestorm het in net een insident, berig Reuters. Blykbaar is korrupsie onder regeringsamptenary een van die vernaamste oorsake van dié spanning.

Op die webblad genaamd www.boxun.com wat op die Chinese vasteland geblokkeer word vanweë die kritiek wat dit bevat, word beweer dat stygende vervoerkoste tot die uitbraak van geweld aanleiding gegee het.

Die Chinese owerhede het egter in ‘n verklaring gesê dat die onrus onder beheer is en dat die aanstigters aangehou word. Volgens dieselfde bron was die aantal “massa-insidente” – dit sluit optogte, petisies en protes in – in die laaste jaar 23 000. Die regering voel himself skynbaar verbind daartoe om die aansienlike verskille in rykdom tussen die 750 miljoen boere op die platteland en stedelinge aan te spreek.

Vroeër die jaar het ‘n deskundige, Dr. Albert Keidel, voor ‘n Amerikaanse kommissie belas met ‘n oorsig oor ekonomiese en veiligheidsaangeleenthede tussen die VSA en China, getuig dat “spontane” oproer, geweld en sterftes in die wêreld se mees snelgroeiende ekonomie tans algemeen voorkom.

Volgens Joshua Muldavin wat 8 jaar op die Chinese platteland deurgebring het en ook verslag gedoen het, het die Chinese minister van Openbare Veiligheid erken dat daar in 2005 soveel as 87 000 “insidente” was waar meer as 15 mense by betrokke was. Dit verteenwoordig ‘n toename van 6,5% teenoor die vorige jaar.

Prof. Muldavin sê voorts dat die Chinese regering se manier om kleinboere se grond goedsmoeds te konfiskeer vir die oprigting van nywerhede en nuwe ontwikkeling aanleiding gegee het tot die gesegde van ‘n “twee-mond” lappie grond, dws ‘n stukkie grond wat te klein is om vyf monde mee te voed. Hierdie boere word dan noodgedwonge deel van die migrasiestroom van 200 miljoen wat die stede aandurf op soek na ‘n leefbare heenkome.

Trouens, Muldavin meen dat die grondkwessie ‘n “tydbom” kan wees omdat kleinboere nie behoorlik vir hul grond vergoed word nie en ook nie hul griewe na behore gelug kry nie. Hy sê dat dit toenemend lei na die delegitimering van staatsgesag in die armer provinsies.

Verslae wat onlangs oor hierdie aangeleenthede aan die Amerikaanse Kongres voorgelê is, kan by www.uscc.gov. bekom word.

липецк оборудование

Aalmoes aan Liberi

Johnson-Sirleaf

Suid-Afrika gaan ’n gedeelte van Liberië se skuld aan die Afrika Ontwikkelingsbank betaal. Die bedrag beloop meer as R26 miljoen, is Donderdag bekendgemaak. Die kabinet het Woensdag ’n versoek van die bank goedgekeur dat Suid-Afrika die uitstaande skuld namens Liberië vereffen.

Liberië het ’n bevolking van drie miljoen mense, waarvan ongeveer 80% onder die broodlyn leef. Nogtans het die land tans die hoogste bevolkingsgroei ter wêreld, naamlik 4.91%.

Ellen Johnson-Sirleaf is die Liberiese president en ook die eerste verkose vroulike staatshoof in Afrika. Sy is tans besig met ’n veldtog om die land se buitelandse skuld van nagenoeg 3.5 miljard dollar te laat afskryf.

Die oudste staatshoof ter w?reld

Abdoulaye Wade, president van Senegal, is tydens die eerste rondte van die presidensiële verkiesing op 27 Februarie as staatshoof herkies. Hy is op 80-jarige ouderdom die oudste president ter wêreld.

Wade: Kom, stemvee, kom…

Vyftien kandidate het aan die verkiesing deelgeneem. Reeds voor Sondag se verkiesing het Wade gespog dat die beplande tweede rondte nie nodig sou wees nie, aangesien hy ’n volstrekte meerderheid sou behaal. Sy voorspelling is toe bewaarheid.

Wade het ongeveer 55% van die stemme behaal, teenoor 15% vir die gewese eerste minister, Idrissa Seck, wat die tweede posisie ingeneem het. Volgens internasionale waarnemers wat die verkiesing gemonitor het, was daar nie veel ongerymdhede nie.

Wade is ’n voormalige opponent van oud president Léopold Senghor, of “die vader van die nasie” soos hy ook bekend gestaan het. Hy het ’n lewendige belangstelling in argitektuur. In sy presidensiële paleis in Dakar het hy spesiaal ’n vertrek laat inrig vir die modelle van sy stedelike projekte. Hy het nou al verskeie brûe, paaie, glasgeboue en universiteite laat oprig. Hy is baie gesteld op sy beeld as ’n moderne staatshoof. Sy nepotisme en vele bouprojekte word egter deur sy vyande gekritiseer. Wade doen sy bes om goeie betrekkinge met Frankryk en die VSA te handhaaf en om op goeie voet met die pers te bly. Sy pogings om in Afrika-konflikte te bemiddel, was tot dusver onsuksesvol.

In 2002 is president Wade met groot entoesiasme vir die eerste keer verkies. Vir die eerste maal sedert 1960 is die Sosialiste se houvas op die land verbreek. Wade het verandering aan sy kiesers belowe en veral die jongmense het baie van hom verwag. Hy het egter nie veel bereik nie. Armoede en werkloosheid heers steeds in ’n land waar helfte van die bevolking van elf miljoen mense jonger as twintig is en 100 000 persone jaarliks desperaat tot die arbeidsmark toetree.

Honderde jeugdiges probeer maandeliks om by die Kanariese Eilande uit te kom, in ’n poging om Spanje te bereik en ’n nuwe lewe te begin. “Barcelona of die dood” is hulle leuse, en vele van hulle verdrink dan ook voor hulle hul bestemming bereik.

Wade mag dalk spog met sy land as die “demokratiese uitstalvenster van Afrika”, maar sy onvermoë om die Senegalese ekonomie op koers te kry, gaan deel van sy nalatenskap wees.

Carvinal Royale

Amerikaanse oorlogskip na Somali? teen seerowers

‘n Amerikaanse oorlogskip is na die kus van Somalië gestuur waar ‘n vragskip wat deur die Verenigde Nasies gehuur is deur seerowers gekaap is.

VN-personeel sê die gekaapte skip, die MV Rozen, lê tans geanker nadat dit voedselhulp aan noord-oostelike Somalië gelewer het.

Daar is geen berigte van eise wat deur die seerowers aan boord gestel is nie. Hulle is gewapen met AK-47’s, maar dis nie bekend of enige van die 12 skeepslui beseer is nie.

Seerowery kom algemeen in Somalië voor, maar het gedurende die onlangse Islamitiese heerskappy tot stilstand gekom.

Sedert die omverwerping van die Unie van Islamitiese Howe aan die einde van verlede jaar, is Somalië egter besig om te verval in die geweld en chaos wat oor die vorige 16 jaar gesien is en hierdie jongste insident het vrese van ‘n hervatting van wetteloosheid ter see laat herrys.

‘n Segsman vir die Wêreldvoedselprogram, Said Warsame, sê die Amerikaanse oorlogskip is steeds in internasionale waters, maar dit is besig om die hawe van Bargal in die Puntlandgebied te nader waar die MV Rozen vasgemeer is.

VS-amptenare in Nairobi het nog nie die berigte bevestig nie.

“Die administrasie in Puntland is betrokke by pogings om die vrylating van die vaartuig en sy bemanning te verseker,” het mnr. Warsame gesê.

Puntland se minister van hawens, Saïd Mohamed Raage het gesê dat drie polisiesnelbote beplan het om die seerowers te omsingel.

Die bemanning bestaan uit ses Keniane en ses Sri Lankane, waaronder die kaptein.

“Ons het hulle gevra om nie verder te gaan nie want ons grootste bekommernis is die veiligheid van die 12 bemanningslede aan boord,” het kol. Abdi Ali Hagafe gesê.

Die Wêreldvoedselprogram sê daar was tot dusver geen lospryseise nie.

“Ons weet dis gekaap deur seerowers maar ons weet nie hoeveel seerowers daar is nie,” het Stephanie Sevariaud van die Wêreldvoedselprogram gesê.

Me. Savariaud het gesê die Rozen het 1800 ton voedselhulp aan die semi-outonome Puntlandgebied van Somalië afgelewer en was besig om na sy tuishawe van Mombasa in Kenia terug te keer.

Die Rozen is verlede jaar net buite ‘n hawe suid van Mogadisjoe aangeval, maar het toe daarin geslaag om die seerowers te ontwyk, het die WVP gesê.

In Oktober het Kenia ‘n groep Somaliese seerowers tronk toe gestuur nadat hulle deur die Amerikaanse vloot neffens die kus van Somalië gevang is.

Intussen is vyf mense beseer toe ‘n onbekende aanvaller ‘n ploftoestel na ‘n stalletjie geslinger het wat brandstof in die Somaliese hoofstad, Mogadisjoe, verkoop.

‘n Polisiebeampte is onder diegene wat deur die ontploffing in die noorde van die hoofstad gewond is.

Ooggetuies het gesê die aanvaller wat in ‘n voertuig wat van die toneel weggejaag het, het ontsnap.

hair accessories

VSA stuur misdadigers as soldate na Irak

Sedert die begin van 2003 het daar reeds 3136 Amerikaanse soldate in Irak gesneuwel. Om die tekorte aan personeel op die terrein aan te vul, het die Pentagon vandeesweek bekend gemaak dat die National Guard gevra gaan word om nog 14 000 soldate vir diens beskikbaar te stel.

Dit kom ná ‘n oproep van die owerhede aan die einde van verlede jaar dat 2 500 reserviste van die vloot inderhaas moet aanmeld vir “nie-vrywillige” diens.

Die State Department kon tewens ook nie genoeg vrywilligers vind om die 350 poste van diplomate en buitelandse personeel in Irak te vul nie, en moes met 200 tevrede wees. Dit ten spyte van aansienlike vergoedingspakette wat aangebied was om alle risiko te dek.

Die vakante poste word nou tydelik deur militêre personeel gevul om die nypende problem die hoof te bied.

Die VSA se weermag van 1,4 miljoen mense het byna die perke van sy vermoë bereik met moeilike en uitgerekte opdragte nie net in Irak nie maar ook in Afghanistan.

Om kwotas te vul word standaarde en aansluitingskriteria aanhoudend verlaag. Trouens 8 129 oud-kriminele het laasjaar aangemeld as soldate. Dié syfer behels 10% van nuwe innames en dui eweneens op ‘n toename van 65% in vergelyking met 2003, die jaar toe Irak binnegeval is.

Diegene wat op hierdie manier toegang verkry het tot die weermag is dikwels nie fisies besonder geskik vir hul taak nie vanweë probleme soos oorgewig, maar die meeste het ‘n rekord van inbraak, ernstige aanranding of manslag.

Die New York Times berig dat die weermag ‘n soort bose kringloop betree het met hierdie verlaging in standaarde waaruit hulle moeilik sal ontsnap. In 2005 is 20 soldate verhoor na ‘n menseslagting in Haditha, en in 2006 in Hamdaniya en Mahmoudiya is 5 soldate verhoor vir die verkragting van ‘n 14-jarige. Steven Green wat skuldig bevind is op alle aanklagte het ‘n geskiedenis van aanranding met die doel om te beseer.

для автодиагностики

Suid-Afrikaner beskuldig Israel van ‘apartheid’

Genève – ‘n onafhanklike verslag wat deur die Verenigde Nasies aangevra is, vergelyk Israel se optrede op die Wesoewer en Gazastrook met apartheid in Suid-Afrika – ‘n aanklag wat snydende ontkennings van Israel ontlok het.

John Dugard

Die verslag is opgestel deur John Dugard, ‘n Suid-Afrikaanse regsgeleerde wat voorheen aan die Universiteit van die Witwatersrand gedoseer het en oorspronklik aan Stellenbosch gestudeer het. Tans is Dugard die sogenaamde onafhanklike ondersoeker na die Israeli-Palestynse konflik vir die VN se Menseregteraad. Sy verslag sal eers aanstaande maand voorgelê word, maar is reeds op dié liggaam se webwerf beskikbaar.

In die verslag sê Dugard dat “Israeli-wette en –praktyk in die (Palestynse gebiede) kom beslis ooreen met aspekte van apartheid”.

Die verslag sit ‘n hele lys van klagtes jeens die Joodse staat uiteen wat wissel van beperkinge op Palestynse bewegings, huise wat platgestoot word en voorkeurbehandeling wat aan Joodse setlaars op die Wesoewer gegee word.

“Kan dit ernstig ontken word dat die doel van sulke optrede is om oorheersing deur een rassegroep – Jode – oor ‘n ander rassegroep – Palestyne – tot stand te bring en te handhaaf, asook om hulle sistematies te onderdruk?” skryf hy in die verslag.

Israel hou vol dat sy optrede bedoel is om Palestynse selfmoordbomme te verhoed, asook ander aanvalle wat meer as 1 000 Israeli’s oor die afgelope ses jaar gedood het. Amptenare het gesê dat geweld in 2000 uitgebreek het nadat Israel se voorstel verwerp is om die grootste gedeelte van die Wesoewer en Gaza in ruil vir vrede te verlaat.

Israel se ambassadeur in Genève het Dugard gekritiseer omdat hy slegs die Joodse staat aanval.

“Enige gevolgtrekkings wat hy mag maak is daarom fundamenteel skeef en opsetlik bevooroordeeld,” het Yitzhak Levanon gesê.

Die verslag sal aanstaande maand by die Menseregteraad wat uit 47 nasies bestaan, voorgelê word. Die nuwe liggaam is wyd gekritiseer – selfs deur die stigter, die vorige VN-sekretaris-generaal Kofi Annan – omdat slegs ‘n enkele regering ter wêreld, dié van Israel, oor beweerde vergrype uitgesonder word.

Dugard se verslag beweer dat beide kante oorlogsmisdade gepleeg het, maar hy rig sy felste kritiek op Israel.

“Dit is van toepassing op Palestyne wat Kwassam-vuurpyle in Israel inskiet; en soveel te meer op lede van die Israeli-weermag wat sulke misdade op ‘n veel groter skaal gepleeg het,” skryf hy.

Dugard is in 2001 aangestel as ‘n onbetaalde deskundige by die vorige VN-menseregtekommissie wat slegs oortredings van die Israeli-kant ondersoek het, wat Israel en die Verenigde State daartoe oorreed het om sy verslae as eensydig te verwerp. Israel het geweier om hom toe te laat om ‘n feitesending ten opsigte van sy Gaza-offensief verlede somer te onderneem.

Die vorige Amerikaanse president, Jimmy Carter, is verlede jaar gekritiseer weens die titel van sy mees onlangse boek oor die Israeli-Palestynse vredesproses, Palestine: Peace not Apartheid.

Die verwysing na apartheid het sekere Joodse leiers ontstel omdat dit skynbaar die Suid-Afrikaanse stelsel met Israel se behandeling van Palestyne gelykstel.

Carter het geantwoord dat sy gebruik van die term “apartheid” nie van toepassing was op omstandighede in Israel self nie, en dat hy verwys het na die begeerte van ‘n minderheid Israeli’s vir Palestynse grondgebied en die gevolglike gewelddadige onderdrukking van betogings.

best free

Die einde van ‘Fran?afrique’?

Jacques Chirac

Die spitsberaad tussen die Franse staatshoof Jacques Chirac en Afrikaleiers het Vrydag in Cannes, Frankryk, ten einde geloop. Waarnemers sien hierdie byeenkoms as die einde van die dekadelange eksklusiewe verhouding tussen Frankryk en sy voormalige kolonies. Vir die eerste keer het die Duitse kanselier, Angela Merkel, die beraad bygewoon.

In sy openingstoespraak het Chirac na Afrika as “die wieg van die mensdom” verwys. Dit is die laaste beraad met Afrika wat hy as Franse staatshoof bygewoon het. Hy het lank uitgebrei oor die konsep van Frankryk se “vennootskap” met die vasteland, maar dit was Angela Merkel wat dit die duidelikste gestel het: “Dít wat ons in Europa reggekry het, moet ook op julle vasteland gebeur,” het sy gesê. Sy het verwys na haar eie jeug in Oos-Duitsland en die “onmoontlikheid” om haar die idee van vryheid, die val van die Berlynse Muur en ‘n Europese Unie bestaande uit 27 lande voor te stel. “Ons wil julle help om hierdie droom vir julle vasteland te verwesenlik. Dit is ons taak,” het sy liries voortgegaan.

Angela Merkel het die beraad in haar hoedanigheid as voorsitter van die Europese Unie en die G8-groep bygewoon. Die Europese Unie (EU) raak toenemend betrokke in Afrika. Die eerste beraad tussen die EU en Afrika het reeds in 2000 plaasgevind. Tans word daar oor die tiende jaarlikse hulpverleningsfonds aan Afrika onderhandel. Teen 2010 wil die EU ‘n Afrika-taakmag op die been bring wat uit vyf streeksmagte sal bestaan.

Dit wil voorkom of die EU se rol in Afrika besig is om dié van Frankryk te oorskadu. Die Ivoorkus-koerant, Fraternité-Matin, beskryf die pas afgelope beraad as Chirac se “afskeid aan ‘n era.”

Tydens die beraad is ‘n verklaring uitgereik waarin die regering van Guinee gewaarsku is om die huidige onrus in die land met omsigtigheid te hanteer. Wat Darfoer betref, het die kongresgangers misluk in hulle pogings om ‘n oplossing te vind. Omar el-Bachir, president van die Soedan, het naamlik geweier om VN-magte in die streek toe te laat.

Chirac het vriend en vyand verbaas deur in sy laaste toespraak voor die staatshoofde verdaag het uitdruklik na die rol van China op die vasteland te verwys. Hy het China geprys “vir hierdie nuwe band wat tussen Afrika en China gesmee word.”

In April vanjaar stem die Franse vir ‘n nuwe president. Chirac het sy opvolger tydens die Cannes-beraad gewaarsku om nie die belangrikheid van Afrika te onderskat nie. Hy was bekend vir sy persoonlike vriendskappe met sekere Afrikaleiers – ‘n beleid wat nie noodwendig deur sy opvolger voortgesit sal word nie. Die volgende beraad tussen Afrikalande en Frankryk sal in 2009 in Kaïro plaasvind.

Александр Фильчаков

ANC knoop bande met Bolivia

Evo Morales

’n Senior ANC-afvaardiging is pas terug uit Bolivia waar hulle die eerste demokraties verkose inheemse president, Evo Morales, kon oortuig om Suid-Afrika te kom besoek.

Morales se oorwinning meer as ’n jaar gelede het kommer by ontwikkelde en buurlande laat posvat dat hy nie Bolivia se beste belange dien deur aan te dring op die wettiging van die verbode dwelm kokaïen nie.

Daarbenewens is Morales besig om privaatbates vir die staat toe te eien deur die nasionalisering van aardgasaanlegte.

Bolivia is een van die armste lande in Suid-Amerika waar die koka-plant deur ’n grootliks landelike bevolking verbou word, ten spyte van die land se aansienlike gas- en olie-reserwes.

Die SAKP se sekretaris-generaal Blade Nzimande, Cosatu se sekretaris-generaal Zwekinzima Vavi asook verteenwoordigers van die ANC-jeugliga en lede van die nasionale uitvoerende komitee se besoek is deur Kgalema Motlanthe as “hoogs geslaagd” beskryf.

As rede voer Motlanthe aan dat die ANC en Morales se Beweging vir Sosialisme in Bolivia – die akroniem in Spaans is MAS wat ook “meer” beteken – onderskeidelik politieke leiers op hul gebied is en dat daar nou meer as ’n sistematiese verhouding tussen die twee gevorm is na afloop van die onlangse besoek.

Motlanthe het benadruk dat albei politieke bewegings uit ’n soortgelyke geskiedenis van kolonialisme en marginalisering gebore is. Bolivia lê tans groot klem op die gebruik van inheemse tale wat danksy Spaans tot 37% gekrimp het deur inheemse leerplanne in skole aan te moedig.

Motlanthe het egter bygevoeg dat “alle oplossings nie meganies van een land tot die ander toegepas kan word nie.”

Nobelpryswenner het voorheen sy lidmaatskap van Waffen-SS erken

G?nter Grass

Skrywer en Nobelpryswenner, Günter Grass (79), wat sedert verlede jaar midde in ’n politieke storm verkeer nadat hy erken het dat hy deel was van die Waffen-SS tydens die Tweede Wêreldoorlog in sy nuwe outobiografie, het ’n nuwe verweer.

Die Duitse Radio Bremen het bekend gemaak dat Grass in 1986 tydens ’n onderhoud wel indirek verwys het na sy verlede as soldaat. Dié radiostasie sou dele van die onderhoud wat in die argiewe bewaar gebly het weer gister, Vrydag 9 Februarie, uitsaai.

Die onderhoud het deel uitgemaak van ’n reeks getiteld “Toe ek 17 jaar oud was”. Daarin vertel Grass aan literêre joernalis Irmgard Bach dat hy na die Oosfront gestuur is as lid van die Waffen-SS waar hy eers in Silesië gedien het en daarna in Berlyn.

“Dit was Marskompanieë genoem waar seuns van 16, 17 saam met oueres van 50 of 60 gedien het, die oorblyfsels van die Volkssturm en die manne van die Waffen-SS" sê Grass in die onderhoud wat nou 39 jaar later opnuut groot belangstelling wek.

Kritici het tot dusver vir Grass verkwalik dat hy nie eerder sy verlede bekend gemaak het nie.

ла ла лупси игры Данильченко Харьков

Misdaad is oorlog! s? konsultant

In ‘n opspraakwekkende artikel in ‘n Johannesburgse dagblad het die bekende konsultant en veranderingsdeskundige, dr. Bertie du Plessis, beweer dat Suid-Afrika so te sê in ‘n militêre konflik of "laegraadse burgeroorlog" verkeer. Hy meen "die polisie gaan ons nie regtig help nie" en doen aan die hand dat lede van die publiek moet saamwerk om mekaar teen die aanslag te beskerm.

Meningitisepidemie tref Oeganda

Nog ‘n dag, nog ‘n epidemie

‘n Dodelike meningitisepidemie het in die noordwestelike gebiede van Oeganda uitgebreek.

Woensdag het gesondheidsowerhede in Kampala bekend gemaak dat reeds 38 mense uit die 930 gevalle wat aangemeld is, oorlede is.

Dié syfer het intussen na 67 gestyg, nadat bykans 1 700 gevalle Vrydag opgeteken is.

Ronald Ocaatre, gesondheidsafgevaardigde van Arua in die noorde van die land het Vrydagoggend gesê dat die 1 672 gevalle wat in klinieke aangemeld is, waarskynlik nie al die mense wat deur die epidemie geraak word insluit nie.

Hy het bygevoeg dat dat daar sekerlik al meer as ‘n honderd mense gesterf het aan die uitbraak omdat “heelwat persone verkies om tradisionele wyse dmv plante behandel te word”

‘n Inentingsprogram is van stapel gestuur en daar word beoog om 400 000 mense in die betrokke gebiede teen dié siekte wat spoedige behandeling vereis, in te ent.