Volgens die VN se Voedsel en Landbou-organisasie het groot tenders deur die Filippyne op die internasionale mark die prys van rys onlangs met 76% laat styg.
Maar die probleem van hoë ryspryse betrek nie net die Filippyne nie. Die wêreld het oor die afgelope vyf jaar meer voedsel verbruik as wat dit geproduseer het. Globale rysvoorrade het reeds gedaal tot op die vlak van 1976.
Die waarde van rys het so baie gestyg dat sekere boere in Thailand begin het om in hul rysvelde met haelgewere te kampeer om rysdiewe te stuit. Verskeie groot rysproduserende volke, soos Kambodja, Viëtnam, Egipte, Indië, Pakistan en China, het reeds die uitvoer van rys beperk of verbied ten einde voedselsekerheid vir hul eie mense te verseker.
'n Verbasende 81 persent van Suid-Afrikaanse kinders tussen die ouderdomme van 13 en 17 het al pornografiese beelde op hul vriende se selfone gesien.
Die vakbondkonfederasie Cosatu het gister beswaar gemaak teen die veiligheidswagte bekend as Rooimiere wat twee stakende werkers aan die Oosrand geskiet en in die bene gewond het.
'n Amptenaar van die Onafhanklike Verkiesingskommissie is in Durban se Umlazi-buurt oor die naweek doodgeskiet.
Eskom het aangekondig dat beurtkrag steeds moontlik is maar dié winter net in 'n noodgeval gebruik sal word.