Tolhekke op die N4-snelweg in Mpumalanga gaan dalk nie van vandag af beman word nie.
Lede van Satawu, die South African Transport and Allied Workers Union, gaan oor looneise staak.
Onderhandelings oor loonverhogings met die werkgewer Trac, Trans African Concessions, was glo nie suksesvol nie.
Mense wat die stakers goedgesind is, wil ook Woensdag na die tolhek tussen Middelburg en Witbank opruk.
Vusi Ntshangase, provinsiale Satawu-sekretaris, het aan Beeld gesê hulle beplan nie om die hekke of paaie te versper nie, “maar omdat simpatiseerders by ons kan aansluit, kan ons geen versekering gee dat motoriste nie ontwrig sal word nie”.