Kleinhandelverkope het skerp gedaal in Augustus, het Statistieke Suid-Afrika, SSA, Woensdag gesê.
Volgens die SSA het kleinhandelverkope met 7% jaar-tot-jaar in Augustus gedaal in vergelyking met ’n hersiene 4,1%-inkrimping in Julie.
Ekonome het Woensdag se skerp daling glad nie verwag nie.
“Dit is ’n skok en dit wys dat verbruikersbesteding onder groot druk is,” het Mike Schüssler, ekonoom van Economists.co.za, gesê .
“Hou ook in gedagte dat mense teen die einde van Julie en die begin van Augustus moes opdok vir ’n verhoogde elektrisiteitsprys.
“Dit het ’n negatiewe uitwerking op kleinhandelverkope gehad en ’n blik gegee op wat volgende jaar gaan gebeur wanneer ons ’n groter elektrisiteitsverhoging van 45% kan kry,” het hy gesê.
Schüssler het gesê Suid-Afrika is steeds in die midde van ’n resesssie ondanks rentekoerse wat verlaag is.