Altesame 91% van dokters wat lede van die SA Medical Association, Sama, is en aan ’n aanlynopname deelgeneem het, het die regering se salarisaanbod verwerp, het Sama Dinsdag gesê.
Van die 2 484 dokters wat in die aanlynopname gestem het, het 223 die beroepspesifieke aanbod van die regering aanvaar. Altesame 2 261 het dit verwerp.
Gesprekke tussen vakbonde en die regering duur voort. Sama beplan tans om ’n arbeidskenner te raadpleeg oor alternatiewe in terme van die reg.
Sama het meer as 7 000 lede.