Statistiek Suid-Afrika het ‘n verslag vrygestel oor die top 10 grootste oorsake van sterftes in Suid-Afrika, wat gebaseer is op doodskennisgewings wat deur die Departement van Binnelandse Sake bygewerk word.
Die voorste oorsake van natuurlike sterftes onder Suid-Afrikaners in 2015 was tuberkulose en diabetes.
Tuberkulose is verantwoordelik vir 8,3 persent van sterftes onder mans, terwyl diabetes onder vroue die voorste onderliggende natuurlike oorsaak van dood verantwoordelik is met 7,1 persent.
Tuberkulose word dikwels geassosieer met MIV/vigs. ‘n Aansienlike vermindering in die aantal sterftes aan tuberkulose is nogtans waargeneem, maar leefstylsiektes soos diabetes is aan die toeneem.
Die data wat gebaseer is op rekords van 2015, het bevind dat die grootste aantal sterftes wat daardie jaar plaasgevind het, onder mense tussen die ouderdomme van 60-64 jaar oud was, terwyl die laagste getal waargeneem is tussen die ouderdom van 5-9 en 10-14 jaar.
Volgens die verslag, was daar meer manlike sterftes as vroulike sterftes in 2015. Oor helfte van alle sterftes (55.5 persent) is toe te skryf aan nie-oordraagbare siektes.
Oordraagbare siektes is verantwoordelik vir 33,4 persent van sterftes, terwyl beserings die leidende geval van nie-natuurlike sterftes is, en verantwoordelik vir 11.1 persent van sterftes.
Die instelling se resultate het getoon dat ses van die top tien oorsake weens nie-aansteeklike siektes was, terwyl die ander vier aansteeklike siektes was.
Feit.
Sterftes aan VIGS word verdoesel.
Forensiese/anatomiese pataloë is toegegooi onder VIGS-hope.
Die administrasie/verslae verbonde aan n ‘korrekte’ diagnose is uiters tydrowend.
Vandaar word die uitweg gekies om eerder tering/longontsteking as oorsaak van dood, sodanig te notuleer.
Blindesambok aka ‘slow puncture’ is om van te jubel.
Hoewel ek steeds ‘n mondmasker in die publiek aanbeveel.
Ek vertrou nie die statistieke nie.
As n helfte van suid-Afrikaners sterf moet dit hier in die omgewing van 25 miljoen wees of verstaan ek nou iets verkeerd.
Dis die helfte van sterftes, dis nie die helfte van die bevolking nie. As dit maar was.
Dankie G,dit maak dit meer verstaanbaar maar die opskrif hierbo stel dit nie so nie of hoe.
Ekskuus ek soek nie n argument nie, ek voel net die woordgebruik is verwarrend vir my.
Lies, damned lies and statistics.