’n Werker van ’n natuurreservaat in Mpumalanga is gister deur ’n hiëna aangeval en doodgemaak.
Mnr. John Khoza (39) was besig om in ’n kamer by die Inyathi Sabi Sand-natuurreservaat televisie te kyk toe die hiëna toegeslaan het.
Die reservaat is naby die Krugerwildtuin.
Supt. Abie Khoabane het gesêdie hiëna is waarskynlik soontoe gelok deur vleis wat daar gaargemaak is.
Veiligheidswagte het die hiëna met sambokke verwilder, maar Khoza was reeds dood, het Khoabane gesê.
Die hiëna is later deur ’n wildbewaarder doodgeskiet.