Die liggaam van 'n vrou wie se kar weggespoel is by 'n brug in Vanderbijlpark is by die Vaaldam gevind, het ER24 Woensdagaand gesê.
'n Man in 'n boot het die liggaam omstreeks 10-uur die aand gevind by 'n punt waar die rivier in die dam inloop … omtrent 'n kilometer van die ongelukstoneel af," het woordvoerder Werner Vermaak gesê.
Die vrou het vermis geraak toe die motor waarmee sy en haar man omtrent 6-uur die aand weggespoel is. Die twee het oor 'n rivier gery toe die ongeluk gebeur het.
Die man is lewendig gevind deur reddingswerkers kort ná die ongeluk, waar hy langs die motor "vir lewe en dood vasgehou het".
Die man het aan paramedici gesê dat sy vrou uit die kar geval het en dat sy êrens stroomaf is.
Die man is vir skok en hipotermie behandel.