Suid-Afrika se mielieprys het Maandag sy rekord opwaartse kurwe in 2016 voortgesit.
Te midde van toenemende kommer oor die droogte en die swak rand, raak die druk op voedselvoorsiening al hoe groter.
Die Maart-kontrak vir witmielies, swart landelike inwoners se stapelvoedsel, was 2,6 persent duurder op ‘n rekordprys van R4781.00 per ton.
Dieselfde termynkontrak vir geelmielies het met 1,8 persent tot R3677.00 per ton gestyg.
Die Minister van Landbou, Bosbou en Visserye, Senzeni Zokwana sê indien die droogte aanhou, kan die land gedwing word om teen Mei of Junie mielies in te voer.
‘n Landbou-ekonoom Johan Willemse, verbonde aan die Universiteit van die Vrystaat, het gesê die winteroes is 5 miljoen ton minder as wat nodig is.
“Dit is ‘n ernstige situasie … die prys van witmielies het reeds verdubbel. Nog ‘n probleem is dat in 2016-2017 sal daar nie genoeg witmielies wees nie. Mense sal nie genoeg kos hê nie en mieliemeel sal duurder wees,” sê Willemse .
“Boere sit met groot verliese. Hulle kan nie krediet kry om nuwe gewasse aan te plant nie sodat ons met die risiko opgesaal word om ‘n invoerder van graan te word”.
Suid-Afrika het reeds verlede jaar witmielies van Zambië en Meksiko ingevoer.
Die verlede se samesweringteorie word nou onrusbarende waarheid.DROOGTE,HONGERSNOOD,PES en n Bevolkings uitwissing van skokkende afmetings.
Die landbouers sal ook nie uit die stygende prysverhoging voordeel trek nie, dit gaan na die middelman toe wat ons almal gevange hou.